Vakorinto Va Ku Sungula
8 Ka mhaka ya swakudla leswi nga phahleliwa swikwembu,*+ ni mi tsalela ni ku: Ha swi tiva swaku hinkwerhu ha yi tiva mhaka leyi.+ Phela wutivi li yendla munhu a tibyela, kambe lirhandzu la yaka.+ 2 Loko munhu a pimisa swaku a tiva xanchumu, a nge se xi tiva hi ndlela leyi a faneleke a xi tiva hi yona. 3 Kambe loko munhu a rhandza Xikwembu, wa tiviwa hi xona.
4 Loko swi ta ka mhaka ya ku dla swakudla leswi phahleliwaka swifaniso, ha swi tiva swaku xifaniso xa mavunhwa a hi xa nchumu+ misaveni ni leswaku ku ni Xikwembu xin’we ntsena.+ 5 Hikusa hambileswi ku nga ni lava vitaniwaka swikwembu atilweni kumbe amisaveni,+ ku fana ni leswi ku nga ni “swikwembu” swa swinyingi ni “tihosi” ta tinyingi, 6 ka hina ko va ni Xikwembu xin’we ntsena,+ ku nga Papayi,+ lweyi minchumu hinkwayu yi humaka ka yena+ naswona hina hi lumbaka yena, ni Hosi yin’we ntsena, ku nga Yesu Kreste, lweyi a nga tirhisiwa swaku ku yendliwa minchumu hinkwayu,+ ni ku tlhela a tirhisiwa swaku a hi yendla.
7 Kambe a hi vanhu hinkwavu va swi tivaka leswi.+ Kambe van’wani, hi mhaka ya leswi a va gandzela swikwembu, loko va dla swakudla leswi nga phahleliwa swikwembu,+ va pimisa swaku vo gandzela xikwembu* xa mavunhwa, kutani leswi lipfalu la vona li kalaka li nga tiyanga la va ba.*+ 8 Kambe a hi swakudla swi nga hi tshinetaka ka Xikwembu;+ a hi luzi nchumu loko hi nga dli, ni loko hi dla a hi ganyi nchumu.+ 9 Kambe tivoneleni swaku mfanelo ya n’wina ya ku tilangela yi nga vi ribye la ku wisa* lava kalaka va nga tiyanga.+ 10 Hikusa loko wena u tivaka wo voniwa hi mun’wani na u dla swakudla ka tempele ya swifaniso swa mavunhwa, a wu nga ta yendla swaku lipfalu la munhu lweyi a kalaka a nga tiyanga li mu yendla a tiyela ku dla swakudla leswi nga phahleliwa swikwembu? 11 Phela makwenu lweyi a kalaka a nga tiyanga lweyi Kreste na yena a nga mu fela, wa mbomba hi mhaka ya ku tiva ka wena.+ 12 Loko mi djohela vamakwenu hi ndlela leyi kutani mi vavisa lipfalu la vona la ku kala li nga tiyanga,+ mi djohela Kreste. 13 Se loko swi ku swakudla swi wisa makwerhu, a ni nge he tshuki ni dla nyama leswaku ni nga wisi makwerhu.+