Mareferensiya ya Xibukwana xa Mintlhanganu ya Mahanyelo ni Ntirho
6 KUYA KA 12 KA JULHO
XUMA XINGA KA RITO LA XIKWEMBU | EKSODA 6-7
“Utaswi Vona Leswi Ningataswi Yendla ka Faro”
it-3 paj. 16 par. 7
Moxe
Kuve ni kutxintxa a Israyele, akusunguleni ava pfumelile leswi Moxe angava byela swona kambe loko Faro ava tikisele wutomi va nyike nandzu Moxe se yena swi mu heta ntamu a kombela kupfuniwa ka Yehovha. (Eks 4:29-31; 5:19-23) Hi nkama wolowo, Yehovha amu tiyisile hi kumu byela swaku aata hetisisa leswi aswi tsembise va vhovho va yena, kunga Abrahamu, Izaki na Yakobe, leswaku aata va nyika tiko leli tsembisiweke. (Eks 6:1-8) Hambileswi anga va byela, Vayisrayele ava mu yingisanga. Hi kufamba ka kama, loko se va vona khombo la wu 9 va sungule kutxintxa la ka kuva loko se kuhundze khombo la wu 10, swi vevuka swaku Moxe ava hlengeleta ava humesa aGibita nava hlelekile ingi hiloko vaya anyimpini. — Eks 13:18.
it-3 paj. 16 mapar. 5-6
Moxe
Loko Vali ka Faro. Yehovha atirhise Moxe na Aroni swaku alwa ni swikwembu swa Gibita, na yena Faro atirhise vaprista va yena va valoyi lava varhangeli va vona swinga yendlekaka akuli Yani na Yambri (2Tm 3:8) leswaku a vitana swikwembu hinkwaswu swa Gibita swaku swita lwa na Yehovha. Hlori la kusungula leli Moxe anga pfuna Aroni swaku ali yendla li tlakuse Yehovha li tlhela li kombisa swaku swikwembu swa Gibita ahi swa nchumu. Hambileswo, Faro a tame a womisa nhloko. (Eks 7:8-13) Hi kufamba ka kama loko kuve ni khombo lawunharhu nambi hi vaprista va Gibita va boheke kupfumela va ku: “I litiho la Xikwembu!” Phela vaprista lava va game va biwa hi marhumba la ka kuva va tsandzeka kuya ka Faro swaku vaya vonana na Moxe. — Eks 8:16-19; 9:10-12.
Leswi makhombo manga swi vanga. Moxe na Aroni hi vona lava ava tivisa makhombo ya 10 lawa ama yendleka futshi ama yendleka hilaha vanga tivisa hakona leswi kombisaka swaku ava nyimela Yehovha. Vito la Yehovha se ali tiveka aGibita, phela vanhu hinkwavu se ava vulavula hi lona leswo swi rhulise timbilu ta Vayisrayele ni vaGibita van’wani kambe swi yendle leswaku Faro ni vaseketeli va yena vaya va tiwomisa tinhloko. (Eks 9:16; 11:10; 12:29-39) Vagibita ava zanga va pimise swaku hi vona vanga kwatisa swikwembu va vona hikusa ava swi tiva swaku i Yehovha lweyi aaswi avanyisa. Loko se kuhundze khombo la wu 9, Moxe “se a ahloniphiwa hintamu ka tiko la Gibita, hi vatirhi va Faro ni hi vanhu hinkwavu.”. — Eks 11:3.
Lavetela Xuma ka Rito la Xikwembu
it-3 paj. 723 mapar. 6-7
Wa Matimba Hinkwawu
Loko Yehovha a tshembisa Abrahamu swaku a atava ni n’wana kunga Isaki a te, hi mina “Xikwembu xa Matimba Hinkwawu” (ʼEl Shad·daiʹ). Leswaku Abrahamu a kholwa ka xitshembiso lexi, a afanele a tiyiseka swaku Yehovha ana wona matimba ya kuxi hetisisa. Kusukela kolano, swaku Xikwembu xa Matimba Hinkwawu aswi tirhisiwa, loko kuvulavuliwa hi Xikwembu lexi axita katekisa Izaki na Yakobe. — Gn 17:1; 28:3; 35:11; 48:3.
Hi mhaka leyo, hi kufamba ka nkama Yehovha a byele Moxe a ku: “Ani hamba ni humelela ka Abrahamu, Izaki na Yakobe ni li Xikwembu xa Matimba Hinkwawu, kambe aniva tlhamuselanga hi kuhelela vito la mina lelinge Yehovha.” (Eks 6:3) Leswi aswi vuli swona swaku vavanuna lava avangali tivi vito la Yehovha, hikusa vona ni van’wana vali tirhisile makhambi ya kutala. (Gn 4:1, 26; 14:22; 27:27; 28:16) Ka buku la Genesa, rito lelinge: “Wa Matimba Hinkwawu”, Li kumeka ka 6, kasi vito lelinge Yehovha li tsaliwe ka makhambi ya 172 ka matsalwa ya Xiheberu ya Khale. Hambileswi vavanuna lava avaswi tiva swaku Yehovha ani matimba, avangaswi tivi hi kuhelela swaku vito lelinge Yehovha li vula yini. Ka mhaka leyi, a dicionário lin’wana leli vulavulaka hi Bibele li vula leswi: “Leswi Yehovha a atshembise vavanuna lava leswi a ataswi yendla ka nkama lowu taka, a kulaveka ava tiyisekisa swaku ataswi yendla leswi aswi tsembisaka.” — Li yendliwe hi J. D. Douglas hi 1980.
it-3 paj. 16 par. 2
Moxe
Hambileswi Moxe aani tingana, Yehovha anga tshikanga kumu tirhisa. Moxe a kombise swaku ani tingana hi kuvula swaku angaswi koti kuvulavula kahle. Phela se a txintxile, akungaha li yena Moxe lweyi hi kutisungulela anga tinyikela swaku a ponisa a Vayisrayele ka 40 wa malembe lamanga hundza. A tame a kombela Yehovha swaku angamu rhume, hambileswi Yehovha a anga tsaki hi xikombelo lexo, anga tsikanga kumu rhuma Moxe naswona amunyike Aroni swaku ava muvulavuleli wa yena. Leswi Moxe a nyimela Xikwembu, ave Xikwembu ka Aroni hikusa Aroni a nyimela Moxe. Ka ntlhanganu lowu vanga gama va va na wona ni madoda ya Vayisrayele ni nkama vanga kumana na Faro, swi tikomba ingi Xikwembu axi nyika Moxe minawu se yena ayi byela Aroni, se Aroni a byela Faro. (Eks 2:23; 4:10-17) Hi kufamba ka nkama, Yehovha avule leswaku Aroni i muprofeta wa Moxe leswi vulaka swaku leswi Moxe a kongomisiwa hi Yehovha hi leswi ali muprefeta wa yena, na yena Aroni a fanele kongomisiwa hi Moxe naswona Yehovha a byele Moxe swaku atava Xikwembu ka Faro hi mhaka leyo aanga fanelanga amu chava. — Eks 7:1, 2.
13 KUYA KA 19 KA JULHO
XUMA XINGA KA RITO LA XIKWEMBU | EKSODA 8-9
“Faro Lweyi wa Kutibyela a Yendle Leswi Xikwembu Axiswi Lava na Angaswi Voni”
it-3 paj. 117 par. 2
Kutiwomisa Nhloko
Kusukela khale Yehovha ava lehisela mbilu vanhu lava vamu yendleka swa kubiha hambileswi va faneliwaka hi kufa. (Gn 15:16; 2Pe 3:9) Hambileswi vanhu van’wana vanga hundzuka swaku va kombiwa lirhandzu hi Yehovha (Yx 2:8-14; 6:22, 23; 9:3-15), van’wana va tiwomise tinhloko naswona a valwa ni tiko la xona. (Dt 2:30-33; Yx 11:19, 20) Yehovha anga va siveli vanhu swaku va tiwomisa tinhloko, se hi mhaka ya kutiwomisa ka vona tinhloko Yehova a gama ava dlaya swaku a kombisa matimba ya yena ni leswaku vito la yena li dzunisiwa. — Ringanisa Eks 4:21; Yh 12:40; Rhm 9:14-18.
it-2 paj. 397 mapar. 1-3
Wubihi
Mikama yin’wana Yehovha a yendla leswaku valala va yena va hetisisa swikongomelo swa yena na vanga swi voni. Hambileswi va lwisanaka na Yehovha yena anga swi kota kuva tirhisa leswaku a vhikelela malandza ya yena swaku ma tshama ma tshembekile ni kutirhisa valala va yena leswaku a kombisa kululama ka yena. (Rhm 3:3-5, 23-26; 8:35-39; Ps 76:10) Leswo hinga swi vona ka Swivuriso 16:4 leyinge: “Yehovha a yendle hinkwaswu swaku kuhetiseka kurhandza ka yena, hambi vanhu va kubiha, ava yendlele siku la kubiha.”
Xin’wana xa swikombiso swa mhaka leyi, i Faro lweyi Yehovha angamu byela hi kutirhisa Moxe na Aroni leswaku a chunsa Vayisrayele. Ahi Xikwembu xinga yendla leswaku Faro a tiwomisa nhloko kambe ximu tsike a hanya xi thlela xi yendla leswaku kuva ni swiyimo leswi swinga yendla leswaku a kombisa swaku i munhu wa kubiha lweyi a faneliwaka hi lifu. Leswo hi swi vona ka Eksoda 9:16 leyinge: “Phela nize niku tshika u hanya hi mhaka ya kulava kuku komba matimba ya mina ni leswaku vito la mina li tivisiwa amisaveni hinkwayu.”
Makhombo ya 10 lawa manga wela aGibita, kupatsa ni kudlayiwa ka Faro ni masochwa ya yena ka lwandle la kupsuka, swi kombise matimba lamakulu ya Yehovha. (Eks 7:14–12:30; Ps 78:43-51; 136:15) Kuhundze malembe ya kutala na matiko ya ku hambanahambana ma ha vulavula hi mhaka leyi naswona vito la Xikwembu aliya li dzunisiwa amisaveni hinkwayo. (Yx 2:10, 11; 1Sa 4:8) Loko Yehovha aayo tekela kudlaya Faro aswi tava swi nga kotekanga kukombisa matimba ya yena ni kuyendla leswaku vito la yena li dzunisiwa.
Lavetela Xuma ka Rito la Xikwembu
it-3 paj. 33
Mabawa
Aswi tiveki hi kukongoma swaku i mpsini leswi swinga hlasela vaGibita ka khombo la wu 4 leli Vayisrayele vanga huluka ka lona. (Eks 8:21, 22, 24, 29, 31; Ps 78:45; 105:31) A rito la Xiheberu lelinge, ‘A rovʹ, li tolovela kuhundzuluxeliwa hi tindlela ta ku hambanahambana na li kombetela ka swifufunhunu, tinhongani ni timimpfi.
A rito leli hundzuluxiweke liva “mabawa” lingaha patsa swiharhaharhana swa kufana ni tinyoxi ni timipfi. A leswi swa xisati swa kona swi luma vanhu ni swiharhi swi tlhela swi psompsa ngati, swin’wana swa swona loko swaha li switsongo swi tsama ka muzimba wa vanhu ni swiharhi. Kambe leswi swa kulumana swi kumeka ka matiko lawa kuhisaka ngopfu. Hi mhaka leyo, hingaku khombo leli li tise kuhlupheka ka kukulu ka vaGibita ni swiharhi swa vona hinkwaswu futshi swinga yendleka van’wana va file hi mhaka lona.
w04 15/3 paj. 25 par. 9
Tipontunkulu ta Buku la Eksoda
8:26, 27 — Hi mhaka muni Moxe a vule swaku magandzelo ya Vayisrayele a ma tava lawa ma nyenyetsaka ka vaGibita? Hi mhaka a Gibita a kugandzeliwa swiharhi swa ku hambanahambana. Hi mhaka leyo, kuva Moxe a vulavule hi kuyendlela Yehovha magandzelo swi yendle leswaku mhaka ya yena ya kuhumesiwa ka Vayisrayele yiya yi twisiseka.
20 KUYA KA 26 KA JULHO
XUMA XINGA KA RITO LA XIKWEMBU | EKSODA 10-11
“Moxe na Aroni Va va ni Xivindzi”
w09 15/7 paj. 20 par. 6
Chumayela na Unga Chavi Kufana na Yesu
Pimisa hi xivindzi lexi Moxe anga xi kombisa loko a vulavula na Faro, phela hosi leyi aaya vulavula na yona, ayingo nyimela swikwembu kambe yona hi yoxe ayili xikwembu n’wana wa xikwembu xa dlambu lexi vito la xona kunga Ra. Kufana ni vaFaro van’wana lava ava gandzela swifaniso swa vona, swinga yendleka na yona hosi leyi ayi gandzela xifaniso xa yona. Loko Faro aza a vula nchumu axinga txintxiwi hi mhunu, phee Faro aali hosi ya matimba leyi ayi tibyela futshi ayinga swi tolovelanga kubyeliwa swilo swaku yi swi yendla. Phela kuve wanuna yelweyo lweyi Moxe anga famba ka yena hi kuphindaphinda na anga zanga hi kuvitaniwa hi munhu aya mu byela hi makhombo ni kutshika vanhu va vanyingi va famba vangahali swikarawa. Hikakunene leswo aswi lava xivindzi. — Tinhl. 12:3; Hev. 11:27.
it-3 paj. 17 par. 1
Moxe
A kulaveka xivindzi ni lipfumelo swaku vaya ka Faro. Muxe na Aroni va kote kuya vulalula na Faro hi ku pfuniwa hi matimba ya Yehovha. Pimisa hi leswi yindlo ya wuhosi ya Faro ayi tshamise xiswona. Phela Faro aali hosi ya yikulu amisaveni hinkwayu, hi nkama lowuyani ndhawu liyani ayi hlawulekile, a kuna Faro lweyi a ativona ali xikwembu a rendzeliwe hi va tsundzuxi va yena, vakomandanti va yena va nyimpi, varindzi ni swikarawa. Handle ka vanhu lavo, a kuli ni varhangeri va wukhongeli ni vaprista va wuloyi lava tiyimisele kulwa na Moxe. Phela vavanuna lava na vona a va lawula ka mfumu wa Faro, vavanuna lava hinkwavo ava nyima na Faro a kutlakuseni ka swikwembu swa vaGibita. Moxe na Aroni vaye ka Faro hi kuphindaphinda hikusa Faro aaya a tiwomisa nhloko. Kambe hi mhaka muni aya a tiwomisa nhloko? Hikusa aanga lavi leswaku swikarawa swa yena swa vaHeberu swi famba, leswo swi yendle leswaku a nkama lowu vangaya vaya tivisa nkombo lawu 8 vava hlongola kasi ka nkombo lawu 9 vava hlongolile vatlhela vava tshembisa swaku loko vo tlhela va vuya va ta dlayiwa. — Eks 10:11, 28.
Lavetela Xuma ka Rito la Xikwembu
w95 1/9 paj. 11 par. 11
Timboni Leti Lwaka ni Swikwembu swa Mavunhwa
Loko Vayisrayele vali Gibita, Yehovha a rhume Moxe ka Faro a ku: “Se Yehovha a byela Moxe a ku: “Famba ka Faro, hikusa mina ni nonon’hwise mbilu ya yena ni timbilu ta malandza ya yena, leswaku ni ta veka swikombiso swa mina ka yena,ni leswaku u ta vula atindleveni ta vana va wena ni vana va vana va wena ndlela leyi ni twiseke Gibita kuvava ha yona ni swikombiso swa mina leswi niswi yendleke ka vona; kunene mita tiva leswaku hi mina Yehovha.” (Ekso. 10:1, 2). Vayisrayele lava ava yingisa ava kontarela vana va vona swilo leswi Yehovha angaswi yendla. Vana lavo na vona ava kontarela vana va vona leswi aswi yendleka ka switukulwana hinkwaswu. Leswo aswi yendla leswaku swilo hinkwaswu leswi Yehovha angaswi yendla swi ya swi khumbukiwa. Ni namuntlha vapsali va fanele va dyondzisa vana va vona hi Yehovha. — Deteronoma 6:4-7; Swivuriso 22:6.
it-2 paj. 79 par. 2
Eksoda
Se hi matimba lamakulu lawa Yehovha anga ma tirhisa atlakuse vito lakwe ni kutlhela a humesa Vayisrayele. Loko se ava humesile ka lwandle la kupshuka, Moxe a kongomise Vayisrayele leswaku va yimbelela lisimu, kasi makwavo wa yena Meriamo, a teke xingomane, a kongomisa Vayisrayele va xisati va yimbelela na va txina. (Eks 15:1, 20, 21) Vayisrayele se va hambanisiwile hi kuhelela ni valala va vona. Yehovha anga pfumelanga leswaku Vayisrayele va hlupheka kumbe kuva ni xiharhi lexinga va chavisa. (Eks 11:7) Hambileswi buku la Eksoda li kalaka linga vuli swaku Faro anghenile ka lwandle la kupshuka kutani a lovisiwa, Tipisalema 136:15 yi vula swaku Yehovha ‘a wise Faro ni masochwa ya yena ya nyimpi ka Lwandle la Kupshuka’.
27 KA JULHO KUYA KA 2 KA AGOSTO
XUMA XINGA KA RITO LA XIKWEMBU | EKSODA 12
“Leswi Paxkwa li Nyimelaka Swona ka Vakreste”
w07 1/1 paj. 20 par. 4
U Fanele U Tsaka hi Kuhelela
Yesu a fe hi 14 ka Nisani hi 33 C.E., siku leli hi lona leli Vayisrayele vanga yendla nkhuvo wa paxkwa hi lona. Lembe ni lembe, mindjangu ya Vayisrayele ayi lungheselela swakundla leswi aswi patsa xinyempfana lexi kalaka xinga limalanga. Hi kuyendla leswo, ava khumbuka leswi ngati ya xinyempfana yinga va ponisisa xiswona vana va mativula vava Vayisrayele hi siku la 14 ka Nisani hi 1513 A.E.C., a nkama ntsumi yinga ndlayetela vana va mativula va vaGibita. (Ekso. 2:1-14) Xinyempfana xa paxkwa a xi nyimela Yesu lweyi mupostola Paulo anga te: ‘Hikusa Kriste, lweyi anga Xinyempfana xa hina xa Paxkwa, atlhaviwile.’ (1 Kor. 5:7) Kufana ni ngati ya xinyempfana ngati ya Yesu leyinga dibiwa yi ponise vanhu va kutala. — Yoh. 3:16, 36.
it-3 paj. 181 par. 5
Paskwa
Swin’wana leswi aswi yendleka ka paxkwa swi hetiseke ka Yesu. Xin’wana xa swona kuve kuhuluxiwa ka vana va matevula va Vayisrayele hi ngati leyinga cheliwa ka tiyindlo. Loko Pawulo a vulavula hi vatotiwa a te i bandla la vana va mativula. (Hv 12:23) Kasi loko a vulavula hi Yesu a te a va ponisile hi ngati ya yena. (1Te 1:10; Ef 1:7) Kufana ni leswi xinyempfana xa paxkwa axinga tshoviwi marhambu, kuprofetiwe leswaku na yena Yesu ali kona Rhambu ni linwe leli ali ta tshoviwa, leswo swi hetisekile loko a dlayiwa. (Ps 34:20; Yh 19:36) Se a paxkwa leli ali dliwa hi vaYuda malembe ya kutala ali nyimela leswi aswita yendlekela Yesu Kreste, “xinyempfana xa Xikwembu”. — Hv 10:1; Yh 1:29.
w13 15/12 paj. 20 mapar. 13-14
Siku leli lita va xikumbukiso
Hi kufamba ka nkama, vapsali avata djondzisa vana va vona tidjondzo ta lisima hi Yehovha. Yi’nwe ya kona i swaku Yehovha wa swi kota kuvhikela lavamu gandzelaka nakambe avata tlhela va djondzisa vana va vona swaku Yehovha i Xikwembu lexi hanyaka naswona xini mhaka ni vanhu va xona. Leswo xi swi kombisile loko xi ponisa mativula ya Vayisrayele loko xi tisa khombo ka vaGibita.
Namutlha vapsali lavanga Vakreste a vava tlhamuseli vana va vona leswi paxkwa livulaka swona lembe ni lembe. Hambileswo loko uli mupsali, indje wa va djondzisa vana va wena leswaku Xikwembu xava vhikela vanhu va xona? Vana va wena vaswi vona leswaku wa kholwa swaku Yehovha i muvhikile wa hikakunene? (Pis. 27:11; Esa. 12:2) Kuhambana ni kuva vekela wukaneli, indje u djondzisa vana va wena hi kutirhisa mabulu ya kutsakisa? Zama kutirhisa djondzo leyi leswaku u pfuna ndjangu wa wena wuya wu kulisa wunganu la wona na Yehovha.
Lavetela Xuma ka Rito la Xikwembu
it-3 paj. 180 par. 1
Paxkwa
A 10 wa makhombo lawa manga humelela Gibita ama kombisa swaku swikwembu swa Gibita ahi swa nchumu, ngopfu-ngopfu lawu 10, la kudlayiwa ka vana va mativula. (Eks 12:12) Ka xikwembu lexi vitaniwa Ra, xinyempfana akuli xiharhi xa kukwetsima. Hi mhaka leyo, kucheletela ngati ka minyanghwa a kutava xirhuku ka vaGibita. Handle ka leswo, homu akuli xiharhi xa kukwetsima. Naswona a kudlayiwa ka mativula ya tona a kuta danisa xikwembu lexi axi vitaniwa Osiris. Faro hi yexe a avoniwa ali n’wana wa xikwembu lexi axi vitaniwa Ra. Hi mhaka leyo, kufa ka mativula ya Faro aswita kombisa swaku yena ni xikwembu xa yena Ra ahi va nchumu.
it-1 paj. 543 par. 7
Kongresu
Xin’wani lexi axi yendla swaku makongresu ya kukwetsima mava ya kuhlawuleka, hileswi ka wona vanhu avanga fanelanga va yendla mintirho ya kutika. Hi Xikombiso, hi siku la kusungula ni siku lawu 7 ka Fexta la mapawu ya kukala fermento akuli makongresu ya kukwetsima. Yehovha aate akuna ntirho lowunga ta yendliwa ka masiku lawa. Ntsena avato lunghisa leswi mun’wana ni mun’wa angata lava kuswi dla. (Eks 12:15, 16) Hambileswo, ka makongresu lawa ya kukwetsima, vaprista ava khomekile hi kunyikela magandzelo ka Yehovha. (Lv 23:37, 38) Leswo akungali kutlula nawu, lowu awu vula swaku ava fanelanga va yendla mintirho ya kutika. Swiyendlakalo leswi aswinga yendli vanhu swaku va lolohwa, kambe aswiva pfuna kukulisa wuxaka la vona na Yehovha. Hi Masavata vanhu ava tlhangana swaku vata gandzela ni kudjondzisiwa. Kufana ni leswi aswi yendlisiwa xiswona aMasinagogeni hi kufamba ka nkama ava tiyisiwa hi kulerhiwa ni kutlhamuseliwa ka rito la Xikwembu. (Min 15:21) Hambileswi vanhu avanga yendli mintirho ya kutika hi Masavata ni hi masiku ya makongresu ya kukwetsima, ava tinyiketela kukhongeleni ni kupimisa hi xikongomelo xa Yehovha. — Vona ASEMBLEYA.