Lifu La Yesu Li Hi Ponisisa Ku Yini?

Hina vanhu ha djoha, hi hlupheka hi tlhela hi fa hi mhaka leswi Adamu na Evha va kalaka va nga xi yingisanga Xikwembu.a Kambe hinkwaswu leswo swi ta hela hikusa Yehovha a rhumele N’wana wa yena Yesu Kreste lani misaveni swaku a ta hi fela kuva a hi ponisa ka xidjoho ni lifu. Bibele li djondzisa swaku lifu la Yesu li ve nkutsulu ka hina. Kasi i yini nkutsulu? Nkutsulu i male leyi hakeliwaka leswaku ku ponisiwa munhu. Yesu a hakele hi wutomi la yena la ku kala xidjoho. (Lerha Matewu 20:28.) Leswi Yesu a nga psaliwa na a nga na xidjoho a a ta hanya wutomi la ku kala li nga heli lani misaveni kambe hi ku swi rhandza a pfumele ku dlayiwa swaku hi tlhela hi kuma hinkwaswu leswi Adamu na Evha va nga swi luza. Nakambe hi ku yentxa leswo a tlhele a kombisa swaku yena na Yehovha va hi rhandza hintamu. Djondzo leyi yi ta ku pfuna swaku u ya u li khensa hintamu lifu la Yesu.

1. Lifu la Yesu li nga hi pfunisa ku yini namuntlha?

Leswi hi nga vadjohi hi yentxa minchumu ya yinyingi leyi yi mu kwatisaka Yehovha. Hambileswo, loko hi tisola ka swidjoho swa hina hi tlhela hi kombela swaku a hi rivalela hi vito la Yesu Kreste naswona hi zama ku kala hi nga swi phindhi, hi nga va vanghanu va vakulu va Xikwembu. (1 Yohani 2:1) Bibele li li: “Kreste munhu wa ku lulama, a fe kan’we ntsena a fela swidjoho swa lava kalaka va nga lulamanga; a yentxe leswo leswaku a mi yisa ka Xikwembu.” — 1 Pedru 3:18.

2. Lifu la Yesu li ta hi pfunisa ku yini ka nkama lowu wu taka?

Yehovha a rhumele Yesu swaku a ta nyikela wutomi la yena la ku pfumala xidjoho “swaku lweyi a pfumelaka ka [Yesu] a nga lovisiwi kambe a kuma wutomi la ku kala li nga heli.” (Yohani 3:16) Hi mhaka lifu la Yesu, Yehovha a ta helisa minchumu hinkwayu ya ku biha leyi yentxekaka hi mhaka ku kala ku yingisa ka Adamu, leswi swi vula swaku loko hi va ni lipfumelo ka lifu la Yesu hi ta hanya hi nga fi a paradesini kola misaveni. — Esaya 65:21-23.

DJONDZA SWIN’WANA

3. Lifu la Yesu la hi ponisa ka xidjoho ni lifu

VHIDIYO: Ha Yini Yesu A File? — Xiyenge 1 (2:01)

• I mpsini leswi Adamu a nga swi luza hi mhaka leswi a kalaka a nga xi yingisanga Xikwembu?

Lerhani Varoma 5:12, mi gama mi bula hi xivutiso lexi landzelaka:

• Ku djoha ka Adamu ku li khumbisa ku yini wutomi la wena?

Lerhani Yohani 3:16, mi gama mi bula hi xivutiso lexi landzelaka:

• Hi mhaka muni Yehovha a rhumele N’wana wa yena lani misaveni?

1. Adamu a a li wanuna wa ku kala xidjoho kambe ku kala ku yingisa ka yena ku yentxa swaku vanhu hinkwavu va djoha va tlhela va fa

2. Yesu a a li wanuna wa ku kala xidjoho. Ku yingisa ka yena ku ta yentxa swaku hi hanya wutomi la ku kala li nga heli na hi nga na xidjoho

4. Lifu la Yesu li nga pfuna vanhu hinkwavu

VHIDIYO: Ha Yini Yesu A File? — Xiyenge 2 (2:00)

• Swi kotekisa ku yini swaku lifu la munhu mun’we li pfuna vanhu hinkwavu?

Lerhani 1 Timotiyu 2:5, 6, mi gama mi bula hi xivutiso lexi landzelaka:

• Adamu a a li wanuna wa ku kala a nga na xidjoho kambe ku kala ku yingisa ka yena ku yentxa swaku vanhu hinkwavu va djoha va tlhela va fa. Yesu na yena a a li wanuna wa ku kala xidjoho. Lifu la Yesu li hi ponisisa ku yini ka xidjoho ni lifu?

5. Lifu la Yesu i nyiko leyi Yehovha a nga ku nyika

Ka lava i nga vanghanu va Yehovha, a lifu la Yesu i nyiko ya lisima hintamu. Hi xikombiso, lerhani Vagalatiya 2:20, mi gama mi bula hi xivutiso lexi landzelaka:

• Mupostolo Pawulo a swi kombisise ku yini swaku lifu la Yesu a ku li nyiko leyi Yehovha a nga mu nyika?

Xidjoho xa Adamu xi yentxa swaku yena ni vanhu hinkwavu va fa. Kambe Yehovha a nyikele wutomi la N’wana wa yena swaku a hi fela hi ta kota ku kuma wutomi la ku kala li nga heli.

Loko u lerha tindzimana leti landzelaka pimisa hi leswi Yehovha a nga titwisa xiswona loko a vona N’wana wa yena a hluphiwa. Lerhani Yohani 19:1-7, 16-18, mi gama mi bula hi xivutiso lexi landzelaka:

• U titwisa ku yini hi leswi Yehovha na Yesu va nga ku yentxela swona?

LESWI HI NGA SWI DJONDZA

Leswi Yesu a nga hi fela, Yehovha a nga hi rivalela swidjoho swa hina hi tlhela hi hanya wutomi la ku kala li nga heli.

Ku kambela leswi hi nga swi djondza

• Hi mhaka muni Yesu a file?

• Swi kotekisa ku yini swaku lifu la Yesu li hi ponisa ka xidjoho ni lifu?

• Lifu la Yesu li nga ku pfunisa ku yini?

LOKO U LAVA KU TIVA SWIN’WANA

Djondza swaku hi mhaka muni wutomi la Yesu la ku kala xidjoho li vitaniwa nkutsulu.

“Rifu Ra Yesu ‘Ri Kutsula Vo Tala’ Hi Ndlela Yihi?” (Nhlokomhaka leyi nga ka site la jw.org hi Xitsonga)

Vona swaku hi fanele hi yentxa yini leswaku hi ponisiwa.

“Yesu Wa Ponisa—Njhani?” (Nhlokomhaka leyi nga ka site la jw.org hi Xitsonga)

Indje Yehovha wa hi rivalela swidjoho hambi ku li swa swikulu?

Tinhlamulo Ta Swivutiso Swa Bibele (Murindzi wa 1 ka Maio wa 2013 hi Xitsonga)

Vona swaku ku djondza hi lifu la Yesu swi mu pfunise ku yini wanuna lweyi swaku a txintxa wumunhu la yena.

“Já não sou escravo da violência (Nhlokomhaka leyi nga ka site la jw.org hi Xiputukezi)