Hi Nga Yentxa Yini Swaku Hi Tshama Na Hi Basile Ka Yehovha?

Pimisa hi mamana wa lirhandzu lweyi a lunghiselelaka n’wana wa yena wa djaha swaku a ya xikola. A lava ku tiyiseka swaku a hlambile naswona mpahla ya yena yi basile. Leswo swi yentxa swaku n’wana lweyi a nga tshameli ku vabya swi tlhela swi kombisa swaku vapsali va yena va mu hlayisa. Hi ku fanana, Papayi wa hina lweyi a nga ni lirhandzu, Yehovha, a lava swaku hi basa amuzimbeni wa hina ni le ka mahanyelo ya hina. Loko hi tshama na hi basile, ha pfuneka naswona hi dzunisa Yehovha.

1. Hi nga yentxa yini swaku hi tshama na hi basile ka miri wa hina?

Yehovha a li: “Mi fanele mi basa.” (1 Pedru 1:16) Ku kwetsima swi vula ku basa ka muzimba wa hina, minchumu leyi hi yi tirhisaka ni ka mahanyelo. Leswaku hi basa ka muzimba wa hina ni minchumu leyi hi yi tirhisaka, hi fanele hi hlamba siku ni siku, hi hlampsa mpahla ya hina, hi basisa ndlwini ni movha wa hina. Nakambe hi fanele hi basisa yindlo ya hina ya wugandzeli. Loko hi tshama na hi basile ka muzimba wa hina ni minchumu leyi hi yi tirhisaka, hi dzunisa Yehovha. — 2 Vakorinto 6:3, 4.

2. Leswaku hi basa, hi yini minchumu leyi hi kalaka hi nga fanelanga hi yi yentxa?

Bibele li li: “A hi tibasiseni ka swilo hinkwaswu leswi chakisaka miri ni mbilu.” (2 Vakorinto 7:1) Leswo swi vula ku kala hi nga yentxi minchumu leyi yi nga chakisaka miri wa hina ni mimpimiso ya hina. Mimpimiso ya hina yi fanele yi tsakisa Yehovha, hi mhaka leyo, hi yentxa hinkwaswu hi nga swi kotaka swaku hi nga pimisi minchumu ya ku biha. (Tipisalema 104:34) Hi tlhela hi yentxa minzamu ya ku va ni mavulavulelo ya manene. — Lerha Vakolosa 3:8.

Hi yini minchumu yin’wana yi nga chakisaka miri kumbe mahanyelo ya hina? Ku ni swilo leswi nga chakisaka miri wa hina. Hi mhaka leyo, a hi tirhisi minchumu ya ku fana ni fole, timbangi ni swin’wana. Leswi hi kalaka hi nga yi tirhisi minchumu leyi, hi ni wutomi la linene naswona hi kombisa swaku hi li nyika lisima wutomi. Hi tlhela hi tikarhatela ku tshama na hi basile ka mahanyelo ya hina hi ku kala hi nga yentxi minchumu ya ku fana ni ku titsakisa hi ku tikhomakhoma swirho swa ku famba masangu kumbe masturbação ni ku sixtira pornografiya. (Tipisalema 119:37; Vaefeza 5:5) Swi nga hi karhatela ku kala hi nga ha yi yentxi minchumu leyi, kambe Yehovha a nga hi pfuna. — Lerha Esaya 41:13.

DJONDZA SWIN’WANA

3. Loko hi basa ka muzimba wa hina hi dzunisa Yehovha

Hi vona swaku i swa lisima kuva vanhu va Yehovha va tshama na va basile loko hi vona minawu leyi a nga yi nyika Vayisrayele. Lerhani Eksoda 19:10 na 30:17-19, mi gama mi bula hi swivutiso leswi landzelaka:

• Tindzimana leti ti hi djondzisa yini hi mavonelo ya Yehovha hi ku tshama na hi basile ka muzimba wa hina?

• I mpsini u nga swi yentxaka swaku u tshama na u basile nkama hinkwawu?

Ku tshama na hi basile swi lava nkama ni ku tikarhata. Kambe, hi nga swi kota ku yentxa leswo ku nga na mhaka swaku hi tshama kwini, hi ganyile kumbe hi swisiwana. Sixtirani VHIDIYO, mi gama mi bula hi xivutiso lexi landzelaka.

VHIDIYO: Xikwembu xi Rhandza Vanhu Lava Tshamaka na Va Basile (4:10)

• Loko minchumu ya hina yi tshama na yi basile swi nga mu dzunisisa ku yini Yehovha ka ntirho wa hina wa ku chumayela?

4. Tshika mahanyelo ya ku biha

Loko u dzaha kumbe u tirhisa timbangi, u nga va u swi tiva swaku swa karhata ku swi tshika. I mpsini swi nga ku pfunaka? Pimisa hi leswi swi ku khumbisaka xiswona. Lerhani Matewu 22:37-39, mi gama mi bula hi leswi ku dzaha ni ku tirhisa timbangi swi nga li khumbisaka xiswona . . .

• wunghanu la munhu na Yehovha.

• ndjangu wa yena ni vanhu van’wana.

Pimisa hi leswi u nga ta swi yentxa swaku u tshika minchumu ya ku biha.a Sixtirani VHIDIYO.

VHIDIYO: Djondza ku Tikhoma (2:47)

Lerhani Vafilipiya 4:13, mi gama mi bula hi xivutiso lexi landzelaka:

• Ku khongela nkama ni nkama, ku djondza Bibele ni ku va kona mintlhanganwini swi nga mu pfunisa ku yini munhu swaku a tshika ku yentxa minchumu ya ku biha?

5. Lwana ni mimpimiso ya ku biha ni mahanyelo ya kona

Lerhani Vakolosa 3:5, mi gama mi bula hi swivutiso leswi landzelaka:

• Hi swi tivisa ku yini swaku ku vona pornografiya, ku yentxa sexting (ku posa mamensajem, mafoto kumbe mavhidiyo lawa ma yentxaka munhu a navela ku yentxa swa masangu hi ku tirhisa telefoni) ni ku titsakisa hi ku tikhomakhoma swirho swa ku famba masangu kumbe masturbação swi bihile ka Yehovha?

• U pimisa swaku hi nga swi kota ku tshama na hi basile ka mahanyelo ya hina hilani Yehovha a lavaka hi kona? Hi mhaka muni?

Vona swaku u nga swi kotisa ku yini ku hlula mimpimiso ya ku kala yi nga basanga. Sixtirani VHIDIYO.

VHIDIYO: Swi Lava U Teka Xiboho Swaku U Tshama Na U Basile (1:51)

Yesu a tirhise xikombiso ku komba swaku hi fanele hi tinyimisela ku tshama na hi basile ka mahanyelo ya hina. Lerhani Matewu 5:29, 30, mi gama mi bula hi xivutiso lexi landzelaka:

• Yesu a a nga lavi ku vula swaku hi fanele hi vavisa muzimba wa hina, kambe a a lava ku vula swaku hi fanele hi yentxa xan’wanchumu swaku hi txintxa. I mpsini hi nga swi yentxaka swaku hi nga vi ni mimpimiso ya ku kala yi nga basanga?b

Loko ku li swaku u lwisana ni mimpimiso ya ku kala yi nga basanga, Yehovha wa ku nyika lisima ku tikarhata ka wena. Lerhani Tipisalema 103:13, 14, mi gama mi bula hi xivutiso lexi landzelaka:

• Loko ku ni mahanyelo ya ku biha lawa swi ku karhatelaka ku ma tshika, ndzimana leyi yi nga ku pfunisa ku yini ku tama u lwisana na wona?

Tama u lwa

Loko munhu a tshuka a phazama, swi nga yentxeka a tibyela leswi: ‘A ni nge swi koti ku txintxa, swa yampsa ni swi tshika.’ Kambe pimisa hi leswi: Loko munhu lweyi a nga ka mpalisanu wa ku tsutsuma a tshuka a tiphariheta a wa, a swi vuli swaku a nga ta ganya, kumbe a fanele a tlhela a ya sungulisa. Hi ku fanana, loko u tshuka u phazama u yentxa nchumu wa ku biha lowu a wu wu yentxa khale, a swi vuli swaku u tsandzekile ku wu hlula kumbe swi lava u tlhelela ndzhaku. U nga ha phazama naswona leswo swi komba swaku u le ku tikarhateni swaku u txintxa. U nga godoli. Hi ku pfuniwa hi Yehovha u nga swi kota ku tshika ku yentxa minchumu ya ku biha.

LESWI HI NGA SWI DJONDZA

Hi tsakisa Yehovha hi ku tshama na hi basile ka miri, ka mimpimiso ni ka mahanyelo ya hina.

Ku kambela leswi hi nga swi djondza

• Hi mhaka muni swi li swa lisima hintamu ku tshama na hi basile?

• U nga swi kotisa ku yini ku tshama na u basile ka miri wa wena?

• U nga swi kotisa ku yini ku tshama na u basile ka leswi u swi yentxaka ni leswi u swi pimisaka?

LOKO U LAVA KU TIVA SWIN’WANA

Hi yini minchumu ya yitsongo leyi u nga yi yentxaka swaku u tshama na u basile hambiloko u nga na male ya yinyingi?

Lihanyu Ni Ku Basa — Hlamba Mandla (3:01)

Vona leswi u nga swi yentxaka swaku u tshika ku dzaha.

“Como Parar De Fumar?” (Khindlimuka! wa Maio wa 2010 hi Xiputukezi)

Kambisisa leswi pornografiya li nga ku khumbisaka xiswona.

“Swifaniso Swo Navetisa Rimbewu—Xana I Swinene Kumbe Swi Na Khombo?” (Murindzi wa 1 ka Agosto wa 2013 hi Xitsonga)

Vona leswi wanuna mun’wana a nga swi kotisa xiswona ku tshika ku vona pornografiya.

“Ndzi we ndzi pfuka ndzi kala ndzi hlula” (Murindzi wa N.^o 4 wa 2016 hi Xitsonga)