DJONDZO 17

Yesu I Munhu Wa Ku Tshamisa Ku Yini?

La Ku Imprimiriwa

Ku djondza hi minchumu leyi Yesu a nga yi vula ni ku yi yentxa nkama na wa ha li lani misaveni swa hi pfuna ku vona swaku i munhu wa ku tshamisa ku yini ni ku tlhela hi va vanghanu va yena ni Papayi wa yena Yehovha. Hi lini wumunhu leli a nga li kombisa, naswona hi nga mu tekelelisa ku yini Yesu ka wutomi la hina?

1. Yesu a fanisa ku yini ni Papayi wa yena?

Yesu a hanye malembe ya manyingi matilweni ni Papayi wa yena naswona a djondze minchumu ya yinyingi ka yena, hi mhaka leyo ndlela leyi a pimisaka hi yona, leswi a titwisaka xiswona ni leswi a swi yentxaka swa fana ni swa Papayi wa yena. (Lerha Yohani 5:19.) Phela Yesu a a li tekelele kahle wumunhu la Papayi wa yena lakaku a ze a vula a ku: “Phela lweyi a nga ni vona a vone Papayi”. (Yohani 14:9) Nkama lowu u djondzaka hi Yesu u ta ya u mu tiva kahle Yehovha. Leswi Yesu a a ni mhaka ni vanhu van’wana swi kombisa swaku Yehovha na yena a ni mhaka na wena.

2. Yesu a swi kombise ku yini swaku wa mu rhandza Yehovha?

Yesu a te: “Ni yentxisa xileswi Papayi a nga ni rhumisa xiswona leswaku misava yi swi tiva leswaku na mu rhandza.” (Yohani 14:31) Nkama na a li lani misaveni, Yesu a swi kombisile swaku a mu rhandza hintamu Papayi wa yena hi ku mu yingisa hambiloko swi karhata. Nakambe Yesu a a swi rhandza ku vulavula hi Papayi wa yena ni ku pfuna vanhu van’wana swaku va va vanghanu va Papayi wa wena. — Yohani 14:23.

3. Yesu a swi kombise ku yini swaku wa va rhandza vanhu?

Bibele li kombisa swaku Yesu a “va rhandza swinene vanhu.” (Swivuriso 8:31) A kombise lirhandzu lolelo hi ku pfuna vanhu a tlhela a va tiyisa. Minchumu ya ku hlamalisa leyi a nga yi yentxa a yi nga kombisi matimba ya yena ntsena kambe a yi tlhela yi kombisa swaku a a va twela wusiwana vanhu. (Marku 1:40-42) A a va khoma kahle vanhu naswona a a nga na xikheto. Marito ya yena a ma chavelela ma tlhela ma nyika ntshembo vanhu hinkwavu va timbilu ta tinene lava a va lava ku mu yingisa. Yesu a a tinyimisele ku hlupheka a tlhela a fa hi mhaka leswi a a rhandza vanhu. Kambe a rhandza ngonpfungonpfu lava va mu yingisaka. — Lerha Yohani 15:13, 14.

DJONDZA SWIN’WANA

Djondza swin’wana hi wumunhu la Yesu. Tlhela u vona swaku u nga swi kotisa ku yini ku va ni lirhandzu u tlhela u rhandza ku nyika van’wana ku fana na yena.

4. Yesu wa mu rhandza Papayi wa yena

Xikombiso xa Yesu xi hi djondzisa swaku hi nga li kombisisa ku yini lirhandzu la hina hi Xikwembu. Lerhani Luka 6:12 na Yohani 15:10; 17:26. Loko se mi lerhile ndzimana ha yin’we bulani hi xivutiso lexi landzelaka:

Ku fana na Yesu, hi nga swi kombisisa ku yini swaku ha mu rhandza Yehovha?

Yesu na a khongela. — Yesu a a mu rhandza hintamu Papayi wa yena wa le tilweni naswona a a vulavula na yena nkama ni nkama hi Xikhongelo

5. Yesu a ni mhaka ni vanhu lava lavaka ku pfuniwa

Yesu a a ni mhaka hintamu ni vanhu van’wana, a a nga pimisi hi yena ntsena, hambiloko a karhalile a a tirhisa nkama ni ntamu wa yena swaku a pfuna van’wana. Lerhani Marku 6:30-44, mi gama mi bula hi swivutiso leswi landzelaka:

Ka tindzimana leti, Yesu a swi kombisise ku yini swaku a ni mhaka ni vanhu van’wana? — Vona tindzimana 31, 34, 41 na 42.
I yini lexi nga yentxa Yesu a lava ku pfuna van’wana? — Vona ndzimana 34.
Leswi Yesu a nga ni wumunhu la ku fana ni la Papayi wa yena, tindzimana leti ti ku djondzisa yini hi Yehovha?
Hi nga swi kombisisa ku yini swaku hi ni mhaka ni vanhu van’wana ku fana na Yesu?

Yesu na a yentxa nchumu wa ku hlamalisa hi ku yentxa swaku 5 wa mapawu ni 2 wa tihlampfi swi dlisa xitshungu xa xinyingi. Vadjondzisiwa na va phakela xitshungu lexi xi nga tala hi vavanuna, vavasati ni vana.

6. Yesu a rhandza ku nyika

Hambileswi Yesu a a nga ganyanga a a swi rhandza ku nyika vanhu van’wana naswona a lava swaku hi mu tekelela. Lerhani Mintirho 20:35, mi gama mi bula hi xivutiso lexi landzelaka:

Hi ku ya hi marito ya Yesu, i mpsini swi nga hi yentxaka hi tsaka?

Sixtirani VHIDIYO, mi gama mi bula hi xivutiso lexi landzelaka.

VHIDIYO: “Swi Tsakisa Hintamu Ku Nyika”—Xiyenge (4:00)

Hi nga swi kotisa ku yini ku nyika van’wana hambiloko hi nga ganyanga?

Indje a wu swi tiva?

Bibele li djondzisa swaku hi fanele hi khongela ka Yehovha hi vito la Yesu. (Lerha Yohani 16:23, 24.) Loko hi yentxa leswo, hi kombisa swaku ha swi khensa leswi Yesu a nga hi yentxela swona swaku hi va vanghanu va Yehovha.

VAN’WANA VA LI: “Xikwembu a xi na mhaka na hina loko hi hlupheka.”

Ha swi tiva swaku Yesu a ni wumunhu la ku fana ni la Papayi wa yena. Se leswi Yesu a nga swi yentxa swi swi kombisisa ku yini swaku Yehovha a ni mhaka na hina?

LESWI HI NGA SWI DJONDZA

Yesu wa mu rhandza Yehovha a tlhela a rhandza vanhu. Leswaku u mu tiva kahle Yehovha u fanele u rhanga hi ku mu tiva kahle Yesu hikusa va ni wumunhu la ku fana.

Ku kambela leswi hi nga swi djondza

Ku fana na Yesu hi nga swi kombisisa ku yini swaku ha mu rhandza Yehovha?
Ku fana na Yesu hi nga swi kombisisa ku yini swaku ha va rhandza vanhu van’wana?
I mpsini leswi swi ku tsakisaka hintamu ka wumunhu la Yesu?

Ni hete djondzo leyi hi diya:

Zama ku yentxa leswi

Vhiki leli, langa wumunhu lin’we la Yesu swaku u li kombisa ka vanhu van’wana.

Swin’wana:

Swin’wana leswi u nga swi fikelelaka

LOKO U LAVA KU TIVA SWIN’WANA

Vona wumunhu lin’wana la Yesu leli hi nga li tekelelaka.

“Para imitar Jesus, seja . . . ” (Jesus — o Caminho, a Verdade e a Vida, pajina 317 hi Xiputukezi)

Vona swaku hi mhaka muni hi fanele hi khongela hi vito la Yesu.

“Ha Yini Hi Khongela Hi Vito Ra Yesu?” (Murindzi wa 1 ka Fevereiro wa 2008 hi Xitsonga)

Bibele li li Yesu a a tshamise ku yini?

“Xana Yesu A A Languteka Njhani?” (Nhlokomhaka leyi nga ka site la jw.org hi Xitsonga)

Hi nga djondza yini ka leswi Yesu a a va khomisa xiswona vavasati?

“Xichavo Ni Xindzhuti Ehansi ka Nkhathalelo Wa Xikwembu” (Murindzi wa 1 ka Setembro wa 2012 hi Xitsonga)