Swivutiso Swa Valerhi

Wumboni li kombisa swaku Yesu a ve Muprista Lwenkulu loko a tsakamisiwa hi lembe la 29 aminkameni ya vapostolo. Hiswi tivisa kuyini? Loko Yesu a tsakamisiwa aswi kombisile leswaku aaswi lava kunyikela a wutomi la yena liva gandzelo ka altari la kufanekisela leli nyimelaka “kurhandza ka Xikwembu”. (Gal. 1:4; Hev. 10:5-10) Leswi altari akuli xiyenge xa lisima ka tempele swinga yendleka ni tempele ya moya yi sungule kuva kona loko Yesu a tsakamisiwa. Tempele leyikulu ya moya ya Yehovha yi nyimela swilo hinkwaswu leswi swi yendlaka swi koteka kuva himu gandzela hi ndlela ya kululama hi kutirhisa gandzelo la Yesu. — Mat. 3:16, 17; Hev. 5:4-6.

Tempele leyikulu ya moya ayi fanele yi va ni muprista lwenkulu. Hi mhaka leyo Yehovha a lange Yesu leswaku ava Muprista Lwenkulu ‘hi kutirhisa matimba ya yena ni moya wa kukwetsima.’ (Mint. 10:37, 38; Marka 1:9-11) Kambe, i yini lexihi tiyisekisaka leswaku Yesu a ve Muprista Lwenkulu na angese fa naswona na angese pfuxiwa? Kukambisisa xikombiso xa Aroni ni xa vaprista lavakulu lavanga tirha na Aroni se a file switahi pfuna kukuma nhlamulu ya xivutiso lexi.

Nawu lowu Yehovha angawu nyika Moxe, awu vula swaku i muprista lwenkulu ntsena a afanele a nghena ka ndhawu ya Kukwetsima Ngopfu ka tabernakele. Naswona hi kufamba ka nkama hi yena aata nghena ka ndhawu ya Kukwetsima Ngopfu ya tempele. Ndhawu ya kukwetsima ngopfu ayi hambanisiwile ni ndhawu ya Kukwetsima hi kortina. Muprista lwenkulu aato nghena ntsena ka ndhawu ya Kukwetsima Ngopfu hi Siku la Kukombela Kurivaleliwa Swidjoho. (Hev. 9:1-3, 6, 7) Kufana ni leswi Aroni ni lava vanga tirha loko se a file ava vekiwa tanihi vaprista lavakulu, na vangase pfula a “kortina” leswaku va nghena ka ndhawu ya kukwetsima ngopfu ka tabernakela, Yesu na yena a afanele a vekiwa swaku ava Muprista Lwenkulu na angese fa. Se a pfula ‘nguvu kumbe kortina la xisirhelelo kunga miri wa yena’ a nghena ka wutomi la le tilweni. (Hev. 10:20) Hi mhaka leyo, mupostolo Pawulo a vule swaku Yesu a tile “a li muprista lwenkulu” naswona a hundza ‘tabernakeleni leyitlulaka matabernakele man’wana hi wukulu ni kuhetiseka, leyingayakiwangiki hi mavoko, hi leswaku yingaliki ya laha misaveni’ leswi vulaka swaku “anghenile tilweni hikoxe”. — Hev. 9:11, 24.

Ntwananu wa nyuwani u sungule kutirha hi nkama muni? Loko Yesu a tlhelela matilweni, kutani a fika a nyikela hi wutomi la yena la kuhetiseka swaku li va gandzelo, a hetisisa xiyenge xa kusungula xa ntwananu wa nyuwani. Lewi aswita yendla ntwananu wa nyuwani wu pasisiwa kumbe wu sungula kutirha. Kambe, i yini swin’wana leswi aswi laveka leswaku ntwananu wa nyuwani u sungula kutirha?

Xa kusungula, Yesu a afanele a humelela ka Yehovha a gama a nyikela lisima la gandzelo la yena, hi wugamu Yehovha ali yamukelile lisima la ngati ya Yesu leyinga halatiwa. Loko swilo leswi hinkwaswu aswinga yendlekanga, ntwananu wa nyuwani awungata tirha.

Bibele alihi byeli hi kukongama swaku Yehovha ali yamukele nkama muni lisima la gandzelo la Yesu. Hi mhaka leyo, ahinge vuli hi kukongoma swaku ntwananu wa nyuwani wu sungule kutirha hi nkama muni. Hambileswo haswi tiva leswaku Yesu a tlhele tilweni na kuchota 10 wa masiku leswaku kuva ni pentekoxta. (Mint. 1:3) Hi nkamanyana lowu wa wutsongo Yesu a kombise lisima la gandzelo la yena ka Yehovha naswona Yehovha ali yamukelile. (Hev. 9:12) Xitiyisekiso xa leswo hi xi vona hi leswi swinga yendleka hi pentekoxta. (Mint. 2:1-4, 32, 33) Aswi tikomba kahle swaku ntwananu wa nyuwani se awu tirha.

Hi kusonga, ntwananu wa nyuwani wu sungule kutirha loko Yehovha a yamukela lisima la ngati ya Yesu, leyi yinga halatiwa na Yesu ali Muprista Lwenkulu a tlhela a yentxa swaku wu tirha ni le ka vatotiwa naswona Yesu a tirhe tanihi Mutlhanganise. — Hev. 7:25; 8:1-3, 6; 9:13-15.