• “Rito La Yehovha Li Ya Li Kula Ni Ku Hlula” Hambi Va Kanetiwa
    Nyikela Wufakazi La Mfumu Wa Xikwembu Hi Ku Helela

    • “Ku Pfuke Mpfilumpfilu Yayikulu” (Mintirho 19:23-41)

      Dimetriyu na a tamelile xifaniso xa tempele ya Artimiza a vulavula ni vavanuna van’wani lava va tirhaka hi prata ka bazara la Efeza. Hi le ndzhaku Pawulo a chumayela vanhu lava va nga hlengeletana abazara.

      “Vavanuna, mi swi tiva kahle swaku hi dla hi negosiyu leyi.” — Mintirho 19:25

      16, 17. a) Tlhamusela leswi Dimetriyu a nga yi sungulisa xiswona a mpfilumpfilu aEfeza. b) Vanhu va Efeza va swi kombisise ku yini swaku a va hisekela wugandzeli la swifaniso?

      16 Swoswi a hi voneni ndlela yin’wani leyi Sathana a yi tirhisaka swaku a dumela wugandzeli la ntiyiso, leyi ku vulavuliwaka hi yona ku sunguleni ka ndzimana leyi. Luka a vule swaku “ku pfuke mpfilumpfilu yayikulu hi mhaka ya Ndlela ya Hosi.”e Luka a a vulavula ntiyiso. (Min. 19:23) Dimetriyu lweyi a a tirha hi prata, hi yena a nga sungula mpfilumpfilu yoleyo. A byele vanhu van’wani va ndhawu yoleyo lava na vona a va tirha hi prata leswaku kuva negosiyu ya vona yi tama yi famba kahle a va fanele va tama va xavisa swifaniso. A tlhele a vula swaku a rungula leli Pawulo a a li chumayela a li nga li linene ka manegosiyu ya vona hikusa Vakreste a va nga swi tirhisi swifaniso. Hi wugamu a byele vanhu lava a va mu yingisela ka doropa lolelo leswaku loko a vo tama va pfumelela a Wukreste ka ndhawu liyani a vanhu va vanyingi “a va nge he vi ni mhaka” ni tempele ya xikwembu xaxikulu Artimiza. — Min. 19:24-27.

  • “Rito La Yehovha Li Ya Li Kula Ni Ku Hlula” Hambi Va Kanetiwa
    Nyikela Wufakazi La Mfumu Wa Xikwembu Hi Ku Helela

    • e Van’wani va vula swaku Pawulo a a vulavula hi mhaka leyi nkama a nga byela Vakorinto a ku “hambi ku fa a hi pimisa swaku hi ta fa.” (2 Ko. 1:8) Kambe swi nga yendleka a a pimisa hi mhaka ya ku chavisa leyi yi nga mu yendlekela. Nkama Pawulo a nga tsala swaku “ni lwile ni swiharhi le Efeza” swi nga yendleka a a vulavula hi nkama lowu a nga boheka ku lwa ni swiharhi ka ndhawu leyi a ku yendliwa mintlangu ka yona kumbe a a vulavula hi vanhu va ku karhata lava a va mu kaneta. (1 Ko. 15:32) Phela swi nga yendleka a a vula swiharhi swa hikakunene kumbe vanhu va ku karhata lava a va mu kaneta.