DJONDZO 48
Langa Kahle Vanghanu Va Wena
Phela swa tsakisa ku va ni vanghanu, hikusa va tsaka na hina loko swilo swi hi fambela kahle va tlhela va hi tiyisa loko hi kumana ni swikarhatu. Kambe Bibele li hi ba ndleve, li hi komba swaku a hi vanhu hinkwavu va nga vanghanu va vanene. Se u nga va langisa ku yini vanghanu va vanene? Pimisa hi swivutiso leswi landzelaka.
1. Vanghanu lava u va langaka va nga li khumbisa ku yini wutomi la wena?
Loko hi tshamela ku bula ni munhu na hi li na yena kumbe hi ku tirhisa interneti, hi gama hi mu tekelela. Leswo i swinene kambe minkama yin’wana a hi swinene. Bibele li li: “Lweyi a fambaka ni va ku tlhariha a ta tlhariha, kambe lweyi a tirhisanaka ni swiphunta [lava va kalaka va nga mu rhandzi Yehovha], a swilo a swi nge mu fambeli kahle.” (Swivuriso 13:20) Vanghanu lava rhandzaka Yehovha va tlhela va mu gandzelaka, va nga ku pfuna swaku u va munghanu wa yena u tlhela u yentxa swiboho swa swinene. Kambe vanghanu lava kalaka va nga mu rhandzi Yehovha, va nga ku hambukisa u nga ha mu rhandzi. Hi mhaka leyo, Bibele li hi pfuna swaku hi langa vanghanu va vanene. Loko vanghanu va hina va rhandza Yehovha, leswo swi pfuna hina swi tlhela swi pfuna na vona. Hikusa hi ta ‘tama hi tiyisana hi tlhela hi yakana’. — 1 Vatesalonika 5:11.
2. Yehovha a titwisa ku yini hi vanghanu lava u va langaka?
Yehovha a langa kahle vanghanu va yena. Yena “i munghanu wa mukulu wa lava ku lulama.” (Swivuriso 3:32) Yehovha a titwisa ku yini loko hi langa vanghanu lava kalaka va nga mu rhandzi? Wa kwata swinene! (Lerha Yakobo 4:4.) Kambe loko hi fambela kule ni vanghanu lava va yentxaka swa ku biha, hi tlhela hi langa vanghanu lava rhandzaka Yehovha, swi ta mu tsakisa a tlhela a va munghanu wa hina. — Tipisalema 15:1-4.
DJONDZA SWIN’WANA
Kambela swaku hi mhaka muni swi li swa lisima ku langa kahle vanghanu, ni swaku u nga va kumisa ku yini vanghanu lava nga ku pfunaka ka wutomi la wena.
3. Tivoneli ka vanghanu lava yentxaka swa ku biha
Vanhu lava va kalaka va nga xi rhandzi Xikwembu va tlhela va nga hanyi hi minawu ya xona, a hi vanghanu va vanene. Sixtirani VHIDIYO, mi gama mi bula hi xivutiso lexi landzelaka.
Hi nga sungula ku hamba wunghanu ni vanhu lava kalaka va nga li vanene na hi nga swi tsumbulanga hi ndlela yihi?
Lerhani 1 Vakorinto 15:33, mi gama mi bula hi swivutiso leswi landzelaka:
I munhu wa ku tshamisa ku yini lweyi a nga vaka munghanu wa ku biha ka wena? Hi mhaka muni?
Lerhani Tipisalema 119:63, mi gama mi bula hi xivutiso lexi landzelaka:
I mpsini leswi nga ku pfunaka ku vona swaku lweyi u mu langaka i munghanu wa munene?
A fruta lin’we la ku bola li nga bolisa man’wana. Hi ku fanana, munghanu lweyi a yentxaka swa ku biha, a nga ku koka swaku u yentxa yini?
4. Vanhu va ku kala va nga ringani na hina va nga va vanghanu va vanene
Bibele li vulavula hi vavanuna vambirhi va le Israyele, ku nga Davhida na Yonatani. Phela Yonatani a a li mukulu hintamu ka Davhida funtshi a a li n’wana wa hosi, kambe a va li vanghanu va vakulu. Lerhani 1 Samuwele 18:1, mi gama mi bula hi xivutiso lexi landzelaka:
Hi mhaka muni swi nga bohi kuva vanghanu va hina va ringana na hina hi malembe kumbe va va ka xiyimu xa ku fana ni xa hina?
Lerhani Varoma 1:11, 12, mi gama mi bula hi xivutiso lexi landzelaka:
Vanghanu lava va rhandzaka Yehovha va nga tiyisana hi ndlela yihi?
Ka vhidiyo, vona leswi djaha lin’wana li nga va kumisa xiswona vanghanu. Sixtirani VHIDIYO, mi gama mi bula hi swivutiso leswi landzelaka.
Hi ku ya hi vhidiyo, hi mhaka muni vapsali va Akil a va karhatekile hi mhaka ya vanghanu va yena va xikola?
Kasi hi mhaka muni Akil a ze a lava ku va munghanu wa vona?
I mpsini swi nga mu pfuna swaku a nga ha titwi na a li yexe?
5. U nga va kumisa ku yini vanghanu va vanene?
Vona leswi u nga swi yentxaka swaku u kuma vanghanu va vanene ni leswi u nga swi yentxaka swaku na wena u va munghanu wa munene. Sixtirani VHIDIYO.
Lerhani Swivuriso 18:24 na 27:17, mi gama mi bula hi swivutiso leswi landzelaka:
Vanghanu va vanene va pfunanisa ku yini?
Wena u na vona vanghanu va ku tshamisa xileswo? Loko u nga li na vona, u nga yentxa yini swaku u va kuma?
Lerhani Vafilipiya 2:4, mi gama mi bula hi xivutiso lexi landzelaka:
Phela swaku u va ni vanghanu va vanene, wena u fanele u va munghanu wa munene. U nga swi yentxisa ku yini leswo?
Phela leswaku u va ni vanghanu va vanene, na wena u fanele u va munghanu wa munene
VAN’WANA VA LI: “A xa lisima i ku va ni vanghanu, a swi na mhaka swaku i va ndjani.”
Se wena ke, u swi vonisa ku yini?
LESWI HI NGA SWI DJONDZA
Phela loko hi langa kahle vanghanu va hina hi ta tsakisa Yehovha, funtshi swi ta hi pfuna.
Ku kambela leswi hi nga swi djondza
Hi mhaka muni Yehovha a ni mhaka ni vanghanu lava hi va langaka?
Hi fanele hi fambela kule ni vanghanu va ku tshamisa ku yini?
U nga swi kotisa ku yini ku va ni vanghanu va tintanga hinkwatu?
LOKO U LAVA KU TIVA SWIN’WANA
Vona leswi vanghanu va vanene va hi pfunisaka xiswona loko hi kumana ni swikarhatu.
“Lava Vanghanu va Ntiyiso na Makumu Mangase Fika” (Murindzi wa Novembro wa 2019)
Pimisa hi leswi u nga swi yentxaka swaku u kuma vanghanu va vanene.
I mpsini leswi u faneleke u swi tiva hi vanghanu lava va kumekaka ka interneti?
Ka xitoriya lexi nge: “A Ndzi Lava Tatana,” zama ku tsumbula swaku hi mhaka muni wanuna mun’wani a lange vanghanu va ku hambanahambana.
“Bibele Yi Hundzula Vutomi Bya Vanhu” (Murindzi wa 1 ka Abril wa 2012, hi Xitsonga)