Tama U Tiyisa Wunghanu La Wena Na Yehovha

Nkama u nga sungula ku djondza Bibele hi ku tirhisa buku leli, u djondze minchumu ya yinyingi hi Yehovha. Naswona hinkwaswu leswi u nga swi djondza swi ku yentxe u ya u mu rhandza hintamu. Swi nga maheka se u tinyiketelile ka Yehovha u tlhela u tsakamisiwa. Loko u nge se swi yentxa leswo, swi nga yentxeka se u pimisa hi swona. Kambe a swi heleli ka ku tsakamisiwa ntsena, swi lava u tama u tiyisa wunghanu la wena na Yehovha. Kambe u nga swi mahisa ku yini?

1. Hi mhaka muni u fanele u tama u tiyisa wunghanu la wena na Yehovha?

Hi fanele hi tikarhata swaku hi tama hi tiyisa wunghanu la hina na Yehovha. Hi mhaka muni? “Leswaku hi nga tshuki hi huma ndleleni.” (Vaheberu 2:1) I mpsini swi nga hi pfunaka ku tama hi tirhela Yehovha na hi tshembekile? Hi fanele hi va kona nkama ni nkama ka ntirho wa ku chumayela, hi tlhela hi lavetela tindlela ta ku maha swin’wana ka ntirho wa Yehovha. (Lerha Vafilipiya 3:16.) A ku na nchumu xa ku yampsa lexi hi nga xi mahaka ka wutomi la hina, ku tlula ku tirhela Yehovha. — Tipisalema 84:10.

2. I mpsini swin’wana leswi u faneleke u tama u swi yentxa?

Hambileswi u nga kusuhi ni ku gama ku djondza buku leli, wutomi la wena la ku tirhela Yehovha lo ho sungula. Bibele li li hi fanele hi “yambala wumunhu la nyuwani.” (Vaefeza 4:23, 24) Swaku leswo swi yentxeka, u fanele u tama u djondza Bibele ni ku ya mintlhanganwini nkama ni nkama, phela u ta djondza minchumu ya nyuwani hi Yehovha ni wumunhu la yena. Lava tindlela ta ku tekelela wumunhu la Yehovha ni ku zama ku txintxa mahanyelo ya wena swaku u kota ku mu tsakisa.

3. Yehovha a ta ku pfunisa ku yini swaku u tama u tiyisa wunghanu la wena na yena?

Bibele li li: “Xikwembu . . . xi ta hetisa ku trenariwa ka n’wina. Xi ta mi tiyisa, xi ta mi nyika ntamu, xi ta mi yentxa swaku mi nga tsekatseki.” (1 Pedru 5:10) Hinkwerhu ha ringiwa. Kambe Yehovha a hi nyika leswi hi swi lavaka swaku hi tshama na hi tiyile. (Tipisalema 139:23, 24) Yena a tshembisa swaku a ta ku nyika ntamu a tlhela a ku yentxa u navela ku mu tirhela hi ku tshembeka. — Lerha Vafilipiya 2:13.

DJONDZA SWIN’WANA

4. U nga tshiki ku khuluma ni Munghanu wa wena

Ku yentxa xikhongelo ni ku djondza Bibele swi ku pfunile swaku u va munghanu wa Yehovha. Kambe leswo swi nga ku pfunisa ku yini swaku u tama u tshinela ka yena?

Lerhani Tipisalema 62:8, mi gama mi bula hi xivutiso lexi landzelaka:

• Swaku u tiyisa wunghanu la wena na Yehovha, u nga swi yampsisa ndjani swikhongelo swa wena?

Lerhani Tipisalema 1:2, mi gama mi bula hi xivutiso lexi landzelaka:

• Swaku u tiyisa wunghanu la wena na Yehovha, u nga yi yampsisa ndjani ndlela leyi u djondzaka hi yona Bibele?

U nga maha yini swaku u pfuneka hi djondzo ya wena ya Bibele? Swaku u vona leswi u nga swi yentxaka, sixtirani VHIDIYO, mi gama mi bula hi swivutiso leswi landzelaka.

VHIDIYO: Yampsisa Djondzo Ya Wena Ya Munhu Hi Yexe (5:22)

• I mpsini u nga swi vona ka vhidiyo leswi u tsakelaka ku swi tirhisa?

• I mpsini swin’wana leswi u tsakelaka ku swi djondza?

5. Vana ni maplanu ya leswi u lavaka ku swi yentxa ka ntirho wa Yehovha

Loko u yentxa maplanu ya leswi u lavaka ku swi yentxa ka ntirho wa Yehovha, swi ta ku pfuna ku tama u tiyisa wunghanu la wena na yena. Sixtirani VHIDIYO, mi gama mi bula hi xivutiso lexi landzelaka.

VHIDIYO: Wutomi La Ku Tsakisa (3:31)

• Ka vhidiyo, Cameron a pfunekise ku yini hi leswi a nga tiyentxela maplanu ka ntirho wa Yehovha?

A hi hinkwavu lava nga rhurhaka va ya ka tiko lin’wana swaku va ya pfunisa ka ntirho wa ku chumayela. Kambe hinkwerhu hi nga timahela maplanu. Lerhani Swivuriso 21:5, mi gama mi bula hi maplanu lawa wena u nga ma yentxaka . . .

• abandleni.

• ka ntirho wa ku chumayela.

Ndzimana leyi yi nga ku pfunisa ku yini swaku u fikelela maplanu lawa u nga na wona?

Leswi u nga swi yentxaka

• Yampsisa swikhongelo swa wena.

• Lerha Bibele hinkwalu.

• Tiva vamakwerhu hinkwavu abandleni.

• Sungula ku djondza Bibele ni munhu.

• Tirha tanihi mupfuli wa ndlela wa ku pfunisa kumbe wa nkama hinkwawu.

• Loko u li makwerhu wa xinuna, yentxa hinkwaswu u nga swi kotaka swaku u va mupfunisi wa bandla.

LESWI HI NGA SWI DJONDZA

Tama u tiyisa wunghanu la wena na Yehovha, u tlhela u tiyentxela maplanu ka ntirho wa yena. Loko u yentxa leswo, u ta tsaka hi masiku ni masiku.

Ku kambela leswi hi nga swi djondza

• Hi mhaka muni u kholwa swaku Yehovha a ta ku pfuna swaku u mu tirhela hi ku tshembeka?

• U nga yentxa yini swaku u tiyisa wunghanu la wena na Yehovha?

• Ku tivekela maplanu lawa u lavaka ku ma fikelela ka ntirho wa Yehovha, swi nga ku pfunisa ku yini ku tiyisa wunghanu la wena na yena?

LOKO U LAVA KU TIVA SWIN’WANA

I mpsini swa lisima ka Yehovha, i ku yentxa nchumu xin’we ntsena xa ku hlamalisa lexi kombisaka swaku wa tinyiketela ka yena kumbe i ku tshembeka wutomi la hina hinkwalu?

Tshembeka Ku Fana Na Abrahamu (9:20)

Minkama yin’wana, munhu lweyi a tirhelaka Yehovha hi ku tshembeka a nga ha heleliwa hi ntsaku. Vona leswi u nga swi mahaka swaku u tlhela u tsaka.

Pfuxeta Ku Tsaka Hi Ku Djondza U Thlela U Yanakanyisisa (5:25)

U nga yentxa yini swaku u va ni maplanu ka ntirho wa Yehovha u tlhela u ma fikelela?

“Tivekele Tipakani Ta Moya Leswaku U Dzunisa Muvumbi Wa Wena” (Murindzi wa 15 ka Julho wa 2004 hi Xitsonga)

Hi mhaka muni swi li swa lisima ku va Mukreste wa ku wupfa naswona u nga swi kotisa ku yini leswo?

Chivirikelani Eku Wupfeni—“Siku Lerikulu Ra Yehovha Ri Le Kusuhi” (Murindzi wa 15 ka Maio wa 2009 hi Xitsonga)