31 Yakhobe wakati: “Uniguliske dankha ulara wako.”+ 32 Esau wakati: “Nakhala pachoko kufwa. Sono ulara uli na ntchito wuli kwa ine?” 33 Yakhobe wakati: “Ulape dankha kwa ine.” Ntheura Esau wakalapa kwa iyo na kuguliska ulara wake kwa Yakhobe.+

10 Layizgo likapelekekaso apo Rabeka wakaŵa na nthumbo ya mileza kufuma kwa Yisake sekuru withu.+ 11 Chiuta wakalongora kuti wakusankha munthu chifukwa cha milimo yake yayi, kweni wakusankha uyo mweneko wakhumba. Lekani pambere ŵana aŵa ŵandababike ndiposo ŵandachite kanthu kalikose kawemi panji kaheni, 12 Chiuta wakati kwa Rabeka: “Mulara wazamuŵa muzga wa muchoko.”+