19 Vyakupeleka vyose vyakupatulika, ivyo Ŵaisrayeli ŵakupeleka kwa Yehova,+ navipeleka kwa iwe na ŵana ŵako ŵanalume na ŵanakazi kuŵa vinu nyengo zose.+ Ili ni phangano lamuyirayira la mchere* kwa iwe na ku mphapu yako pamaso pa Yehova.”

11 Vyose ivyo nkhumuphalirani mwamuluta navyo ku malo agho Yehova Chiuta winu wasora kuŵikako zina lake,+ nkhung’anamura sembe zinu zakotcha, sembe zinu zinyake, vyakhumi vinu,+ vyakupeleka vyakufuma mu woko linu, na vyakupeleka vinu vyose ivyo mwamulayizga Yehova.