LAYIBULARE YA PA INTANETI ya Watchtower

Yesaya 30:10

Malemba Ghakupatulika mu Mang’anamuliro gha Charu Chiphya
- 10 Ŵakuphalira ŵakuwona mboniwoni kuti: ‘Mungawonanga chara,’
  
  Ku ntchimi, ŵakuti: ‘Mungatiphaliranga mboniwoni zaunenesko yayi.+
  
  Mutiphalire vinthu vyakukondweska waka, mutiwonere mboniwoni zakupusika.+

Yeremiya 23:25

Malemba Ghakupatulika mu Mang’anamuliro gha Charu Chiphya
- 25 “Napulika ntchimi izo zikuchima mautesi mu zina lane, zikuti: ‘Nalota loto! Nalota loto!’+

Chitengero cha Yeremiya 2:14

Malemba Ghakupatulika mu Mang’anamuliro gha Charu Chiphya
- 14 Ntchimi zako zikakuwonera mboniwoni zautesi na zawaka,+
  Zikavumbura chara maubudi ghako mwakuti uleke kutolekera ku wuzga,+
  Kweni zikalutilira kukuwonera mazgu ghautesi na ghakupuluska.+

Ezekiyeli 13:9, 10

Malemba Ghakupatulika mu Mang’anamuliro gha Charu Chiphya
- 9 Woko lane limikana na ntchimi izo zikuwona mboniwoni zautesi na kuchima vyautesi.+ Ziŵengepo chara pakati pa ŵanthu ŵane awo nkhuŵaphalira visisi, nesi kulembeka mu buku la nyumba ya Israyeli. Ziwelerenge chara ku charu cha Israyeli, ndipo mumanyenge kuti ine ndine Fumu Yikuru Yehova.+ 10 Vyose ivi ntchifukwa chakuti zapuluska ŵanthu ŵane pakuyowoya kuti, “Kuli mtende!” apo kulije mtende.+ Para ŵanthu ŵazenga chiliŵa chambura kukhora, ntchimi izi zikwiza na kuphaka utoto utuŵa.’+