33 Ndipo ŵakiza mu Kaperenaumu. Sono apo wakaŵa mukati mu nyumba, wakaŵafumba, wakati: “Kasi mwakwesananga vichi pa nthowa?”+ 34 Ŵakakhala chete, chifukwa pa nthowa ŵakakwesananga ŵekhaŵekha vya uyo ni mukuru. 35 Ntheura wakakhala pasi na kuchema ŵasambiri ŵake 12, wakati kwa iwo: “Usange munthu wakukhumba kuŵa wakwamba, wakwenera kuŵa waumaliro pa wose na kuŵa muteŵeti wa wose.”+ 36 Wakatora mwana muchoko, wakamuyimika pakati pawo na kumukora musingo, ndipo wakati kwa iwo: 37 “Waliyose uyo wakupokelera mwana muchoko+ nga ni uyu mu zina lane, wakupokelera ine. Ndipo waliyose uyo wakupokelera ine, wakupokelera ine pera chara, kweni wakupokeleraso Uyo wakanituma.”+

46 Ŵasambiri ŵakamba kukwesana za uyo ni mukuru kuluska wose.+ 47 Yesu wakati wamanya maghanoghano gha mitima yawo, wakatora mwana muchoko na kumuyimika pafupi na iyo. 48 Wakati kwa iwo: “Waliyose uyo wakupokelera mwana muchoko uyu mu zina lane, wakupokeleraso ine. Ndipo waliyose uyo wakupokelera ine wakupokeleraso Uyo wakanituma.+ Pakuti uyo wakuchita nga ni muchoko chomene pakati pa mose ndiyo ni mukuru.”+

24 Ŵasambiri ŵakamba kupindana chomene pa nkhani ya uyo ni mukuru pakati pawo.+