3 Kweni Saulosi, wakamba kuyungwiska mpingo. Wakanjiranga mu nyumba na nyumba na kuguguzira kuwaro ŵanalume na ŵanakazi, wakaŵapelekanga ku jele.+

4 Nkhatambuzganga na kukoma awo ŵakulondezga Nthowa ya Fumu. Nkhakakanga ŵanalume na ŵanakazi na kuŵapeleka ku jele.+

10 Ndivyo nkhachita nadi mu Yerusalemu, ndipo ŵatuŵa ŵanandi nkhaŵajalira mu jele,+ pakuti nkhapokera mazaza kufuma ku ŵalara ŵa ŵasembe.+ Ine nkhazomerezganga kuti ŵakomeke. 11 Nyengo zinandi nkhaŵasuzganga mu masunagoge, nkhayezga kuŵachichizga kuti ŵaleke chipulikano chawo. Nkhaŵakwiyira chomene mwakuti nkhaŵatambuzganga na awo ŵakaŵa mu misumba yakuwaro.

13 Mukapulika ivyo nkhachitanga kale apo nkhaŵa mu chisopa cha Chiyuda,+ kuti nkhatambuzganga chomene mpingo wa Chiuta na kuwuparanya.+

12 Nkhuwonga Fumu yithu Khristu Yesu, uyo wakanipa nkhongono chifukwa wakawona kuti ndine wakugomezgeka pakunipa uteŵeti,+ 13 nangauli pakwamba nkhaŵa wakuyuyura Chiuta na wakutambuzga ŵanthu ŵake kweniso munthu wamsinjiro.+ Kweni wakanilongora lusungu chifukwa nkhachitanga kwambura kumanya kanthu ndipo nkhaŵavya chipulikano.