11 A Yehova, ukuru,+ nkhongono,+ utozi, uchindami, na ntchindi+ ni vinu. Pakuti vyose ivyo vili kuchanya na pa charu chapasi ni vinu.+ Ufumu ngwinu, A Yehova.+ Ndimwe mukujikwezga kuŵa mutu pachanya pa vyose.

17 Ichi chapharazgika na ŵalinda,+ ndipo weruzgi uwu ni mazgu gha ŵatuŵa, kuti ŵanthu awo mbamoyo ŵamanye kuti Wapachanya Nkhanira ndiyo Wakuwusa mu ufumu wa ŵanthu.+ Nakuti wakupeleka ufumu kwa uyo mweneko wakhumba, ndipo wakuŵikapo nanga ni munthu uyo ngwakuyuyulika chomene pakati pa ŵanthu.”

34 “Paumaliro wa nyengo iyi,+ ine Nebukadinezara, nkhalaŵiska kuchanya, mahara ghane ghakaweleramo mwa ine. Nkhalumba Wapachanya Nkhanira, na uyo wakukhala kwamuyirayira, nkhamulumba na kumuchindika, chifukwa muwuso wake ni muwuso wamuyirayira ndipo ufumu wake ngwa muwiro na muwiro.+

10 Nkhapulika mazgu ghakuru kufuma kuchanya ghakuti:

“Sono chafika chiponosko+ na nkhongono na Ufumu vya Chiuta withu+ na mazaza gha Khristu wake, chifukwa uyo wakunena ŵabali ŵithu waponyeka pasi, uyo wakuŵanena muhanya na usiku panthazi pa Chiuta withu!+