Zintharika

15 Zgoro lakuzika* likuwezga ukali,+

Kweni mazgu ghakukalipa* ghakwambiska mbembe.+

 2 Lulimi lwa wavinjeru lukuchita mwakwenelera na ivyo lukumanya,+

Kweni mulomo wa muzeleza ukubwetura uchindere.

 3 Maso gha Yehova ghali palipose,

Wakulaŵiska ŵaheni na ŵawemi wuwo.+

 4 Lulimi lwakuzikira* ni khuni la umoyo,+

Kweni kayowoyero kakubendera kakufipiska mtima.*

 5 Chindere chikuyuyura chisambizgo cha awiske,+

Kweni wakuchenjera wakupulikira ntchenyo.+

 6 Mu nyumba ya murunji muli vyuma vinandi,

Kweni vipasi vya muheni* vikumuchemera suzgo.+

 7 Milomo ya ŵavinjeru yikuthandazga mahara,+

Kweni mtima wa chindere ndimo uliri yayi.+

 8 Sembe ya muheni mbukazuzi kwa Yehova,+

Kweni lurombo lwa wakunyoloka wakukondwa nalo.+

 9 Yehova wakuseluka na mendero gha muheni,+

Kweni wakutemwa uyo wakulondezga urunji.+

10 Chilango chikuwoneka chiheni* kwa munthu uyo wasida nthowa,+

Kweni yose uyo wakutinkha ntchenyo wafwenge.+

13 Mtima wachimwemwe ukungweluska chisko,

Kweni kuŵinyamtima kukuphyora mzimu.+

14 Mtima wakupulikiska ndiwo ukukhumba kumanya vinthu,+

Kweni mulomo wa muzeleza ukurya* uchindere.+

15 Mazuŵa ghose gha munthu wakusuzgika ngaheni,+

Kweni munthu wa mtima wakusangwa* wakuŵa na chiphikiro nyengo zose.+

16 Ntchiwemi kuŵa na tuchoko waka mu kopa Yehova+

Kuluska kuŵa na vyuma vinandi pamoza na kwenjerwa.*+

17 Ntchiwemi kurya mphangwe apo pali chitemwa+

Kuluska ng’ombe yakututuŵa apo pali thinkho.+

18 Munthu uyo wakuthukira luŵiro wakwambiska mphindano,+

Kweni uyo wakuchedwa kukalipa wakulekeska mbembe.+

19 Nthowa ya munthu mukata njakukhora na minga,+

Kweni nthowa ya ŵakunyoloka yili nga ni msewu wakuskesketeka makora.+

20 Mwana wavinjeru wakukondweska awiske,+

Kweni chindere chikuyuyura anyina.+

21 Munthu wambura mahara* wakusekelera na uchindere,+

Kweni munthu waumanyi wakwenda nyolonyolo.+

22 Vinthu vikulongosoka yayi para palije kudumbiskana,*

Kweni vinthu vikwenda makora para pali ŵakupeleka fundo ŵanandi.+

23 Munthu wakusekelera para wazgora makora,*+

Ndipo lizgu ilo layowoyeka pa nyengo yakwenelera ndiwemi nadi.+

24 Nthowa ya umoyo yikumutolera munthu wamahara pachanya,+

Kuti yimuwezgeko kusi ku Dindi.*+

25 Yehova wapankhurenge nyumba ya wakujikuzga,+

Kweni wasungilirenge mphaka ya chokoro.+

26 Yehova wakuseluka nagho maghanoghano gha muheni,+

Kweni mazgu ghakukondweska ngakutowa kwa iyo.+

27 Uyo wakusanga chandulo mwauryarya wakuchemera suzgo* pa nyumba yake,+

Kweni uyo wakutinkha vimbundi waŵenge wamoyo.+

28 Mtima wa murunji ukughanaghanira dankha pambere undazgore,*+

Kweni mulomo wa muheni ukubwetura vinthu viheni.

29 Yehova wali kutali chomene na muheni,

Kweni wakupulika lurombo lwa murunji.+

30 Maso ghakungweluka ghakukondweska* mtima.

Nkhani yiwemi yikukhozga viwangwa.*+

31 Uyo wakupulikira ntchenyo ya umoyo

Wakukhala mwakufwasa pakati pa ŵavinjeru.+

32 Yose uyo wakukana kulangika, wakuyuyura umoyo wake,+

Kweni uyo wakupulikira ntchenyo wakuŵa wakupulikiska.*+

33 Kopa Yehova nkhusambizgika mu vinjeru,+

Ndipo pambere uchindami undafike pali kujiyuyura.+