Masalimo

37 Ungakwenyeleranga na ŵanthu ŵaheni chara

Panji kuchitira sanji awo ŵakuchita ubendezi.+

 2 Ŵafotenge luŵiro nga mbutheka,+

Ŵawomirenge nga mbutheka uwo wanguŵa wakubiliŵira.

 3 Gomezga Yehova na kuchita uwemi.+

Khala mu charu chapasi na kuchita mwakugomezgeka.+

 4 Ukondwere chomene* mwa Yehova,

Ndipo wakupenge ivyo mtima wako ukukhumba.

 5 Nthowa yako uyipeleke kwa Yehova,*+

Umugomezge, ndipo wakovwirenge.+

 6 Wangweluskenge urunji wako nga ni matandakucha,

Na weruzgi wako nga ni muhanya pakati.

 7 Khala chete pamaso pa Yehova+

Na kumulindilira mwakuzika.

Ungakwenyeleranga chara na munthu

Uyo vinthu vikumwendera makora.+

 8 Taya ukali, leka kutukutwa.+

Ungakwenyeleranga chara na kwamba kuchita uheni.*

 9 Pakuti ŵaheni ŵazamudumulika,+

Kweni awo ŵakugomezga Yehova ŵazamuhara charu chapasi.+

10 Kwakhala kanyengo kachoko waka, ŵaheni ŵazamuŵakoso chara.+

Muzamupenja apo ŵakakhalanga,

Ndipo ŵazamuŵapo yayi.+

11 Kweni ŵakuzika ŵazamuhara charu chapasi,+

Ŵazamukondwa chomene na mtende ukuru.+

12 Munthu muheni wakunozgera chiŵembu murunji,+

Wakumumemenera mino.

13 Kweni Yehova wamusekenge,

Pakuti wakumanya kuti zuŵa lake likwiza.+

14 Muheni wakusolora malupanga ghake na kupinda mauta ghake,

Kuti wawiskire pasi ŵakuyuzgika na ŵakavu,

Na kukoma awo mendero ghawo ngakunyoloka.

15 Kweni lupanga lwawo luŵalasenge ŵekha mu mtima wawo.+

Mauta ghawo ghaphyokenge.

16 Tuchoko waka uto murunji wali nato nthuwemi

Kuluska vinandi ivyo ŵaheni ŵanandi ŵali navyo.+

17 Pakuti mawoko gha muheni ghaphyolekenge,

Kweni Yehova wawovwirenge murunji.

18 Yehova wakumanya ivyo vikuwira ŵambura kafukwa,*

Ndipo chiharo chawo chikhalilirenge muyirayira.+

19 Ŵakhozgekenge soni chara mu nyengo ya soka,

Mu nyengo ya njara, ŵaŵenge na vinandi chomene.

20 Kweni ŵaheni ŵamalenge,+

Ŵalwani ŵa Yehova ŵazgeŵelekenge nga mbutheka wakubiliŵira ku malo ghakuliskako viŵeto.

Ŵamwalalikirenge nga ni josi.

21 Muheni wakubwereka ndipo wakuwezga chara,

Kweni murunji ngwalusungu ndipo wakupa.+

22 Awo Chiuta wakuŵatumbika ŵaharenge charu chapasi,

Kweni awo waŵatemba ŵadumulikenge.+

23 Yehova wakulongozga* mendero gha munthu,+

Para wakukondwa na nthowa zake.+

24 Nanga wangakhuŵara, wawirengethu yayi,+

Pakuti Yehova wakumukora pa woko.*+

25 Nkhaŵa mwana, sono nili muchekuru,

Kweni nindawonepo kuti murunji wasidika,+

Panji ŵana ŵake kupempheska chingwa.*+

26 Nyengo zose wakubwerekeska kwawanangwa,+

Ndipo ŵana ŵake ŵatumbikikenge.

27 Patukako ku uheni, uchite uwemi,+

Ndipo ukhalilirenge muyirayira.

28 Pakuti Yehova wakutemwa urunji,

Ndipo waŵasidenge yayi ŵakugomezgeka ŵake.+

Nyengo zose ŵaŵenge ŵakuvikilirika.+

Kweni mphapu ya muheni yizamudumulika.+

29 Ŵarunji ŵazamuhara charu chapasi,+

Ndipo ŵazamukhala mwenemumo muyirayira.+

30 Mulomo wa murunji ukupeleka vinjeru,

Lulimi lwake lukuyowoya vya urunji.+

31 Dango la Chiuta wake lili mu mtima wake.+

Malundi ghake ghatelemukenge yayi.+

32 Muheni wakuŵenda murunji,

Wakukhumba kumukoma.

33 Kweni Yehova wamupelekenge yayi mu woko la munthu uyu,+

Panji kumusanga na mulandu para wakweruzgika.+

34 Gomezga Yehova na kwenda mu nthowa yake,

Ndipo wakukwezgenge kuti uhare charu chapasi.

35 Ine nili kuwonapo munthu wankhaza na muheni

Wakuthaza nga ntchikhuni cha vwinthu mu dongo lanyata.+

36 Kweni wakafwa mwamabuchi na kuzgeŵelekera.+

Nkhamupenja ndipo wakasangika yayi.+

37 Umulaŵisiske munthu wambura kafukwa,*

Na kuwona uyo ngwakunyoloka,+

Pakuti munthazi, munthu uyu waŵenge mu mtende.+

38 Kweni ŵakuswa malango wose ŵaparanyikenge.

Ŵanthu ŵaheni ŵadumulikenge.+

39 Chiponosko cha ŵarunji chikufuma kwa Yehova.+

Ndiyo ni linga lawo mu nyengo ya suzgo.+

Waŵathaskenge na kuŵaponoska kwa muheni,

Chifukwa ŵakubisama mwa iyo.+