Zintharika

 2 Kasi nikuphalirechi mwana wane,

Niyowoyechi mwana wa nthumbo yane,

Niti wuli mwana wa vilapo vyane?+

 3 Ungamaliranga nkhongono zako ku ŵanakazi chara,+

Panji kulondezga nthowa izo zikuparanya mathemba.+

 4 Nkhwa mathemba yayi, we Lemuyeli,

Nkhwa mathemba yayi kumwa vinyo,

Panji ŵawusi kuyowoya kuti: “Kasi chakumwa chane chili nkhu?”+

 5 Mzire ŵamwe na kuluwa dango,

Na kubendezga wanangwa wa ŵakuyuyuka.

 6 Pelekani phere ku awo ŵakuparanyika,+

Na vinyo ku awo ŵakukweŵeka.*+

 7 Ŵamwe na kuluwa ukavu wawo,

Ŵaleke kukumbukaso suzgo yawo.

 8 Yowoya m’malo mwa ŵambura kuyowoya,

Vikilira wanangwa wa wose awo ŵakuparanyika.+

 9 Yowoya na kweruzga mwakunyoloka.

Vikilira wanangwa* wa ŵakuyuyuka na ŵakavu.+

11 Mfumu wake wakumugomezga na mtima wose,

Ndipo wakusoŵerwa yayi vinthu vyakuzirwa.

12 Mwanakazi uyu wakumuchitira viwemi mfumu wake, viheni chara,

Mazuŵa ghose gha umoyo wake.

13 Wakusanga weya na salu yiwemi,

Wakukondwa kugwira ntchito na mawoko ghake.+

14 Wali nga ni ngalaŵa za wamalonda,+

Wakukatora vyakurya vyake kutali chomene.

15 Wakuwuka usikusiku,

Wakupeleka chakurya ku ŵamunyumba yake

Na kuŵagaŵira ntchito ŵateŵetikazi ŵake.+

16 Wakughanaghana vya munda na kuwugura.

Wakupanda munda wa mpheska mu kutokatoka kwake.*

17 Wakunozgeka kugwira ntchito mwankhongono,*+

Ndipo wakukhozga mawoko ghake.

18 Wakuwona kuti malonda ghake wakusanga nagho chandulo.

Nyali yake yikuzimwa chara usiku.

19 Mawoko ghake ghakukora chakuzingako wuzi,

Ndipo wakukolera chakuzingira wuzi na mawoko ghake.+

20 Wakunyoloskera woko lake ku wakuyuyuka,

Wakujulira mawoko ghake mukavu.+

21 Wakufipa mtima yayi na ŵamunyumba yake mu nyengo ya chiwuvi,

Pakuti ŵamunyumba yake wose ŵakuvwalikika malaya ghakuthukira.*

23 Mfumu wake wakumanyikwa mu vipata vya msumba,+

Apo wakukhala pamoza na ŵalara ŵa charu.

24 Wakusona na kuguliska vyakuvwara* vya salu yiwemi,

Wakupelekera malamba ku ŵamalonda.

25 Wakuvwalikika nkhongono na uchindami,

Wakuŵa na chigomezgo para wakughanaghana vyamunthazi.*

26 Wakujura mulomo wake mu vinjeru,+

Dango la lusungu* lili pa lulimi lwake.

27 Wakulaŵilira ivyo ŵamunyumba yake ŵakuchita,

Ndipo wakurya chara chingwa cha ukata.+

28 Ŵana ŵake ŵakuwuka na kumuchema wakukondwa.

Mfumu wake wakuwuka na kumulumba.

29 Pali ŵanakazi ŵakuchita makora* ŵanandi,

Kweni iwe, ukuluska wose.

30 Kuwoneka makora nkhwawaka ndipo kutowa kukumara,*+

Kweni mwanakazi uyo wakopa Yehova walumbikenge.+

31 Mupani njombe pa ivyo wakuchita,*+

Ndipo milimo yake yimulumbe mu vipata vya msumba.+