Nkhani Yapadera Yacisanisani

Kasi Bata na Mtende Weneco Vizamuŵako Pawuli?

Kwa vilimika vinandi comene, ŵanthu ŵapenja bata na mtende. Kweni ŵatondeka kusanga mtende weneco. Cifukwa wuli? Baibolo likuzunura vifukwa viŵiri ivyo mtende ukutondekera kusangika. Kweniso lili na fundo yakukhwimiska iyi: Ciuta walayizga ŵanthu kuti kuzamuŵa bata na mtende weneco pa caru cose kwamuyirayira.

Kasi bata na mtende vizamuŵako wuli ndiposo pawuli? Kasi mukwenera kucitaci kuti namwe muzakaŵeko pa nyengo iyo? Mafumbo agha ghazamuzgoreka mu nkhani yacisanisani ya mutu wakuti “Kasi Bata na Mtende Weneco Vizamuŵako Pawuli?” Nkhani yakufuma mu Baibolo iyi yizamuyowoyeka pa caru cose mu vyaru vyakujumpha 230. Mu malo ghanandi, nkhani iyi yizamuyowoyekera mu Nyumba ya Ufumu ya Ŵakaboni ŵa Yehova pa Sabata, Epulero 18, 2010. Ŵakaboni ŵa Yehova awo muli nawo pafupi ŵaŵenge ŵakukondwa kumuphalirani nyengo na uko nkhani yamuyowoyekera. Mukucemeka kuzakaŵapo.