Mazgu Ghamusi

d Xerxes I wakamanyikwanga kuti wakasinthasinthanga maghanoghano ndipo wakaŵa na mtima wa ku njoŵe. Wakusanda mdauko wa ku Greece, Herodotus wakayowoya vinthu vinyake ivyo vikacitika apo Xerxes wakarwananga na Ŵagiriki. Themba likalangura kuti buriji lakuyenjama lakwimapo sitima lizengeke ku Hellespont. Apo cimphepo cikabwangasura buliji ili, Xerxes wakalangura kuti awo ŵakazenga ŵadumulike mitu, kweniso wakaphalira ŵanthu ŵake kuti “ŵalange” malo gha Hellespont mwa kuthyapura maji uku ŵakuŵazga mwakukwezga mazgu ghakutuka malo agha. Mu nyengo yeneyiyi, apo munthu munyake musambazi wakaŵeyelera themba ili kuti mwana wake wawereko ku usilikari, Xerxes wakadumura mwana uyu pakati, ndipo wakapayika thupi lake kuti liŵe cenjezgo ku ŵanthu ŵanyake.