SAMBIRO 18
Kasi Tingaŵamanya Wuli Ŵakhristu Ŵaunenesko?
Ŵanthu ŵanandi ŵakuti Mbakhristu. Kweni ivyo ŵakugomezga, ivyo ŵakuchita kweniso fundo izo ŵakwendera vikupambana chomene. Kasi tingaŵamanya wuli Ŵakhristu ŵaunenesko?
1. Kasi mazgu ghakuti Mkhristu ghakung’anamura vichi?
Mkhristu ni msambiri panji mulondezgi wa Yesu. (Ŵazgani Milimo 11:26.) Kasi ŵakuchita wuli kuti ŵaŵe ŵalondezgi ŵa Yesu? Yesu wakati: “Usange mukukhalilira mu mazgu ghane, ndimwe ŵasambiri ŵane nadi.” (Yohane 8:31) Ivi vikulongora kuti Ŵakhristu ŵaunenesko ŵakwenera kuchita ivyo Yesu wakasambizganga. Ivyo wakasambizganga vikafumanga mu Malemba, ntheura Ŵakhristu ŵaunenesko nawo ŵakugomezga chomene ivyo Baibolo likuyowoya.—Ŵazgani Luka 24:27.
2. Kasi Ŵakhristu ŵaunenesko ŵakulongora wuli chitemwa?
Yesu wakaphalira ŵalondezgi ŵake kuti: “Mutemwanenge nga umo ine namutemwerani.” (Yohane 15:12) Kasi Yesu wakalongora wuli kuti wakatemwanga ŵasambiri ŵake? Wakachezganga nawo, kuŵakhozga, na kuŵawovwira. Nakuti wakapeleka umoyo wake chifukwa cha iwo. (1 Yohane 3:16) Ntheura awo ŵakulondezga Khristu, chitemwa chawo chikuŵa waka cha pa mulomo yayi, kweni ŵakuchilongoraso kwizira mu ivyo ŵakuchita.
3. Kasi Ŵakhristu ŵaunenesko ŵakutangwanika na mulimo wuli?
Yesu wakapeleka ntchito ku ŵasambiri ŵake. “Wakaŵatuma kukapharazga Ufumu wa Chiuta.” (Luka 9:2) Ŵakhristu ŵakwambilira ŵakapharazganga mu malo ghakusoperamo, uko kukasangikanga ŵanthu ŵanandi kweniso mu mizi ya ŵanthu. (Ŵazgani Milimo 5:42; 17:17.) Mazuŵa ghano napo, Ŵakhristu ŵaunenesko ŵakupharazga unenesko wa mu Baibolo kulikose uko kukusangika ŵanthu. Iwo ŵakutemwa chomene ŵanthu, ntheura ŵakugwiliskira ntchito nkhongono kweniso nyengo yawo kuphalira ŵanthu ŵanandi uthenga wa chigomezgo na wakupembuzga.—Mariko 12:31.
MANYANI VINANDI
Wonani mphambano pakati pa Ŵakhristu ŵaunenesko na awo ŵakuleka kulondezga ivyo Yesu wakasambizganga na kuchita.
4. Ŵakapenjanga unenesko wa mu Baibolo
Ŵakhristu ŵakwambilira ŵakawonanga kuti Mazgu gha Chiuta ngakuzirwa chomene
Ŵanyake awo ŵakujichema kuti Mbakhristu ŵaunenesko ŵakukhumba yayi kulondezga fundo za mu Baibolo. Wonelerani VIDIYO, kufuma apo dumbiskanani fumbo ili.
Kasi Matchalitchi agho ghakajichemanga kuti Ngachikhristu ghakachita wuli kuti ŵalondezgi ŵawo ŵaleke kumanya ivyo Yesu wakasambizganga?
Yesu wakasambizganga unenesko wa mu Mazgu gha Chiuta. Ŵazgani Yohane 18:37, kufuma apo dumbiskanani fumbo ili:
Kasi Yesu wakati tingaŵamanya wuli Ŵakhristu awo ŵali “ku chigaŵa cha unenesko”?
5. Ŵakupharazga unenesko wa mu Baibolo
Ŵakhristu ŵakwambilira ŵakapharazgiranga ŵanyawo
Pambere wandalute kuchanya, Yesu wakapeleka ntchito ku ŵalondezgi ŵake iyo yikuchitika m’paka sono. Ŵazgani Mateyu 28:19, 20 na Milimo 1:8, kufuma apo dumbiskanani fumbo ili:
Kasi Yesu wakati ntchito yakupharazga yizamufika mpha?
6. Ŵakuchita ivyo ŵakusambizga
Kasi Tom wakakhorwa wuli kuti wasanga nadi chisopa chaunenesko? Wonelerani VIDIYO, kufuma apo dumbiskanani mafumbo agha.
Kuyana na ivyo mwawona mu vidiyo iyi, chifukwa wuli Tom wakaleka kuluta ku tchalitchi?
Kasi ntchivichi chikamukhorweska kuti wasanga unenesko?
Ivyo tikuchita ndivyo ni vyakuzirwa chomene kuluska ivyo tikuyowoya. Ŵazgani Mateyu 7:21, kufuma apo dumbiskanani fumbo ili:
Kasi Yesu wakukondwa chomene na vichi, ivyo tikuyowoya panji ivyo tikuchita?
7. Ŵakutemwana
Ŵakhristu ŵakwambilira ŵakatemwananga chomene
Kasi Ŵakhristu ŵaunenesko ŵakulolera nadi kufwa chifukwa cha Ŵakhristu ŵanyawo? Wonelerani VIDIYO, kufuma apo dumbiskanani mafumbo agha.
Kuyana na ivyo mwawona mu vidiyo iyi, chifukwa wuli Lloyd wakaŵika umoyo wake pangozi chifukwa cha Mubali Johansson?
Kasi mukughanaghana kuti ivyo wakachita vikulongora kuti wakaŵa Mkhristu waunenesko?
Ŵazgani Yohane 13:34, 35, kufuma apo dumbiskanani mafumbo agha:
Kasi ŵasambiri ŵa Yesu (Ŵakhristu ŵaunenesko) ŵakuchita wuli vinthu na ŵanthu awo ŵakupambana nawo mtundu kweniso charu?
Kasi ŵangachita wuli para kuli nkhondo?
IVYO ŴANYAKE ŴAKUYOWOYA: “Ŵakhristu ŵakuchita vinthu viheni chomene, ntheura vingaŵa wuli kuti ŵaŵe Ŵakhristu ŵaunenesko?”
Kasi ni lemba wuli ilo mungajulira munthu kuti wamanye Ŵakhristu ŵaunenesko?
MWAKUDUMURA
Ŵakhristu ŵaunenesko ŵakulondezga fundo za mu Baibolo, ŵali na chitemwa chakujipata, kweniso ŵakupharazga unenesko wa mu Baibolo.
Kuweleramo
Kasi ivyo Ŵakhristu ŵaunenesko ŵakugomezga vikujintha pa vichi?
Kasi Ŵakhristu ŵaunenesko ŵakumanyikwa na mikhaliro wuli?
Kasi Ŵakhristu ŵaunenesko ŵakuchita ntchito wuli?
SANGANI FUNDO ZAKUSAZGIKIRA
Manyani vinandi vya ŵanthu awo ŵakuyezgayezga kuchita ivyo Yesu wakasambizganga na kuchita.
Wonani ivyo vikapangiska mwanakazi munyake uyo wakaŵa sisitere kuti wasange “mbumba yauzimu.”
“Ŵakanizgora Kufuma mu Baibolo!” (Gongwe la Mulinda, Epulero 1, 2014)
Wonani umo Ŵakhristu ŵaunenesko ŵakulongolera chitemwa Ŵakhristu ŵanyawo awo ŵakukhumbikwira wovwiri.
Kovwira Ŵabali Ŵithu Awo Ŵasangana na Soka—Yakudumura (3:57)
Kasi Yesu wakati tingaŵamanya wuli Ŵakhristu ŵaunenesko? Ndipo kasi Ŵakhristu ŵakwambilira kweniso ŵa mazuŵa ghano ŵakufiska wuli ivi?
“Kasi Ŵakhristu Ŵaunenesko Ŵakumanyikwa Wuli?” (Gongwe la Mulinda, Malichi 1, 2012)