Uchimi wa “Viwangwa Vyakomira” na wa “Ŵakaboni Ŵaŵiri” Kasi Ghakukolerana Wuli?

MU 1919, mauchimi ghaŵiri ghakukozganako ghakafiskika: umoza wa “viwangwa vyakomira,” unyake wa “ŵakaboni ŵaŵiri.” Mboniwoni ya “viwangwa vyakomira” yikuyowoya vya nyengo yitali chomene (vyaka mahandiredi ghanandi) iyo yikamara apo gulu likuru la ŵanthu ŵa Chiuta likaŵaso lamoyo. (Ezek. 37:2-4; Chivu. 11:1-3, 7-13) Uchimi wa “ŵakaboni ŵaŵiri” ukuyowoya vya nyengo yifupi (ukamba kufiskika kuumaliro wa 1914 m’paka kuuyambiro wa 1919) iyo yikamara apo gulu lichoko waka la ŵateŵeti ŵa Chiuta likaŵaso lamoyo. Mauchimi ghose agha ghakayowoyanga vya kuwuskika mwauzimu, ndipo ghakafiskika mu 1919 apo Yehova wakawovwira ŵateŵeti ŵake ŵakuphakazgika ‘kuyimilira,’ kufumamo mu wuzga wa Babuloni Mukuru, na kwamba kuwunganaso mu mpingo wakutozgeka.—Ezek. 37:10.

Kweni wonani kuti kufiskika kwa mauchimi ghaŵiri agha kukupambana pa fundo yimoza. Uchimi wa “viwangwa vyakomira” ukuyowoya vya kuŵaso ŵamoyo kwa ŵakuphakazgika wose ŵakukhalapo. Kweni uchimi wa “ŵakaboni ŵaŵiri” ukuyowoya vya kuŵaso ŵamoyo kwa ŵakuphakazgika ŵanyake, awo ŵakalongozganga gulu ndipo ŵakimikika kuŵa “muzga wakugomezgeka na wavinjeru.”—Mat. 24:45; Chivu. 11:6.a

1. PAMANYUMA PA 100 C.E.

   Kwambira m’ma 100 C.E., apo mpingo wa Ŵakhristu ŵakuphakazgika ukaŵa nga wakomeka, “dambo” likazura na “viwangwa”

2. KUUYAMBIRO WA 1919

   1919: “Viwangwa vyakomira” vikaŵaso vyamoyo apo Yehova wakawovwira ŵakuphakazgika wose kufumamo mu Babuloni Mukuru na kuwunganaso na mpingo wakutozgeka

1. KUUMALIRO WA 1914

   Ŵakupharazga uku ŵavwara “vigudulu”

   1914: “Ŵakaboni ŵaŵiri” ŵakapharazganga uku ŵavwara “vigudulu” kwa vyaka vitatu na hafu. Nyengo iyi yikati yamara, ŵakaŵa nga ŵakomeka

2. ŵakaŵa nga ŵafwa

3. KUUYAMBIRO WA 1919

   1919: “Ŵakaboni ŵaŵiri” ŵakaŵaso ŵamoyo apo gulu lichoko waka la ŵabali ŵakuphakazgika awo ŵakalongozganga gulu likimikika kuŵa “muzga wakugomezgeka na wavinjeru”