Kasi Ndine Wakunozgeka?
Kasi Ndine Wakunozgeka Kupharazga na Mpingo?
Mungazomerezgeka kuŵa mupharazgi wambura kubatizika usange . . .
Nyengo zose mukusambira Baibolo, kulomba, kweniso kuwungana na mpingo.
Mukutemwa na kugomezga ivyo mukusambira kweniso mukuphalirako ŵanyinu.
Mukutemwa Yehova kweniso kuŵa paubwezi na ŵanthu awo ŵakutemwa Yehova.
Muli kusisitiska zina linu ku bungwe la ndyali panji ku tchalitchi ilo mukaŵa pakwamba.
Mukulondezga fundo za Yehova ndipo mukukhumba kuŵa Kaboni wa Yehova.
Usange mukuwona kuti mwanozgeka kupharazga na mpingo mungaphalira uyo wakumusambizgani Baibolo, ndipo iyo wamuphalira ŵalara kuti ŵawone usange ndimwe ŵakwenelera kupharazga na mpingo.
Kasi Ndine Wakunozgeka Kubatizika?
Mungazomerezgeka kubatizika para . . .
Ndimwe mupharazgi wambura kubatizika.
Mukupharazga nyengo zose.
Mukupulikira na kukhozgera ulongozgi wakufuma ku “muzga wakugomezgeka na wavinjeru.”—Mateyu 24:45-47.
Mwajipeleka kwa Yehova mu lurombo ndipo mukukhumba kumuteŵetera.
Usange mukuwona kuti mwanozgeka kubatizika mungaphalira uyo wakumusambizgani Baibolo, ndipo iyo wamuphalira ŵalara kuti ŵawone usange ndimwe ŵakwenelera kubatizika.