Bokosi la Fumbo

◼ Kasi tingasambira nyengo yitali wuli na munthu uyo wakukura mwauzimu?

Cikuŵa ciwemi comene kulutilira kusambira na uyo wakukura mwauzimu, mpaka wamalizge mabuku ghose ghaŵiri, la Kasi Baibolo Likusambizgaci? na la “Citemwa ca Ciuta.” Nanga msambiri wangaŵa kuti wabapatizika kale, tingalemba maora, ulendo wakuwelerako, na sambiro. Mupharazgi uyo taluta nayo kukacitiska sambiro ndipo nayo wakusambizgako, wangalemba maora.—Wonani Uteŵeti Withu wa Ufumu wa Novembala 2009 peji 7.

Nchakuzirwa kuti ŵaphya ŵakhore dankha mu unenesko pambere tindaleke kusambira nawo. Ŵakwenera “kujintha misisi” mwa Khristu na “kukhazikika mu cipulikano” mwakuti ŵatonde masuzgo agho ghangaŵapo. (Kol. 2:6, 7; 2 Tim. 3:12; 1 Pet. 5:8, 9) Kweniso ŵakwenera “kumanya makora unenesko” mwakuti ŵasambizge ŵanji mwakukhorweska. (1 Tim. 2:4) Para tikusambira mabuku ghose ghaŵiri na ŵasambiri ŵithu, tikuŵawovwira kuti ŵakhore pa “nthowa yakulongozgera ku umoyo.”—Mat. 7:14.

Pambere ŵalara ŵandazomerezge munthu kuti wabapatizike, ŵakwenera kuwoneseska kuti wapulikiska visambizgo vyakwambilira vya Baibolo, ndipo wakulondezga nadi ivyo wakusambira. Ŵalara ŵakwenera kuŵa maso comene pakusanda msambiri uyo wandamalizge kusambira buku lakwamba. Para ngwambura kwenelera kubapatizika, ŵakwenera kuwoneseska kuti wawovwirika mwakuti wazakaŵe wakwenelera kubapatizika kunthazi. Wonani buku la Ŵakunozgeka Kucita Khumbo la Yehova, peji 216 mpaka 218.

[Mazgu Ghakukhozgera pa peji 2]

Nchakuzirwa kuti ŵaphya ŵakhore mu unenesko