1 Beresosɛm

9 Wɔkan Israelfo nyinaa sɛnea wɔn mmusua te,+ na wɔkyerɛw wɔn din Israel Ahene Nhoma no mu. Yuda amumɔyɛ nti, wɔfaa wɔn kɔɔ Babilon nkoasom mu.+ 2 Wɔn a wodii kan bɛtenaa wɔn agyapade so bio wɔn kurom ne Israelfo,+ asɔfo,+ Lewifo+ ne Netinimfo.+ 3 Na Yuda+ asefo ne Benyamin+ asefo ne Efraim asefo ne Manase asefo no binom a wɔbɛtenatenaa Yerusalem+ no ni: 4 Utai a ɔyɛ Amihud ba, Omri ba, Imri ba, Bani ba a ofi Yuda+ ba Peres+ asefo mu. 5 Silo asefo+ mu: abakan Asaia ne ne mma. 6 Sera+ mma mu: Yeuel ne wɔn nuanom, wɔyɛ ahansia aduɔkron.

7 Benyamin asefo mu: Salu a ɔyɛ Mesulam ba, Hodawia ba, Hasenua ba, 8 ne Yeroham ba Yibnai, ne Ela a ɔyɛ Usi ba, Mikri ba, ne Mesulam, Sefatia ba, Reuel ba, Yibnia ba. 9 Wɔn nuanom asefo yɛ ahankron aduonum asia. Wɔn nyinaa yɛ wɔn agyanom abusuafie mpanyimfo.

10 Asɔfo no mu: Yedaia, Yoiarib ne Yakin,+ 11 ne Asaria+ a ɔyɛ Hilkia ba, Mesulam ba, Sadok ba, Meraiot ba, Ahitab ba; ná ɔyɛ ɔpanyin wɔ nokware Nyankopɔn fie hɔ; 12 wɔn mu bi nso ne Adaia a ɔyɛ Yeroham ba, Pasur ba, Malkiya ba, Masai ba, Adiel ba, Yasera ba, Mesulam ba, Mesilemit+ ba, Imer ba, 13 ne wɔn nuanom, wɔn agyanom abusuafie mpanyimfo, apem ahanson aduosia; mmarima ahoɔdenfo a wɔyɛ adwuma+ nokware Nyankopɔn fie.

14 Lewifo mu: Semaia a ɔyɛ Hasub ba, Asrikam ba, Hasabia+ ba a ofi Merari asefo mu; 15 ne Bakbakar, Heres, Galal ne Matania+ a ɔyɛ Mika+ ba, Sikri+ ba, Asaf+ ba, 16 ne Obadia a ɔyɛ Semaia+ ba, Galal ba, Yedutan+ ba, ne Berekia a ɔyɛ Asa ba, Elkana ba; ɔno na ɔtenaa Netofafo+ mu.

17 Apon ano ahwɛfo+ no ne Salum,+ Akub, Talmon ne Ahiman. Ná wɔn nua Salum na ɔda wɔn ano; 18 ɔno na ɛde besi saa bere no na ɔwɔ ɔhene pon ano+ wɔ apuei fam. Wɔn ne Lewifo nsraban ano ahwɛfo.+ 19 Wɔn mu bi nso ne Salum a ɔyɛ Kore ba, Ebiasaf+ ba, Kora+ ba;+ ɔne ne nuanom Kora asefo+ a wofi n’agya fie na wɔdeda adwuma no ano; ná wɔyɛ ntamadan no ano ahwɛfo,+ na wɔn agyanom na wɔyɛ apon ano ahwɛfo wɔ Yehowa nsraban ano. 20 Kan no, Eleasar+ ba Finehas+ na na ɔda wɔn ano; Yehowa dii n’akyi.+ 21 Ná Meselemia ba Sakaria+ ne ahyiae ntamadan no ano hwɛfo.

22 Wɔn a wɔpaw wɔn sɛ abobow ano pon ano ahwɛfo no nyinaa yɛ ahanu ne dumien. Wɔtenatenaa wɔn atenae+ sɛnea wɔn mmusua te.+ Eyinom na Dawid+ ne ɔdehwɛfo Samuel+ buu wɔn anokwafo na wɔde wɔn totoo adwuma ano no.+ 23 Wɔn na na wɔne wɔn mma yɛ Yehowa fie apon ano ahwɛfo; wɔwɛn+ ntamadan fie no. 24 Apon ano ahwɛfo no gyinagyinaa afanan, apuei+ ne atɔe,+ atifi+ ne anafo.+ 25 Ɛwom wom a, wɔn nuanom a wɔwɔ wɔn atenae no ba bɛboa wɔn nnanson.+ 26 Wɔde apon ano ahwɛfo anokwafo baanan a wɔn ho yɛ den totoo adwuma no ano. Wɔyɛ Lewifo, na wɔn na wɔhwɛɛ nokware Nyankopɔn fie adidibea+ ne adekoradan+ no so. 27 Wosisi twaa nokware Nyankopɔn fie no ho hyiae anadwo biara efisɛ na wɔyɛ awɛmfo,+ na safe hyɛ wɔn nsa; wɔn na wobuebuee apon anɔpa biara.+

28 Wɔn mu binom hwɛɛ ɔsom ho nneɛma+ so; ná wɔkan ansa na wɔde aba, na wɔsan kan ansa na wɔde akɔ. 29 Wɔpaw ebinom nso sɛ wɔnhwɛ nneɛma yi so: anwenne ne akronkronne+ ne esiam muhumuhu+ ne nsã+ ne ngo+ ne ɛhyɛ+ ne balsam ngo.+ 30 Ná asɔfo mma no binom fra balsam ngo de yɛ sradehuam.+ 31 Lewini Matitia a ɔyɛ Kora aseni Salum+ abakan no ne ɔnokwafo a na ɔhwɛ nneɛma a wɔtõ wɔ nkankyee+ mu so. 32 Wɔn nuanom Kohat asefo no bi na wɔhwɛɛ paanoo a wɔde kyerɛ+ no so; wɔtõõ no homeda homeda.+

33 Eyinom ne nnwontofo+ no, Lewifo agyanom abusuafie mpanyimfo a wɔyɛɛ adwuma adidibea+ hɔ no; woyii wɔn fii nnwuma foforo mu,+ efisɛ na ɛyɛ wɔn asɛde sɛ wɔyɛ wɔn adwuma no awia ne anadwo.+ 34 Wɔn ne Lewifo agyanom abusuafie mpanyimfo, atitiriw no. Eyinom na wɔtenaa Yerusalem.+

35 Gibeon+ agya Yeiel tenaa Gibeon, na ne yere din de Maaka. 36 N’abakan ne Abdon, na wɔn a wodi hɔ ne Sur, Kis, Baal, Ner, Nadab, 37 ne Gedor, Ahio, Sakaria+ ne Miklot. 38 Miklot woo Simeam. Eyinom na wɔne wɔn nuanom tenaa Yerusalem toaa wɔn nuanom so. 39 Ner+ woo Kis,+ Kis nso woo Saul;+ Saul woo Yonatan+ ne Malki-Sua+ ne Abinadab+ ne Esbaal.+ 40 Yonatan ba ne Merib-Baal,+ na Merib-Baal woo Mika.+ 41 Mika mma ne Piton, Melek, Tarea ne Ahas.+ 42 Ahas woo Yara; Yara nso woo Alemet, Asmawet ne Simri. Simri nso woo Mosa. 43 Mosa woo Binea, na ɔno nso woo Refaia,+ na ɔno nso woo Eleasa, na ɔno nso woo Asel. 44 Asel woo mma baasia. Wɔn din ni: Asrikam, Bokeru, Ismael, Searia, Obadia ne Hanan. Eyinom ne Asel+ mma.