Ɔsɛnkafo

5 Sɛ wokɔ nokware Nyankopɔn fie a, hwɛ w’anammɔn yiye;+ kɔ na kɔyɛ aso tie.+ Ɛno ye sen nkwasea afɔrebɔ,+ efisɛ wɔn de, wonnim sɛ wɔreyɛ bɔne.+

2 Mma w’ano mmpere wo; na wo koma+ nso, mma ɛmmpere ne ho nnka asɛm bi nokware Nyankopɔn anim.+ Nokware Nyankopɔn wɔ soro,+ na wo de, asase so na wowɔ. Ɛno nti na ɛsɛ sɛ wo nsɛm yɛ kakraa bi no.+ 3 Nneɛma a nnipa dwen ho pii na ɛde adaeso ba,+ na nsɛm bebrebe na ɛma wɔte ɔkwasea nne.+ 4 Sɛ wohyɛ Onyankopɔn bɔ a, ntwentwɛn wo nan ase sɛ wubetua,+ efisɛ n’ani nnye nkwasea ho.+ Nea woahyɛ ho bɔ no, tua.+ 5 Eye sɛ worenhyɛ bɔ+ sen sɛ wobɛhyɛ bɔ na wuntua.+ 6 Mma w’ano nnnyigye wo honam nnkɔ bɔne mu,+ na nka wɔ ɔbɔfo+ no anim sɛ ɛyɛ mfomso.+ Dɛn nti na wo nne nti ɛsɛ sɛ nokware Nyankopɔn bo fuw na ɔsɛe wo nsa ano adwuma?+ 7 Nneɛma a nnipa dwen ho pii na ɛde adaeso+ ne ahuhude ne kasa dodow ba. Nanso nokware Nyankopɔn na suro no.+

8 Sɛ wuhu sɛ obi hyɛ ohiani so na ɔde atirimɔden kyea n’atemmu+ wɔ asase bi so a, mma ɛnnyɛ wo nwonwa;+ wɔn a wɔkorɔn no, nea ɔyɛ kɛse sen wɔn+ rehwɛ wɔn,+ na wɔn a wɔkorɔn no, ebinom nso wɔ hɔ a wɔkorɔn sen wɔn.

9 Bio nso asase so aba wɔ hɔ ma nnipa nyinaa;+ ɔhene nso, wɔde asase so nnɔbae kɔma no.+

10 Nea ɔpɛ dwetɛ no, dwetɛ mmee no, na nea ɔpɛ adedodow nso, ahonyade mmee no.+ Eyi nso yɛ ahuhude.+

11 Sɛ nneɛma pa dɔɔso a, wɔn a wodi nso dɔɔso.+ Na mfaso bɛn na ɛwɔ so ma ne wura sɛ́ n’ani kɛkɛ a ɔde bɛhwɛ?+

12 Sɛ ɔsomfo didi kakraa bi oo, sɛ odidi pii oo, ne nna yɛ no dɛ;+ na ɔdefo adedodow mma ontumi nna.

13 Ɔbrɛ hunu kɛse bi wɔ hɔ a mahu owia ase: wɔboaboa ahonyade ano ma ne wura ma ɛdan ɔbrɛ hunu ma no.+ 14 Ɔbrɛ hunu nti saa ahonyade no yera,+ na bere a onni hwee wɔ ne nsam no na ɔwo ɔba.+

15 Sɛnea onipa de adagyaw fi ne maame yam bae no, saa ara na ɔbɛsan akɔ;+ na ɔrentumi mfa adwuma a ɔbrɛ yɛe no mu biribiara nkura nkɔ.+

16 Eyi nso yɛ ɔbrɛ hunu kɛse: sɛnea onipa bae no, saa ara na ɔbɛsan akɔ; na mfaso bɛn na ɛwɔ hɔ ma nea ɔbrɛ yɛ adwuma gu mframa mu?+ 17 Ne nna nyinaa nso, esum mu na odidi, na n’ahoyeraw ne ne yare ne n’abufuw dɔɔso.+

18 Hwɛ! Ade a mahu sɛ eye na ɛyɛ fɛ onipa nkwa nna dodow a nokware Nyankopɔn de ama no mu ne sɛ obedidi, na wanom, na wahu adepa, ne brɛ a ɔbrɛ owia ase nyinaa mu;+ eyi ne ne kyɛfa. 19 Onipa biara a nokware Nyankopɔn ama no sika ne ahonyade no,+ wama no tumi sɛ onni bi+ na ɔmmoaboa ne kyɛfa ano na n’ani nnye adwuma a wabrɛ ayɛ no mu.+ Onyankopɔn akyɛde ne no.+ 20 N’adwene renkɔ ne nkwa nna so pii, efisɛ nokware Nyankopɔn de ahyɛ n’adwenem sɛ n’ani nnye ne komam.+