1 Samuel

27 Na Dawid kae wɔ ne komam sɛ: “Anhwɛ a Saul nsa bɛpra me akɔ da bi. Biribiara nye mma me sɛ meguan+ akɔ Filistifo+ asase so, na Saul bɛhwehwɛ me wɔ Israel asase so abrɛ+ na wagyae m’akyidi, na mefi ne nsam.” 2 Enti Dawid sɔree, na ɔne mmarima ahansia+ a wɔka ne ho no twaam kɔɔ Maok ba Akis,+ Gat hene no hɔ. 3 Na Dawid kɔɔ so tenaa Akis nkyɛn wɔ Gat, ɔne ne mmarima no, obiara ne ne fiefo,+ Dawid ne ne yerenom baanu no, Yesreelni Ahinoam+ ne Karmelni Abigail,+ Nabal yere no. 4 Akyiri yi, wɔbɛka kyerɛɛ Saul sɛ Dawid aguan kɔ Gat, enti wankɔ so anhwehwɛ no bio.+

5 Ɛnna Dawid ka kyerɛɛ Akis sɛ: “Sɛ manya w’anim dom a, ma wɔmma me baabi wɔ nkuraase nkurow no biako mu na mentena hɔ; dɛn nti na ɛsɛ sɛ w’akoa ne wo tena adehye kurow mu?” 6 Enti Akis de Siklag+ maa no saa da no. Ɛno nti na Siklag abɛyɛ Yuda ahene kurow de besi nnɛ no.

7 Nna dodow a Dawid de tenaa Filistifo akuraase no yɛ afe ne asram anan.+ 8 Na Dawid ne ne mmarima no foro kɔe kɔfow Gesurfo+ ne Gersifo ne Amalekfo;+ wɔn na na wɔtete asase no so fi Telam+ kɔpem Sur+ de kosi Egypt asase so. 9 Na Dawid kɔtow hyɛɛ asase no so, na wankora ɔbarima anaa ɔbea biara nkwa so;+ ɔfaa anantwi ne nguan ne mfurum ne yoma ne ntade, na ɔsan kɔɔ Akis nkyɛn. 10 Ɛnna Akis bisae sɛ: “Ɛhe na mokɔɔ afow nnɛ?” Na Dawid kae sɛ:+ “Yɛkɔɔ Yuda anafo+ ne Yerameelfo+ anafo ne Kenifo+ anafo.” 11 Ɔbarima oo, ɔbea oo, Dawid ankora obiara nkwa so amfa no amma Gat, efisɛ ɔkae sɛ: “Anyɛ a wɔbɛkɔ akɔka nea yɛayɛ sɛ, ‘Sɛɛ na Dawid ayɛ.’”+ (Nna a ɔde tenaa Filistifo akuraase hɔ nyinaa, saa ara na ɔyɛe.) 12 Enti Akis gyee Dawid dii,+ na ɔkae ne tirim sɛ: “Ampa ara ne ho abɔn ne man Israel,+ na ɔbɛyɛ m’akoa daa.”