11 “‘Nanso sɛ ɔrennya mmuruburuw abien anaa mmorɔnoma mma abien a, ɔmfa esiam muhumuhu efa nkyem du mu baako*+ mmra mmɛbɔ ne bɔne ho afɔre. Mma ɔmmfa ngo nngu so, na ɔmmfa ɛhyɛ* nnka ho; ɛyɛ bɔne ho afɔre. 12 Ɔmfa mmrɛ ɔsɔfo no, na ɔsɔfo no nsaw ne nsa ma nhyew wɔ afɔremuka no so na ɛno nnyina hɔ mma afɔre no nyinaa.* Ɔnhyew wɔ afɔremuka no so wɔ afɔre a wɔde ogya hyew ma Yehowa no so. Ɛyɛ bɔne ho afɔre.

14 “‘Aduan afɔre no ho mmara ni:+ Aaron mma na ɛsɛ sɛ wɔde ba Yehowa anim wɔ afɔremuka no anim. 15 Wɔn mu baako nsaw esiam muhumuhu a wɔde bɛbɔ aduan afɔre no ne ngo no ne ɛhyɛ* a ɛka ho no nsa ma, na ɔnhyew wɔ afɔremuka no so sɛ afɔre huamhuam* mma Yehowa, na ɛno nnyina hɔ mma afɔre no nyinaa.*+