5 Wɔka kyerɛɛ no sɛ: “Hwɛ! Woabɔ akwakoraa, na wo mma nso amfa w’akwan so. Enti si yɛn so hene na ommu yɛn atɛn sɛ aman a aka no nyinaa.”+

24 Samuel ka kyerɛɛ ɔman no nyinaa sɛ: “Nea Yehowa apaw no no,+ moahu sɛ obiara nte sɛ ɔno wɔ ɔman yi nyinaa mu?” Na ɔman no nyinaa bɔɔ ose kae sɛ: “Ɔhene, nya nkwa daa!”

14 Akyiri yi, Samuel ka kyerɛɛ ɔman no sɛ: “Mommra mma yɛnkɔ Gilgal+ na yɛnsan nkosi Saul hene bio.”+ 15 Enti ɔman no nyinaa kɔɔ Gilgal, na wosii Saul hene wɔ Yehowa anim wɔ Gilgal. Afei wɔbɔɔ asomdwoe afɔre wɔ Yehowa anim,+ na Saul ne Israel mmarima nyinaa dii ahurusi kɛse wɔ hɔ.+