Ɔwɛn-Aban INTANƐT SO NHOMAKORABEA

2 Ahene 21:16

Kyerɛw Kronkron—Wiase Foforo Nkyerɛase
- 16 Bio nso, Manase hwiee mogya a edi bem bebree gui. Okunkum nnipa fi Yerusalem ti kosi ti,+ ɛsono bɔne a ɔyɛe a ɛnam so maa Yuda nso yɛɛ bɔne wɔ Yehowa ani so no.

Yeremia 22:17

Kyerɛw Kronkron—Wiase Foforo Nkyerɛase
- 17 ‘Na wo de, ade a w’ani ne wo koma di akyi ara ne sɛ wubenya mfaso bɔne,
  Na woahwie nnipa a wɔn ho nni asɛm mogya agu,
  Na woasisi nkurɔfo abɔ wɔn apoo.’

Mika 3:3

Kyerɛw Kronkron—Wiase Foforo Nkyerɛase
- 3 Mowe me nkurɔfo honam nso,+
  Na moworɔw wɔn were fi wɔn ho,
  Mububu wɔn nnompe mu, na mutwitwa mu nketenkete,+
  
  Te sɛ nnompe a wɔde gu dadesɛn* mu noa, te sɛ nam a egu kwansɛn mu.

Sakaria 11:4, 5

Kyerɛw Kronkron—Wiase Foforo Nkyerɛase
- 4 “Nea Yehowa me Nyankopɔn aka ni, ‘Hwɛ nguan a wɔrebekum wɔn no so,+ 5 nguan a wɔn a wɔtɔ wɔn no kum wɔn,+ nanso wɔfa wɔn ho di no. Na wɔn a wɔtɔn wɔn no+ ka sɛ, “Ayeyi nka Yehowa, efisɛ menya sika.” Na wɔn ahwɛfo nni ayamhyehye biara mma wɔn.’+