14 Ɛnna Dumien no mu baako, nea wɔfrɛ no Yuda Iskariot+ no, kɔɔ asɔfo mpanyin no nkyɛn.+ 15 Obisaa wɔn sɛ: “Dɛn na mode bɛma me na mayi no ama mo?”+ Na wɔkae sɛ wɔbɛma no dwetɛ sika 30.+ 16 Enti efi saa bere no, ɔhwehwɛɛ bere a ɛfata a ɔde beyi no ama.

10 Na Yuda Iskariot a ɔyɛ Dumien no mu baako no kɔɔ asɔfo mpanyin no nkyɛn sɛnea ɛbɛyɛ a obeyi no ama wɔn.+ 11 Bere a wɔtee no, wɔn ani gyei paa, na wɔhyɛɛ no bɔ sɛ wɔbɛma no dwetɛ sika.+ Enti ofii ase hwehwɛɛ ɔkwan a ɔbɛfa so ayi no ama.

70 Yesu ka kyerɛɛ wɔn sɛ: “Ɛnyɛ me na mepaw mo nnipa dumien yi?+ Nanso mo mu baako yɛ dinsɛefo.”*+

2 Ná wɔredi anwummere aduan no, na na Ɔbonsam de ahyɛ Simon ba Yuda Iskariot+ komam dedaw sɛ onyi Yesu mma.+

27 Bere a Yuda gyee paanoo sin no, Satan bɛhyɛɛ ne mu.+ Ɛnna Yesu ka kyerɛɛ no sɛ: “Nea woreyɛ no, yɛ no ntɛm.”

16 “Mmarima, anuanom, honhom kronkron no nam Dawid so hyɛɛ Yuda ho nkɔm,+ nea ɔkyerɛɛ nkurɔfo kwan ma wɔkɔkyeree Yesu+ no. Ná ehia sɛ saa kyerɛwsɛm no ba mu. 17 Efisɛ na ɔka yɛn ho,+ na ɔyɛɛ ɔsom adwuma yi bi.