33 Maka eyinom akyerɛ mo, na monam me so anya asomdwoe.+ Mubehu amane wɔ wiase de, nanso munnya akokoduru! Madi wiase so nkonim.”+

14 Kristo na wama yɛn asomdwoe,+ na wayɛ akuw abien no baako+ adwiriw ɔfasu a na etwa wɔn ntam no agu.+

6 Mommma dadwen nnhyɛ mo so wɔ biribiara mu.+ Mmom ade nyinaa mu no, momfa mpaebɔ ne nkotosrɛ ne aseda nkɔ Onyankopɔn anim mfa mo adesrɛ nto n’anim;+ 7 na Onyankopɔn asomdwoe+ a ɛboro ntease nyinaa so no nam Kristo Yesu so bɛbɔ mo koma ne mo adwene ho ban.+

15 Afei nso, momma Kristo asomdwoe nni mo koma so,+ efisɛ saa asomdwoe no na wɔfrɛɛ mo baa mu wɔ nipadua baako mu. Monyɛ nnipa a wɔkyerɛ anisɔ.*

16 Na asomdwoe Wura no ankasa mma mo asomdwoe daa wɔ akwan nyinaa mu.+ Awurade ne mo nyinaa ntena.