5 Enti Samson ne ne papa ne ne maame kɔɔ* Timna. Bere a Samson duu Timna bobe mfuw* mu no, ɔnkɔhwɛ a, gyata* bi na ɔrebobom ba no so yi! 6 Ɛnna Yehowa honhom maa no ahoɔden,+ na ɔwaee gyata no mu abien sɛnea obi de ne nsa wae apɔnkye ba mu no. Nanso wanka nea wayɛ no ankyerɛ ne papa anaa ne maame.

34 Ɛnna Dawid ka kyerɛɛ Saul sɛ: “Ná w’akoa rehwɛ ne papa nguan, na gyata+ bɛkyeree oguan ba fii nguankuw no mu, ɛnna da foforo nso, osisi bɛkyeree bi. 35 Mitiw wɔn kɔbɔɔ wɔn hwee hɔ, na miyii nguan no fii wɔn anom. Bere a wɔsɔre baa me so no, misoo wɔn nwi* mu bɔɔ wɔn hwee hɔ kum wɔn. 36 Gyata ne sisi no nyinaa, w’akoa tumi kum wɔn, na Filistini momonotoni yi bɛyɛ sɛ wɔn mu baako, efisɛ wabu Onyankopɔn teasefo no animtiaa* wɔ akono.”+

21 Ntɛm ara na Daniel ka kyerɛɛ ɔhene sɛ: “Ɔhene, nya nkwa daa. 22 Me Nyankopɔn asoma ne bɔfo ama wabemuamua agyata no ano,+ na wɔanyɛ me hwee,+ efisɛ wahu sɛ midi bem wɔ n’anim; na wo, ɔhene nso, menyɛɛ wo bɔne biara.”