16 Bere a ɔbɔɔ Yesu asu wiei no, ntɛm ara na Yesu fii nsu no mu puei, na hwɛ! ɔsoro buei,+ na ohuu Onyankopɔn honhom sɛ ɛresian aba no so te sɛ aburuburuw.+

32 Yohane dii adanse nso sɛ: “Mihui sɛ honhom no resian sɛ aburuburuw fi soro, na ebesii no so.*+ 33 Me mpo, na minnim no. Nanso Onii a ɔsomaa me sɛ memmɛbɔ nkurɔfo asu wɔ nsu mu no, ɔno ara na ɔka kyerɛɛ me sɛ, ‘Nea wubehu sɛ honhom no asian abesi* no so+ no, ɔno ne nea ɔbɔ asu honhom kronkron mu+ no.’