Nnwom

92 Eye sɛ yɛbɛda Yehowa ase,+

Na yɛato ayeyi dwom* ama wo din, O Ɔsorosoroni;

 2 Eye sɛ yɛbɛka wo dɔ a enni huammɔ+ no ho asɛm anɔpa,

Na yɛaka wo nokwaredi ho asɛm anadwo,

 3 Na yɛabɔ sanku a ɛwɔ nhama du ne sankuwa,

Ne dwom dɛdɛ wɔ sankuten so.+

 4 O Yehowa, wo na woma midi ahurusi wɔ wo nnwuma ho;

Wo nsa ano adwuma nti, meto ahurusi dwom.

 6 Obiara a onni adwene rentumi nhu mu,

Na ogyimifo biara rentumi nte ase sɛ:+

 7 Sɛ nnebɔneyɛfo fifi sɛ wura,*

Na sɛ amumɔyɛfo nyinaa yɛ frɔmfrɔm a,

Ɛyɛ ɔsɛe korakora a ɛbɛba wɔn so ntia.+

 9 O Yehowa, hwɛ sɛnea w’atamfo bedi nkogu,

Hwɛ sɛnea w’atamfo bɛyera;

Wobɛbɔ amumɔyɛfo nyinaa ahwete.+

10 Nanso wobɛma m’ahoɔden ayɛ kɛse* sɛ ɛkoɔ* de;

Mɛsra ngo pa ama me ho abae me.+

11 M’atamfo bedi nkogu ama m’ani ahu;+

Nnebɔneyɛfo a wɔtow hyɛ me so no bɛhwe ase ama m’aso ate.

12 Ɔtreneeni de, ɔbɛyɛ frɔmfrɔm sɛ abedua;

Ɔbɛyɛ kɛse te sɛ sida dua a ɛwɔ Lebanon.+

13 Wɔadua wɔn wɔ Yehowa fi,

Wɔyɛ frɔmfrɔm wɔ yɛn Nyankopɔn fi adiwo hɔ.+

14 Sɛ wonyin* mpo a, wɔbɛsow aba,+

Na wɔbɛkɔ so anya ahoɔden* na wɔayɛ kama,+

15 Na wɔbɛka sɛ Yehowa teɛ.