Yesaia

5 Ma mento dwom mma me dɔfo,

Me dɔfo ne ne bobefuw*+ ho dwom.

Oduaa bobe pa wɔ so,*

Osii abantenten wɔ afuw no mfinimfini,

Na otuu amoa a wokyĩ nsã* wom wɔ hɔ.+

Afei ɔtwɛnee sɛ ɛbɛsow bobe pa,

Nanso bobe a enye nko ara na ɛsowee.+

 3 “Afei, mo a motete Yerusalem ne Yuda mmarima,

Mesrɛ mo, mummu me ne me bobefuw ntam atɛn.+

 4 Dɛn bio na ɛsɛ sɛ meyɛ ma me bobefuw no

A menyɛe?+

Dɛn nti na m’ani da so sɛ ɛbɛsow bobe pa

Na asow bobe fõ nko ara yi?

 5 Afei momma menkyerɛ mo

Nea mɛyɛ me bobefuw no:

Metutu ɛho ban,

Na wɔahyew no.+

Mebubu n’afasu a wɔde abo ayɛ no,

Na wɔatiatia so.

 6 Mɛma asɛe;+

Wɔrentwitwa ho, na wɔremfa asɔw nnɔw ase.

Nsɔe ne nwura begye afa,+

Na mɛhyɛ omununkum sɛ ɔnntɔ osu nngu so.+

 7 Asafo Yehowa bobefuw no ne Israel fi,+

Na afuw a n’ani ku ho no ne Yuda mmarima.

Ɔkɔɔ so hwɛɛ atɛntrenee kwan,+

Nanso hwɛ! ntɛnkyea na wobui;

Ɔhwehwɛɛ adetrenee,

Nanso hwɛ! osu ne nteɛteɛm na ɔtee.”+

 8 Wonnue, wɔn a wɔka afi bɔ afi so,+

Na wohwim asaase ka asaase ho+

Kosi sɛ ɔkwan biara nna hɔ bio,

Na mo nko ara motena asaase no so!

 9 Asafo Yehowa aka ntam agu m’asom sɛ,

Afi akɛse pii a ɛyɛ fɛ

Bɛyɛ tantaantan,

Na obiara rentena mu.+

10 Bobefuw eka du* bɛma mo bobesa bat susuhina* baako pɛ,

Na mudua aduaba homar susude* baako a, mubenya efa* baako pɛ.+

11 Wonnue, wɔn a wɔsɔre anɔpatutuutu kɔnom nsã a ano yɛ den,+

Wɔn a wɔtena nsã* ho ma ade sa tumm kosi sɛ wɔbɛbow sram!

12 Wɔwɔ sanku ne sankuten,

Mpintin, atɛntɛbɛn, ne nsã* wɔ wɔn apontow ase;

Nanso Yehowa nneyɛe de, wonnwen ho,

Na ne nsa ano adwuma nso, wonhu.

13 Enti wobetu me man afi wɔn asaase so akɔ,

Nimdeɛ a wonni nti;+

Ɔkɔm bɛde wɔn anuonyamfo,+

Na osukɔm ade wɔn nkurɔfo nyinaa.

14 Enti Ɔdamoa* abae ne yam*

Na wabue n’anom kakraa.+

Na kurow no mu anuonyamfo,* emu nnipadɔm a wɔyɛ dede, ne emufo a wogye wɔn ani tra so

Besian akɔ hɔ.

15 Na wɔbɛbrɛ ɔdasani ase,

Onipa bɛba fam,

Na wɔbɛbrɛ ahantanfo ani ase.

16 Asafo Yehowa atemmu* bɛma wayɛ kɛse;

Nokware Nyankopɔn no, Ɔkronkronni+ no, nam trenee+ so bɛtew ne ho.

17 Na nguan mma bedidi te sɛ nea wɔwɔ wɔn adidibea;

Mmeae a mmoa a wɔadɔ srade agyae hɔ adidi no, ɛhɔ na ahɔho bedidi.*

18 Wonnue, wɔn a wɔde nnaadaa nhama twe wɔn afodi

Na wɔde teaseɛnam nhama twe wɔn bɔne;

19 Wɔn a wɔka sɛ: “Ɔmma Ne ho nyɛ hare,

Ɛmmra ntɛm mma yɛnhwɛ.

Israel Kronkronni no atirimpɔw* mmra mu

Mma yenhu!”+

20 Wonnue, wɔn a wɔka sɛ papa yɛ bɔne na bɔne yɛ papa,+

Wɔn a wɔde sum yɛ hann na wɔde hann yɛ sum,

Wɔn a wɔde nwenenwene yɛ fremfrem na wɔde fremfrem yɛ nwenenwene!

21 Wonnue, wɔn a wɔyɛ anyansafo wɔ wɔn ankasa ani so,

Na wobu wɔn ho mmadwemma!+

22 Wonnue, wɔn a wɔagye din wɔ asanom* mu

Ne wɔn a wɔyɛ akatakyi wɔ nsãfra* mu,+

23 Wɔn a wogye adanmude* bu ɔbɔnefo bem+

Na wɔde atɛntrenee kame ɔtreneeni!+

24 Enti sɛnea ogya tɛkrɛma hyew sare

Na ogyaframa mene sare a awo no,

Saa ara na wɔn ntini bɛporɔw,

Na wɔn nhwiren ahuw akɔ sɛ mfuturu,

Efisɛ wɔapo asafo Yehowa mmara,*

Na wɔmfa Israel Kronkronni no asɛm nyɛ hwee.+

25 Ɛno nti na Yehowa bo afuw ne man denneennen no.

Na ɔbɛteɛ ne nsa wɔ wɔn so akunkum wɔn.+

Mmepɔw bɛwosow,

Na wɔn afunu besum mmɔnten so sɛ sumina.*+

Nea akɔ so nyinaa nti, ɔntwee n’abufuw nsanee,

Mmom, wateɛ ne nsa, na ɔda so ara rekunkum.

26 Wama ahyɛnsode* bi so akyerɛ ɔman bi wɔ akyirikyiri;+

Wabɔ hwirema afrɛ wɔn afi asaase ano noho;+

Na hwɛ! wɔde mmirika reba ntɛm.+

Abɔso a ɛbɔ wɔn asen nhodwowee,

Na wɔn mpaboa mu hama ntewee.

28 Wɔn agyan nyinaa ano yɛ nnam,

Na wɔn agyan nyinaa mu akuntunkuntun.*

Wɔn apɔnkɔ nan te sɛ abo a ano yɛ nnam,*

Na wɔn nteaseɛnam nan te sɛ ahum.+

29 Wɔn mmobom te sɛ gyata,

Na wɔbobom te sɛ agyata* a wɔn ho yɛ den.+

Wopow kyere aboa,

Na wɔde no kɔ a ogyefo biara nni hɔ.

30 Saa da no, wɔbɛworo agu no so

Te sɛ ɛpo a ɛreworo.+

Obiara a ɔbɛhwɛ asaase no behu esum kabii;

Omununkum nti, hann mpo adan sum.+