Hosea

6 “Mommra, momma yɛnsan nkɔ Yehowa nkyɛn,

Efisɛ watetew yɛn mu de,+ nanso ɔbɛsa yɛn yare.

Na da a ɛto so abiɛsa no, ɔbɛma yɛn so,

Na yɛbɛtena ase wɔ n’anim.

Sɛnea adekyee nni huammɔ no, saa ara na obefi adi;

Ɔbɛba yɛn nkyɛn te sɛ osu a ɛretɔ denneennen,

Te sɛ fefɛw bere mu osu* a ɛfɔw asaase.”

Efisɛ mo dɔ a enni huammɔ te sɛ anɔpa mununkum,

Ɛte sɛ obosu a ɛyera ntɛm.

 5 Enti mɛma adiyifo no atwa wɔn agu;+

Mede m’anom asɛm bekum wɔn.+

 6 Ɔdɔ a enni huammɔ na mepɛ, na ɛnyɛ afɔrebɔ;

Onyankopɔn ho nimdeɛ na mepɛ, na ɛnyɛ ɔhyew afɔre.+

 8 Gilead yɛ abɔnefo kurow;+

Mogya ayɛ kurow no ma.*+

Wokum nnipa wɔ Sekem kwan so,+

Na wɔn suban yɛ aniwu.

11 Na wo, O Yuda, wo de, wɔayi twabere bi asi hɔ ama wo.

Saa bere no, me manfo a wɔakyere wɔn kɔ no, mɛboaboa wɔn ano asan aba.”+