BERESOSƐM NHOMA A EDI KAN

5 Yafet mma ne Gomer, Magog, Madai, Yawan, Tubal,+ Mesek,+ ne Tira.+

6 Gomer mma ne Askenas, Rifat, ne Togarma.+

7 Yawan mma ne Elisah, Tarsis, Kitim, ne Rodanim.

8 Ham mma ne Kus,+ Misraim, Put, ne Kaanan.+

9 Kus mma ne Seba,+ Hawila, Sabta, Raama,+ ne Sabteka.

Raama mma ne Saba ne Dedan.+

10 Kus woo Nimrod.+ Ɔno na ɔbɛyɛɛ otumfo a odi kan wɔ asaase so.

11 Misraim woo Ludim,+ Anamim, Lehabim, Naftuhim,+ 12 Patrusim,+ Kasluhim (wɔn asefo ne Filistifo,)+ ne Kaftorim.+

13 Kaanan woo Sidon+ a ɔyɛ ne ba panyin, ne Het,+ 14 ne afei Yebusifo,+ Amorifo,+ Girgasifo,+ 15 Hiwifo,+ Arkifo, Sinfo, 16 Awadfo,+ Semarifo, ne Hamatfo.

18 Arfaksad woo Sela,+ na Sela nso woo Eber.

19 Eber woo mma baanu. Ɔbaako din de Peleg,*+ efisɛ ne bere so na nnipa mu kyekyɛe wɔ asaase so.* Ne nua din de Yoktan.

20 Yoktan woo Almodad, Selef, Hasarmawet, Yera,+ 21 Hadoram, Usal, Dikla, 22 Obal, Abimael, Saba, 23 Ofir,+ Hawila,+ ne Yobab. Eyinom nyinaa yɛ Yoktan mma.

28 Abraham mma ne Isak+ ne Ismael.+

29 Wɔn mmusua din ni: Ismael ba panyin ne Nebaiot,+ na wɔn a wodi hɔ ne Kedar,+ Adbeel, Mibsam,+ 30 Misma, Duma, Masa, Hadad, Tema, 31 Yetur, Nafis, ne Kedema. Eyinom ne Ismael mma.

32 Abraham mpena* Ketura+ mma ne Simran, Yoksan, Medan, Midian,+ Yisbak, ne Suha.+

Yoksan mma ne Saba ne Dedan.+

33 Midian woo Efa,+ Efer, Hanok, Abida, ne Eldaa.

Eyinom nyinaa yɛ Ketura mma.

34 Abraham woo Isak.+ Isak mma ne Esau+ ne Israel.+

35 Esau mma ne Elifas, Reuel, Yeus, Yalam, ne Kora.+

36 Elifas mma ne Teman,+ Omar, Sefo, Gatam, Kenas, Timna, ne Amalek.+

37 Reuel mma ne Nahat, Sera, Samma, ne Misa.+

38 Seir+ mma ne Lotan, Sobal, Sibeon, Anah, Dison, Eser, ne Disan.+

39 Lotan mma ne Hori ne Homam. Lotan nuabea ne Timna.+

40 Sobal mma ne Alwan, Manahat, Ebal, Sefo, ne Onam.

Sibeon mma ne Aiya ne Anah.+

41 Anah ba* ne Dison.

Dison mma ne Hemdan, Esban, Yitran, ne Keran.+

42 Eser+ mma ne Bilhan, Saawan, ne Akan.

Disan mma ne Us ne Aran.+

43 Ahemfo a wodii Edom+ asaase so ansa na Israelfo*+ rebenya ɔhene adi wɔn so ni: Beor ba Bela; ná ne kurow din de Dinhaba. 44 Bela wui no, Sera a ofi Bosra+ ba Yobab bedii n’ade. 45 Bere a Yobab wui no, Husam a ofi Temanfo asaase so no bedii n’ade. 46 Husam wui no, Bedad ba Hadad a odii Midianfo so nkonim wɔ Moab asaase so no bedii n’ade, na na ne kurow din de Awit. 47 Hadad wui no, Samla a ofi Masreka bedii n’ade. 48 Bere a Samla wui no, Saul a ofi Rehobot a ɛwɔ Asubɔnten no ho no bedii n’ade. 49 Saul wui no, Akbor ba Baal-Hanan bedii n’ade. 50 Bere a Baal-Hanan wui no, Hadad bedii n’ade; ná ne kurow din de Pau. Ná ne yere de Mehetabel, na Mesahab ba Matred na ɔwoo no. 51 Akyiri yi Hadad wui.

Edom abusua mpanyimfo din ni: Abusuapanyin Timna, Abusuapanyin Alwa, Abusuapanyin Yetet,+ 52 Abusuapanyin Oholibama, Abusuapanyin Ela, Abusuapanyin Pinon, 53 Abusuapanyin Kenas, Abusuapanyin Teman, Abusuapanyin Mibsar, 54 Abusuapanyin Magdiel, ne Abusuapanyin Iram. Eyinom ne Edom abusua no mpanyimfo.

2 Israel mma ni:+ Ruben,+ Simeon,+ Lewi,+ Yuda,+ Isakar,+ Sebulon,+ 2 Dan,+ Yosef,+ Benyamin,+ Naftali,+ Gad,+ ne Aser.+

3 Yuda mma ne Er, Onan, ne Sela. Nnipa baasa yi na Kaananni+ Sua babea wo maa no. Nanso Yuda abakan Er yɛɛ Yehowa ani so bɔne, enti okum no.+ 4 Yuda asebea Tamar+ woo Peres+ ne Sera maa no. Yuda mma no nyinaa yɛ baanum.

5 Peres mma ne Hesron ne Hamul.+

6 Sera mma ne Simri, Etan, Heman, Kalkol, ne Dara. Wɔn nyinaa yɛ baanum.

7 Karmi ba* ne Akar;* ɔno na wanni nokware wɔ abusude a wɔkae sɛ wɔnsɛe no no+ ho, ma enti ɔkɔfaa mmusu* baa Israel so no.+

8 Etan ba* ne Asaria.

9 Hesron mma ne Yerameel,+ Ram,+ ne Kelubai.*

10 Ram woo Aminadab,+ na Aminadab woo Naason,+ Yuda asefo mu obirɛmpɔn no. 11 Naason woo Salma,+ na Salma woo Boas.+ 12 Boas woo Obed, na Obed woo Yese.+ 13 Yese abakan ne Eliab, Abinadab+ to so abien, Simea to so abiɛsa,+ 14 Netanel to so anan, Radai to so anum, 15 Osem to so asia, na Dawid+ to so ason. 16 Wɔn nua mmea ne Seruia ne Abigail;+ Seruia mma ne Abisai,+ Yoab+ ne Asahel;+ wɔyɛ baasa. 17 Abigail nso woo Amasa,+ na Amasa papa ne Ismaelni Yeter.

18 Hesron ba Kaleb* ne ne yere Asuba ne Yeriot woo mma mmarima; ne mma no ni: Yeser, Sobab ne Ardon. 19 Asuba wui no, Kaleb faa Efrat+ waree no, na ɔwoo Hur+ maa no. 20 Hur woo Uri, na Uri woo Besalel.+

21 Ɛno akyi no, Hesron waree Gilead+ papa Makir+ babea bere a na Hesron adi mfe 60. Ɔne no dae, na wɔwoo Segub. 22 Segub woo Yair,+ na Yair nyaa nkurow 23 wɔ Gilead+ asaase so. 23 Akyiri yi, Gesurfo+ ne Siriafo+ gyee Hawot-Yair+ ne Kenat+ ne ɛho nkurow 60 fii wɔn nsam. Eyinom nyinaa yɛ Gilead agya Makir asefo.

24 Hesron+ wui wɔ Kaleb-Efrata. Ɛno akyi na Hesron yere Abia woo wɔn ba Asur,+ Tekoa+ agya.

25 Hesron abakan Yerameel mma ni: Ram ne n’abakan, ne afei Buna, Oren, Osem, ne Ahiya. 26 Yerameel san waree ɔbea foforo; ná ne din de Atara. Ɔno na ɔwoo Onam. 27 Yerameel abakan Ram mma ne Maas, Yamin, ne Eker. 28 Onam mma ne Samai ne Yada. Na Samai mma ne Nadab ne Abisur. 29 Abisur yere din de Abihail; ɔno na ɔne no woo Ahban ne Molid. 30 Nadab mma ne Seled ne Apaim. Seled de, owui a wanwo mma. 31 Apaim ba* ne Yisi, Yisi ba* ne Sesan, na Sesan ba* ne Ahlai. 32 Samai nua Yada mma ne Yeter ne Yonatan. Yeter de, owui a wanwo mma. 33 Yonatan mma ne Pelet ne Sasa. Eyinom ne Yerameel asefo.

34 Sesan annya mma mmarima; mma mmea nkutoo na ɔwoe. Ná Sesan wɔ akoa bi a ɔyɛ Egyptni, na na wɔfrɛ no Yarha. 35 Sesan de ne babea maa n’akoa Yarha waree, na ɔne no woo Atai. 36 Atai woo Natan, na Natan woo Sabad. 37 Sabad woo Eflal, na Eflal woo Obed. 38 Obed woo Yehu, na Yehu woo Asaria. 39 Asaria woo Heles, na Heles woo Eleasa. 40 Eleasa woo Sismai, na Sismai woo Salum. 41 Salum woo Yekamia, na Yekamia woo Elisama.

42 Yerameel nua Kaleb*+ mma ni: N’abakan ne Mesa a ɔbɛyɛɛ Sif agya, ne Hebron agya Maresa mma. 43 Hebron mma ne Kora, Tapua, Rekem, ne Sema. 44 Sema woo Yorkeam agya Raham, na Rekem woo Samai. 45 Samai woo Maon, na Maon woo Bet-Sur.+ 46 Kaleb mpena* Efa woo Haran, Mosa, ne Gase. Haran woo Gase. 47 Yadai mma ne Regem, Yotam, Gesan, Pelet, Efa, ne Saaf. 48 Kaleb mpena Maaka woo Seber ne Tirhana. 49 Akyiri yi ɔwoo Madmana+ agya Saaf, ne Makbena agya Sewa, ne Gibea.+ Ná Kaleb+ babea din de Aksa.+ 50 Eyinom ne Kaleb asefo.

Efrata+ abakan Hur+ mma ni: Kiriat-Yearim+ agya Sobal, 51 Betlehem+ agya Salma ne Bet-Gader agya Haref. 52 Kiriat-Yearim agya Sobal mma ni: Haroe ne Menuhot abusua no fã. 53 Kiriat-Yearim mmusua ne Yitrifo,+ Putifo, Sumatifo, ne Misraifo. Wɔn asefo ne Soratifo+ ne Estaolfo.+ 54 Salma mma ne Betlehemfo,+ Netofafo, Atrot-Bet-Yoabfo ne Manahatfo fã, ne Sorifo. 55 Akyerɛwfo mmusua a na wɔtete Yabes no ne Tirafo, Simeafo ne Sukafo. Eyinom ne Kenifo+ a wɔyɛ Rekab+ fi agya Hammat asefo.

3 Eyinom ne Dawid mma mmarima a ɔwoo wɔn* wɔ Hebron:+ N’abakan ne Amnon+ a ɔne Yesreelni Ahinoam+ woo no no, nea ɔto so abien ne Daniel a ɔne Karmelni Abigail+ woo no no; 2 nea ɔto so abiɛsa ne Absalom,+ Gesur hene Talmai babea Maaka ba no; nea ɔto so anan ne Hagit ba Adoniya;+ 3 nea ɔto so anum ne Abital ba Sefatia, nea ɔto so asia ne Dawid yere Egla ba Yitream. 4 Mma baasia yi na ɔwoo wɔn wɔ Hebron; odii hene wɔ hɔ mfe 7 ne abosome 6, na odii hene mfe 33 wɔ Yerusalem.+

5 Eyinom na ɔwoo wɔn* wɔ Yerusalem:+ Simea, Sobab, Natan,+ ne Solomon;+ baanan yi maame ne Amiel babea Bat-Seba.+ 6 Mma foforo baakron ne Ibhar, Elisama, Elifelet, 7 Noga, Nefeg, Yafia, 8 Elisama, Eliada, ne Elifelet. 9 Wɔn nyinaa yɛ Dawid mma; ne yerenom a aka no mma nka ho, wɔn nuabea ne Tamar.+

10 Solomon woo Rehoboam,+ na ɔno nso woo Abia,+ na ɔno nso woo Asa,+ na ɔno nso woo Yehosafat;+ 11 ɔno nso woo Yehoram,+ na ɔno nso woo Ahasia,+ na ɔno nso woo Yehoas;+ 12 ɔno nso woo Amasia,+ na ɔno nso woo Asaria,+ na ɔno nso woo Yotam;+ 13 ɔno nso woo Ahas,+ na ɔno nso woo Hesekia,+ na ɔno nso woo Manase;+ 14 ɔno nso woo Amon,+ na ɔno nso woo Yosia.+ 15 Yosia mma ni: N’abakan ne Yohanan, nea ɔto so abien ne Yehoiakim,+ nea ɔto so abiɛsa ne Sedekia,+ na nea ɔto so anan ne Salum. 16 Yehoiakim ba ne Yekonia,+ na ɔno nso ba ne Sedekia. 17 Yekonia deduani no mma ne Sealtiel, 18 Malkiram, Pedaia, Senasar, Yekamia, Hosama, ne Nedabia. 19 Pedaia mma ne Serubabel+ ne Simei; Serubabel mma ne Mesulam ne Hanania (wɔn nuabea ne Selomit); 20 ne mma foforo baanum ne Hasuba, Ohel, Berekia, Hasadia, ne Yusab-Hesed. 21 Hanania mma ne Pelatia ne Yesia; Yesia ba* ne Refaia; Refaia ba* ne Arnan; Arnan ba* ne Obadia; Obadia ba* ne Sekania; 22 Sekania asefo ni: Semaia, na Semaia mma ne Hatus, Yigal, Baria, Nearia ne Safat; wɔn nyinaa yɛ baasia. 23 Nearia mma ne Elioenai, Hiskia, ne Asrikam; wɔyɛ baasa. 24 Elioenai nso mma ne Hodawia, Eliasib, Pelaia, Akub, Yohanan, Delaia, ne Anani; wɔyɛ baason.

4 Yuda mma ne Peres,+ Hesron,+ Karmi, Hur,+ ne Sobal.+ 2 Sobal ba Reaia woo Yahat, Yahat nso woo Ahumai ne Lahad. Eyinom ne Soratifo+ mmusua. 3 Etam+ agya* asefo ni: Yesreel, Yisma, ne Yidbas (wɔn nuabea din de Haselelponi); 4 Gedor agya ne Penuel, na Husa agya ne Eser. Eyinom ne Efrata abakan Hur,+ Betlehem+ agya no mma. 5 Tekoa+ agya Asur+ waree yerenom baanu, Hela ne Naara. 6 Ɔne Naara woo Ahusam, Hefer, Temeni, ne Ahastari. Eyinom ne Naara mma. 7 Hela nso mma ne Seret, Yisar, ne Etan. 8 Kos mma ne Anub, Sobeba, ne Harum ba Aharhel mmusua.

9 Yabes nyaa anuonyam sen ne nuanom; na ne maame too no din Yabes,* na ɔkae sɛ: “Ɛyaw mu na mewoo no.” 10 Na Yabes su frɛɛ Israel Nyankopɔn sɛ: “O sɛ anka wubehyira me na woatrɛw me nsaase mu na woadi m’akyi,* na woamma bɔne biara amma me so ammɛhaw me ɛ!” Enti Onyankopɔn yɛɛ n’abisade no maa no.

11 Suha nua Kelub woo Eston agya Mehir. 12 Eston woo Bet-Rafa, Pasea, ne Ir-Nahas agya Tehina. Eyinom ne Reka mmarima. 13 Kenas mma ne Otniel+ ne Seraia, na Otniel ba* ne Hatat. 14 Meonotai woo Ofra. Seraia woo Yoab a ɔyɛ Ge-Harasim* agya; ná wɔyɛ adwumfo nti na wonyaa saa din no.

15 Yefune ba Kaleb+ mma ne Iru, Ela, ne Naam; Ela nso ba* ne Kenas. 16 Yehalelel mma ne Sif, Sifa, Tiria, ne Asarel. 17 Esrah mma ne Yeter, Mered, Efer, ne Yalon; ne yere* nyinsɛn woo Miriam, Samai, ne Estemoa agya Isbah. 18 (Na ne yere Yudani no woo Gedor agya Yered, Soko agya Heber, ne Sanoa agya Yekutiel.) Eyinom ne Farao babea Bitia a Mered waree no no mma.

19 Hodia yere a ɔyɛ Naham nuabea no mma ne Garmitfo Keila agya, ne Estemoa a ofi Maakat. 20 Simon mma ne Amnon, Rina, Ben-Hanan, ne Tilon. Na Yisi mma ne Sohet ne Ben-Sohet.

21 Yuda ba Sela+ asefo ni: Leka agya Er, Maresa agya Laada, ne Asbea fi mmusua a wɔnwene ntama pa no. 22 Ebinom nso ne Yokim, Koseba mmarima, Yoas, ne Saraf a wɔwarewaree Moabfo mmea, ne Yasubi-Lehem. Eyinom nyinaa yɛ tete kyerɛwtohɔ. 23 Ná wɔyɛ nkukunwemfo a wɔte Netaim ne Gedera. Ɛhɔ na wɔtenae, na wɔyɛɛ adwuma maa ɔhene.

24 Simeon+ mma ne Nemuel, Yamin, Yarib, Sera, ne Saul.+ 25 Saul ba ne Salum, na ɔno nso ba ne Mibsam, na ɔno nso ba ne Misma. 26 Misma mma no bi ne Hamuel; Hamuel ba ne Sakur, na ɔno nso ba ne Simei. 27 Simei woo mma mmarima 16 ne mma mmea 6; na ne nuanom anwo mma mmarima bebree, na mmusua no mu biara nni hɔ a na wɔwɔ mma mmarima bebree sɛ Yuda.+ 28 Wɔtenaa Beer-Seba,+ Molada,+ Hasar-Sual,+ 29 Bilha, Esem,+ Tolad, 30 Betuel,+ Horma,+ Siklag,+ 31 Bet-Makabot, Hasar-Susim,+ Bet-Biri, ne Saaraim. Eyinom ne wɔn nkurow kosi bere a Dawid bedii ade.

32 Mmeae a wɔtenatenae nso ne Etam, Ain, Rimon, Token, ne Asan,+ nkurow anum 33 ne ɛho nkuraa; ɛkɔe ara koduu Baal. Eyinom ne wɔn mmusua din ne wɔn atenae. 34 Mesobab, Yamlek, Amasia ba Yosa, 35 Yoel, ne Yehu a ɔyɛ Yosibia ba, Seraia ba, Asiel ba; 36 ne Elioenai, Yaakoba, Yesohaia, Asaia, Adiel, Yesimiel, Benaia; 37 ne Sisa a ɔyɛ Sifi ba, Alon ba, Yedaia ba, Simri ba, Semaia ba. 38 Eyinom a wɔabobɔ wɔn din yi yɛ wɔn abusua mpanyimfo, na wɔn agyanom fifo ase trɛwee pii. 39 Na wɔde wɔn ani kyerɛɛ Gedor kurotia koduu apuei bon no mu sɛ wɔrekɔhwehwɛ adidibea ama wɔn nguan. 40 Wokonyaa adidibea pa a ɛhɔ yɛ frɔmfrɔm; ná asaase no so, na ɛso dwo fɔmm. Wɔn a wɔtenaa hɔ kan no, na wɔyɛ Ham+ asefo. 41 Yuda hene Hesekia+ nna no mu na eyinom a wɔakyerɛkyerɛw wɔn din no bɛsɛee Hamfo ne Meunimfo a na wɔtete hɔ no ntamadan. Wɔsɛee wɔn pasaa a wɔn mu biara anka besi nnɛ, na wɔtenatenaa wɔn nkurow no mu, efisɛ wonyaa adidibea wɔ hɔ maa wɔn nguan.

42 Simeonfo no mu mmarima 500 fii wɔn mu kɔɔ Seir Bepɔw so;+ Pelatia, Nearia, Refaia, ne Usiel a wɔyɛ Yisi mma na wodii wɔn anim ne wɔn kɔe. 43 Wokunkum Amalek+ aguanfo no nkae, na wɔatena hɔ abesi nnɛ.

5 Israel ba panyin Ruben+ asefo din na edidi so yi. Ná ɔyɛ ɔba panyin, nanso ɔne ne papa mpena* dae,*+ enti wɔde mpanyinni no maa Israel ba Yosef mma,+ na wɔankyerɛw ne din sɛ abakan. 2 Ná Yuda+ yɛ kɛse wɔ ne nuanom mu, na ne mu na na ɔkannifo no befi aba,+ nanso Yosef na abakan no kodii ne nsam. 3 Israel ba panyin Ruben mma ne Hanok, Palu, Hesron, ne Karmi.+ 4 Yoel mma no bi ne Semaia, na Semaia ba ne Gog, na ɔno nso ba ne Simei, 5 na ɔno nso ba ne Mika, na ɔno nso ba ne Reaia, na ɔno nso ba ne Baal, 6 ɔno nso ba ne Beerah; ɔno na Asiria hene Tilgat-Pilneser+ kyeree no kɔe no; ná ɔyɛ Ruben asefo mu obirɛmpɔn. 7 Beerah agyanom abusua mu no, ne nuanom din, sɛnea wɔn mmusua te ni: Yeiel na odi anim, afei Sakaria, 8 ne Bela a ɔyɛ Asas ba, Sema ba, Yoel ba; wɔtenatenaa Aroer+ kɔpem Nebo ne Baal-Meon.+ 9 Apuei fam nso, wɔn atenae no kɔpem Asubɔnten Eufrate sare no ano,+ efisɛ na wɔn nyɛmmoa adɔɔso wɔ Gilead asaase so.+ 10 Saul nna no mu no, wɔne Hagrifo koe na wodii wɔn so nkonim; enti wɔtenatenaa wɔn ntamadan mu wɔ Gilead apuei fam baabiara.

11 Gad mma na na wɔtoa wɔn so wɔ Basan, na wɔn atenae no kɔpem Saleka.+ 12 Yoel na na ɔyɛ wɔn panyin wɔ Basan, Safam na odi hɔ, ansa na Yanai ne Safat aba. 13 Wɔn nuanom a wofi wɔn agyanom abusuafi ne Mikael, Mesulam, Saba, Yorai, Yakan, Sia, ne Eber; wɔn nyinaa yɛ baason. 14 Eyinom ne Abihail mma: Abihail yɛ Huri ba, Yaroa ba, Gilead ba, Mikael ba, Yesisai ba, Yado ba, Bus ba. 15 Ahi a ɔyɛ Abdiel ba, Guni ba no na na ɔyɛ wɔn agyanom abusuafi panyin. 16 Wɔtenatenaa Gilead+ a ɛwɔ Basan+ ne ɛho nkurow mu ne Saron nsaase a mmoa didi so nyinaa so kosii n’ahye so. 17 Yuda hene Yotam+ ne Israel hene Yeroboam*+ nna no mu na wɔkyerɛkyerɛw wɔn nyinaa din sɛnea wɔn mmusua te.

18 Rubenfo, Gadfo, ne Manase abusuakuw no fã no, na wɔwɔ akatakyi 44,760 a wokurakura akyɛm, sekan, ne agyan, na na wɔasua akodi paa. 19 Wɔne Hagrifo+ ne Yetur ne Nafis+ ne Nodab dii ako. 20 Onyankopɔn boaa wɔn ɔko no mu, enti wodii Hagrifo ne wɔn a wɔka wɔn ho nyinaa so nkonim, efisɛ wosu frɛɛ no ɔko no mu, na wɔde wɔn ho too no so, enti otiee wɔn adesrɛ no.+ 21 Wɔfaa wɔn nyɛmmoa: yoma 50,000, nguan 250,000, mfurum 2,000, ne nnipa* 100,000. 22 Nnipa bebree wuwui, efisɛ na ɔko no yɛ nokware Nyankopɔn no dea.+ Na wɔfaa wɔn nkurow tenatenaa mu kosii sɛ atamfo betuu wɔn ase fii hɔ.+

23 Manase abusuakuw no fã+ tenaa asaase no so fi Basan kosii Baal-Hermon ne Senir ne Hermon Bepɔw ho.+ Ná wɔdɔɔso. 24 Eyinom ne wɔn agyanom abusuafi mpanyimfo: Efer, Yisi, Eliel, Asrel, Yeremia, Hodawia, ne Yadiel; ná wɔyɛ mmarima akatakyi a wɔagye din; wɔn nyinaa yɛ wɔn agyanom abusuafi mpanyimfo. 25 Nanso wɔanni wɔn agyanom Nyankopɔn nokware; wɔne asaase no so aman a Onyankopɔn sɛee wɔn fii wɔn anim no anyame kɔbɔɔ aguaman.+ 26 Enti Israel Nyankopɔn de hyɛɛ Asiria hene Pul+ (kyerɛ sɛ, Ɔhene Tilgat-Pilneser+ a ofi Asiria) komam ma ɔsoaa Ruben ne Gad asefo, ne Manase abusuakuw no fã kɔɔ Hala ne Habor ne Hara ne Asubɔnten Gosan ho,+ na wɔatena hɔ abesi nnɛ.

6 Lewi+ mma ne Gerson, Kohat,+ ne Merari.+ 2 Kohat mma ne Amram, Yisar,+ Hebron, ne Usiel.+ 3 Amram+ mma* ne Aaron,+ Mose,+ ne Miriam.+ Na Aaron mma ne Nadab, Abihu,+ Eleasar,+ ne Itamar.+ 4 Eleasar woo Finehas,+ na Finehas nso woo Abisua. 5 Abisua woo Buki; Buki nso woo Usi. 6 Usi woo Serahia; Serahia nso woo Meraiot. 7 Meraiot woo Amaria; Amaria nso woo Ahitab.+ 8 Ahitab woo Sadok;+ Sadok nso woo Ahimahas.+ 9 Ahimahas woo Asaria; Asaria nso woo Yohanan. 10 Yohanan woo Asaria. Asɔrefi a Solomon sii wɔ Yerusalem no, odii sɔfo wɔ hɔ.

11 Asaria woo Amaria; Amaria nso woo Ahitab. 12 Ahitab woo Sadok;+ Sadok nso woo Salum. 13 Salum woo Hilkia;+ Hilkia nso woo Asaria. 14 Asaria woo Seraia;+ Seraia nso woo Yehosadak.+ 15 Wɔkyeree Yehosadak kɔe bere a Yehowa nam Nebukadnesar so bɛsoaa Yuda ne Yerusalemfo kɔe no.

16 Lewi mma ne Gersom,* Kohat, ne Merari. 17 Eyinom ne Gersom mma din: Libni ne Simei.+ 18 Kohat mma ne Amram, Yisar, Hebron, ne Usiel.+ 19 Merari mma ne Mahli ne Musi.

Eyinom ne Lewifo mmusua sɛnea wɔn agyanom din te:+ 20 Gersom+ ba ne Libni, ɔno nso ba ne Yahat, ɔno nso ba ne Sima, 21 ɔno nso ba ne Yoa, ɔno nso ba ne Ido, ɔno nso ba ne Sera, ɔno nso ba ne Yeaterai. 22 Kohat mma* no bi ne Aminadab, ɔno nso ba ne Kora,+ ɔno nso ba ne Asir, 23 ɔno nso ba ne Elkana, ɔno nso ba ne Ebiasaf,+ na Ebiasaf nso ba ne Asir, 24 ɔno nso ba ne Tahat, ɔno nso ba ne Uriel, ɔno nso ba ne Usia, ɔno nso ba ne Saul. 25 Elkana mma ne Amasai ne Ahimot. 26 Elkana foforo mma ne Sofai, ɔno nso ba ne Nahat, 27 ɔno nso ba ne Eliab, ɔno nso ba ne Yeroham, ɔno nso ba ne Elkana.+ 28 Samuel+ mma ni: N’abakan ne Yoel, na nea ɔto so abien ne Abia.+ 29 Merari mma* no bi ne Mahli,+ ɔno nso ba ne Libni, ɔno nso ba ne Simei, ɔno nso ba ne Ussa, 30 ɔno nso ba ne Simea, ɔno nso ba ne Hagia, na ɔno nso ba ne Asaia.

31 Eyinom na Dawid de nnwonto hyɛɛ wɔn nsa wɔ Yehowa fi hɔ bere a wɔde apam adaka no kosii hɔ no.+ 32 Ná wɔto nnwom wɔ ɔsom ntamadan no anim, kyerɛ sɛ, ahyiae ntamadan no anim kosii sɛ Solomon sii Yehowa fi no wɔ Yerusalem;+ wɔyɛɛ adwuma a wɔde ahyɛ wɔn nsa no.+ 33 Eyinom ne mmarima a wɔsomee; wɔne wɔn mma: Kohatfo mu, odwontofo Heman+ a ɔyɛ Yoel+ ba, Samuel ba, 34 Elkana+ ba, Yeroham ba, Eliel ba, Toa ba, 35 Suf ba, Elkana ba, Mahat ba, Amasai ba, 36 Elkana ba, Yoel ba, Asaria ba, Sefania ba, 37 Tahat ba, Asir ba, Ebiasaf ba, Kora ba, 38 Yisar ba, Kohat ba, Lewi ba, Israel ba.

39 Ná ne nua Asaf+ gyina ne nifa so; Asaf yɛ Berekia ba, Simea ba, 40 Mikael ba, Baaseia ba, Malkiya ba, 41 Etni ba, Sera ba, Adaia ba, 42 Etan ba, Sima ba, Simei ba, 43 Yahat ba, Gersom ba, Lewi ba.

44 Wɔn nuanom Merari+ asefo no, na wɔwɔ wɔn benkum so; wɔn ne Etan+ a ɔyɛ Kisi ba, Abdi ba, Maluk ba, 45 Hasabia ba, Amasia ba, Hilkia ba, 46 Amsi ba, Bani ba, Semer ba, 47 Mahli ba, Musi ba, Merari ba, Lewi ba.

48 Wɔde ɔsom ntamadan no, kyerɛ sɛ, nokware Nyankopɔn no fi adwuma nyinaa hyɛɛ wɔn nuanom Lewifo no nsa.+ 49 Aaron ne ne mma+ na wɔbɔɔ afɔre wɔ ɔhyew afɔremuka+ ne aduhuam afɔremuka so+ sɛnea nneɛma kronkron paa no ho adwuma te; wɔde pata maa Israel+ sɛnea nokware Nyankopɔn akoa Mose hyɛɛ wɔn no nyinaa. 50 Eyinom ne Aaron asefo:+ Ne ba ne Eleasar,+ ɔno nso ba ne Finehas, ɔno nso ba ne Abisua, 51 ɔno nso ba ne Buki, ɔno nso ba ne Usi, ɔno nso ba ne Serahia, 52 ɔno nso ba ne Meraiot, ɔno nso ba ne Amaria, ɔno nso ba ne Ahitab,+ 53 ɔno nso ba ne Sadok,+ ɔno nso ba ne Ahimahas.

54 Eyinom ne wɔn tenabea sɛnea wɔn nsaase* te: Ntonto a wodii kan bɔe no kosii Aaron mma a wofi Kohat abusua mu no so ma wonyaa wɔn kyɛfa. 55 Wɔde Hebron+ a ɛwɔ Yuda asaase so ne ɛho nsaase a mmoa bedidi so maa wɔn. 56 Kurow no ho nsaase ne ɛho nkuraa de, wɔde maa Yefune ba Kaleb.+ 57 Na Aaron asefo no, wɔmaa wɔn guankɔbea nkurow+ no bi,* kyerɛ sɛ, Hebron,+ ɛnna Libna+ ne ɛho nsaase a mmoa bedidi so, Yatir+ ne Estemoa ne ɛho nsaase a mmoa bedidi so,+ 58 Hilen ne ɛho nsaase a mmoa bedidi so, Debir+ ne ɛho nsaase a mmoa bedidi so, 59 Asan+ ne ɛho nsaase a mmoa bedidi so, ne Bet-Semes+ ne ɛho nsaase a mmoa bedidi so; 60 nsaase a wogye fii Benyamin abusuakuw no nsam maa wɔn ni: Geba+ ne ɛho nsaase a mmoa bedidi so, Alemet ne ɛho nsaase a mmoa bedidi so, ne Anatot+ ne ɛho nsaase a mmoa bedidi so. Nkurow 13 na wɔde maa wɔn mmusua.+

61 Kohatfo a aka no, wɔnam ntonto so maa wɔn nkurow du fii mmusuakuw afoforo ne Manase abusuakuw fã+ no hɔ.

62 Gersomfo mmusua no, wɔmaa wɔn nkurow 13 fii Isakar abusuakuw ne Aser abusuakuw ne Naftali abusuakuw ne Manase abusuakuw a ɛwɔ Basan+ no hɔ.

63 Merarifo mmusua no, wɔnam ntonto so maa wɔn nkurow 12 fii Ruben abusuakuw ne Gad abusuakuw ne Sebulon abusuakuw+ no hɔ.

64 Enti Israelfo de nkurow yi ne ɛho nsaase a mmoa bedidi so maa Lewifo no.+ 65 Bio nso, wɔbɔɔ ntonto de Yuda abusuakuw, Simeon abusuakuw, ne Benyamin abusuakuw no nkurow a wɔabobɔ din yi mae.

66 Kohatfo mmusua no bi nyaa nkurow fii Efraim abusuakuw no nkyɛn.+ 67 Wɔmaa wɔn guankɔbea nkurow no bi,* kyerɛ sɛ, Sekem+ ne ɛho nsaase a mmoa bedidi so a ɛwɔ Efraim mmepɔw mu, ɛne Geser+ ne ɛho nsaase a mmoa bedidi so, 68 Yokmeam ne ɛho nsaase a mmoa bedidi so, Bet-Horon+ ne ɛho nsaase a mmoa bedidi so, 69 Ayalon+ ne ɛho nsaase a mmoa bedidi so, ne Gat-Rimon+ ne ɛho nsaase a mmoa bedidi so; 70 wɔde Manase abusuakuw fã no kurow Aner ne ɛho nsaase a mmoa bedidi so, ne Bileam ne ɛho nsaase a mmoa bedidi so maa Kohatfo mmusua a aka no.

71 Gersomfo no, nkurow a wɔde maa wɔn ni: Manase abusuakuw fã no kurow Golan+ a ɛwɔ Basan ne ɛho nsaase a mmoa bedidi so ne Astarot ne ɛho nsaase a mmoa bedidi so;+ 72 Isakar abusuakuw no maa wɔn Kedes ne ɛho nsaase a mmoa bedidi so, Daberat+ ne ɛho nsaase a mmoa bedidi so,+ 73 Ramot ne ɛho nsaase a mmoa bedidi so, ne Anem ne ɛho nsaase a mmoa bedidi so; 74 Aser abusuakuw no maa wɔn Masal ne ɛho nsaase a mmoa bedidi so, Abdon ne ɛho nsaase a mmoa bedidi so,+ 75 Hukok ne ɛho nsaase a mmoa bedidi so, ne Rehob+ ne ɛho nsaase a mmoa bedidi so; 76 Naftali abusuakuw nso maa wɔn Kedes+ a ɛwɔ Galilea+ ne ɛho nsaase a mmoa bedidi so, Hamon ne ɛho nsaase a mmoa bedidi so, ne Kiriataim ne ɛho nsaase a mmoa bedidi so.

77 Merarifo nkae no, nkurow a wɔde maa wɔn ni: Sebulon abusuakuw+ no maa wɔn Rimono ne ɛho nsaase a mmoa bedidi so ne Tabor ne ɛho nsaase a mmoa bedidi so; 78 Yordan a ɛwɔ Yeriko de rekɔ Yordan apuei fam no, Ruben abusuakuw no de Beser sare so ne ɛho nsaase a mmoa bedidi so ne Yahas+ ne ɛho nsaase a mmoa bedidi so, 79 ne Kedemot+ ne ɛho nsaase a mmoa bedidi so ne Mefaat ne ɛho nsaase a mmoa bedidi so maa wɔn; 80 nkurow a Gad abusuakuw no de maa wɔn ne Ramot a ɛwɔ Gilead ne ɛho nsaase a mmoa bedidi so, Mahanaim+ ne ɛho nsaase a mmoa bedidi so, 81 Hesbon+ ne ɛho nsaase a mmoa bedidi so ne Yaser+ ne ɛho nsaase a mmoa bedidi so.

7 Isakar mma ne Tola, Pua, Yasub ne Simron;+ wɔyɛ baanan. 2 Tola mma ne Usi, Refaia, Yeriel, Yamai, Yibsam, ne Semuel; wɔyɛ wɔn agyanom abusuafi mpanyimfo. Tola asefo no, na mmarima akokodurufo wom. Dawid bere so no, na wɔn dodow yɛ 22,600. 3 Usi asefo* ne Yesrahia ne Yesrahia mma Mikael, Obadia, Yoel, ne Yisiya. Baanum no nyinaa yɛ abusuafi mpanyimfo. 4 Wɔn asefo a wofi wɔn agyanom abusuafi a wɔka wɔn ho yɛ asraafo 36,000 a wɔkɔ ɔko; ná wɔn yerenom ne wɔn mma dɔɔso. 5 Wɔn nuanom a wofi Isakar abusuakuw nyinaa mu a wɔkyerɛw wɔn din sɛnea wɔn mmusua te no yɛ mmarima akokodurufo 87,000.+

6 Benyamin+ mma ne Bela,+ Beker+ ne Yediael;+ wɔyɛ baasa. 7 Bela mma ne Esbon, Usi, Usiel, Yerimot ne Iri; wɔyɛ baanum. Wɔyɛ wɔn agyanom abusuafi mpanyimfo ne mmarima akokodurufo; mmarima 22,034 na wɔkyerɛw wɔn din sɛnea wɔn mmusua te.+ 8 Beker mma ne Semira, Yoas, Elieser, Elioenai, Omri, Yeremot, Abia, Anatot ne Alemet; eyinom nyinaa yɛ Beker mma. 9 Wɔn agyanom abusuafi mpanyimfo mu no, mmarima akokodurufo 20,200 na wɔkyerɛw wɔn din sɛnea wɔn mmusua te. 10 Yediael+ mma no bi ne Bilhan ne Bilhan mma Yeus, Benyamin, Ehud, Kenaana, Sitan, Tarsis ne Ahisaha. 11 Eyinom nyinaa yɛ Yediael mma. Wɔyɛ wɔn agyanom fi mpanyimfo, mmarima akokodurufo 17,200 a wɔkɔ ɔko.

12 Supim ne Hupim yɛ Ir+ mma; Husimfo nso yɛ Aher asefo.

13 Naftali+ mma ne Yasiel, Guni, Yeser, ne Salum. Wɔyɛ Bilha asefo.*+

14 Manase+ asefo ni: Asriel a ɔne ne mpena* Siriani woo no no. (Ɔbea yi na ɔwoo Gilead agya Makir.+ 15 Makir ware maa Hupim ne Supim, na ne nuabea din de Maaka.) Nea ɔto so abien ne Selofehad;+ Selofehad de, ɔwoo mmea nkutoo.+ 16 Makir yere Maaka woe, na ɔtoo no din Peres; ne nua din de Seres, na ne mma ne Ulam ne Rekem. 17 Ulam ba* ne Bedan. Eyinom ne Gilead a Manase ba Makir woo no no mma. 18 Ne nuabea ne Hamoleket a ɔwoo Ishod, Abiesar ne Mahla no. 19 Semida mma ne Ahian, Sekem, Liki ne Aniam.

20 Efraim+ asefo ni: Sutela,+ ne ba ne Bered, ɔno nso ba ne Tahat, ɔno nso ba ne Eleada, ɔno nso ba ne Tahat, 21 ɔno nso ba ne Sabad, ɔno nso ba ne Sutela; Eser ne Elead nso ka ho. Gat mmarima+ a wɔwoo wɔn asaase no so no kunkum wɔn efisɛ wɔbɛfaa wɔn nyɛmmoa. 22 Wɔn papa Efraim dii ho awerɛhow nna pii, na ne nuanom baa ne nkyɛn bɛkyekyee ne werɛ. 23 Akyiri yi, ɔne ne yere dae, na onyinsɛn woo ɔbabarima. Ɔtoo no din Beria* efisɛ ɔwoe no na awerɛhow wɔ ne fi. 24 Ne babea ne Seera; ɔno na ɔkyekyee Anaafo+ ne Atifi Bet-Horon+ ne Usen-Seera. 25 Asefo no bi ne Refa ne Resef,* ɔno nso ba ne Tela, ɔno nso ba ne Tahan, 26 ɔno nso ba ne Ladan, ɔno nso ba ne Amihud, ɔno nso ba ne Elisama, 27 ɔno nso ba ne Nun, na ɔno nso ba ne Yosua.*+

28 Wɔn agyapade ne wɔn atenae ne Betel+ ne ɛho nkurow, Naaran wɔ apuei fam, Geser ne ɛho nkurow wɔ atɔe fam, Sekem ne ɛho nkurow kosi Ayah* ne ɛho nkurow; 29 nkurow a ɛtoa Manase asefo so ne Bet-Sean+ ne ɛho nkurow, Taanak+ ne ɛho nkurow, Megido+ ne ɛho nkurow, Dor+ ne ɛho nkurow. Nkurow yi mu na Israel ba Yosef asefo tenatenae.

30 Aser mma ne Yimnah, Yiswa, Yiswi, Beria,+ ne wɔn nuabea Serah.+ 31 Beria mma ne Heber ne Malkiel a ɔwoo Basait no. 32 Heber woo Yaflet, Somer, Hotam, ne wɔn nuabea Sua. 33 Yaflet mma ne Pasak, Bimhal ne Aswat. Eyinom ne Yaflet mma. 34 Semer* mma ne Ahi, Roga, Yehuba ne Aram. 35 Ne nua Helem* mma ne Sofa, Yimna, Seles ne Amal. 36 Sofa mma ne Suah, Harnefa, Sual, Beri, Yimra, 37 Beser, Hod, Samma, Silsa, Yitran ne Bera. 38 Yeter mma ne Yefune, Pispa ne Ara. 39 Ula mma ne Arah, Haniel ne Risia. 40 Eyinom nyinaa yɛ Aser mma; wɔyɛ wɔn agyanom abusuafi mpanyimfo, mmarima akokodurufo a wɔapaw wɔn. Wɔyɛ mmusua mu mpanyimfo; wɔn a wɔkyerɛw wɔn din sɛnea wɔn mmusua te+ no yɛ mmarima 26,000+ a wɔkɔ ɔko.

8 Benyamin+ abakan ne Bela;+ Asbel+ to so abien, Ahara to so abiɛsa, 2 Noha to so anan, na Rafa to so anum. 3 Bela woo Adar, Gera,+ Abihud, 4 Abisua, Naaman, Ahoa, 5 Gera, Sefufan, ne Huram. 6 Eyinom ne Ehud mma a wɔyɛ wɔn agyanom abusuafi mpanyimfo a wɔtenaa Geba+ na wɔfaa wɔn kɔɔ Manahat no: 7 Naaman, Ahiya, ne Gera a odii wɔn anim kɔe no; ɔno na ɔwoo Usa ne Ahihud. 8 Saharaim woo mma wɔ Moab asaase so bere a ogyaa nkurɔfo no kwan no. Ne yerenom ne Husim ne Baara.* 9 Ɔne ne yere Hodes woo Yobab, Sibia, Mesa, Malkam, 10 Yeus, Sakia ne Mirma. Eyinom ne ne mma; wɔyɛ wɔn agyanom abusuafi mpanyimfo.

11 Ɔne Husim woo Abitab ne Elpaal. 12 Elpaal mma nso ne Eber, Misam, Semed (a ɔkyekyee Ono+ ne Lod+ ne ɛho nkurow no), 13 Beria ne Sema. Eyinom ne wɔn agyanom abusuafi mpanyimfo a wɔtenaa Ayalon.+ Wɔn na wɔpam Gatfo no. 14 Ebinom nso ne Ahio, Sasak, Yeremot, 15 Sebadia, Arad, Eder, 16 Beria mma Mikael, Yispa, ne Yoha; 17 ɛne Sebadia, Mesulam, Hiski, Heber, 18 Elpaal mma Yismerai, Yislai ne Yobab; 19 ɛne Yakim, Sikri, Sabdi, 20 Elienai, Siletai, Eliel, 21 Simei mma Adaia, Beraia ne Simrat; 22 ɛne Yispan, Eber, Eliel, 23 Abdon, Sikri, Hanan, 24 Hanania, Elam, Antotiya, 25 Sasak mma Yifdeia ne Penuel; 26 ɛne Samserai, Seharia, Atalia, 27 ne Yeroham mma Yaaresia, Elia ne Sikri. 28 Eyinom ne wɔn agyanom abusuafi mpanyimfo sɛnea wɔakyerɛw wɔn abusuafo din. Atitiriw yi na wɔtenaa Yerusalem.

29 Gibeon agya Yeiel tenaa Gibeon;+ ná ne yere din de Maaka.+ 30 N’abakan ne Abdon, na wɔn a wodi hɔ ne Sur, Kis, Baal, Nadab, 31 Gedor, Ahio ne Seker. 32 Miklot woo Simea. Wɔne wɔn nuanom a wɔaka nyinaa tena bɛn wɔn nuanom wɔ Yerusalem.

33 Ner+ woo Kis, Kis woo Saul;+ Saul nso woo Yonatan,+ Malki-Sua,+ Abinadab,+ ne Esbaal.*+ 34 Yonatan ba ne Merib-Baal,*+ na Merib-Baal woo Mika.+ 35 Mika mma ne Piton, Melek, Tarea, ne Ahas. 36 Ahas woo Yehoada; Yehoada nso woo Alemet, Asmawet, ne Simri. Simri nso woo Mosa. 37 Mosa woo Binea, na ɔno nso woo Rafa, na ɔno nso woo Eleasa, na ɔno nso woo Asel. 38 Asel woo mma baasia. Wɔn din ni: Asrikam, Bokeru, Ismael, Searia, Obadia, ne Hanan. Eyinom nyinaa yɛ Asel mma. 39 Ne nua Esek mma ni: N’abakan ne Ulam, Yeus to so abien, na Elifelet to so abiɛsa. 40 Ná Ulam mma yɛ mmarima akokodurufo a wonim agyan tow. Wɔwoo mma ne mmanana pii; ná wɔyɛ 150. Eyinom nyinaa yɛ Benyamin asefo.

9 Wɔkyerɛw Israelfo nyinaa din sɛnea wɔn mmusua te; wɔkyerɛwee wɔ Israel Ahemfo Nhoma no mu. Yuda asoɔden nti, wɔde wɔn kɔɔ Babilon.+ 2 Wɔn a wodii kan bɛtenaa wɔn asaase so bio wɔ wɔn kurom ne Israelfo no bi, asɔfo, Lewifo ne asɔrefi asomfo no.*+ 3 Wɔn a wɔyɛ Yuda+ asefo, Benyamin+ asefo, Efraim asefo, ne Manase asefo a wɔbɛtenaa Yerusalem no ni: 4 Utai a ɔyɛ Amihud ba, Omri ba, Imri ba, Bani ba a ofi Yuda ba Peres+ asefo mu. 5 Silo asefo: n’abakan Asaia ne ne mma. 6 Sera+ asefo: Yeuel ne wɔn nuanom, mmarima 690.

7 Benyamin asefo ni: Salu a ɔyɛ Mesulam ba, Hodawia ba, Hasenua ba, 8 ne Yeroham ba Yibnai, ne Ela a ɔyɛ Usi ba, Mikri ba, ne Mesulam, Sefatia ba, Reuel ba, Yibnia ba. 9 Wɔn nuanom asefo yɛ 956 sɛnea wɔakyerɛw wɔn abusuafo din. Mmarima yi nyinaa yɛ wɔn agyanom abusuafi mpanyimfo.

10 Wɔn mu asɔfo no ni: Yedaia, Yoiarib ne Yakin,+ 11 ne Asaria a ɔyɛ Hilkia ba, Mesulam ba, Sadok ba, Meraiot ba, Ahitab ba; ná Ahitab yɛ ɔpanyin wɔ nokware Nyankopɔn no fi* hɔ; 12 wɔn mu bi nso ne Adaia a ɔyɛ Yeroham ba, Pasur ba, Malkiya ba, Masai ba, Adiel ba, Yasera ba, Mesulam ba, Mesilemit ba, Imer ba, 13 ne wɔn nuanom, wɔn agyanom abusuafi mpanyimfo; mmarima a wɔbɔ wɔn ho mmɔden 1,760 a wɔyɛ adwuma wɔ nokware Nyankopɔn no fi.

14 Wɔn mu Lewifo ni: Semaia+ a ɔyɛ Hasub ba, Asrikam ba, Hasabia ba a wɔyɛ Merari asefo; 15 ne Bakbakar, Heres, Galal ne Matania a ɔyɛ Mika ba, Sikri ba, Asaf ba, 16 ne Obadia a ɔyɛ Semaia ba, Galal ba, Yedutan ba, ne Berekia a ɔyɛ Asa ba, Elkana ba; ɔno na ɔtenaa Netofafo+ mu.

17 Apon ano ahwɛfo+ no ne Salum, Akub, Talmon ne Ahiman. Wɔn nua Salum na na ɔda wɔn ano; 18 ɔno na ɛde besi saa bere no na ɔhwɛ ɔhene pon ano wɔ apuei fam.+ Eyinom ne apon ano ahwɛfo a na wɔwɔ Lewifo asoɛe hɔ. 19 Wɔn mu bi nso ne Salum a ɔyɛ Kore ba, Ebiasaf ba, Kora ba; ɔne ne nuanom Kora asefo a wofi n’agya fi na na wɔdeda adwuma no ano; ná wɔyɛ ntamadan no ano ahwɛfo, na wɔn agyanom na wɔyɛ apon ano ahwɛfo wɔ Yehowa asoɛe hɔ. 20 Kan no, Eleasar+ ba Finehas+ na na ɔda wɔn ano, na Yehowa dii n’akyi. 21 Meselemia ba Sakaria+ na na ɔyɛ ahyiae ntamadan no pon ano hwɛfo.

22 Wɔn a wɔpaw wɔn sɛ apon ano ahwɛfo a wɔhwɛ abobow ano no nyinaa yɛ 212. Wɔtenatenaa wɔn nkurow mu sɛnea wɔn mmusua te.+ Eyinom na Dawid ne ɔdehwɛfo Samuel+ buu wɔn anokwafo na wɔde wɔn totoo adwuma ano. 23 Apon ano ahwɛfo adwuma a wɔyɛ wɔ Yehowa fi,+ ntamadan fi no, wɔne wɔn mma na na wɔhwɛ so. 24 Apon ano ahwɛfo no gyinagyinaa afanan; apuei, atɔe, atifi, ne anaafo.+ 25 Ná nhyehyɛe bi wɔ hɔ sɛ ɛwom ara a, wɔn nuanom a wɔwɔ wɔn atenae no ne wɔn bɛba abɛsom nnanson. 26 Wɔde apon ano ahwɛfo anokwafo baanan totoo adwuma no ano. Wɔyɛ Lewifo; wɔn na wɔhwɛɛ nokware Nyankopɔn no fi adidibea ne adekoradan no so.+ 27 Anadwo biara, na wobegyinagyina nokware Nyankopɔn fi no ho hyia, efisɛ na wɔyɛ awɛmfo, na na safe no hyɛ wɔn nsa; wɔn na na wobuebue apon anɔpa biara.

28 Wɔn mu binom hwɛɛ nneɛma+ a wɔde som so; ná wɔkan ansa na wɔde aba, na wɔsan kan ansa na wɔde akɔ. 29 Wɔpaw ebinom nso sɛ wɔnhwɛ nneɛma yi so: anwenne ne anwenne kronkron no nyinaa,+ esiam muhumuhu,+ nsã,*+ ngo,+ ɛhyɛ,*+ ne balsam ngo.+ 30 Ná asɔfo mma no binom de balsam ngo yɛ sradehuam. 31 Lewini Matitia a ɔyɛ Kora aseni Salum abakan no ne ɔnokwafo a na ɔhwɛ nneɛma a wɔtõ wɔ nkankyee mu+ so. 32 Wɔn nuanom Kohat asefo no bi na wɔhwɛɛ paanoo a wɔde taataa so no* so;+ ná wɔtõ no homeda biara.+

33 Eyinom ne nnwontofo no, Lewifo agyanom abusuafi mpanyimfo a wɔyɛɛ adwuma wɔ adekora adan* no mu; wɔanyɛ nnwuma foforo biara, efisɛ na ɛyɛ wɔn asɛde sɛ wɔyɛ wɔn adwuma no awia ne anadwo. 34 Eyinom ne Lewifo agyanom abusuafi mpanyimfo, atitiriw no, sɛnea wɔakyerɛw wɔn abusuafo din. Wɔtenaa Yerusalem.

35 Gibeon agya Yeiel tenaa Gibeon;+ ná ne yere din de Maaka. 36 N’abakan ne Abdon, na wɔn a wodi hɔ ne Sur, Kis, Baal, Ner, Nadab, 37 Gedor, Ahio, Sakaria ne Miklot. 38 Miklot woo Simeam. Wɔne wɔn nuanom a wɔaka nyinaa tena bɛn wɔn nuanom wɔ Yerusalem. 39 Ner+ woo Kis, Kis woo Saul;+ Saul nso woo Yonatan,+ Malki-Sua,+ Abinadab,+ ne Esbaal. 40 Yonatan ba ne Merib-Baal,+ na Merib-Baal woo Mika.+ 41 Mika mma ne Piton, Melek, Tarea, ne Ahas. 42 Ahas woo Yara; Yara nso woo Alemet, Asmawet, ne Simri. Simri nso woo Mosa. 43 Mosa woo Binea, na ɔno nso woo Refaia, na ɔno nso woo Eleasa, na ɔno nso woo Asel. 44 Asel woo mma baasia. Wɔn din ni: Asrikam, Bokeru, Ismael, Searia, Obadia, ne Hanan. Eyinom ne Asel mma.

10 Ná Filistifo ne Israelfo reko, na Israel mmarima guan fii Filistifo no anim, na wɔn mu bebree wuwui wɔ Gilboa Bepɔw so.+ 2 Filistifo no tuu wɔn ani sii Saul ne ne mma so,* na Filistifo no kum Yonatan, Abinadab, ne Malki-Sua+ a wɔyɛ Saul mma. 3 Ɔko no mu yɛɛ den maa Saul, na eduu baabi no, agyantofo no huu no, na wɔtow agyan wɔɔ no piraa no.+ 4 Ɛnna Saul ka kyerɛɛ ne somfo a okura n’akode no sɛ: “Twe wo sekan fa kum me na momonotofo* yi ammɛyɛ me aninyanne.”*+ Nanso ne somfo no ampɛ sɛ ɔyɛ saa, efisɛ na ehu aka no paa. Enti Saul faa sekan no na ogyaa ne ho kɔwɔɔ so.+ 5 Bere a ne somfo no hui sɛ Saul awu no, ɔno nso gyaa ne ho wɔɔ ne sekan so wui. 6 Enti Saul ne ne mma mmarima baasa ne ne fifo a wɔka ne ho nyinaa wuwui.+ 7 Bere a Israelfo a wɔwɔ asaasetraa no so* nyinaa hui sɛ obiara aguan, na Saul ne ne mma nso awuwu no, woguan fii wɔn nkurow mu; ɛnna Filistifo no bɛtenatenaa hɔ.

8 Ade kyee no, Filistifo no bae sɛ wɔrebeyiyi awufo no ho nneɛma, na wokopuee Saul ne ne mma no so sɛ wɔawuwu gu Gilboa Bepɔw so.+ 9 Ɛnna woyiyii ne ho nneɛma, na wotwaa ne ti faa n’akotaade,* na wɔsoma kɔɔ Filistifo asaase so baabiara kɔbɔɔ wɔn abosom+ ne ɔmanfo amanneɛ. 10 Afei wɔde n’akotaade no koguu wɔn nyame fi,* na wɔde ne tikora kɔsɛn Dagon fi.+

11 Bere a nnipa a wɔwɔ Yebes+ a ɛwɔ Gilead nyinaa tee nea Filistifo de ayɛ Saul no,+ 12 akofo no nyinaa sɔre kɔfaa Saul ne ne mma amu, na wɔde baa Yebes besiee wɔn nnompe wɔ odupɔn a ɛwɔ Yebes+ no ase, na wɔyɛɛ akɔnkyen* nnanson.

13 Saa na ɛyɛe a Saul wui efisɛ wanni Yehowa nokware, na wantie Yehowa asɛm;+ afei nso ɔkɔɔ abisa wɔ ɔdebisafo hɔ+ 14 sen sɛ ɔbɛhwehwɛ Yehowa akyi kwan. Enti okum no, na ɔde ahenni no maa Yese+ ba Dawid.

11 Akyiri yi, Israelfo nyinaa behyiaa Dawid wɔ Hebron+ bɛkae sɛ: “Hwɛ, yɛyɛ wo dompe ne wo honam.*+ 2 Efi tete a Saul di hene nyinaa, wo na na wudi Israel anim de wɔn kɔ ɔko;*+ ɛnna Yehowa wo Nyankopɔn ka kyerɛɛ wo sɛ, ‘Wo na wobɛyɛn me man Israel, na wo na wubedi me man Israel anim.’”+ 3 Enti Israel mpanyimfo nyinaa baa ɔhene nkyɛn wɔ Hebron, na Dawid ne wɔn yɛɛ apam Yehowa anim wɔ Hebron. Ɛnna wɔsraa Dawid de no sii Israel so hene+ sɛnea Yehowa nam Samuel so kae no.+

4 Ɛno akyi no, Dawid ne Israel nyinaa siim kɔɔ Yerusalem, kyerɛ sɛ, Yebus;+ ɛhɔ na na Yebusifo+ no te. 5 Ɛnna nkurɔfo a wɔte Yebus no ka kyerɛɛ Dawid sɛ: “Worentumi mma ha da!”+ Nanso, Dawid ko faa Sion abannennen+ a seesei wɔfrɛ hɔ Dawid Kurow+ no. 6 Ná Dawid aka sɛ: “Obiara a obedi kan akɔtow ahyɛ Yebusifo so no, ɔbɛyɛ ɔsahene* ne otitiriw.” Seruia ba Yoab+ na odii kan kɔe, enti ɔbɛyɛɛ ɔsahene. 7 Afei Dawid kɔtenaa abannennen no mu. Ɛno nti na wɔfrɛɛ hɔ Dawid Kurow no. 8 Ofii ase sisii adan wɔ kurow no mu fi Esiw no* so de twaa ho hyiae, na Yoab nso siesiee mmeae a aka wɔ kurow no mu. 9 Enti Dawid kɔɔ so yɛɛ den,+ na asafo Yehowa dii n’akyi.

10 Eyinom ne Dawid akatakyi mu atitiriw. Wɔn na wɔne Israel nyinaa taa n’akyi denneennen wɔ n’ahenni mu; wosii no hene sɛnea Yehowa asɛm a ɔkae wɔ Israel ho no te.+ 11 Dawid akatakyi no din ni: Yasobeam+ a ɔyɛ Hakmoni aseni; ɔno ne baasa no so panyin.+ Ɔno na ogyinaa ne nan so de peaw kunkum nnipa 300 da koro.+ 12 Ahohi+ aseni Dodo ba Eleasar+ na odi hɔ. Ɔka akatakyi baasa no ho. 13 Ɔno na na ɔka Dawid ho wɔ Pas-Damim,+ faako a na Filistifo aboaboa wɔn ho ano rebedi ako no. Ná asaase bi da hɔ a baali* ayɛ so ma, na Filistifo no nti, na nkurɔfo no aguan afi hɔ. 14 Nanso ɔtew gyinaa asaase no mfinimfini kunkum Filistifo no de bɔɔ asaase no ho ban; Yehowa ma wodii nkonim* kɛse.+

15 Atitiriw 30 no mu baasa kɔɔ Dawid nkyɛn wɔ Adulam ɔbodan+ no mu wɔ ɔbotan so, bere a na Filistifo no akɔsoɛ Refaim Bon+ no mu.* 16 Saa bere no, na Dawid wɔ abannennen no mu, na na Filistifo asraafodɔm nso wɔ Betlehem. 17 Ɛnna Dawid kae sɛ: “O minya Betlehem+ kurow pon ano abura mu nsu a, anka mɛnom!” 18 Ɛhɔ ara na baasa no de anuɔden bɔ wuraa Filistifo asoɛe no mu, na wɔkɔsaw Betlehem kurow pon ano abura mu nsu, na wɔde brɛɛ Dawid. Nanso Dawid annom, na mmom ohwie guu fam maa Yehowa. 19 Na ɔkae sɛ: “Ɛmpare me sɛ mɛhwɛ me Nyankopɔn anim ayɛ saa! Mmarima a wɔde wɔn nkwa* too wɔn nsam yi mogya na mennom anaa?+ Wɔn nkwa* na wɔde too wɔn nsam kɔsaw bae.” Enti wannom. Eyi ne nea n’akatakyi baasa no yɛe.

20 Yoab+ nua Abisai+ nso, na ɔyɛ baasa foforo so panyin. Ɔno na ogyinaa ne nan so de peaw kunkum nnipa 300; ná wagye din te sɛ baasa no.+ 21 Baasa no mu no, ɔno na na wagye din kɛse, na na ɔno ne wɔn so panyin, nanso wanto baasa a wodi kan no.

22 Yehoiada ba Benaia+ yɛ ɔkokodurufo* a ɔyɛɛ nneɛma pii wɔ Kabseel.+ Okum Moabni Ariel mma mmarima baanu no, na da bi a na sukyerɛmma atɔ nso, osian kɔɔ abura mu kokum gyata bi.+ 23 Ɔno ara nso na okokum Egyptni ɔbran bi a ne tenten yɛ basafa anum*+ no. Ná Egyptni no kura peaw bi a ne kɛse te sɛ ntamanwemfo dua kɛse;+ nanso ɔde abaa kɔɔ Egyptni no so kohwim peaw no fii ne nsam, na ɔde peaw no kum no.+ 24 Saa nneɛma yi na Yehoiada ba Benaia yɛe, na ogyee din te sɛ akatakyi baasa no. 25 Ná wagye din sen aduasa no mpo, nanso wanto baasa a wodi kan no.+ Ne nyinaa akyi, Dawid de no sii n’awɛmfo so panyin.

26 Asraafo no mu akatakyi ni: Yoab nua Asahel,+ Betlehemni+ Dodo ba Elhanan, 27 Harorini Samot, Pelonni Heles, 28 Tekoani Ikes ba Ira,+ Anatotni Abiesar,+ 29 Husani Sibekai,+ Ahohini Ilai, 30 Netofani Maharai,+ Netofani Baanah ba Heled,+ 31 Ribai ba Yitai a ofi Benyaminfo+ kurow Gibea mu, Piratonni Benaia, 32 Hurai a ofi Gaase+ subon no mpɔtam hɔ, Arbatni Abiel, 33 Bahurimni Asmawet, Saalbonni Eliaba, 34 Gisonni Hasem mma, Hararini Sagee ba Yonatan, 35 Hararini Sakar ba Ahiam, Ur ba Elifal, 36 Mekeratni Hefer, Pelonni Ahiya, 37 Karmelni Hesro, Esbai ba Naarai, 38 Natan nua Yoel, Hagri ba Miba, 39 Ammonni Selek, Berotni Naharai a na okura Seruia ba Yoab akode; 40 Yitrini Ira, Yitrini Gareb, 41 Hitini Uria,+ Ahlai ba Sabad, 42 Rubenni Sisa ba Adina, Ruben abusuakuw mu panyin ne nnipa 30 a wɔka ne ho; 43 Maaka ba Hanan, Mitini Yosafat, 44 Astarotni Ussia, Aroerni Hotam mma Sama ne Yeiel; 45 Simri ba Yediael, ne ne nua Tisini Yoha, 46 Mahawini Eliel, Elnaam mma Yeribai ne Yosawia, ne Moabni Yitma; 47 Eliel, Obed, ne Mesobani Yaasiel.

12 Eyinom ne mmarima a wɔbaa Dawid nkyɛn wɔ Siklag;+ wɔka mmarima akatakyi a wɔboaa no akodi mu no ho.+ Saa bere no, Kis ba Saul+ nti ɛnyɛ baabiara na na Dawid tumi kɔ. 2 Wɔyɛ mmarima a wokurakura agyan na wotumi de wɔn nsa nifa ne benkum nyinaa+ tow ataabo*+ ne agyan. Wɔn nyinaa yɛ Saul nuanom, Benyamin asefo.+ 3 Gibeani+ Semaa mma Ahiesa ne Yoas na na wɔda wɔn ano; ebinom nso ne Asmawet+ mma Yesiel ne Pelet; ɛne Beraka, Anatotni Yehu, 4 Gibeonni+ Yismaia, ɔkatakyi a ɔka aduasa no ho+ na ɔsan da aduasa no ano; ɛne Yeremia, Yahasiel, Yohanan ne Gederani Yosabad, 5 Elusai, Yerimot, Bealia, Semaria, Harifni Sefatia; 6 ɛne Kora asefo+ Elkana, Yisiya, Asarel, Yoeser ne Yasobeam; 7 ɛne Gedorni Yeroham mma Yoela ne Sebadia.

8 Gadfo no bi nso dan bedii Dawid akyi wɔ abannennen hɔ wɔ sare no so;+ wɔyɛ asraafo akokodurufo a wonim ko, mmarima a wonim sɛnea wokura akyɛm akɛse ne mpeaw a wɔn anim te sɛ gyata na wɔn ho yɛ hare sɛ bepɔw so adowa. 9 Eser na na ɔda wɔn ano, Obadia na ɔto so abien, Eliab to so abiɛsa, 10 Mismana to so anan, Yeremia to so anum, 11 Atai to so asia, Eliel to so ason, 12 Yohanan to so awotwe, Elsabad to so akron, 13 Yeremia to so du, ɛnna Makbanai to so dubaako. 14 Eyinom nyinaa yɛ Gad asefo,+ asraafo so mpanyimfo. Wɔn mu akumaa mpo betumi ne nnipa 100 de asi ani, na wɔn mu ɔkɛse betumi nnipa 1,000.+ 15 Eyinom ne mmarima a bosome a edi kan no wotwaa Yordan bere a na ayiri asram so; wɔpam wɔn a wɔtete asaasetraa no so nyinaa kɔɔ apuei ne atɔe.

16 Benyamin ne Yuda mmarima no bi nso baa Dawid nkyɛn wɔ n’abannennen hɔ.+ 17 Ɛnna Dawid kɔɔ wɔn anim kɔka kyerɛɛ wɔn sɛ: “Sɛ asomdwoe na mode bae sɛ morebɛboa me a, ɛnde me ne mo bɛyɛ baako.* Sɛ nso mobaa ha sɛ morebeyi me ama m’atamfo bere a menyɛɛ bɔne biara a, ɛnde yɛn agyanom Nyankopɔn nhwɛ mmu ho atɛn.”+ 18 Ɛnna honhom baa* Amasai,+ aduasa so panyin no so, na ɔkae sɛ:

“O Dawid, yɛyɛ wo dea, na w’afã na yɛwɔ, O Yese ba.+

Enti Dawid gyee wɔn, na ɔde wɔn kaa asraafo mpanyimfo no ho.

19 Bere bi a Dawid ne Filistifo bae sɛ wɔne Saul rebɛko no, Manase asefo no bi nso dan kɔɔ Dawid afã; nanso wannya ammoa Filistifo+ no, efisɛ wɔn ahemfo tuu agyina pam no kae sɛ: “Anhwɛ a ɔbɛsan akodi ne wura Saul akyi, na ɔde yɛn ti atwa so.”+ 20 Bere a ɔkɔɔ Siklag+ no, Manase asefo yi na wɔdan baa n’afã: Adnah, Yosabad, Yediael, Mikael, Yosabad, Elihu, ne Siletai a wɔyɛ Manase apem apem so ahwɛfo no.+ 21 Wɔboaa Dawid ma ɔko tiaa akorɔmfo-werɛmfo dɔm no, efisɛ na wɔn nyinaa yɛ akatakyi,+ na wɔbɛyɛɛ asraafo no so atitiriw. 22 Ade rekye a ade resa nyinaa na nkurɔfo reba Dawid nkyɛn+ bɛboa no. Ɛyɛɛ saa ara kosii sɛ afei wɔbɛyɛɛ dɔm kɛse te sɛ Onyankopɔn asafodɔm.+

23 Mmarima a wɔkɔ ɔsa no mu atitiriw a wɔbaa Dawid nkyɛn wɔ Hebron+ sɛ wɔde Saul ahenni no bɛma no sɛnea Yehowa asɛm kyerɛ no+ dodow ni: 24 Yuda mmarima a wɔkɔ ɔsa a wokurakura akyɛm akɛse ne mpeaw no, na wɔyɛ 6,800. 25 Simeon asefo no yɛ mmarima akantinka 7,100.

26 Lewi asefo no yɛ 4,600. 27 Yehoiada+ na na ɔda Aaron mma no ano,+ na na nnipa 3,700 ka ne ho; 28 ebi nso ne aberante kokodurufo Sadok+ ne n’agyanom fifo a wɔyɛ atitiriw 22.

29 Saul nuanom Benyamin asefo+ no, na wɔyɛ 3,000; kan no, na wɔn mu dodow no ara wɛn Saul fi. 30 Efraim asefo no yɛ mmarima akantinka 20,800, mmarima a wɔwɔ din wɔ wɔn agyanom abusuafi.

31 Manase abusuakuw fã nso, nnipa 18,000 na wɔbɔɔ din somaa wɔn sɛ wommesi Dawid hene. 32 Isakar asefo a wotumi de wɔn ani to fam hu nea ɛsɛ sɛ Israel yɛ no yɛ atitiriw 200, na na wɔn nuanom nyinaa hyɛ wɔn ase. 33 Sebulon asefo no, wɔn a wɔkɔ ɔsa na wɔde akode ahorow nyinaa bi kɔ ɔko no yɛ 50,000; wɔn nyinaa de koma mũ baa Dawid afã.* 34 Naftali asefo no yɛ atitiriw 1,000, na nnipa 37,000 a wokurakura akyɛm akɛse ne mpeaw ka wɔn ho. 35 Dan asefo no, wɔn a wɔkɔ ɔsa yɛ 28,600. 36 Aser asefo no, wɔn a wɔkɔ ɔsa, na wɔde wɔn gyina akono yɛ 40,000.

37 Ruben ne Gad asefo ne Manase abusuakuw fã a wɔwɔ Yordan agya+ no, wɔn a wɔde akode nyinaa bi kɔ ɔsa yɛ 120,000. 38 Eyinom nyinaa yɛ mmarima akofo a wɔde wɔn kɔ akono; wɔde koma a edi mu baa Dawid nkyɛn wɔ Hebron sɛ wɔrebesi no hene wɔ Israel nyinaa so; na Israelfo a aka nyinaa penee so* sɛ Dawid nni wɔn so hene.+ 39 Na wodii Dawid nkyɛn nnansa; wodidii na wɔnomee efisɛ na wɔn nuanom asiesie wɔn akyi. 40 Afei nso, wɔn a wɔtete bɛn hɔ de kosi Isakar, Sebulon ne Naftali nyinaa de nnuan guu mfurum, yoma, mfurumpɔnkɔ, ne anantwi so bae; nnuan no bi ni: esiam nnuan, borɔdɔma a wɔabɔ no atɔwatɔw, bobe paanoo, bobesa, ngo ne anantwi ne nguan bebree; ná anigye aba Israel.

13 Dawid ne apem apem ne ɔhaha so ahwɛfo ne mpanyimfo no nyinaa tuu agyina.+ 2 Ɛnna Dawid ka kyerɛɛ Israel asafo no nyinaa sɛ: “Sɛ eye wɔ mo ani so na sɛ Yehowa yɛn Nyankopɔn pene so a, momma yɛnsoma nkɔka nkyerɛ yɛn nuanom a wɔaka wɔ Israel asaase so nyinaa, ne asɔfo ne Lewifo a wɔwɔ wɔn nkurow mu+ ne ɛho nsaase a mmoa didi so no so sɛ wɔmmɛka yɛn ho, 3 na yɛnsan nkɔfa yɛn Nyankopɔn Adaka+ no mmra.” Nea ɛte ne sɛ, Saul bere so no,+ ɛho asɛm anhia wɔn. 4 Asafo no nyinaa penee so, efisɛ na eye wɔ ɔman no nyinaa ani so. 5 Enti Dawid boaboaa Israel nyinaa ano fi Egypt asubɔnten no* ho kosii Lebo-Hamat*+ sɛ wɔrekɔfa nokware Nyankopɔn no Adaka no afi Kiriat-Yearim+ aba.

6 Ɛnna Dawid ne Israel nyinaa kɔɔ Baala,+ kyerɛ sɛ, Kiriat-Yearim a ɛwɔ Yuda sɛ wɔrekɔfa nokware Nyankopɔn Yehowa a ɔte kerubim so*+ no Adaka a ne din da so no aba. 7 Nanso bere a wɔkɔfaa nokware Nyankopɔn no Adaka no fii Abinadab fi no, teaseɛnam foforo+ bi so na wɔde sii; Ussa ne Ahio na wodii teaseɛnam no anim.+ 8 Dawid ne Israel nyinaa de nnwom, asanku, asankuten, mpintin,+ nnawuru,*+ ne ntorobɛnto+ dii ahurusi kɛse wɔ nokware Nyankopɔn no anim. 9 Nanso bere a woduu Kidon awiporowbea hɔ no, Ussa teɛɛ ne nsa soo Adaka no mu, efisɛ anka anantwi no redan ahwe hɔ. 10 Ɛhɔ ara na Yehowa bo fuw Ussa, na ɔbɔɔ no hwee fam sɛ ɔteɛɛ ne nsa kaa Adaka no,+ na owui wɔ Onyankopɔn anim.+ 11 Ɛnna Dawid bo fuwii* sɛ Yehowa abufuw apae agu Ussa so. Wɔfrɛɛ hɔ Peres-Ussa,* na saa na wɔafrɛ hɔ de besi nnɛ.

12 Ɛmaa Dawid suroo nokware Nyankopɔn no saa da no, na ɔkae sɛ: “Mɛyɛ dɛn de nokware Nyankopɔn no Adaka no aba me nkyɛn?”+ 13 Enti Dawid amfa Adaka no amma ne nkyɛn wɔ Dawid Kurow mu; mmom ɔma wɔde kɔɔ Gatni Obed-Edom fi. 14 Nokware Nyankopɔn no Adaka no dii abosome abiɛsa wɔ Obed-Edom fi, na Yehowa kɔɔ so hyiraa Obed-Edom fi ne nea ɔwɔ nyinaa.+

14 Tiro hene Hiram+ tuu abɔfo kɔɔ Dawid nkyɛn, na ɔde sida nnua ne abantofo ne dua adwumfo kɔe sɛ wonkosi ofi* mma no.+ 2 Dawid behui sɛ Yehowa ama n’ahenni atim wɔ Israel so,+ na Onyankopɔn man Israel nti,+ wama n’ahenni so.

3 Dawid san waree mmea foforo+ wɔ Yerusalem, na Dawid san woo mma mmarima ne mma mmea+ wɔ hɔ nso. 4 Ne mma a ɔwoo wɔn wɔ Yerusalem no din ni:+ Sammua, Sobab, Natan,+ Solomon,+ 5 Ibhar, Elisua, Elpelet, 6 Noga, Nefeg, Yafia, 7 Elisama, Beeliada, ne Elifelet.

8 Bere a Filistifo no tee sɛ wɔasra Dawid asi no hene wɔ Israel nyinaa so+ no, wɔn nyinaa bae sɛ wɔne Dawid rebɛko.+ Dawid tee no, ofii adi kɔɔ wɔn so. 9 Ɛnna Filistifo no bae, na wɔbɛtow hyɛɛ nnipa a wɔwɔ Refaim Bon mu*+ no so. 10 Dawid bisaa Onyankopɔn sɛ: “Menkɔ Filistifo no so anaa? Wode wɔn bɛhyɛ me nsa?” Ɛnna Yehowa ka kyerɛɛ no sɛ: “Kɔ, na ɔkwan biara so mede wɔn bɛhyɛ wo nsa.”+ 11 Enti Dawid kɔɔ Baal-Perasim,+ na okokunkum wɔn wɔ hɔ. Ɛnna Dawid kae sɛ: “Nokware Nyankopɔn no nam me nsa so abu afa m’atamfo so sɛnea nsu bu fa nneɛma so no.” Ɛno nti na wɔfrɛɛ hɔ Baal-Perasim* no. 12 Filistifo no gyaw wɔn anyame hɔ kɔe, na Dawid ma wɔde ogya hyewee.+

13 Akyiri yi, Filistifo no san bɛtow hyɛɛ nnipa a wɔwɔ bon no mu*+ so bio. 14 Dawid san bisaa Onyankopɔn, nanso nokware Nyankopɔn no ka kyerɛɛ no sɛ: “Nkohyia wɔn. Kɔ na kofi wɔn akyi bra, na tow hyɛ wɔn so wɔ baka* nnua no anim.+ 15 Ɛba sɛ wote nnyigyei a ɛte sɛ nnipadɔm nantew wɔ baka nnua no so a, kɔ wɔn so, efisɛ ɛno bɛkyerɛ sɛ nokware Nyankopɔn no adi w’anim rekokunkum Filistifo asraafo no.”+ 16 Enti Dawid yɛɛ nea nokware Nyankopɔn no kae no pɛpɛɛpɛ,+ na wokunkum Filistifo asraafo fi Gibeon kosii Geser.+ 17 Dawid ho asɛm trɛw kɔɔ nsaase nyinaa so, na Yehowa maa ne ho hu tɔɔ aman nyinaa so.+

15 Na osisii adan pii wɔ Dawid Kurow mu; afei nso osiesiee baabi maa nokware Nyankopɔn no Adaka no, na osii ntamadan a ɔde besi mu.+ 2 Saa bere no, Dawid kae sɛ: “Obiara nni hokwan sɛ ɔsoa nokware Nyankopɔn no Adaka no, gye Lewifo no, efisɛ wɔn na Yehowa apaw wɔn sɛ wɔnsoa Yehowa Adaka no na wɔnsom no daa.”+ 3 Ɛnna Dawid boaboaa Israel nyinaa ano wɔ Yerusalem sɛ wɔnkɔfa Yehowa Adaka no mmra faako a wasiesie no.+

4 Aaron asefo+ ne Lewifo+ a Dawid boaboaa wɔn ano ni: 5 Kohat asefo no ne otitiriw Uriel ne ne nuanom 120; 6 Merari asefo no ne otitiriw Asaia+ ne ne nuanom 220; 7 Gersom asefo no ne otitiriw Yoel+ ne ne nuanom 130; 8 Elisafan+ asefo no ne otitiriw Semaia ne ne nuanom 200; 9 Hebron asefo no ne otitiriw Eliel ne ne nuanom 80; 10 Usiel+ asefo no ne otitiriw Aminadab ne ne nuanom 112. 11 Afei nso, Dawid frɛɛ ɔsɔfo Sadok+ ne ɔsɔfo Abiatar,+ ne Lewifo Uriel, Asaia, Yoel, Semaia, Eliel ne Aminadab, 12 na ɔka kyerɛɛ wɔn sɛ: “Mone Lewifo agyanom abusuafi mpanyimfo. Mo ne mo nuanom nnwira mo ho, na monkɔfa Yehowa, Israel Nyankopɔn Adaka no mmra faako a masiesie sɛ yɛmfa nsi no. 13 Yɛkɔfaa no kan no moansoa,+ ɛno nti na Yehowa yɛn Nyankopɔn abufuw baa yɛn so no;+ yɛanni akwankyerɛ no so.”+ 14 Enti asɔfo ne Lewifo no dwiraa wɔn ho sɛ wɔrekɔfa Yehowa, Israel Nyankopɔn Adaka no aba.

15 Ɛnna Lewifo no de nokware Nyankopɔn no Adaka no nnua hyehyɛɛ mu,+ na wɔde sii wɔn mmati soaa no sɛnea Mose nam Yehowa asɛm so kae no. 16 Afei Dawid ka kyerɛɛ Lewifo atitiriw no sɛ wɔmma wɔn nuanom nnwontofo no mfa wɔn nnwonto nneɛma te sɛ nnawuru*+ ne asanku+ ahorow nyinaa bi, na wɔmfa anigye nto dwom.

17 Enti Lewifo no paw Yoel ba Heman+ ne ne nuanom Berekia ba Asaf+ ne Kusaia ba Etan+ a ofi Merari asefo mu; 18 wɔne wɔn nuanom a wɔwɔ kuw a ɛto so abien no mu,+ Sakaria, Ben, Yaasiel, Semiramot, Yehiel, Uni, Eliab, Benaia, Maaseia, Matitia, Elifelehu, ne Mikneia; ɛne Obed-Edom ne Yeiel a wɔyɛ apon ano ahwɛfo. 19 Nnwontofo no ne Heman,+ Asaf+ ne Etan; wɔn na woyii wɔn sɛ wɔmmɔ nnawuru a wɔde kɔbere ayɛ;+ 20 ɛne Sakaria, Asiel, Semiramot, Yehiel, Uni, Eliab, Maaseia, ne Benaia; wɔn na wokurakura asanku a wɔbɔ wɔ Alamot* so;+ 21 ɛne Matitia,+ Elifelehu, Mikneia, Obed-Edom, Yeiel, ne Asasia. Wɔn na wokurakura asanku a wɔbɔ wɔ Seminit* so;+ wɔyɛ dwom kyerɛfo. 22 Kenania+ na na ɔda Lewifo a wɔsoa Adaka no ano; ɔno na ɔkyerɛɛ wɔn sɛnea wɔnsoa no, efisɛ na waben wom; 23 ná Berekia ne Elkana nso yɛ apon ano ahwɛfo a wɔwɛn Adaka no. 24 Sebania, Yosafat, Netanel, Amasai, Sakaria, Benaia, ne Elieser yɛ asɔfo a na wɔhyɛn ntorobɛnto denneennen wɔ nokware Nyankopɔn no Adaka no anim;+ ná Obed-Edom ne Yehia nso yɛ apon ano ahwɛfo a wɔwɛn Adaka no.

25 Ɛnna Dawid ne Israel mpanyimfo ne apem apem so ahwɛfo no de ahurusi+ bɔɔ anan kɔfaa Yehowa apam adaka no fii Obed-Edom fi.+ 26 Bere a nokware Nyankopɔn no boaa Lewifo a wɔsoaa Yehowa apam adaka no, wɔde anantwinini nkumaa ason ne adwennini ason bɔɔ afɔre.+ 27 Saa bere no, na Dawid hyɛ nwera ataade a ɛyɛ nsasin; ɔne Lewifo a wɔso Adaka no nyinaa ne nnwontofo no ne Kenania, ɔpanyin a odi anim ma nnwontofo soa Adaka no; ná Dawid hyɛ nwera efɔd*+ nso. 28 Ná Israelfo nyinaa nam kwan so de Yehowa apam adaka no reba; wɔbɔɔ ose,+ na wɔhyɛn mmɛn ne ntorobɛnto,+ bɔɔ nnawuru ne asanku ahorow nyinaa bi denneennen.+

29 Nanso bere a wɔde Yehowa apam adaka no duu Dawid Kurow+ mu no, Saul babea Mikal+ hwɛɛ mfɛnsere mu hui sɛ Ɔhene Dawid rehuruhuruw saw, na obuu ɔhene no animtiaa wɔ ne komam.+

16 Enti wɔde nokware Nyankopɔn no Adaka no bae, na wɔde besii ntamadan a Dawid si maa no no mu;+ ɛnna wɔbɔɔ ɔhyew afɔre ne asomdwoe afɔre wɔ nokware Nyankopɔn no anim.+ 2 Bere a Dawid bɔɔ ɔhyew afɔre+ ne asomdwoe afɔre+ no wiei no, ɔde Yehowa din hyiraa ɔman no. 3 Bio nso, ɔmaa Israelfo nyinaa, ɔbarima ne ɔbea biara, paanoo kurukuruwa baako ne nkeresia* aba keeki ne bobe keeki. 4 Afei ɔpaw Lewifo no bi sɛ wɔnsom wɔ Yehowa Adaka no anim,+ na wɔnhyɛ Israel Nyankopɔn Yehowa anuonyam,* na wɔnna no ase nyi no ayɛ. 5 Asaf+ ne wɔn panyin, na Sakaria to so abien; ɛnna Yeiel, Semiramot, Yehiel, Matitia, Eliab, Benaia, Obed-Edom ne Yeiel+ bɔɔ asanku ahorow nyinaa bi;+ Asaf nso bɔɔ nnawuru,*+ 6 na ɔsɔfo Benaia ne ɔsɔfo Yahasiel hyɛn ntorobɛnto wɔ nokware Nyankopɔn no apam adaka no anim daa.

7 Saa da no ne bere a edi kan a Dawid hyehyɛɛ nnwom maa Asaf+ ne ne nuanom de daa Yehowa ase sɛ:

10 Momfa ne din kronkron no nhoahoa mo ho.+

Momma wɔn a wɔhwehwɛ Yehowa no koma nni ahurusi.+

11 Monhwehwɛ Yehowa+ ne n’ahoɔden.

Monhwehwɛ n’anim dom daa.+

14 Ɔno ne Yehowa, yɛn Nyankopɔn;+

N’atemmusɛm kodu asaase so baabiara.+

23 Asaase nyinaa, monto dwom mma Yehowa!

Mommɔ ne nkwagye dawuru da biara!+

25 Yehowa yɛ kɛse; ɔno na ayeyi sɛ no.

Ɔfata sɛ yesuro no sen anyame nyinaa.+

Monhyɛ ntaade kronkron mfa nkotow* Yehowa.*+

30 Asaase nyinaa, mo ho mpopo n’anim!

Asaase tim hɔ pintinn; ɛrenhinhim da.+

Ɔman no nyinaa kae sɛ, “Amen!”* na woyii Yehowa ayɛ.

37 Ɛnna Dawid gyaw Asaf+ ne ne nuanom wɔ Yehowa apam adaka no anim sɛ daa wɔnsom wɔ Adaka no anim+ sɛnea ehia sɛ wɔyɛ da biara.+ 38 Ná Obed-Edom ne ne nuanom 68, ne Yedutan ba Obed-Edom ne Hosa yɛ apon ano ahwɛfo; 39 na ogyaw ɔsɔfo Sadok+ ne ne nuanom asɔfo no wɔ Yehowa ntamadan no anim wɔ sorɔnsorɔmmea* a ɛwɔ Gibeon+ no, 40 sɛ wɔmmɔ ɔhyew afɔre mma Yehowa wɔ ɔhyew afɔremuka no so daa, anɔpa ne anwummere, na wɔnyɛ nea Yehowa Mmara a wɔkyerɛw maa Israel no aka nyinaa;+ 41 Nnipa a wɔka ho ne Heman ne Yedutan+ ne wɔn a wɔaka a wɔbobɔɔ wɔn din paw wɔn; wɔn na wɔdaa Yehowa ase,+ efisɛ “ne dɔ nni huammɔ; ɛwɔ hɔ daa”;+ 42 ná Heman+ ne Yedutan a wɔka wɔn ho no bɔ ntorobɛnto ne nnawuru,* na wokurakura nneɛma a wɔde yi nokware Nyankopɔn no ayɛ,* na na Yedutan mma+ no wɔ pon ano. 43 Afei ɔmanfo no mu biara kɔɔ ne fi. Ɛnna Dawid nso kohyiraa ne fifo.

17 Bere a Dawid bɛtenaa ne fi* ara pɛ na ɔka kyerɛɛ odiyifo Natan+ sɛ: “Hwɛ, me de, mete ofi a wɔde sida nnua asi+ mu, nanso Yehowa apam adaka no si ntamadan mu.”+ 2 Ɛnna Natan ka kyerɛɛ Dawid sɛ: “Nea ɛda wo koma so biara, yɛ, na nokware Nyankopɔn no di w’akyi.”

3 Saa anadwo no ara, Onyankopɔn ka kyerɛɛ Natan sɛ: 4 “Kɔ na kɔka kyerɛ m’akoa Dawid sɛ, ‘Nea Yehowa aka ni: “Ɛnyɛ wo na wubesi ofi ama matena mu.+ 5 Efi da a miyii Israel bae de besi nnɛ, mentenaa ofi mu da, ntamadan mu ara na matena; mitu fi ha a, na mekɔ ha.*+ 6 Efi bere a me ne Israelfo nyinaa nantewee yi, da bɛn na mibisaa Israel atemmufo a mepaw wɔn sɛ wɔnyɛn me man no mu baako mpo sɛ ‘Adɛn nti na momfaa sida dua nsii ofi mmaa me?’”’

7 “Afei ka kyerɛ m’akoa Dawid sɛ, ‘Nea asafo Yehowa aka ni: “Me na miyii wo fii mmoa adidibea sɛ gyae mmoa so hwɛ na bedi me man Israel anim.+ 8 Baabiara a wobɛkɔ nso medi w’akyi,+ na mɛpra* w’atamfo nyinaa afi w’anim,+ na mama woanya din te sɛ asaase so atitiriw.+ 9 Mesiesie baabi ama me man Israel na mede wɔn akodua hɔ; ɛhɔ na wɔbɛtena, na biribiara renhaw wɔn adwene bio. Amumɔyɛfo biara renhyɛ wɔn so* bio sɛ kan no,+ 10 efi bere a mede atemmufo sisii me man Israel so no.+ Mɛbrɛ w’atamfo nyinaa ase.+ Na mise wo sɛ, ‘Yehowa bɛkyekye ofi* ama wo.’

11 “‘“Sɛ wo nkwa nna ba awiei na wo ne w’agyanom kɔda a, w’akyi no mɛma w’aseni* bi so, wo mma no mu baako,+ na mɛma n’ahenni atim.+ 12 Ɔno na obesi ofi ama me,+ na mɛma n’ahengua atim afebɔɔ.+ 13 Mɛyɛ n’agya, na ɔno nso ayɛ me ba;+ merenyi me dɔ a enni huammɔ mfi no so+ sɛnea miyi fii nea odii wo kan no so no.+ 14 Mede no besi me fi ne m’ahenni so afebɔɔ,+ na n’ahengua nso betim afebɔɔ.”’”+

15 Natan kaa nsɛm yi ne anisoadehu no nyinaa kyerɛɛ Dawid.

16 Ɛnna Ɔhene Dawid bɛtenaa Yehowa anim, na ɔkae sɛ: “O Yehowa Nyankopɔn, me ne hena? Na me fi yɛ dɛn a wode me abedu ha yi?+ 17 O Onyankopɔn, eyi nyinaa akyi, woasan aka nea daakye-daakye ɛbɛba w’akoa fi so,+ na woabu me sɛ onipa a ɔfata nidi pii,* O Yehowa Nyankopɔn. 18 Dɛn bio na w’akoa Dawid nka wɔ anuonyam a wode ahyɛ me yi ho? Wunim w’akoa yiye.+ 19 O Yehowa, nea wo koma pɛ* ne w’akoa nti na woayɛ nneɛma akɛse yi nyinaa na woakyerɛ sɛ woyɛ kɛse.+ 20 O Yehowa, obiara nni hɔ a ɔte sɛ wo,+ na Onyame biara nni hɔ sɛ wo;+ nea yɛde yɛn aso ate afa wo ho nyinaa kyerɛ saa. 21 Na ɔman bɛn bio na ɛwɔ asaase so a ɛte sɛ wo man Israel?+ Nokware Nyankopɔn, wo na wugyee wɔn de wɔn yɛɛ wo man.+ Woyɛɛ anwonwade akɛse a ɛyɛ hu de gyee din;+ wopam amanaman fii wo man a wugyee wɔn fii Egypt no anim.+ 22 Wode wo nkurɔfo Israel yɛɛ wo man afebɔɔ,+ na wo Yehowa, wobɛyɛɛ wɔn Nyankopɔn.+ 23 Afei Yehowa, ma ɛbɔ a woahyɛ w’akoa ne ne fi no ntim afebɔɔ, na yɛ sɛnea woaka no.+ 24 Ma wo din nnyina* na ɛnyɛ kɛse+ daa, na nkurɔfo nka sɛ, ‘Israel Nyankopɔn, asafo Yehowa, ɔno ne Onyankopɔn ma Israel,’ na ma w’akoa Dawid ase ntim wɔ w’anim.+ 25 Me Nyankopɔn, wo na woayi no adi akyerɛ w’akoa sɛ woabɔ wo tirim sɛ wobɛkyekye ofi* ama no. Ɛno nti na w’akoa atumi agyina w’anim rebɔ saa mpae yi. 26 Na afei Yehowa, wone nokware Nyankopɔn no, na nneɛma pa yi nyinaa, wo na wode ahyɛ w’akoa bɔ. 27 Enti ma ɛnyɛ wo fɛ na hyira w’akoa fi na ɛntena w’anim daa; efisɛ wo Yehowa, wo na woahyira so, na ebenya nhyira daa.”

18 Akyiri yi, Dawid dii Filistifo no so nkonim brɛɛ wɔn ase, na ogyee Gat+ ne ɛho nkurow fii Filistifo no nsam.+ 2 Afei nso, odii Moab so nkonim,+ na Moabfo bɛyɛɛ Dawid nkoa a wotua tow ma no.+

3 Dawid dii Soba+ hene Hadadeser+ so nkonim wɔ beae a ɛbɛn Hamat.+ Saa bere no, na Hadadeser rekɔtrɛw ne tumi mu akɔ Asubɔnten Eufrate no ho.+ 4 Dawid ko faa ne nteaseɛnam 1,000, n’asraafo 7,000 a wɔtete apɔnkɔ so, ne n’asraafo 20,000 a wɔnam fam.+ Ɛnna Dawid twitwaa nteaseɛnam apɔnkɔ no nyinaa srɛ akyi ntini ma ɛkaa apɔnkɔ no mu 100.+ 5 Bere a Siriafo a wɔwɔ Damasko no bae sɛ wɔrebɛboa Soba hene Hadadeser no, Dawid kunkum Siriafo mmarima 22,000.+ 6 Afei Dawid de asraafodɔm koguu Siriafo a wɔwɔ Damasko no asaase so, na Siriafo bɛyɛɛ Dawid nkoa a wotua tow ma no. Baabiara a Dawid kɔe no, Yehowa ma odii nkonim.*+ 7 Afei nso, Dawid gyee sika kɔkɔɔ akyɛm fii Hadadeser asomfo hɔ, na ɔde baa Yerusalem. 8 Hadadeser nkurow Tibhat ne Kun nso, Dawid faa kɔbere bebree fii hɔ kɔe. Ɛno na Solomon de yɛɛ kɔbere sɛn a wɔfrɛ no Ɛpo+ no, adum no, ne kɔbere nneɛma+ foforo no.

9 Bere a Hamat hene Tou* tee sɛ Dawid adi Soba+ hene Hadadeser+ asraafodɔm no nyinaa so nkonim no, 10 ntɛm ara na ɔsomaa ne ba Hadoram kɔɔ Ɔhene Dawid nkyɛn sɛ onkobisa no sɛnea ne ho te, na ɔmma no amo sɛ ɔne Hadadeser ako adi no so nkonim, na ɔde sika kɔkɔɔ, dwetɛ, ne kɔbere nneɛma nyinaa bi kɔmaa no. (Nea ɛwom ne sɛ, na Hadadeser taa ne Tou di ako.) 11 Ɔhene Dawid hyiraa nneɛma yi nyinaa so maa Yehowa.+ Saa ara na dwetɛ ne sika kɔkɔɔ a ogye fii amanaman no nyinaa nkyɛn nso, ohyiraa so. Onya fii Edomfo, Moabfo, Ammonfo,+ Filistifo,+ ne Amalekfo+ hɔ.

12 Seruia+ ba Abisai+ kunkum Edomfo 18,000 wɔ Nkyene Bon no mu.+ 13 Ɔde asraafodɔm koguu Edom, na Edomfo nyinaa bɛyɛɛ Dawid nkoa.+ Baabiara a Dawid kɔe no, Yehowa ma odii nkonim.*+ 14 Dawid kɔɔ so dii Israel nyinaa so hene;+ obuu atɛn na odii asɛntrenee maa ne man nyinaa.+ 15 Ná Seruia ba Yoab na ɔda asraafo no ano,+ na Ahilud ba Yehosafat+ nso ne ɔhene krakye. 16 Ahitab ba Sadok ne Abiatar ba Ahimelek na na wɔyɛ asɔfo, na na Sawsa ne ɔkyerɛwfo. 17 Ná Yehoiada ba Benaia na ɔda Keretifo+ ne Peletifo+ no ano. Ɔhene Dawid nni hɔ nso a, ne mma no na na wɔwɔ tumi.

19 Akyiri yi, Ammonfo hene Nahas wui, na ne ba bedii n’ade.+ 2 Ɛnna Dawid kae sɛ: “Mɛda ɔdɔ a enni huammɔ adi+ akyerɛ Nahas ba Hanun, efisɛ ne papa daa ɔdɔ a enni huammɔ adi kyerɛɛ me.” Enti Dawid somaa nkurɔfo sɛ wɔnkɔkyekye ne werɛ, ne papa wu no ho. Nanso bere a Dawid nkoa no kɔɔ Ammonfo+ asaase so sɛ wɔrekɔkyekye Hanun werɛ no, 3 Ammon mpanyimfo bisaa Hanun sɛ: “Wugye di sɛ Dawid pɛ sɛ odi wo papa ni nti na wasoma sɛ wɔmmɛkyekye wo werɛ yi? Wunnye nni sɛ ɔrepɛ ɔkwan a ɔbɛfa so adi wo so nkonim nti na wasoma ne nkoa aba wo nkyɛn sɛ wɔmmɛsra asaase yi na wɔnhwɛ sɛnea ɛte?” 4 Enti Hanun kyeree Dawid nkoa no yii wɔn abogyesɛ,+ na otwitwaa wɔn ntaade so besii wɔn to, na ɔma wɔkɔe. 5 Bere a nkurɔfo kɔkaa nea ato mmarima no kyerɛɛ Dawid no, ɛhɔ ara na ɔsoma kohyiaa wɔn esiane animguase kɛse a ato wɔn nti; na ɔhene ka kyerɛɛ wɔn sɛ: “Montena Yeriko+ nkosi sɛ mo abogyesɛ bɛsan afuw ansa na moasan aba.”

6 Akyiri yi, Ammonfo no hui sɛ wɔahyɛ Dawid abufuw.* Ɛno nti Hanun ne Ammonfo no de dwetɛ dwetikɛse* 1,000 kogyee nteaseɛnam ne nnipa a wɔtete apɔnkɔ so fii Mesopotamia* ne Aram-Maaka ne Soba.+ 7 Nteaseɛnam a wokogyei no yɛ 32,000, na Maaka hene ne ne nkurɔfo bɛkaa wɔn ho. Ɛnna wɔbɛsoɛe wɔ Medeba.+ Ammonfo no fi wɔn nkurow mu kɔboaboaa wɔn ho ano sɛ wɔrebɛko.

8 Dawid tee no, ɔmaa Yoab+ ne asraafo no nyinaa ne mmarima a wonim ko paa+ no kohyiaa wɔn. 9 Na Ammon akofo kɔboaa wɔn ho ano wɔ kurotia, na ahemfo a wɔbae no kogyinagyinaa petee mu.

10 Bere a Yoab hui sɛ dɔm a wɔreba no so no bi wɔ n’anim ne n’akyi no, ɔpaw Israel mmarima a wonim ko paa no bi, na wɔboaa wɔn ho ano kohyiaa Siriafo no.+ 11 Ɔde dɔm a aka no hyɛɛ ne nua Abisai+ nsa sɛ ɔne wɔn nkɔ akono nkohyia Ammonfo no. 12 Ɛnna ɔkae sɛ: “Sɛ Siriafo+ no ahoɔden boro me so a, bra begye me, na sɛ Ammonfo ahoɔden boro wo so a, me nso mɛba abegye wo. 13 Ma yɛnyɛ den na yɛmfa akokoduru nko+ mma yɛn man ne yɛn Nyankopɔn nkurow, na Yehowa bɛyɛ nea eye wɔ n’ani so.”

14 Ɛnna Yoab ne ne dɔm no kɔɔ wɔn anim kohyiaa Siriafo no wɔ ɔko no mu, na woguan fii n’anim.+ 15 Bere a Ammonfo no hui sɛ Siriafo aguan no, wɔn nso guan fii ne nua Abisai anim, na wɔsan kɔɔ kurow no mu. Akyiri yi, Yoab baa Yerusalem.

16 Bere a Siriafo no hui sɛ wɔadi nkogu wɔ Israelfo anim no, wotuu abɔfo sɛ wɔnkɔfa Siriafo a wɔwɔ Asubɔnten no* ho+ mmra, na Hadadeser sahene Sofak dii wɔn anim de wɔn bae.+

17 Dawid tee ho asɛm ara pɛ, ɔboaboaa Israel nyinaa ano kotwaa Yordan sɛ wɔne wɔn rekɔko. Dawid de akofo kohyiaa Siriafo no, na wɔne no koe.+ 18 Nanso Siriafo no guan fii Israelfo anim, na Dawid kunkum Siriafo 7,000 a wɔtete nteaseɛnam mu ne asraafo 40,000 a wɔnam fam, na ɔsahene Sofak nso, okum no. 19 Bere a Hadadeser nkoa no hui sɛ wɔadi nkogu wɔ Israel anim no,+ ɛhɔ ara na wɔne Dawid yɛɛ asomdwoe apam, na wɔbɛhyɛɛ n’ase,+ na Siriafo anyɛ wɔn adwene sɛ wɔbɛko agye Ammonfo bio.

20 Afe no mfiase* a ahemfo taa kɔ ɔko no, Yoab+ dii asraafodɔm anim kɔtow hyɛɛ Ammonfo asaase so sɛee no, na okotwaa Raba+ ho hyiae. Dawid de, ɔtenaa Yerusalem,+ na Yoab tow hyɛɛ Raba so sɛee kurow no.+ 2 Ɛno akyi no, Dawid yii Malkam abotiri fii ne ti, na ohui sɛ emu duru yɛ sika kɔkɔɔ dwetikɛse* baako, na na aboɔden abo nso hyehyɛ mu, na wɔde hyɛɛ Dawid ti. Ɔsesaw nneɛma pii nso fii kurow no mu.+ 3 Ɔde emu nnipa nso bae, na ɔma wɔpaee abo, na wɔde nnade a ano yɛ nnam ne abonnua yɛɛ adwuma.+ Saa na Dawid yɛɛ Ammonfo nkurow nyinaa. Afei Dawid ne asraafodɔm no nyinaa san baa Yerusalem.

4 Eyi akyi no, Israelfo ne Filistifo koe wɔ Geser. Saa bere no, Husani Sibekai+ kum Sipai a ofi Refaim+ asefo mu no, na wodii Filistifo no so.

5 Wɔsan ne Filistifo no koe, na Yair ba Elhanan kum Gatni Goliat+ nua Lami; ɔno na na ne peaw te sɛ ntamanwemfo dua kɛse+ no.

6 Ɔko sii bio wɔ Gat;+ ná ɔbarima tenten kɛse bi+ wɔ hɔ a ne nsa abien no nyinaa wɔ nsateaa 6, na na ne nan abien no nyinaa nso wɔ nansoaa 6; ne nyinaa si 24. Ɔno nso, na ofi Refaim+ asefo mu. 7 Ná otwa Israel adapaa daa,+ enti Dawid nua Simea+ ba Yonatan kum no.

8 Eyinom yɛ Refaim+ asefo a wofi Gat,+ na Dawid ne ne nkoa kunkum wɔn.

21 Ɛnna Satan* tuu n’ani sii Israel so, na opiapiaa Dawid sɛ ɔnkan Israelfo.+ 2 Enti Dawid ka kyerɛɛ Yoab+ ne ɔman no mu mpanyimfo sɛ: “Monkɔkan Israelfo mfi Beer-Seba nkosi Dan,+ na mommɛka wɔn dodow nkyerɛ me.” 3 Ɛnna Yoab kae sɛ: “Yehowa mma ne man mmu mmɔ ho 100! Me wura ɔhene, wɔn nyinaa nyɛ wo nkoa anaa? Adɛn nti na me wura pɛ sɛ ɔyɛ saa? Adɛn nti na worebɛma asodi aba Israel so?”

4 Nanso, ɔhene asɛm bunkam Yoab de so, enti Yoab kokyin Israel nyinaa, na ɔsan baa Yerusalem.+ 5 Afei Yoab de nnipa a wɔkan wɔn no dodow brɛɛ Dawid; wonyaa Israel mmarima a wɔde sekan kɔ ɔko 1,100,000, na Yuda nso, wonyaa mmarima a wɔde sekan kɔ ɔko 470,000.+ 6 Lewifo ne Benyaminfo de, wɔankan wɔn anka ho,+ efisɛ ɔhene asɛm no yɛɛ Yoab abufuw.+

7 Nokware Nyankopɔn no ani annye asɛm no ho koraa, enti ɔtwee Israel aso. 8 Ɛnna Dawid ka kyerɛɛ nokware Nyankopɔn no sɛ: “Ade a mayɛ yi de, mayɛ bɔne+ kɛse. Na afei, mepa wo kyɛw, fa w’akoa bɔne kyɛ no,+ na madi nkwaseasɛm paa.”+ 9 Ɛnna Yehowa ka kyerɛɛ Gad+ a ɔyɛ ɔdehufo ma Dawid no sɛ: 10 “Kɔ na kɔka kyerɛ Dawid sɛ, ‘Nea Yehowa aka ni: “Mede nneɛma abiɛsa resi w’anim. Yi mu baako na memfa nyɛ wo.”’” 11 Ɛnna Gad baa Dawid anim bɛka kyerɛɛ no sɛ: “Nea Yehowa aka ni, ‘Yi nea wopɛ: 12 mfe abiɛsa a ɔkɔm+ bɛba, anaa abosome abiɛsa a mo atamfo de bɛpra mo akɔ na wɔn sekan anya mo,+ anaasɛ Yehowa sekan a ɛbɛba mo so nnansa ama Yehowa bɔfo de ɔsɛe aba+ Israel asaase nyinaa so, kyerɛ sɛ, nsanyare a edi awu a ɛbɛba asaase no so.’+ Afei dwen ho na ma me mmuae nkɔma nea ɔsomaa me no.” 13 Ɛnna Dawid ka kyerɛɛ Gad sɛ: “Asɛm yi ama mabotow paa. Mesrɛ wo, mma onipa nntwe m’aso,*+ ma Yehowa mmom ntwe m’aso, efisɛ ne mmɔborɔhunu dɔɔso pii.”+

14 Enti Yehowa de nsanyare a edi awu+ baa Israel maa Israelfo 70,000 wuwui.+ 15 Afei nso, nokware Nyankopɔn no somaa ɔbɔfo kɔɔ Yerusalem sɛ onkokunkum ɛhɔfo. Bere a Yehowa hui sɛ ɔrebefi ase no, mmusu a ɛreba no yɛɛ no mmɔbɔ,*+ enti ɔka kyerɛɛ ɔbɔfo a wɔayi no sɛ onkunkum ɛhɔfo no sɛ: “Ayɛ yiye!+ Fa wo nsa to hɔ.” Saa bere no, na Yehowa bɔfo no gyina Yebusini+ Ornan awiporowbea+ no nkyɛn.

16 Dawid maa n’ani so, na ohuu Yehowa bɔfo no sɛ ogyina ɔsoro ne asaase ntam atwe sekan akura+ ne nsam na ɔde akyerɛ Yerusalem so. Saa bere no, na Dawid ne mpanyimfo no furafura awerɛhow ntama,*+ na ntɛm ara na wogyaa wɔn ho hwee hɔ de wɔn anim butubutuw fam.+ 17 Dawid ka kyerɛɛ nokware Nyankopɔn no sɛ: “Ɛnyɛ me mmom na mekae sɛ wɔnkan ɔman no? Me na mafom na mayɛ bɔne;+ nguan yi de, dɛn na wɔayɛ? O Yehowa me Nyankopɔn, mesrɛ wo, me mmom na teɛ wo nsa wɔ me so; me ne me papa fi. Wo man de, mfa ɔhaw yi mma wɔn so.”+

18 Ɛnna Yehowa bɔfo ka kyerɛɛ Gad+ sɛ ɔnka nkyerɛ Dawid sɛ onkosi afɔremuka mma Yehowa wɔ Yebusini+ Ornan awiporowbea hɔ. 19 Enti Dawid tiee asɛm a Gad kae wɔ Yehowa din mu no, na ɔkɔe. 20 Saa bere no, na Ornan reporow hwiit; otwaa n’ani no, ohuu ɔbɔfo no, na ne mma baanan a wɔka ne ho no kohintawee. 21 Bere a Dawid kɔtoo Ornan no, ɔmaa n’ani so huu Dawid, na ntɛm ara na Ornan fii awiporowbea hɔ, na ɔde n’anim kobutuw fam wɔ Dawid anim. 22 Dawid ka kyerɛɛ Ornan sɛ: “Tɔn awiporowbea no ma me* na minsi afɔremuka wɔ hɔ mma Yehowa. Ka ne bo nyinaa kyerɛ me ma mintua ka sɛnea ɛbɛyɛ a mmusu no befi ɔman no so.”+ 23 Ɛnna Ornan ka kyerɛɛ Dawid sɛ: “Mede kyɛ wo; ma me wura ɔhene mfa nyɛ nea ɔpɛ biara.* Hwɛ, mɛma wo anantwi a wode bɛbɔ ɔhyew afɔre, awiporow ade+ a wode bɛsɔ gya, ne hwiit a wode bɛbɔ aduan afɔre. Mede ne nyinaa ma wo.”

24 Nanso, Ɔhene Dawid ka kyerɛɛ Ornan sɛ: “Daabi, mɛtɔ atua ho ka nyinaa, na meremfa nea ɛyɛ wo de nkɔbɔ ɔhyew afɔre mma Yehowa a merentua hwee.”+ 25 Enti Dawid karii sika kɔkɔɔ nnwetɛbona* 600 maa Ornan de tɔɔ asaase no. 26 Ɛnna Dawid sii afɔremuka+ wɔ hɔ maa Yehowa, na ɔbɔɔ ɔhyew afɔre ne asomdwoe afɔre wɔ so. Osu frɛɛ Yehowa na ogyee no so, na ɔtɔɔ ogya+ fi soro beguu ɔhyew afɔremuka no so ma ɛhyew afɔrebɔde no. 27 Afei Yehowa kasa kyerɛɛ ɔbɔfo no+ ma ɔsan de ne sekan no hyɛɛ ne bɔha* mu. 28 Bere a Dawid hui sɛ Yehowa atie no wɔ Yebusini Ornan awiporowbea hɔ no, ɔkɔɔ so bɔɔ afɔre wɔ hɔ. 29 Yehowa ntamadan a Mose yɛe wɔ sare so no ne afɔremuka a na wɔbɔ ɔhyew afɔre wɔ so no de, saa bere no, na ɛwɔ sorɔnsorɔmmea* a ɛwɔ Gibeon+ no. 30 Nanso na Dawid ntumi nkɔɔ hɔ nkobisaa Onyankopɔn hɔ biribi, efisɛ na osuro Yehowa bɔfo no sekan no.

22 Ɛnna Dawid kae sɛ: “Nokware Nyankopɔn Yehowa fi ni, na afɔremuka yi so na Israel bɛbɔ ɔhyew afɔre.”+

2 Afei Dawid kae sɛ wɔmmoaboa ahɔho+ a wɔabɛtena Israel nyinaa ano, na ɔmaa wɔn adwuma sɛ wɔmpae abo na wonsen mfa nsi nokware Nyankopɔn no fi no.+ 3 Afei nso, Dawid siesiee nnade bebree a wɔde bɛyɛ apon ho nnadewa ne nea wɔde besuso nneɛma mu, ne kɔbere bebree a wontumi nkari,+ 4 ne sida nnua+ a enni ano, efisɛ Sidonfo+ ne Tirofo+ de sida nnua bebree brɛɛ Dawid. 5 Ɛnna Dawid kae sɛ: “Me ba Solomon yɛ abofra, na ne ho nkokwawee,*+ na ofi a wɔrebesi ama Yehowa no nso, ɛsɛ sɛ ɛyɛ ɔdan kɛse paa,+ na ɛyɛ fɛ na egye din+ wɔ asaase nyinaa so.+ Enti mɛboaboa nneɛma ano ama no.” Ɛno nti Dawid pɛɛ nneɛma pii de siei ansa na ɔrewu.

6 Afei nso, ɔfrɛɛ ne ba Solomon, na ɔka kyerɛɛ no sɛ onsi ofi mma Israel Nyankopɔn Yehowa. 7 Dawid ka kyerɛɛ ne ba Solomon sɛ: “Me de, na ɛda me koma so sɛ mesi ofi ama Yehowa me Nyankopɔn din.+ 8 Nanso nea Yehowa ka kyerɛɛ me ne sɛ, ‘Woahwie mogya pii agu, na woadi ako akɛse. Ɛnyɛ wo na wubesi ofi ama me din+ efisɛ woahwie mogya pii agu asaase so wɔ m’anim. 9 Hwɛ, wobɛwo ɔbabarima.+ Ɔbɛyɛ asomdwoe* nipa, na mɛma ne ho adwo no n’atamfo a wɔatwa ne ho ahyia nyinaa nsam;+ wɔbɛfrɛ no Solomon,* + na mɛma Israel anya asomdwoe na wɔn ho adwo wɔn wɔ ne bere so.+ 10 Ɔno na obesi ofi ama me din;+ ɔbɛyɛ me ba na me nso mayɛ n’agya.+ Mɛma n’ahenni agua atim Israel so afebɔɔ.’+

11 “Enti afei me ba, Yehowa nni w’akyi na ensi wo yiye, na si Yehowa wo Nyankopɔn fi no sɛnea ɔka faa wo ho no.+ 12 Sɛ Yehowa ma wudi Israel so a, ɔmma wo nhumu ne ntease+ a wode bedi Yehowa wo Nyankopɔn mmara so.+ 13 Sɛ wohwɛ di ahyɛde ne atemmusɛm a Yehowa nam Mose so de maa Israel no so pɛpɛɛpɛ a, ɛnde ebewie wo yiye.+ Nya akokoduru na ma wo ho nyɛ den. Nsuro, na mmɔ hu.+ 14 Mamia m’ani paa aboaboa eyinom nyinaa ano de asie ama Yehowa fi no: sika kɔkɔɔ dwetikɛse* 100,000, dwetɛ dwetikɛse 1,000,000, ne kɔbere ne dade+ a ne dodow nti wontumi nkari. Masan asiesie nnua ne abo agu hɔ+ nanso ɛno de, pɛ bi ka ho. 15 Adwumayɛfo pii wɔ hɔ a wɔbɛboa wo: abopaefo ne abo ne nnua ho adwumfo+ ne nnipa a wɔn ho akokwaw wɔ adwuma biara mu.+ 16 Sika kɔkɔɔ ne dwetɛ ne kɔbere ne nnade no nni ano.+ Keka wo ho na fi adwuma no ase. Yehowa nni w’akyi.”+

17 Ɛnna Dawid ka kyerɛɛ Israel mpanyimfo nyinaa sɛ wɔmmoa ne ba Solomon; ɔkae sɛ: 18 “Yehowa mo Nyankopɔn nka mo ho anaa? Ɛnyɛ ɔno na wama mo ho adwo mo afi aman a atwa mo ho ahyia nyinaa nsam? Ɔde asaase no sofo nyinaa ahyɛ me nsa, na Yehowa ne ne man adi asaase no so. 19 Na afei, momfa mo koma ne mo kra* nyinaa nhwehwɛ Yehowa mo Nyankopɔn,+ na mumfi ase nsi nokware Nyankopɔn Yehowa tenabea kronkron no,+ na momfa Yehowa apam adaka ne nokware Nyankopɔn nneɛma kronkron no+ mmra ofi a wɔasi ama Yehowa din no mu.”+

23 Bere a Dawid bɔɔ akwakoraa a ɔregye nna awu* no, ɔde ne ba Solomon sii Israel so hene.+ 2 Afei ɔboaboaa Israel mpanyimfo, asɔfo,+ ne Lewifo+ no nyinaa ano. 3 Na wɔkan Lewifo a wɔadi mfe 30 rekɔ no;+ mmarima a wɔkan wɔn mmaako mmaako no dodow yɛ 38,000. 4 Eyinom mu 24,000 na wɔhwɛɛ Yehowa fi adwuma no so, na wɔde 6,000 nso yɛɛ mpanyimfo ne atemmufo;+ 5 ná 4,000 yɛ apon ano ahwɛfo,+ na na 4,000 nso de nnwonto nneɛma yi Yehowa ayɛ+ sɛnea Dawid kae no; ɔkae sɛ: “Mayɛ sɛ wɔmfa nyi Onyankopɔn ayɛ.”

6 Afei Dawid kyekyɛɛ wɔn mu akuwakuw+ sɛnea Lewi mma te: Gerson, Kohat, ne Merari.+ 7 Gersonfo no ni: Ladan ne Simei. 8 Ladan mma ne otitiriw Yehiel, Setam ne Yoel;+ wɔyɛ baasa. 9 Simei mma ne Selomot, Hasiel ne Haran; wɔyɛ baasa. Eyinom ne Ladan abusuafi mpanyimfo. 10 Simei mma ne Yahat, Sina, Yeus, ne Beria. Baanan yi ne Simei mma. 11 Yahat ne wɔn so panyin, Sisah na odi hɔ. Yeus ne Beria de, wɔanwo mma mmarima pii, enti wɔde wɔn boom yɛɛ wɔn abusuafi baako, na wɔmaa wɔn adwuma koro.

12 Kohat mma ne Amram, Yisar,+ Hebron, ne Usiel;+ wɔyɛ baanan. 13 Amram mma ne Aaron+ ne Mose.+ Nanso woyii Aaron+ sɛ ɔne ne mma na daa wɔbɛtew Kronkron Mu Kronkronbea no ho na wɔabɔ afɔre wɔ Yehowa anim, na wɔasom no de ne din ahyira nnipa daa.+ 14 Nokware Nyankopɔn nipa Mose de, wɔkan ne mma no kaa Lewi abusuakuw ho. 15 Mose mma ne Gersom+ ne Elieser.+ 16 Sebuel+ na ɔyɛ Gersom mma no so panyin. 17 Elieser asefo* no so panyin ne Rehabia;+ Elieser anwo mma mmarima foforo anka ne ho, nanso Rehabia woo mma mmarima bebree. 18 Yisar+ mma no so panyin ne Selomit.+ 19 Hebron mma no so panyin ne Yeria, nea ɔto so abien ne Amaria, nea ɔto so abiɛsa ne Yahasiel, na nea ɔto so anan ne Yekameam.+ 20 Usiel+ mma no so panyin ne Mika, na nea ɔto so abien ne Yisiya.

21 Merari mma ne Mahli ne Musi.+ Na Mahli mma ne Eleasar ne Kis. 22 Nanso Eleasar wui a wanwo mma mmarima; mma mmea na ɔwoe. Enti wɔn papa nua Kis mma mmarima warewaree wɔn. 23 Musi mma ne Mahli, Eder, ne Yeremot; wɔyɛ baasa.

24 Eyinom ne Lewi asefo a wɔkan wɔn bobɔɔ wɔn din sɛnea wɔn agyanom abusuafi ne abusuafi mpanyimfo te. Wɔn a wɔadi mfe 20 rekɔ no, wɔma wɔyɛɛ Yehowa fi nnwuma. 25 Ná Dawid aka sɛ: “Israel Nyankopɔn Yehowa ama ne man anya ahotɔ,+ na ɔbɛtena Yerusalem afebɔɔ.+ 26 Afei nso, ɛho renhia sɛ Lewifo no soa ɔsom ntamadan no ne emu nneɛma a wɔde som no bio.”+ 27 Dawid ahyɛde a etwa to a ɔde mae no nti, wɔkan Lewi asefo a wɔadi mfe 20 rekɔ no. 28 Ná wɔn adwuma ne sɛ wɔbɛboa Aaron mma+ no na wɔasom wɔ Yehowa fi hɔ, ahwɛ adiwo+ ne adidibea no so, adwira ade kronkron biara ho, na wɔayɛ adwuma biara a ɛho hia wɔ nokware Nyankopɔn no fi hɔ. 29 Wɔboa ma wɔyɛɛ paanoo a wɔde taataa so no,*+ esiam muhumuhu a wɔde bɔ aduan afɔre, paanoo ntraantraa a mmɔkaw* nnim,+ keeki a wɔtõ wɔ apampaa so, ne esiam a wɔafɔtɔw;+ nneɛma a wɔde susuw ade nyinaa, wɔn na na wɔhwɛ so. 30 Ná wobegyina hɔ anɔpa biara+ ada Yehowa ase ayi no ayɛ, na anwummere nso wɔayɛ saa ara.+ 31 Sɛ edu bere a wɔbɔ afɔre ma Yehowa no a, daa na wɔboa ma wɔbɔ ɔhyew afɔre wɔ Yehowa anim Homeda biara,+ ɔsram foforo biara,+ ne afahyɛ bere+ mu, mpɛn dodow a mmara no kyerɛ sɛ wɔnyɛ no. 32 Afei nso, na wɔyɛ ahyiae ntamadan ne kronkronbea hɔ adwuma, na na wɔboa wɔn nuanom Aaron mma a wɔyɛ Yehowa fi som adwuma no.

24 Sɛnea wɔkyekyɛɛ Aaron asefo mu ni: Aaron mma ne Nadab, Abihu,+ Eleasar, ne Itamar.+ 2 Nanso Nadab ne Abihu wui ansa na wɔn papa rewu,+ na wɔannya mma mmarima. Eleasar+ ne Itamar de, wɔtoaa asɔfodi no so. 3 Dawid, ne Eleasar aseni Sadok,+ ne Itamar aseni Ahimelek kyekyɛɛ wɔn mu kyerɛɛ sɛnea obiara bɛyɛ ne som adwuma. 4 Ná Eleasar asefo mu mpanyimfo no dɔɔso sen Itamar asefo mu mpanyimfo, enti wɔhwɛɛ ho kyekyɛɛ mpanyimfo no: Eleasar asefo nyaa agyanom abusuafi mpanyimfo 16, na Itamar asefo nyaa agyanom abusuafi mpanyimfo 8.

5 Bio nso, ntonto na wɔbɔ de kyekyɛɛ wɔn mu,+ sɛ woyi eyinom bi a, na wɔayi eyinom nso bi, efisɛ Eleasar asefo ne Itamar asefo mu na na wonya mpanyimfo wɔ kronkronbea hɔ ne mpanyimfo a wɔbɛsom nokware Nyankopɔn no. 6 Ɛnna Netanel ba Semaia, Lewifo kyerɛwfo no, kyerɛw wɔn din too hɔ. Ɔrekyerɛw no, na ɔhene, ɔman no mu mpanyimfo, ɔsɔfo Sadok,+ Abiatar+ ba Ahimelek,+ asɔfo ne Lewifo agyanom mpanyimfo wɔ hɔ; sɛ woyi Eleasar asefo abusuafi baako a, na wɔayi Itamar asefo abusuafi nso baako.

7 Ntonto a edi kan no kosii Yehoiarib so, nea ɛto so abien no sii Yedaia so, 8 nea ɛto so abiɛsa no sii Harim so, nea ɛto so anan no sii Seorim so; 9 anum no sii Malkiya so, asia no sii Miyamin so; 10 Hakos na ason no sii no so, awotwe no sii Abia+ so, 11 akron no sii Yesua so, edu no sii Sekania so; 12 Eliasib na 11 no sii no so, na 12 no sii Yakim so; 13 nea ɛto so 13 no sii Hupa so, na 14 no sii Yesebeab so; 14 Bilga na 15 no sii no so, na 16 no sii Imer so; 15 Hesir na 17 no sii no so, na 18 no sii Hapise so; 16 nea ɛto so 19 no sii Petahia so, na 20 no sii Yeheskel so; 17 Yakin na 21 no sii no so, na 22 no sii Gamul so; 18 nea ɛto so 23 no sii Delaia so, na 24 no sii Maasia so.

19 Eyi ne nhyehyɛe a na wɔde ba Yehowa fi bɛyɛ wɔn som adwuma;+ wɔn agya Aaron na ɔde gyaw wɔn sɛnea Israel Nyankopɔn Yehowa de ɛho ahyɛde maa no no.

20 Na Lewi asefo nkae no nso, wɔn a woyiyii wɔn ni: Amram+ asefo mu, Subael;*+ Subael asefo mu, Yedia; 21 Rehabia+ asefo mu: Yisiya ne wɔn so panyin; 22 Yisar asefo mu, Selomot;+ Selomot asefo mu, Yahat; 23 Hebron asefo no, Yeria+ ne wɔn so panyin, Amaria to so abien, Yahasiel to so abiɛsa, na Yekameam to so anan. 24 Usiel asefo mu, Mika; Mika asefo mu, Samir. 25 Mika nua ne Yisiya; Yisiya asefo no bi ne Sakaria.

26 Merari+ mma ne Mahli ne Musi; Yaasia mma no bi ne Beno. 27 Merari asefo ni: Yaasia mma Beno, Soham, Sakur ne Yibri. 28 Mahli ba, Eleasar; ɔno de wanwo mma mmarima.+ 29 Kis asefo ni: Yerameel; 30 Musi mma ne Mahli, Eder ne Yerimot.

Eyinom ne Lewi asefo sɛnea wɔn agyanom abusuafi te. 31 Wɔn nso, wɔbɔɔ wɔn so ntonto+ sɛnea wɔyɛɛ wɔn nuanom Aaron mma no wɔ Ɔhene Dawid, Sadok, Ahimelek ne asɔfo ne Lewifo agyanom mpanyimfo anim no. Agyanom abusuafi mpanyimfo mu no, na ɔpanyin ne akumaa nyinaa yɛ pɛ.

25 Bio nso, Dawid ne mpanyimfo a wɔdeda akuw no ano no yii Asaf, Heman, ne Yedutan+ asefo no bi sɛ wɔnsom na wɔmfa asanku, asankuten, ne nnawuru* nhyɛ nkɔm.+ Mmarima a woyii wɔn sɛ wɔnyɛ ɔsom adwuma no din na edidi so yi. 2 Asaf mma ni: Sakur, Yosef, Netania, ne Asarela; wɔn nyinaa yɛ Asaf mma a wɔhyɛ Asaf ase, na ɔno nso yɛ nkɔmhyɛni a ɔhyɛ ɔhene ase. 3 Yedutan+ mma ni: Gedalia, Seri, Yesia, Simei, Hasabia, ne Matitia;+ ná wɔyɛ baasia, na wɔhyɛ wɔn papa Yedutan ase; ɔno na ɔde sanku hyɛ nkɔm de aseda ne ayeyi ma Yehowa.+ 4 Heman+ mma ni: Bukia, Matania, Usiel, Sebuel,* Yerimot, Hanania, Hanani, Eliata, Gidalti, Romamti-Eser, Yosbekasa, Maloti, Hotir, ne Mahasiot. 5 Eyinom nyinaa yɛ Heman mma. Ɔno ne ɔdehufo a ɔkaa nokware Nyankopɔn no nsɛm kyerɛɛ ɔhene de hyɛɛ no anuonyam.* Nokware Nyankopɔn no maa Heman mma mmarima 14 ne mma mmea 3. 6 Ná wɔn nyinaa hyɛ wɔn papa ase wɔ Yehowa fi nnwonto no mu; wɔde nnawuru, asanku, ne asankuten+ too dwom wɔ nokware Nyankopɔn no fi som mu.

Ná Asaf, Yedutan, ne Heman hyɛ ɔhene ase.

7 Wɔne wɔn nuanom a wɔakyerɛ wɔn sɛnea wɔnto nnwom mma Yehowa a wɔn nyinaa ho akokwaw no yɛ 288. 8 Enti akumaa oo, ɔkɛse oo, nea ne ho akokwaw ne nea afei na ɔresua nyinaa, wɔbɔɔ ntonto+ huu nnwuma a wɔbɛyɛ.

9 Ntonto a edi kan no kosii Asaf ba Yosef+ so, Gedalia+ to so abien (ɔne ne nuanom ne ne mma yɛ 12). 10 Sakur+ to so abiɛsa; ɔne ne mma ne ne nuanom yɛ 12. 11 Yisri to so anan; ɔne ne mma ne ne nuanom yɛ 12. 12 Netania+ to so anum; ɔne ne mma ne ne nuanom yɛ 12. 13 Bukia to so asia; ɔne ne mma ne ne nuanom yɛ 12. 14 Yesarela to so ason; ɔne ne mma ne ne nuanom yɛ 12. 15 Yesia to so awotwe; ɔne ne mma ne ne nuanom yɛ 12. 16 Matania to so akron; ɔne ne mma ne ne nuanom yɛ 12. 17 Simei to so du; ɔne ne mma ne ne nuanom yɛ 12. 18 Asarel to so 11; ɔne ne mma ne ne nuanom yɛ 12. 19 Hasabia to so 12; ɔne ne mma ne ne nuanom yɛ 12. 20 Subael+ to so 13; ɔne ne mma ne ne nuanom yɛ 12. 21 Matitia to so 14; ɔne ne mma ne ne nuanom yɛ 12. 22 Yeremot to so 15; ɔne ne mma ne ne nuanom yɛ 12. 23 Hanania to so 16; ɔne ne mma ne ne nuanom yɛ 12. 24 Yosbekasa to so 17; ɔne ne mma ne ne nuanom yɛ 12. 25 Hanani to so 18; ɔne ne mma ne ne nuanom yɛ 12. 26 Maloti to so 19; ɔne ne mma ne ne nuanom yɛ 12. 27 Eliata to so 20; ɔne ne mma ne ne nuanom yɛ 12. 28 Hotir to so 21; ɔne ne mma ne ne nuanom yɛ 12. 29 Gidalti+ to so 22; ɔne ne mma ne ne nuanom yɛ 12. 30 Mahasiot+ to so 23; ɔne ne mma ne ne nuanom yɛ 12. 31 Romamti-Eser+ to so 24; ɔne ne mma ne ne nuanom yɛ 12.

26 Apon ano ahwɛfo+ mu nkyekyɛm ni: Kora asefo mu, Asaf aseni Kore ba Meselemia.+ 2 Meselemia mma ni: Sakaria ne abakan, Yediael to so abien, Sebadia to so abiɛsa, Yatniel to so anan, 3 Elam to so anum, Yehohanan to so asia, Elieho-Enai to so ason. 4 Obed-Edom mma ni: Semaia ne abakan, Yehosabad to so abien, Yoa to so abiɛsa, Sakar to so anan, Netanel to so anum, 5 Amiel to so asia, Isakar to so ason, Peuletai to so awotwe; mma yi na Onyankopɔn de hyiraa no.

6 Na ne ba Semaia nso, ɔwoo mma mmarima, na wodii wɔn agyanom abusuafi so, efisɛ na wɔyɛ mmarima a wɔbɔ wɔn ho mmɔden. 7 Semaia mma ni: Otni, Refael, Obed, ne Elsabad; ɔne ne nuanom Elihu ne Semakia; wɔn nyinaa yɛ mmarima a wɔbɔ wɔn ho mmɔden. 8 Eyinom nyinaa yɛ Obed-Edom asefo; wɔne wɔn mma ne wɔn nuanom yɛ Obed-Edom fifo, mmarima mmɔdenbɔfo 62 a wobetumi ayɛ adwuma no. 9 Meselemia+ mma ne ne nuanom yɛ mmarima mmɔdenbɔfo 18. 10 Hosa a ofi Merari asefo mu mma ni: Simri na na ɔyɛ wɔn so panyin; ná ɔnyɛ abakan nanso ne papa de no yɛɛ wɔn so panyin; 11 Hilkia to so abien, Tebalia to so abiɛsa, Sakaria to so anan. Hosa mma ne ne nuanom nyinaa yɛ 13.

12 Apon ano ahwɛfo a wɔakyekyɛ wɔn mu yi, mpanyimfo no ne wɔn nuanom nyinaa yɛɛ adwuma koro; wɔsomee wɔ Yehowa fi. 13 Enti sɛnea wɔn agyanom abusuafi te no, akumaa oo, ɔkɛse oo, wɔhwɛɛ ho bɔɔ ntonto+ kyekyɛɛ apon ano hwɛ adwuma no maa wɔn. 14 Bere a wɔbɔɔ ntonto no, apuei fam de no kodii Selemia nsam. Atifi fam de no nso, wɔbɔɔ ntonto ma ekodii ne ba Sakaria, ɔfotufo a ɔwɔ nhumu no nsam. 15 Obed-Edom nyaa anaafo fam de no, na ne mma+ no nso nyaa adekora adan no. 16 Supim ne Hosa+ nyaa atɔe fam, faako a ɛbɛn Saleket Pon a ɛda ɔkwantempɔn a ɛforo kɔ kurow no mu no; awɛmfo kuw baako gyina ha a, na awɛmfo kuw baako nso gyina ha; 17 Ná Lewifo baasia wɔ apuei fam; atifi fam ne anaafo fam nso, da biara na baanan wɔ hɔ. Adekora adan no+ ho nso, awɛmfo baanu wɔ ha a, na baanu wɔ ha; 18 atɔe abrannaa no fam nso, baanan wɔ ɔkwantempɔn+ no so, na baanu wɔ abrannaa no so. 19 Saa na wɔkyekyɛɛ apon ano ahwɛfo a wɔyɛ Kora asefo ne Merari asefo no mu.

20 Lewifo mu no, Ahiya na na ɔhwɛ nokware Nyankopɔn no fi akorade ne akorade a wɔayɛ no kronkron*+ no so. 21 Ladan asefo, kyerɛ sɛ, Gerson asefo a wofi Ladan mu, agyanom abusuafi mpanyimfo a wofi Gersonni Ladan mu ne Yehieli+ 22 ne Yehieli mma Setam ne ne nua Yoel. Wɔn na wɔhwɛɛ Yehowa fi akorade so.+ 23 Amramfo, Yisarfo, Hebronfo, ne Usielfo+ mu no, 24 na Mose ba Gersom ba Sebuel na ɔda adekora adan so ahwɛfo no ano. 25 Ne nuanom mu no, ne nua Elieser+ ba ne Rehabia,+ ɔno nso ba ne Yesia, ɔno nso ba ne Yoram, ɔno nso ba ne Sikri, ɔno nso ba ne Selomot. 26 Selomot yi ne ne nuanom na wɔhwɛɛ akorade a wɔayɛ no kronkron no nyinaa so,+ nea Ɔhene Dawid+ ne agyanom abusuafi mpanyimfo,+ ne apem apem ne ɔhaha so ahwɛfo, ne asahene no yɛɛ no kronkron no. 27 Ɔko mu+ nneɛma a wonyae no,+ wɔyɛɛ no kronkron sɛ wɔmfa nsiesie Yehowa fi. 28 Biribiara a ɔdehwɛfo Samuel+ ne Kis ba Saul ne Ner ba Abner+ ne Seruia+ ba Yoab+ yɛɛ no kronkron nso ka ho. Biribiara a obiara yɛɛ no kronkron no, wɔde hyɛɛ Selomit ne ne nuanom nsa.

29 Yisarfo+ mu no, Kenania ne ne mma yɛɛ wɔn nnwuma wɔ abɔnten; ná wɔyɛ mpanyimfo ne atemmufo+ wɔ Israel.

30 Hebronfo+ mu no, Hasabia ne ne nuanom, mmarima mmɔdenbɔfo 1,700 na na wɔdeda Yehowa adwuma ne ɔhene som adwuma nyinaa ano wɔ Israel nkurow a ɛwɔ Yordan atɔe fam no mu. 31 Hebronfo mu no, Yeriya+ na na ɔyɛ Hebronfo awo ntoatoaso ne agyanom abusuafi panyin. Dawid ahenni afe a ɛto so 40 mu no,+ wɔhwehwɛɛ Hebronfo no mu, na wonyaa mmarima a wɔbɔ wɔn ho mmɔden wɔ Yaser+ a ɛwɔ Gilead. 32 Ná ne nuanom yɛ mmarima mmɔdenbɔfo 2,700 a wɔyɛ agyanom abusuafi mpanyimfo. Enti Ɔhene Dawid de wɔn totoo Rubenfo, Gadfo, ne Manase abusuakuw fã no ano sɛ biribiara a ɛfa nokware Nyankopɔn som ne ɔhene ho no, wɔnhwɛ so.

27 Israelfo akuwakuw a afe afe wɔba bosome biara bɛsom kɔ no, na kuw biara mu nnipa yɛ 24,000. Ná akuw no mufo binom yɛ agyanom abusuafi mpanyimfo, ebinom yɛ apem apem ne ɔhaha so mpanyimfo,+ ɛnna ebinom nso yɛ atitiriw a wɔhwɛ akuw no nsɛm nyinaa so de som ɔhene.+

2 Kuw a edi kan a wɔba bosome a edi kan no, nea na ɔda wɔn ano ne Sabdiel ba Yasobeam;+ nnipa 24,000 na na wɔwɔ ne kuw mu. 3 Peres+ asefo mu no, ɔno na na ɔda akuw a wɔde wɔn too bosome a edi kan no mpanyimfo no nyinaa ano. 4 Nea ɔda kuw a wɔba bosome a ɛto so abien ano ne Dodai+ a ɔyɛ Ahohi+ aseni; ɔne ne kuw. Ná Miklot yɛ ɔpanyin wɔ kuw no mu, na nnipa 24,000 na na wɔwɔ ne kuw mu. 5 Kuw a ɛto so abiɛsa a wɔde wɔn too bosome a ɛto so abiɛsa no safohene ne ɔsɔfo panyin Yehoiada+ ba Benaia;+ nnipa 24,000 na na wɔwɔ ne kuw mu. 6 Benaia yi ne aduasa no mu ɔkatakyi a ɔda aduasa no ano; ne kuw no, ne ba Amisabad na na ɔda ano. 7 Nea ɔto so anan a ɔba bosome a ɛto so anan ne Yoab+ nua Asahel,+ na ne ba Sebadia besii n’ananmu; nnipa 24,000 na na wɔwɔ ne kuw mu. 8 Ɔsahene a ɔto so anum a ɔba bosome a ɛto so anum ne Samhut a ɔyɛ Yesrani; nnipa 24,000 na na wɔwɔ ne kuw mu. 9 Nea ɔto so asia a ɔba bosome a ɛto so asia ne Tekoani+ Ikes ba Ira;+ nnipa 24,000 na na wɔwɔ ne kuw mu. 10 Nea ɔto so ason a ɔba bosome a ɛto so ason ne Efraim aseni Heles+ a ofi Pelon; nnipa 24,000 na na wɔwɔ ne kuw mu. 11 Nea ɔto so awotwe a ɔba bosome a ɛto so awotwe ne Husani Sibekai+ a ofi Serafo mu;+ nnipa 24,000 na na wɔwɔ ne kuw mu. 12 Nea ɔto so akron a ɔba bosome a ɛto so akron ne Anatotni+ Abiesar+ a ofi Benyaminfo mu; nnipa 24,000 na na wɔwɔ ne kuw mu. 13 Nea ɔto so du a ɔba bosome a ɛto so du ne Netofani Maharai+ a ofi Serafo mu;+ nnipa 24,000 na na wɔwɔ ne kuw mu. 14 Nea ɔto so 11 a ɔba bosome a ɛto so 11 ne Piratonni Benaia+ a ofi Efraimfo mu; nnipa 24,000 na na wɔwɔ ne kuw mu. 15 Nea ɔto so 12 a ɔba bosome a ɛto so 12 ne Netofani Heldai a ofi Otniel asefo mu; nnipa 24,000 na na wɔwɔ ne kuw mu.

16 Israel mmusuakuw mu mpanyimfo ni: Rubenfo mu, Sikri ba Elieser na na ɔda wɔn ano; Simeonfo mu, Maaka ba Sefatia; 17 Lewifo mu, Kemuel ba Hasabia; Aaron asefo mu, Sadok; 18 Yudafo mu, Dawid nua Elihu;+ Isakarfo mu, Mikael ba Omri; 19 Sebulonfo mu, Obadia ba Yismaia; Naftalifo mu, Asrel ba Yerimot; 20 Efraimfo mu, Asasia ba Hosea; Manase abusuakuw fã mu, Pedaia ba Yoel; 21 Manase abusuakuw fã a ɛwɔ Gilead no mu, Sakaria ba Ido; Benyaminfo mu, Abner+ ba Yaasiel; 22 Danfo mu, Yeroham ba Asarel. Eyinom ne Israel mmusuakuw mu mpanyimfo.

23 Dawid ankan wɔn a wɔadi mfe 20 ne wɔn a wonnu saa no, efisɛ na Yehowa ahyɛ bɔ sɛ ɔbɛma Israel adɔɔso sɛ ɔsoro nsoromma.+ 24 Seruia ba Yoab fii ase sɛ ɔrekan nnipa no, nanso wanwie. Ɔman no a ɔkan wɔn nti Onyankopɔn bo fuw Israel,*+ na wɔankyerɛw wɔn dodow no anka Ɔhene Dawid bere so abakɔsɛm no ho.

25 Adiel ba Asmawet na ɔhwɛɛ ɔhene akorade so,+ na Usia ba Yonatan na ɔhwɛɛ asaase no so nkurow ne nkuraa ne abantenten mu adekora adan* so. 26 Kelub ba Esri na ɔhwɛɛ afuw mu adwumayɛfo a wɔdɔw asaase no so. 27 Simei a ofi Rama na ɔhwɛɛ bobe mfuw so, na bobe mfuw mu bobesa a wɔakora so no, Sifmotni* Sabdi na ɔhwɛɛ so. 28 Baal-Hanan a ofi Geder* na ɔhwɛɛ ngodua mfuw ne sikamɔɔ nnua+ a ɛwɔ Sefela+ no so, na Yoas na ɔhwɛɛ ngo akorae so. 29 Saronni Sitrai na ɔhwɛɛ mmoa a wodidi wɔ Saron+ no so, na mmoa a wodidi asaasetraa so no, Adlai ba Safat na ɔhwɛɛ wɔn so. 30 Ismaelni Obil na ɔhwɛɛ yoma so, na Meronotni Yedia na ɔhwɛɛ mfurum* so. 31 Hagrini Yasis na ɔhwɛɛ nguan so. Eyinom nyinaa yɛ mpanyimfo a wɔhwɛɛ Ɔhene Dawid nneɛma so.

32 Ná Dawid nua ba Yonatan+ yɛ ɔfotufo ne ɔkyerɛwfo, ɔbarima a ɔwɔ ntease, na Hakmoni ba Yehiel na na ɔhwɛ ɔhene mma no.+ 33 Ná Ahitofel+ yɛ ɔhene fotufo, na Husai+ a ɔyɛ Arkini no yɛ ɔhene adamfo.* 34 Ahitofel akyi no, na Benaia+ ba Yehoiada ne Abiatar+ nso yɛ afotufo, na Yoab+ ne ɔhene asraafo so panyin.

28 Dawid boaboaa Israel mpanyimfo nyinaa ano wɔ Yerusalem; mmusuakuw mpanyimfo, akuwakuw a wɔsom ɔhene no so mpanyimfo, apem apem ne ɔhaha so mpanyimfo,+ mpanyimfo a wɔhwɛ ɔhene ne ne mma nneɛma ne wɔn nyɛmmoa nyinaa so,+ nhenkwaa, akatakyi, ne mmarima akantinka nyinaa.+ 2 Ɛnna Ɔhene Dawid sɔre gyinaa ne nan so kae sɛ:

“Me nuanom ne me man, muntie me. Ná ɛda me koma so sɛ mesi ofi a ɛbɛyɛ homebea ama Yehowa apam adaka no na ayɛ yɛn Nyankopɔn nan ntiaso,+ na misiesiee me ho sɛ mesi.+ 3 Nanso nokware Nyankopɔn no ka kyerɛɛ me sɛ, ‘Ɛnyɛ wo na wubesi ofi ama me din;+ woadi ako pii, na woahwie mogya agu.’+ 4 Israel Nyankopɔn Yehowa paw me fii me papa fifo nyinaa mu sɛ menyɛ Israel hene afebɔɔ;+ Yuda na ɔpaw no ɔkannifo,+ na Yuda abusua mu nso, ɔpaw me papa fi,+ na me papa mma mu nso, me na ogyee me toom sɛ memmɛyɛ Israel nyinaa hene.+ 5 Me mma nyinaa mu no (mma nso de, Yehowa de pii adom me),+ me ba Solomon na ɔpaw no+ sɛ ɔmmɛtena Yehowa ahenni agua a ɛwɔ Israel no so.+

6 “Ɔka kyerɛɛ me sɛ, ‘Wo ba Solomon na obesi me fi ne m’adiwo; efisɛ mede no ayɛ me ba, na mɛyɛ n’agya.+ 7 Sɛ osi ne bo pintinn di me mmara nsɛm ne m’atemmusɛm so+ sɛnea ɔreyɛ no nnɛ yi a, me nso mɛma n’ahenni atim afebɔɔ.’+ 8 Enti migyina Israel, Yehowa asafo nyinaa anim, ka wɔ yɛn Nyankopɔn anim sɛ, monhwɛ nni Yehowa mo Nyankopɔn mmara nsɛm nyinaa so pɛpɛɛpɛ, na monhwehwɛ akyi kwan na moanya asaase pa no so atena,+ na mode ayɛ agyapade agyaw mo mma a wobedi mo akyi aba no daa.

9 “Na wo, me ba Solomon, hu Onyankopɔn a wo papa som no no, na fa koma a edi mu ne ɔkra* mu anigye* som no;+ efisɛ Yehowa hwehwɛ koma nyinaa mu,+ na yɛn tirim adwene nyinaa, ohu.+ Sɛ wohwehwɛ no a, ɔbɛma woahu no,+ na sɛ wugyaw no a, ɔbɛtow wo akyene koraa.+ 10 Hwɛ, Yehowa na wapaw wo sɛ si ofi ma ɛnyɛ tenabea kronkron. Nya akokoduru na fi adwuma no ase.”

11 Afei Dawid de abantenten+ no ne ɛho adan, n’adekora adan, n’abansoro mpia, mpia foforo, ne mpata mmuaso dan*+ no ho plan maa ne ba Solomon.+ 12 Ɔde biribiara a Onyankopɔn nam honhom so de maa no ho plan maa no: Yehowa fi adiwo,+ adidibea a ɛwowɔ ho nyinaa, nokware Nyankopɔn no fi akorae, ne akorae a wɔde nneɛma a wɔayɛ no kronkron*+ gu hɔ no; 13 ɛne akwankyerɛ a ɛfa asɔfo ne Lewifo nkyekyɛm ho,+ ne Yehowa fi adwuma nyinaa, ne nneɛma a wɔde yɛ adwuma wɔ Yehowa fi nyinaa; 14 ɛne sika kɔkɔɔ dodow a wɔnkari, sika kɔkɔɔ a wɔmfa nyɛ ɔsom ho nneɛma nyinaa, ne dwetɛ de a wɔnkari mfa nyɛ ɔsom ho nneɛma nyinaa; 15 ɛne sika kɔkɔɔ dodow a wɔnkari mfa nyɛ nkaneadua+ ne ɛho nkanea, sɛnea sika kaneadua ne sika kanea biara mu duru te; ɛne dwetɛ dodow a wɔnkari mfa nyɛ nkaneadua ne ɛho nkanea, sɛnea wɔde kaneadua biara bɛyɛ adwuma; 16 ɛne sika kɔkɔɔ dodow a wɔnkari mfa nyɛ apon a wɔhyehyɛ paanoo a wɔde taataa so no* wɔ so,+ ne dwetɛ dodow a wɔmfa nyɛ dwetɛ apon; 17 ɛne adinam ne nkankyee ne nkuruwa akɛse a wɔde sika kɔkɔɔ amapa ayeyɛ ne sika kɔkɔɔ nkankyee nketewa,+ sɛnea kankyee biara mu duru te, ne dwetɛ nkankyee nketewa, sɛnea kankyee biara mu duru te; 18 ɛne sika kɔkɔɔ amapa dodow a wɔmfa nyɛ aduhuam afɔremuka no,+ ne sika kɔkɔɔ kerubim+ a wɔatrɛtrɛw wɔn ntaban mu akata Yehowa apam adaka so a wogyina hɔ ma teaseɛnam no.+ 19 Dawid kae sɛ: “Yehowa nsa wɔ me so, na ɔmaa me nhumu de kyerɛw ɔdan no ho nneɛma nyinaa too hɔ sɛnea ɛho plan te.”+

20 Ɛnna Dawid ka kyerɛɛ ne ba Solomon sɛ: “Nya akokoduru na ma wo ho nyɛ den na fi adwuma no ase. Nsuro, na mmɔ hu, efisɛ Yehowa Nyankopɔn, me Nyankopɔn no ka wo ho.+ Ɔrempa wo na ɔrennyaw wo+ kosi sɛ wubewie Yehowa fi adwuma no nyinaa. 21 Na asɔfo ne Lewifo a wɔakyekyɛ wɔn mu no+ aboa wɔn ho sɛ wɔbɛba abɛyɛ wɔn adwuma wɔ nokware Nyankopɔn no fi hɔ. Obiara a ɔwɔ adwuma biara ho nimdeɛ no, ofi ne koma mu bɛba abɛboa wo,+ na mpanyimfo+ ne ɔman no nyinaa bedi wo nsɛm nyinaa so.”

29 Ɛnna Ɔhene Dawid ka kyerɛɛ bagua no nyinaa sɛ: “Me ba Solomon a Onyankopɔn apaw no+ no yɛ abofra a ne ho nkokwawee,*+ nanso adwuma no so, efisɛ asɔrefi* no nyɛ onipa de, na mmom Yehowa Nyankopɔn de.+ 2 Nea m’ahoɔden betumi biara, maboaboa ano asie ama me Nyankopɔn fi no; sika kɔkɔɔ a wɔde bɛyɛ sika kɔkɔɔ nnwuma, dwetɛ a wɔde bɛyɛ dwetɛ nnwuma, kɔbere a wɔde bɛyɛ kɔbere nnwuma, nnade a wɔde bɛyɛ nnade nnwuma,+ nnua a wɔde bɛyɛ nnua nnwuma;+ abohene tuntum, nhyehyem abo, abo fɛfɛ a wɔde di adwini, aboɔden abo nyinaa, ne alabasta abo pii. 3 Afei nso, me Nyankopɔn fi a m’ani gye ho nti,+ me ara mede me sika kɔkɔɔ ne me dwetɛ nso aka ho ama me Nyankopɔn fi; mede aka biribiara a maboaboa ano asie+ ama ofi kronkron no ho. 4 Nea ɛka ho ne Ofir sika kɔkɔɔ+ dwetikɛse* 3,000, ne dwetɛ a wɔayiyi mu dwetikɛse 7,000 a wɔde bedura adan no afasu ho; 5 sika kɔkɔɔ a wɔde bɛyɛ sika nnwuma, dwetɛ a wɔde bɛyɛ dwetɛ nnwuma, ne nea adwumfo de bɛyɛ wɔn nsa ano adwuma nyinaa. Afei, hena na wayi ne yam sɛ ɛnnɛ, ɔbɛkyɛ Yehowa ade?”+

6 Ɛnna agyanom abusuafi mpanyimfo ne Israel mmusuakuw mpanyimfo ne apem apem ne ɔhaha so+ ahwɛfo ne mpanyimfo a wɔhwɛ ɔhene nnwuma so+ no yii wɔn yam de biribi bae. 7 Enti nea wɔde bɛboaa nokware Nyankopɔn fi som adwuma ni: sika kɔkɔɔ no yɛ dwetikɛse 5,000, darik* 10,000, dwetɛ no yɛ dwetikɛse 10,000, kɔbere dwetikɛse 18,000, ne dade dwetikɛse 100,000. 8 Obiara a ɔwɔ aboɔden abo no, ɔde bɛkaa Yehowa fi akorade no ho, na wɔde hyɛɛ Gersonni+ Yehiel+ nsa. 9 Ɔman no dii ahurusi sɛ wɔde ayamye afɔre bae, efisɛ koma nyinaa mu na wofi yii ntoboa maa Yehowa;+ na Ɔhene Dawid nso dii ahurusi kɛse.

10 Ɛnna Dawid hyiraa Yehowa wɔ bagua no nyinaa anim. Dawid kae sɛ: “O Yehowa, wone yɛn agya Israel Nyankopɔn; ayeyi nka wo daa daa.* 11 O Yehowa, wo na kɛseyɛ+ ne tumi+ ne anuonyam ne hyerɛn ne nidi* wɔ wo;+ na nea ɛwɔ ɔsoro ne asaase so nyinaa yɛ wo dea.+ O Yehowa, wo na ahenni wɔ wo,+ na wo nso na woakyerɛ sɛ wokorɔn sen ade nyinaa. 12 Wo nkyɛn na ahonya ne anuonyam fi,+ na wudi ade nyinaa so;+ wo na tumi ne kɛseyɛ wɔ wo nsam,+ na obiara kɛseyɛ ne n’ahoɔden wɔ wo nsam.+ 13 Afei yɛn Nyankopɔn, yɛda wo ase, na wo din a ɛwɔ anuonyam no, yeyi no ayɛ.

14 “Anka me ne hena, na me man nso yɛ dɛn a yɛanya kwan afi yɛn pɛ mu ayi ntoboa sɛɛ? Wo na ade nyinaa wɔ wo, enti nea yɛde ama wo biara, wo nsam na efi. 15 Yɛn de, yɛyɛ ahɔho ne atubrafo wɔ w’anim te sɛ yɛn agyanom nyinaa.+ Yɛn nkwa nna wɔ asaase so te sɛ sunsuma,+ na anidaso nnim. 16 O Yehowa yɛn Nyankopɔn, nneɛma bebree a yɛaboaboa ano de rebesi ofi ama wo din kronkron yi nyinaa, wo nsam na efi, na ne nyinaa wɔ wo. 17 O me Nyankopɔn, minim sɛ wohwehwɛ komam,+ na nea n’abrabɔ di mu* na ɔsɔ w’ani.+ Me de, koma a emu tew* mu na mayi me yam de nneɛma yi nyinaa aba, na wo man a wɔwɔ ha yi nso, wɔayi wɔn yam de nneɛma abɛboa ma m’ani agye aboro so. 18 O Yehowa, yɛn agyanom Abraham, Isak, ne Israel Nyankopɔn, ma adwene ne koma pa a wo man anya no ntena hɔ daa, na kyerɛ wɔn koma kwan bra wo nkyɛn.+ 19 Na me ba Solomon nso, ma no koma a edi mu,+ na onni wo mmara nsɛm,+ wo nkaesɛm, ne w’ahyɛde so; ɔnyɛ ne nyinaa na onsi asɔrefi* a maboaboa ho nneɛma ano asie no.”+

20 Ɛnna Dawid ka kyerɛɛ bagua no nyinaa sɛ: “Munyi Yehowa mo Nyankopɔn ayɛ.” Na bagua no nyinaa bɔɔ wɔn mu ase de wɔn anim butubutuw fam wɔ Yehowa ne ɔhene anim, na woyii wɔn agyanom Nyankopɔn Yehowa ayɛ. 21 Ade kyee no, wɔtoaa so de nneɛma bɔɔ afɔre maa Yehowa, na wɔbɔɔ ɔhyew afɔre maa Yehowa;+ wɔde anantwinini nkumaa 1,000, adwennini 1,000, adwennini nkumaa 1,000 ne ɛho afɔrebɔ nsã;+ wɔbobɔɔ afɔre pii maa Israel nyinaa.+ 22 Saa da no, wɔde anigye kɛse didi nomee wɔ Yehowa anim,+ ɛnna wɔsan sii Dawid ba Solomon hene, na wɔsraa no sɛ ɔkannifo+ wɔ Yehowa anim, na Sadok nso, wɔhyɛɛ no sɔfo.+ 23 Ɛnna Solomon dii ne papa Dawid ade, na ɔtenaa Yehowa ahengua so+ dii hene; esii no yiye, na Israelfo nyinaa yɛɛ osetie maa no. 24 Mpanyimfo+ ne akatakyi+ no ne Ɔhene Dawid mma no nyinaa+ nso brɛɛ wɔn ho ase maa Ɔhene Solomon. 25 Na Yehowa maa Solomon yɛɛ kɛse paa wɔ Israel nyinaa ani so, na ɔma onyaa anuonyam n’ahenni mu, na ahemfo a wodii n’anim bae mu biara annya bi saa wɔ Israel.+

26 Enti Yese ba Dawid dii Israel nyinaa so hene, 27 na mfe* dodow a ɔde dii Israel so hene no si mfe 40. Ɔtenaa Hebron dii ade mfe 7,+ na ɔtenaa Yerusalem nso dii ade mfe 33.+ 28 Onyin bɔɔ akwakoraa,+ na odii nna mee ansa na ɔrewu; onyaa ahonyade ne anuonyam pii, na ne ba Solomon bedii n’ade.+ 29 Ɔhene Dawid ho nsɛm nyinaa, efi mfiase kosi awiei, wɔakyerɛw ne nyinaa wɔ ɔdehwɛfo Samuel, odiyifo Natan,+ ne ɔdehufo Gad+ nsɛm no mu; 30 nsɛm a ɛwom no bi nso ne n’ahenni ho nsɛm nyinaa, ne kɛseyɛ, nsɛm a esisii ne bere so, ne nea esisii Israel ne ahenni a atwa ne ho ahyia nyinaa mu.