“Ayɛ Den Yiye Sɛ Merenyin a Ɔnka Me Ho”

“BERE a makenkan nhomawa Bere a Obi a Wodɔ No Awu a woyii no adi wɔ nnansa yi nhyiam ase no, mifi koma mu rekyerɛw ada mo ase wɔ nhomawa a ɛte sɛɛ a wofi nkate mu kyerɛwee na ɛhyɛ gyidi den no ho.

“Madi mfe 18. Me papa wui wɔ kar akwanhyia mu bere a na madi mfe awotwe, na ɛwom mpo sɛ eyi sii mfe du a atwam ni de, nanso meda so ara te ankonamyɛ nka wɔ me mu. Ayɛ den yiye sɛ merenyin a ɔnka me ho. Nneɛma pii wɔ hɔ a anka mepɛ sɛ meka kyerɛ no, me ne no susuw ho, na mihu wɔ ne ho. Hwɛ awerɛkyekye kɛse ara a ɛyɛ sɛ wɔkaee yɛn Yehowa wusɔre ho anidaso a ɔdɔ wom no! Ɛmaa nusu taataa me. Meda mo ase bio sɛ moama m’anidaso ayɛ foforo.”—Ɔdansefo kumaa bi a ɔwɔ Austria.

Yɛn nsa aka nkrataa pii a ɛte sɛ eyi wɔ Ɔwɛn Aban Asafo no adwumayɛbea a ɛwɔ New York no. Nhomawa a ekura kratafa 32 a seesei wɔatintim no kasa horow 18 mu no rekyekye nnipa ɔpepem pii werɛ. Sɛ woredi awerɛhow wɔ wo dɔfo bi wu ho a, ntwentwɛn wo nan ase sɛ wubenya nhomawa yi bi denam kyerɛw a wobɛkyerɛw akɔma Watch Tower, P. O. Box 760, Accra, anaasɛ address a ɛwɔ kratafa 5 no mu nea ɛfata.