Monhyɛ Mo Ho Nkuran

1. Momma yɛnhyɛ yɛn ho nkuran daa,

Na yɛnsom yɛn Nyankopɔn yie,

Ɛbɛma yɛn dɔ ayɛ kɛse;

K’royɛ ne asomdwoe bɛba.

Nyankopɔn asomfo wɔ ɔdɔ;

Ɛka yɛn bɔ mu daa nyinaa.

Yɛn asafo no yɛ guankɔbea,

Ɛma yenya ahobammɔ.

2. Asɛm a wɔka wɔ ne b’re mu,

Ɛma yenya abotɔyam!

Yɛte awerɛkyekyesɛm yi

Fi nnamfo anokwafo hɔ.

Yɛn ani gye sɛ yɛne wɔn som;

Yɛne wɔn botae yɛ biako!

Yɛn mu biara hyɛ ne yɔnko den,

Yɛboa wɔn, adesoa no mu.

3. Yɛn gyidi nti yetumi hu sɛ

Yehowa da kɛse abɛn.

Ɛsɛ sɛ yɛbom hyia daa nyinaa.

Yɛbɛnantew ɔkwan no so.

Yɛka Yehowa nk’rɔfo ho yi,

Yɛbɛsom yɛn Nyankopɔn daa.

Enti yɛbɛse obiara sɛ,

Munni nokware daa nyinaa.