“Ɔsom Adwuma A Ɛsen Biara,” “Asetra A Ɛyɛ Dɛ Sen Biara”

Esiane Kristofo Hela Kyerɛwnsɛm no a John Wycliffe a ɔyɛ Bible asekyerɛfo ɔkokodurufo a ɔtraa ase wɔ afeha a ɛto so 14 no mu no suaa no kɛse no nti, ɔkaa asɛm a ɛyɛ anigye bi wɔ asɛyɛde a onipa wɔ wɔ Ade Nyinaa so Tumfoɔ Nyankopɔn anim no ho. Sɛnea H. C. Conant nhoma, The English Bible, no kyerɛ no, Wycliffe kae sɛ “ɔsom adwuma a ɛsen biara a onipa benya ayɛ wɔ asase so ne sɛ ɔbɛka Onyankopɔn asɛm no.” Mfehaha bi akyi no, Bible osuani foforo a wɔfrɛ no Matthew Henry nso kaa asɛm bi a ɛte saa ara. Bere a ɔda ne wupa so wɔ 1714 mu no, ɔkae sɛ: “Asetra a wɔde di dwuma wɔ Onyankopɔn som mu, ne abusuabɔ a wɔne no nya ne asetra a ɛyɛ dɛ sen biara a obi betumi anya wɔ wiase yi mu.”

Yehowa Adansefo a wɔn dodow boro ɔpepem abiɛsa fi wɔn koma nyinaa mu gye tom! Wonya “asetra a ɛyɛ dɛ sen biara” yi. Dɛn ntia? Efisɛ wɔka Ahenni no ho asɛmpa yi wɔ wiase nyinaa de di afotu yi akyi: “Munyi [Yehowa] ayɛ, . . . na ɛyɛ dɛ.”​—Dwom 147:1.