Teokrase Ɔsom Sukuu Sɔhwɛ

September 4 bedi December 18, 1995 adapɛn no mu Teokrase Ɔsom Sukuu dwumadi sɔhwɛ a ɛnsɛ sɛ wɔhwɛ nhoma mu de yɛ. Bua nsemmisa no mu dodow biara a wubetumi wɔ bere a wɔde ama no mu wɔ krataa foforo so.

[Hyɛ no nsow: Wɔ sɔhwɛ no mu no, Bible no nkutoo na wubetumi de adi dwuma de abua nsemmisa biara. Afã horow a wɔdan adwene kɔ so a edidi nsemmisa no akyi no yɛ nea w’ankasa wode bɛyɛ nhwehwɛmu. Ebia Ɔwɛn-Aban no nkratafa ne ne nkyekyem nɔma ahorow no remma afã a wɔde dan adwene kɔ Ɔwɛn-Aban no so no nyinaa mu.]

Bua nsɛm a edidi so yi mu biara sɛ Ampa anaa Atoro:

 1. Yehowa Adansefo nni ɔkannifo biara. [3, jv kr. 117 nky. 4]

 2. Yesaia 38:5 boa yɛn ma yɛte ase sɛ mpaebɔ a efi komam no betumi aka Yehowa ma wayɛ nea ebia anka ɔrenyɛ. [5, Dapɛn biara Bible akenkan; hwɛ wTW95 4/1 kr. 15.]

 3. Asase so nipa a ɔba fam betumi ama amansan no Bɔfo adi yaw anaa n’ani agye. (Yes. 63:10) [12, Dapɛn biara Bible akenkan; hwɛ wTW93 6/15 kr. 15.]

 4. N. H. Barbour kyerɛe sɛ ɔwɔ agyede no mu gyidi, kyerɛ sɛ Kristo wu maa yɛn. Ɔpowee “nsiananmu” ho adwene no​—kyerɛ sɛ sɛ́ anka yebewu mmom no, Kristo wui. [5, jv kr. 131 nky. 3, 4, ase hɔ asɛm no]

 5. Yesaia 53:​5, 12 ka siei sɛ Yesu Kristo bewu sɛ agyede afɔrebɔde de akata afoforo bɔne so. [9, Dapɛn biara Bible akenkan; hwɛ wTW92 10/1 kr. 14.]

 6. Ɛdenam Kyerɛwnsɛm no a Russell suae so no, obehui sɛ ɛnyɛ sɛ Kristo bɛsan aba a aniwa nhu no nko, na mmom, ɔbɛkɔ so ayɛ obi a aniwa nhu no, bere a ɔreda no adi sɛ waba denam atemmu a ɔde bɛba abɔnefo so no so. [6, jv kr. 133 nky. 3]

 7. Ɛwom sɛ Yehowa Adansefo mfa wɔn ho nhyehyɛ amammuisɛm mu ɔkwan biara so de, nanso wɔmfa wɔn ho nhyehyɛ nea afoforo yɛ sɛ ebia wɔbɛdɔm amammui kuw bi, ahwehwɛ dibea, anaasɛ wɔbɛtow aba apaw afoforo no mu. [5, uw-TW kr. 166 nky. 12]

 8. Ná Onyankopɔn asomfo anokwafo a wɔtraa ase ansa na Kristo reba no nni wiase foforo a yɛn ani da so no ho nimdeɛ biara. [12, Dapɛn biara Bible akenkan; hwɛ wTW95 2/15 kr. 11.]

 9. Ɛwom mpo sɛ adanse biara nni hɔ a ɛkyerɛ sɛ wɔde ngo ankasa guu Kores so de, nanso ɔbɛyɛɛ ‘nea’ Yehowa ‘asra no.’ (Yes. 45:1) [7, Dapɛn biara Bible akenkan; hwɛ wTW92 11/15 kr. 30.]

10. Sɛnea ɛbɛyɛ na Kristofo de ahofama a edi mu asom Onyankopɔn no, ehia sɛ wohu da ne dɔn ko a Yehowa de atemmu bɛba Satan asase so nhyehyɛe no so. [10, uw-TW kr. 176 nky. 2]

Bua nsemmisa a edidi so yi:

11. Bere bɛn na ɛsɛ sɛ Kristoni ne ne duruyɛfo kasa wɔ gyinae a wasi sɛ ɔrennye mogya ho? [1, uw-TW kr. 158 nky. 9]

12. Ɔkwan bɛn so na na Yesu mfi wiase? [3, uw-TW kr. 161 nky. 2]

13. Dɛn na Onyankopɔn Asɛm a yɛbɛka no akokoduru so no nkyerɛ? [9, uw-TW kr. 175 nky. 13]

14. Hena ankasa ne “Onyankopɔn Israel” no, na afe bɛn mu na wohuu no? (Gal. 6:16) [7, jv kr. 141 nky. 3, 4]

15. Nnyinasosɛm bɛn na wɔtee ase yiye wɔ 1962 mu a ɛmaa ntease a yɛwɔ wɔ ahobrɛase a yɛbɛyɛ ama “atumfoɔ a wɔkorɔn” ho no mu daa hɔ pefee? (Rom. 13:​1-7, NW) [8, jv kr. 147 nky. 3]

16. Ɛwom sɛ na wonim yɛn sɛ Kristofo ne Bible Asuafo wɔ 1931 mu de, nanso dɛn nti na na ɛho hia sɛ yɛfa edin Yehowa Adansefo a na ɛda nsow no? [9, jv kr. 150 nky. 5-kr. 151 nky. 2]

17. Gyidi a ɛfa asase no ne kyerɛwsɛm a ɛwɔ Mateo 5:5 no ho bɛn na ama Yehowa Adansefo ada nsow wɔ Kristoman asɔre ahorow nyinaa ho? [11, jv kr. 161 nky. 3]

18. Nhoma ne ti ahorow bɛn mu na Nsɛmpa no mu abiɛsa de sɛnkyerɛnne a ɛwɔ afã horow a ɛma yɛhyɛ “wiase awiei” no nsow no ho amanneɛbɔ ma? [11, uw-TW kr. 178 nky. 5]

19. Dɛn nti na edin Yehowa Adansefo no nyɛ edin bi kɛkɛ? [10, jv kr. 158 nky. 4]

20. Dɛn nti na Yehowa Adansefo nnye sɛnea ɛsɛ sɛ wobu awaresɛe, aguamammɔ, anaa wɔn a wɔwɔ bɔbeasu koro ntam nna ho kyim? [16, jv kr. 173 nky. 1, kr. 174 nky. 3]

Fa asɛmfua anaa nsɛm a ehia na ama nsɛm a edidi so yi mu biara adi mũ ma:

21. Sɛ Kristoni bi kɔ ayaresabea sɛ wɔnsa no yare a, ɛsɛ sɛ ․․․․․․․ ma wɔn sɛ ɛnsɛ sɛ wɔde mogya di dwuma, na ɛsɛ sɛ n’ankasa ne oduruyɛfo a ɔrehwɛ no no ․․․․․․․ ho asɛm. [1, uw-TW kr. 158, nky. 9]

22. Akwan abien a yɛfa so kyerɛ Yehowa mu ahotoso ne sɛ yɛbɛkɔ ․․․․․․․ na yɛadan akɔ ne nkyɛn wɔ ․․․․․․․ mu daa. [7, uw-TW nkr. 170-1 nky. 5-7]

23. Efi 1976 kosi 1992 mu no, ․․․․․․․ adwumayɛfo a wɔatu wɔn ho ama no boae ma wosisii ․․․․․․․ foforo wɔ nsase bɛyɛ 60 so, wɔhyehyɛɛ ․․․․․․․ foforo 29,000 wɔ wiase nyinaa, na ɛkame ayɛ sɛ Ahenni adawurubɔfo bɛboro 4,470,000 no maa ahyehyɛde no kɛse ․․․․․․․. [3, jv kr. 114 nky. 1, kr. 115 nky. 1, ne kr. 117 nky. 2]

24. Wɔ June, 1882 mu no, Zion Watch Tower no kae sɛ ․․․․․․․ ne ․․․․․․․ yɛ nnipa ․․․․․․․ na wɔnyɛ onipa koro, na wɔyɛ biako wɔ ntease ara a ɛne sɛ ․․․․․․․ mu, na honhom no nyɛ ․․․․․․․ sɛnea wiase honhom nso nyɛ bi no. [4, jv kr. 123 nky. 4]

25. Onua Knorr wu akyi, wɔ June 22, 1977 no, ․․․․․․․ bɛyɛɛ Ɔwɛn Aban Asafo no titrani. [2, jv kr. 109 nky. 3]

Paw mmuae a ɛteɛ no wɔ nsɛm a edidi so yi biara mu:

26. Wodii tete Kristofo ho fɛw sɛ wɔn a wɔtan adesamma abusua no efisɛ (na wɔne wɔn a wonnye nni nkasa; wɔansom ahoni; wɔtwee wɔn ho fii anigyede a basabasayɛ ne ɔbrasɛe wom ho). [4, uw-TW kr. 163 nky. 7]

27. Wɔ Yesu mfatoho a ɛwɔ Mateo 13:​36-43 no mu no, awi no gyina hɔ ma (tete mmarima anokwafo no; nnipakuw kɛse no; Kristofo a wɔasra wɔn no), na wura no gyina hɔ ma (wɔn a wonnye nni nyinaa; asuasua Kristofo; kyerɛwfo ne Farisifo no). [12, uw-TW kr. 179 nky. 7]

28. Onyankopɔn atirimpɔw titiriw ne sɛ (obegye nnipa nkwa; ɔbɛsɛe Ɔbonsam; obebu ne tumidi bem). [14, jv kr. 167 nky. 1]

29. Ahyehyɛde no mu nsakrae a efii ase October 1, 1972 no, kyerɛe sɛ wɔmpaw (ɔhwɛfo; asafo somfo; mpanyimfo kuw) ma wɔnhwɛ asafo biara so. [1, jv kr. 106 nky. 2]

30. Yɛwɔ Yeremia asetra mu nsɛm a edi mu yiye sen tete adiyifo a wɔaka no mu biara, gye sɛ (Daniel; Yesaia; Mose). [13, si kr. 124 nky. 5]

Fa kyerɛw nsɛm a edidi so yi hyehyɛ ase hɔ nsɛm a ɛne no hyia no anim:

Lev. 17:​11, 12; Yes. 43:10; Yer. 7:31; Yoh. 10:16; Aso. 4:13

31. Obi nhomasua a ɛnkɔ anim no nyɛ ade a ɛmma ɔmfata sɛ ɔbɛyɛ asɛmpa no ho ɔdawurubɔfo a ɔwɔ akokoduru. [8, uw-TW kr. 172 nky. 8]

32. Ade biako pɛ a wobetumi agyina Kyerɛwnsɛm so de mogya ayɛ no si ne kronkron a ɛyɛ ne bo a Kristo afɔrebɔ no som so dua. [2, uw-TW kr. 159 nky. 11]

33. Akansi biara nni kuw a wɔasra wɔn no ne nnipakuw kɛse no ntam, na saa ara na ntease biara nni hɔ sɛ esiane obi anidaso anaa ne dibea nti, ɔkorɔn anaa ɔba fam sen ɔfoforo. [15, jv kr. 171 nky. 2]

34. Obiara nni hɔ a odi Yehowa anim; onyame biara nni n’anim na obiara remma wɔ n’akyi efisɛ ɔyɛ daa Hene Pumpuni. [6, Dapɛn biara Bible akenkan; hwɛ wTW92 1/15 kr. 22.]

35. Nnɛyi, mpanyimfo mu dodow no ara rennwen ho mpo sɛ wɔde wɔn mma bɛbɔ afɔre ama abosom, nanso wɔhyɛ da sɛe mmofra ɔpepem pii a wonhu ano denam nyinsɛn a wotu gu so, na wɔde mmerante ne mmabaa pii abɔ afɔre wɔ ɔko mu. [15, Dapɛn biara Bible akenkan; hwɛ w88 1/15 kr. 31.]