Ebinom reka mpo sɛ ɛsɛ sɛ wogyae asanom. Nigeriani sɔfo a yɛafa n’asɛm aka wɔ atifi hɔ no ka sɛ: “Mmebusɛm 20:1 ka pefee sɛ wɔn a wɔnom bobesa no nnim nyansa.” Ɔsɛnkafo foforo nso ka sɛ: “Kyerɛw Kronkron no kasa tia nsa wɔ Yesaia Nhoma no mu,” ná ɔreka kyerɛw nsɛm a ɛwɔ Yesaia 5:11, 12 ne 22 no ho asɛm.

“Nhu Nyansa”.-Ɛfa Henanom Ho?

So eyi kyerɛ sɛ wosiw Kristofo kwan se wɔnnom nsa koraa? Na nea ɔsɔfo no kae a yɛaka ho asɛm wɔ asɛm a edi kan no mu a ɔkyerɛe sɛ egyina Mmebusɛm 20:1 a ɛkyerɛ sɛ “anyansafo nnom nsa koraa” so no nso ɛ? Bible no ka sɛ: “Nsã yɛ ɔfɛwdifo, mmosa yɛ otutupɛfo, na obiara a ɔtɔ mu ntintan no nhu nyansa.” Bio nso, Bible no nkasa ntia wɔn a wɔnom bobesa na mmom wɔn a wɔtɔ mu ntintan no! “Wɔn a wɔkyɛ nsa ho” ne “asadweamfo”​—eyinom ne wɔn a ‘wonhu nyansa.’