Ɔfã 1: Onyankopɔn Mfirihyia Apem Ahenni Abɛn

Esiane nhyehyɛe a Asafo ayɛ sɛ yebesua nhoma God’s Kingdom of a Thousand Years Has Approached a ɛwɔ Engiresi mu no nti, yɛafi ase rekyerɛ ase aba Twi mu wɔ Ɔwɛn-Aban yi mu nnidiso nnidiso, efi Ɔwɛn-Aban yi so. Ebehia sɛ wode eyi ne nea ebedidi so aba no nyinaa sie yiye kosi sɛ yebewie nhoma no nyinaa ase kyerɛ na woanya nhoma no mu nsɛm nyinaa wɔ Twi mu.

“Mfirihyia Apem” No​—Ɛnyɛ Anidaso Hunu

 1. Dɛn na ɛsɛ sɛ wɔka wɔ sɛ ebia ahenni a onipa ahyehyɛ betumi atra hɔ daa no ho?

SƐNEA ɛbɛyɛ na atra hɔ mfirihyia apem no, ebehia sɛ ahenni yɛ nea eye​—nea ɛyɛ den. Nniso a ɛte saa nyɛ nea onipa anaasɛ nnipa ahorow betumi ayɛ ho nhyehyɛe, de asi hɔ na wɔakura mu. Onipa ahenni a ɛwɔ ahene a wɔwɔ abusua bi mu biara nni hɔ a atra hɔ mfirihyia apem.

 2. Dɛn nti na tumi a ɛte saa a onipa biako bedi ntumi nyɛ yiye?

² Ɛnde, ahenni a ɛbɛtra hɔ mfirihyia apem wɔ ɔhene biako nsam no nso ɛ? Ɛrentumi nyɛ yiye! Onipa biara ntraa ase bere tenten saa. Sɛnea abakɔsɛm kyerɛwtohɔ a akyɛ sen biara kyerɛ no, ɔbarima Metusela a ɔtraa Asia keseefam atɔe no traa ase kyɛ sen onipa biara wɔ asase so. Nanso ɔno mpo ɛkaa no mfe aduasa biako ansa na wanya mfe apem.a Wɔ yɛn bere so nnɛ no bere tenten a onipa de tra ase no aba fam koraa. Wɔ aman a anya nkɔanim kɛse nnɛ no mu no wɔama onipa nkwa nna aba abɛyɛ mfe aduɔson denam nnuruyɛ mu nyansahu so. Ɔbea tumi nya bɛyɛ mfe nsia sen ɔbarima. Enti mfirihyia apem ahenni a ɔbarima biako anaasɛ ɔbea biako bedi no yɛ nea ɛrentumi nyɛ yiye, a sɛnea ɔmanfo no susuw sɛ wɔn hene no ye no mfa ho.

 3. Dɛn na nnansa yi “Mfirihyia Apem Nhyehyɛe” no pɛe sɛ ɛyɛ ma adesamma?

³ Ɛnde, ntease mu no, ɛnyɛ onipa fam mfirihyia apem ahenni ho asɛm na yɛreka. Yɛn, ne nnipa afoforo ɔpepem bebree a wɔda so te ase, a wɔde wɔn ani hui, tumi kae mfirihyia apem nniso ho mmɔden a wɔbɔe nnansa yi. Saa “Mfirihyia Apem Nhyehyɛe” yi na Adolf Hitler, Nazi Germane katabaako sodifo a odii tumi 1933-1945 Y.B. no yɛe. Amerika de ne ho hyɛɛ Wiase Ko II mu akyi bere tiaa bi no, nsa kaa Nazifo nhyehyɛe yi ho nsɛm fii Nazi kyerɛwtohɔ ahorow a nsa kae mu ne Germane adwumayɛfo a na wɔakyere wɔn nkyɛn, ne mmeae afoforo nso. Saa tirimbɔ yi de Nazi wiase nhyehyɛe bi sii hɔ a sɛ Hitler, dii nkonim wɔ Wiase Ko II mu a, anka ɔnam atirimɔden so de bɛba adesamma wiase no so. Ɛyɛɛ dwumadi nhyehyɛe bi a ɛte sɛ nkoadwuma ankasa, a na wɔbɛfa adwumayɛfo no afi aman ‘a wɔnyɛ Germanfo mu. Ná wɔde mfirihyia apem na ebedi saa nhyehyɛe yi ho dwuma.

 4. Tete ahemman bɛn na ɛda adi sɛ na Hitler wɔ wɔ n’adwene mu, na ɔkwan bɛn so na ɔsɔfo bi dii ho adanse?

⁴ Ɛda adi sɛ na Nazi sodifo Hitler, a na ofi Hapsburg ahene abusua no asase so wɔ Austria, no, wɔ Germane Roma Ahemman Kronkron, a ɛtraa ho fi afe 962 kosi 1806 no wɔ n’adwenem. Nokwarem no, yɛwɔ Roma Katolek sɔfo bi nsɛm a ɛfa eyi ho. Ɔrekasa kyerɛ nnipa dɔm bi wɔ Memorial Continental Hall, Washington, D.C., wɔ February 16, 1940 no, Dr. Edmund A. Walsh, a ɔyɛ Amannɔne Som Sukuu a ɛwɔ Georgetown Sukuu Kunini no mu ɔpanyin, kaa Germane ɔko no botae ahorow ho asɛm sɛ “Roma Ahemman Kronkron no a wɔde besi hɔ bio.” “Dr. Walsh kae sɛ na wate sɛ Adolf Hitler reka sɛ ɛsɛ sɛ wɔsan de Roma Ahemman Kronkron, a na ɛyɛ Germane ahemman, no si hɔ bio.”​—New York Times, February 17, 1940.

 5. Hitler hoahoaa ne ho wɔ Nazi Ahemman no ho dɛn, nanso ne nhyehyɛe no yɛɛ dɛn?

⁵ Na Nazi Sodifo Hitler aka no ahohoahoa so sɛ: “Ɔman No Amammui Nhyehyɛe no bɛtra hɔ mfirihyia apem!” Nanso na ne polisifo panyin, Heinrich Himmler, wɔ anidaso kɛse mpo, na ɔkae sɛ: “Mpem du.” Bere a wafi ne pɛsɛmenkomenya nhyehyɛe yi ase no, na biribiara nni hɔ a ɛbɛma Hitler koma atɔ ne yam gye wiase-sodi anaasɛ wiase-sɛe. Wɔ nhoma The Last Days of Hitler mu no, ɔkyerɛwfo H. R. Trevor-Roper, se: “Wɔtee ase daa sɛ Hitler bɛkɔ so akura ne mfiase nhyehyɛe no mu​—wiase so tumidi anaasɛ ne sɛe​—no mu. Sɛ wiase tumi yɛ nea ɔrentumi nnya a, ɛnde (wɔn a na wonim no nyinaa gye toom sɛ) na ɔbɛma ɔsɛe no ayɛ kɛse sɛnea obetumi.” Eyi​—na, nea ɛfata no​—ɛbɛka ebinom ma wɔateɛm sɛ: “Hwɛ sɛnea ɔte sɛ Ɔbonsam!” Nanso ɔkwan biara so no, wɔansan amfa Roma Ahemman Kronkron no ansi hɔ bio, sɛnea na nnipa bebree a na wodi Hitler akyi no ahwɛ kwan no​—na Nazi “Mfirihyia Apem Nhyehyɛe” no dii huammɔ wɔ mfe dumien mu.

 6. Tete sodifo a na ɔnyɛ Germanni bɛn na osuaa nyansa a ebia na Hitler nnim, na hena na ɔkyerɛɛ sodifo yi dae ase pɛpɛɛpɛ?

⁶ Ebia na Hitler a ɔpɛe sɛ ɔyɛ wiase sodifo no nnim, nanso ohyiaa nokwasɛm a ɛnsakra a na ɛsɛ sɛ tete wiase sodifo bi hu wɔ ɔkwan a ɛyɛ den so no. Na ɔnyɛ Germanni, ɔbarima a na ɔnyɛ Aryanni a odii hene kyɛ sen Hitler, kyerɛ sɛ odii hene mfe aduanan-abiɛsa (624-581 A.Y.B.) . Na ɔyɛ Babilon hene, na ne din ware, Nebukadnesar. Ebia yɛbɛkae no sɛ Apuei fam wiase no so nkonimdifo a ɔsɛee Yudafo ahenkurow Yerusalem wɔ afe 607 A.Y.B. mu na otwaa nnipa nyinaa asu sɛnea Hitler yɛe, na ɔtwee Yudafo a wofii mu kae, no fã kɛse no ara kɔɔ nnomumfa mu wɔ Babilonia, akyirikyiri nsase so no. Obi a na ɔka wɔn a wotwaa wɔn asu yi ho ne Hebrini diyifo Daniel a ofi Yuda abusua mu no. Ɔhene Nebukadnesar soo dae bi a, ɛyɛ nwonwa, a na ɛho hia no kɛse, na akoa odiyifo Daniel, nkutoo na otumi kyerɛɛ ase. Daniel nkyerɛase no baa mu.

 7. Bere bɛn a ɔdae no fii ase baa mu, na dɛn na na ɛsɛ sɛ sodifo no sua fi n’animguase no mu?

⁷ Daeso no akyi afe biako no, Nebukadnesar, sɛ́ Babilonia Wiase Tumi no sodifo no, fii ase hoahoaa ne ho, yii ne ho ayɛ wɔ n’ahenkurow Babilon a ɛwɔ Eufrate Asubɔnten so no ho. Wanwie n’ahohoahoa no na ɔtee nne bi fii faako a aniwa nhu hɔ​—ɔsoro​—sɛ ɛreka nsɛm a na wate wɔ ne dae no mu no. Nea Nebukadnesar ankasa kae wo eyi ho, a odiyifo Daniel kyerɛw too hɔ ne sɛ: “Wo ɔhene Nebukadnesar, wɔka kyerɛ wo sɛ: Ahenni no atu afi wo nsam; na wɔbɛpam wo afi nnipa mu, na wo ne wuram mmoa akɔtra na wɔama woawe wura sɛ anantwi na mmere nson atwa wo ti so, de akosi sɛ wubehu sɛ ɔsorosoroni no na odi nnipa ahenni so tumi, na ɔde ma nea ɔpɛ no.”​—Dan. 4:29-32.

 8. Hena na ɔmaa ɔhene ɔhohoahoafo yi bɔɔ dam, na hena na ɔsaa no yare?

⁸ Dɛn na edii akyi bae amonom ho ara? Ntease wom sɛ wɔankora nea esii afei no so amma yɛn wɔ Babilonfo abakɔsɛm kyerɛwtohɔ ahorow mu, anaasɛ nea enti a woyii ɛho kyerɛwtohɔ biara a Babilon abakɔsɛm kyerɛwfo yɛe fii hɔ anaasɛ wɔsɛee no no. Nanso ɔnokwafo, odiyifo Daniel, a na ne ho wɔ asɛm no mu ankasa no, wɔde honhom kaa no ma wayɛ ho kyerɛwtohɔ, na yɛatumi ahwɛ mu bɛboro mfe mpem abien ne fã akyi. Ɔhene Nebukadnesar ɔhantanfo no bɔɔ dam ɛhɔ ara​—na ɛnyɛ ne nyame a na ɔde nidi kɛse ma no, Marduk (anaasɛ, Merodak) , na ɛyɛɛ no saa. Onyankopɔn, Ade Nyinaa So Tumfoɔ, no na ɔkaa adammɔ a ɛbaa ɔhene hohoahoafo yi so no siei, ɔhene a na wasɛe asɔrefi kronkron a ɛwɔ Yerusalem afe 607 A.Y.B. mu no. Na, sɛnea wɔka siei na wɔhyɛ too hɔ no, “mmere nson” twaa Ɔhene Nebukadnesar ti so na ɔnam adammɔ so wee wura te sɛ nantwi wɔ afuw bi a ɛbɛn hɔ mu. Ɔhene a wabɔ dam no ankum ne ho, sɛnea Adolf Hitler yɛe wɔ 1945 mu bere a na Rusia Komunist asraafo refa n’ahenkurow Berlin no. Nebukadnesar mfe ason adammɔ no awiei no, ɔsorosoroni a ɔma ɔbɔɔ dam no saa no yare na ɔmaa n’adwenem daa hɔ bio.

9, 10. Ɛdefa Onyankopɔn tumidi a ɛsen biara ho no, ɔkwan bɛn so na kyerɛwtohɔ a Daniel yɛe no (Da 4:34-37) kyerɛ sɛ ebia Babilon hene no faa mu asuade?

⁹ So Babilon hene no de eyi yɛɛ asuade? Yebetumi ahu eyi afi nea n’ankasa kae mu, sɛnea odiyifo Daniel koraa so maa yɛn no. Asɛm a ɔno ankasa kae no kenkan sɛ:

¹⁰ “Na nna no akyi no, me, Nebukadnesar, memaa m’ani so mehwɛɛ soro, na m’adwene san ba maa me, na mihyiraa ɔsorosoroni no, na mekamfoo nea ɔte ase daa no miyii no ayɛ, sɛ ne tumi yɛ daa tumi na n’ahenni wɔ awo ntoatoaso nyinaa so; na asase sotefo nyinaa, wommu wɔn hwee, na ɔde ɔsoro asafo ne asase sotefo yɛ sɛnea ɔpɛ, na obi nni hɔ a ɔbɛbɔ ne nsa akyene na waka akyerɛ no sɛ: Dɛn na woyɛ yi? . . . Afei me, Nebukadnesar, mekamfo ɔsoro hene mema no so miyi no ayɛ, sɛ ne nneyɛe nyinaa yɛ nokware, na n’akwan yɛ atɛntrenee na wɔn a wɔnam ahantan so no, otumi brɛ wɔn ase.”​—Dan. 4:34-37.

11. Ɛdefa “mmere nson” no a ɔdaa ne ho adi sɛ ɔmfata sɛ odi hene no ho no, dɛn na na Babilon hene no nnim?

¹¹ Nebukadnesar ankasa ka kyerɛ yɛn sɛ wɔde no traa Babilonia Wiase Tumi, Wiase Tumi a Ɛto so Abiɛsa wɔ wiase tumi horow ason a ɛba nnidiso nnidiso a Bible ka ho asɛm no ahengua so bio. (Dan. 4:36) Na onnim sɛ “mmere nson” a ɔdaa ne ho adi sɛ ɔmfata sɛ odi hene no yɛ mmere nson a ɛkyɛn so a ɛbɛtra hɔ akyɛ, “Amanaman mmere,” no ho nkɔmhyɛ. Na onnim sɛ “mmere nson” a ɛkyɛn so no mu no na wiase tumi horow anum bedi asase so tumi​—Babilonia, Medo-Persia, Hela, Roma ne nnɛyi Britania-Amerika de no. Na Nebukadnesar nnim sɛ saa “mmere nson,” a ne nyinaa yɛ mfe 2,520 no, fii ase wɔ afe a ɔsɛee Yerusalem ne n’asɔrefi no na na ɛbɛba awiei wɔ afe a na adesamma wiase no de ne ho ahyɛ wiase ko a edi kan​—1914 Y.B. mu no mu. (Luka 21:24; Dan. 4:16, 23, 25, 32) Yiw, na Nebukadnesar nnim sɛ “mmere nson” no a Amanaman no bedi tumi no awiei wɔ 1914 mu no, “ɔsoro Hene” no de “adesamma ahenni” no bɛma nea ɔpɛ​—Ne Mesia no!​—Dan. 9:25.

WƆNAM ONYANKOPƆN HONHOM SO DA NEA ƐBƐBA ADI

12. Ɛdefa adesamma ahenni ho no, dɛn na wiase amammuifo da so ara susuw, nanso hena na wontumi nsii no kwan wɔ nnipa nsɛm ho?

¹² Amanaman no amammuifo nyinaa da so ara susuw sɛ “adesamma ahenni” fa wɔn ho na ɛyɛ wɔn adwuma. Tete hɔ no Ɔhene Nebukadnesar a ofi Babilon susuwii saa. Ɛnkyɛe koraa, Adolf Hitler, a na mfirihyia apem amammui nhyehyɛe si n’ani so no susuwii saa. Nanso Onii a awiei koraa no wɔhyɛɛ Nebukadnesar ma ogye toom sɛ “Ne tumi yɛ daa tumi na n’ahenni wɔ awo ntoatoaso nyinaa so” no, Oyi ara kɔ so da adi sɛ “Sodifo wɔ adesamma ahenni mu.” Ahenni yi a ebedi adesamma nsɛm ho dwuma yɛ nea n’ani ku ho na odi ho dwuma. Wiase amammuifo, a Kristoman mu asɔfo gyina wɔn akyi, no ntumi “nsii no kwan,” na wonni tumi a wɔde bɛka akyerɛ no sɛ: “Dɛn na woyɛ yi?” (Dan. 4:34, 35) Ɛdefa nea ɛsɛ sɛ Ɔde adesamma ahenni ma no wɔ “Amanaman mmere” no awiei wɔ 1914 Y.B. mu ho no, Ɔne saa amammuifo ne wɔn nyamesom akyigyinafo no antu agyina. Amammuifo no ne wɔn nyamesomfo mu nnamfo no nyɛ wɔn a ehia sɛ obisa wɔn, bere a Ɔno ne ‘Ɔsorosoroni no, Nea ɔte ase daa no.’

13, 14. Hena asɛm so na wobetumi agyina aka mfirihyia apem a ɛbɛba ho asɛm asie ahotoso mu? Na dɛn ntia?

¹³ Ɛnde, ntease mu no, hena asɛm so na wobetumi agyina ahyɛ mfirihyia apem a ɛbɛba ho nkɔm? Onipa ntumi nka nea ɛbɛba ɔkyena mpo. Obi a ohu ade yiye kae bɛboro mfeha dunkron a atwam ni sɛ, “Munnim nea ɛbɛba ɔkyena.” (Yak. 4:14) Nanso, ‘Ɔsorosoroni no, Nea ɔte ase daa’ no fam de, eyi yɛ soronko. Bere yɛ dɛn ma No?

¹⁴ Wɔ Oyi ho no, ɔbarima bi a ɔtraa ase mfe ɔha no aduonu pɛ kaa no yiye sɛ: “Na mfirihyia apem yɛ w’ani so sɛ nnɛra da a etwaam ne anadwo mu dasu [tete, Yudafo bere nkyekyem a ɛyɛ nnɔnhwerew anan].” (Dwom 90:4) Ɛdenam anadwo adaeso ara kwa so ne nkyerɛase a odiyifo Daniel de maa Ɔhene Nebukadnesar akyiri yi so no, Otumi kaa nea na ebesi wɔ wiase abakɔsɛm mu mfe 2,520, a ɛbaa awiei 1914 Y.B. mu, akyi no siei. So na ɛrentumi nyɛ mmerɛw sɛ ɔbɛka nea ebesi mfirihyia apem mu, a efi ase bere pɔtee bi wɔ 1914 Y.B. akyi no nsie pɛpɛɛpɛ anaa? Ntease wom sɛ obetumi ayɛ saa! Na ɛdɛn, sɛ wadi kan de saa mfirihyia apem bere no ho nkyerɛkyerɛmu ama yɛn ɛ? Ɛnde, ɛdenam saa asɛm no so no, yebetumi afi ahotoso mu aka mfirihyia apem a ɛbɛba ho asɛm.

15. Wɔn a wɔde nsɛmfua a efi Latin ne Hela mu di dwuma no frɛ mfirihyia apem no dɛn, na wɔfrɛ wɔn a wɔwɔ mu gyidi no dɛn

¹⁵ Na wɔn a wɔde nsɛm a efi tete Latin kasa mu di dwuma no bɛfrɛ saa mfirihyia apem bere no sɛ millenium, efisɛ nsɛm abien a ɛwɔ saa asɛm no mu ne Latin asɛmfua mille, a ɛkyerɛ “apem,” ne annus, a ɛkyerɛ “afe.” Wɔ Hela-man mu no nkurɔfo bɛka ho asɛm sɛ chiliastic bere, efisɛ Hela asɛmfua chilia kyerɛ “apem.” Enti na wɔbɛfrɛ wɔn a wogye mfirihyia apem di no sɛ chiliasts ne millennialists anaasɛ millenarians. Nnipa a wɔwɔ Kristoman mu de din a ɛte saa di dwuma wɔ fɛwdi kwan so.

16, 17. (a) Ɛdefa afe 1000 Y.B ho no, nnipa suahu bɛn na ɛkyerɛ sɛ yɛn ani annye mfirihyia apem no ho esiane sɛ yɛrebɛn afe 2000 Y.B. nti? (b) Dɛn nti na eye sɛ mfirihyia apem a ɛto so ason a onipa de atra ase no fi ase mfe bebree ansa na af 2000 Y.B. aba?

¹⁶ Ɛmfa ho sɛ wɔn a wɔnte ase no de ahohorabɔ ba wɔn a wogye di no so, ɛsɛ sɛ yenya anigye ankasa wɔ mfirihyia apem yi a abɛn no ho. wɔayɛ nea ɛfa ho nyinaa ho kyerɛwtohɔ wɔ ‘Ɔsorosoroni no, Nea ɔte ase daa’ no asɛm a wɔakyerɛw mu. Ɛnyɛ afe 2000 Y.B., mfirihyia mpem abien wɔ Yɛn Bere so, awiei a yɛrebɛn nti na yenya ho anigye. Ɛnyɛ nea ehia nen. Yɛkae nea esii bere a adesamma bɛnee afe 1000 Y.B. mu, mfe apem a edi kan awiei wɔ Yɛn Bere So no. Ɛdefa eyi ho no New Catholic Encyclopedia ka wɔ asɛm “Millenarianism,” kratafa 853, ase sɛ: “Bere a, mfirihyia apem no rebɛn no, wɔn a wogye mfirihyia apem no tom no bɛyɛɛ pii efisɛ wɔn a wosua wiase awiei ho abakɔsɛm gye dii sɛ na wobehu adebɔ da a ɛto so ason no wɔ nnipa abakɔsɛm mu wɔ A.D. 1000 mu, no sɛ na Kristo mfirihyia apem anuonyam ahenni no bedi akyi aba.” Wɔyɛɛ no 1967.

¹⁷ Ade biako ne sɛ ebia na mfirihyia mpemnsia a nnipa de atra asase so ne adesamma mfirihyia apem a ɛto so ason no mfiase bɛba ntɛm koraa asen afe 2000 Y.B. Ɛyɛ ampa sɛ eyi te saa. Ɛnnɛ, bere a adesamma wɔ tebea horow a enye a ebetumi de ɔsɛe aba mu no, wɔn a wɔyɛ saa nneɛma yi ho nhwehwɛmu no adwenem yɛ wɔn nãa sɛ ebia adesamma betumi atra ase akosi 2000 Y.B. mu. Ɛnyɛ nhoma kronkron a agye din sen biara, Kyerɛw Kronkron, no mu mmerebu so na wogyina ka daakye a ɛyɛ hu yi ho asɛm. Wogyina nnɛyi nokwasɛm ahorow a emu yɛ den ne nneɛma a, ɛwɔ hɔ daa anaasɛ wotumi de ho to so a atwa yɛn ho ahyia no so. Saa nnipa yi a wɔkasa tumi so yi ma adesamma abusua no nea ennu mfirihyia apem a yɛde bɛtra ase daakye. Sɛ ɔkenkanfo no, ntease bɛn na wowɔ a enti wunnye ntom?

18, 19. Dɛn nti na ɛnyɛ kuw bi a wɔyɛ wɔn ade kokoam mufo nko na wobetumi ahu saa asɛm yi? (b) Wɔkyerɛw Nhoma a asɛm yi wɔ mu no wɔ hena din mu, na dɛn ntia?

¹⁸ Nea ɛne adiyifo a wonnim hwee a wɔkasa sɛ nnipa ara kwa no bɔ abira no, ‘Ɔsorosoroni no, Nea, ɔte ase daa no’ ka mfirihyia apem a ɛda adesamma anim ne afoforo, mfe a eye sen biara wɔ nnipa abakɔsɛm mu, no ho asɛm anigye so. Saa asɛm a ɛma anidaso yi nyɛ nea kuw bi a wɔyɛ wɔn ade kokoam a emufo nkutoo na “wonim” no dea. Saa asɛm a ɛsom bo yi yɛ nea nnipa ɔpepehaha a wɔka kasa horow 1,500 wiase nyinaa nsa betumi aka. Baabiara a obi wɔ Kyerɛw Kronkron no bi no, obetumi anya saa asɛm a ɛma anidaso yi.

¹⁹ Ɛwom sɛ nnipa a wɔnyɛ pɛ na wɔkyerɛw Bible no de, nanso saa nhoma kronkron no nka sɛ ɛyɛ onipa asɛm. Ɛyɛ Onyankopɔn honhom no dwumadi, enti wɔakyerɛw no ‘Ɔsorosoroni no, Nea ɔte ase daa’ no, din mu. Ɛde besi yɛn bere so nnɛ no, Ɔde nea ɛka fa nea atwam ne daakye a ɛda yɛn anim ho no to ne ho so. Ɛyɛ nhoma mu Nhoma!

20. Bible mu nhoma bɛn mu na yehu mfirihyia apem yi ho nsɛm, na hena na ɔkyerɛwee?

²⁰ Ɛnde, ɛhe na yehu saa nsɛm a ɛfa mfirihyia apem a ɛbɛba ne mmere a ɛwɔ hɔ daa a ebedi akyiri aba ho no? Yehu no nhoma a ɛfata na etwa to wɔ Kyerɛw Kronkron no mu no mu. Ɛte sɛnea ne din kyerɛ no ara pɛ, Adiyisɛm. Anaasɛ Nyikyerɛ, Apocalypse. O yiw, onipa na ɔkyerɛwee, ɔbarima a Roma Ahemman no buu no sɛ mmaratofo na wɔde no kɔtoo asotwe supɔw, Patmo, a ɛwɔ Aegea Po a ɛbɛn Asia Kumaa, nea ɛne nnɛyi Turkey no so no. Ɛyɛ baabi a ɛwɔ hɔ ankasa, ɛnyɛ anansesɛm. Sɛ́ aberante no na odeduani a wɔatwa no asu yi yɛ ɔpofoni wɔ Galilea Po no so wɔ Galilea a na ɛwɔ Roma Mansin no mu. Ná ɔne Sebedeo ba Yohane, na na ne nua pofoni ne Yakobo. Yohane ka kyerɛ yɛn mfiase pɛɛ sɛ ɔno na ɔkyerɛw Adiyisɛm no, nanso ɔyɛɛ saa wɔ honhom akwankyerɛ ase. Nanso na ɛbɛyɛ dɛn Adiyisɛm anaasɛ Nyikyerɛ? Bere a yɛkan mmuae a ɛsɛ sɛ ɛma yɛn a yɛwɔ hɔ nnɛ no ani gye no, momma yɛnhyɛ Onii a Yohane kyerɛ sɛ ɔno na ɔma wɔkyerɛw nhoma no nsow:

21. Wɔ ne mfiase no, hena na Yohane kyerɛ sɛ ɔma ɔkyerɛw Adiyisɛm no?

²¹ “Yesu Kristo adiyi a Onyankopɔn de maa no sɛ ɔnkyerɛ ne nkoa nea etwa sɛ ɛba ntɛm, na ɔnam ne bɔfo so somae de bɛkyerɛɛ n’akoa Yohane a wadi Nyankopɔn asɛm, ne Yesu Kristo adanse ne nea ohui nyinaa ho adanse. Nhyira ne nea ɔkan ne wotie adiyi nsɛm no, na wɔde nea wɔakyerɛw wɔ mu no sie; na ɛbere no abɛn.”​—Adi. 1:1-3.

22. Dɛn nti na asɛm “na ɛbere no abɛn” no ma yɛn a yɛwɔ hɔ nnɛ nya anigye?

²² Wɔ asɛm, “na ɛbere no abɛn,” a wɔkyerɛwee bɛyɛ mfeha dunkron a atwam ni no ho no, so biribi wom a ɛbɛma yɛn ani agye nnɛ wɔ afeha a ɛto so aduonu Y.B. yi mu? Yiw, sɛ yebu bere no a, bɛyɛ mfeha dunkron akyi no, ɛrenkyɛ na “nea ɛsɛ sɛ ɛba ntɛm,” titiriw wɔ saa mfirihyia apem no mfiase a wɔaka asie no aba. Yebetumi ahu bere no yiye bere a yɛkan nea Yohane ka fa mfirihyia apem no ho ne nea edi anim amonom hɔ ara no. Ma yɛnkan mfi Adiyisɛm 19:11 rekɔ.

23. Dɛn na ɛma nea ɔte ɔpɔnkɔ fitaa no so no da nsow?

²³ “Na mihui sɛ ɔsoro abue, na hwɛ, ɔpɔnkɔ fitaa bi ni, na nea ɔte no so no, wɔfrɛ no nea ɔsɛ gyidi ne ɔnokwafo, na obu atɛn na otu sa trenee mu. Na n’aniwa te sɛ ogyaframa, na ahemmotiri pii bobɔ ne ti; na wɔakyerɛw ne din bi a obiara nnim gye ɔno nko. Na ɔhyɛ atade bi a wɔde abɔ mogya mu, na ne din de: Onyankopɔn Asɛm. Na ɛdɔm a wɔwɔ soro no tete apɔnkɔ fitafitaa so di n’akyi hyehyɛ nwera pa fitaa a ɛho tow. Na afoa nnamnam bi fi n’anom a ɔde bɛbobɔ amanaman, na ɔde dade poma bɛyɛn wɔn. Na ɔno na otiatia Onyankopɔn, ade nyinaa so tumfoɔ no, abufuw a ɛyɛ den no nsa-kyĩ-amoa no so. Na ɔwɔ din bi a wɔakyerɛw n’atade ne n’asen so sɛ: Ahene mu hene ne awuranom mu Awurade.

24. (a) Wɔtoo nsa frɛɛ wim nnomaa sɛ wɔmmɛyɛ dɛn? (b) Dɛn na ɛbaa wɔn a wɔde wɔn ho hyɛɛ ɔko no mu no so?

²⁴ “Na mihuu ɔbɔfo bi a ogyina owia mu. Na ɔde nne kɛse teɛɛm ka kyerɛɛ nnomaa a wotu wim nyinaa sɛ: Mommra mmehyia Onyankopɔn adidi kɛse no ase mmedi ahene nam ne asafohene nam ne atumfoɔ nam, ne apɔnkɔ ne wɔn a wɔtete wɔn so nam, ne adehye ne nkoa, ne nketewa ne akɛse nyinaa nam. Na mihuu aboa no ne asase so ahene ne wɔn dɔm sɛ wɔaboaboa wɔn ho ano, na wɔne nea ɔte ɔpɔnkɔ fitaa no so no ne ne dɔm bedii ako. Na wɔkyeree aboa no ne atoro diyifo no nso a ɔyɛɛ n’anim nsɛnkyerɛnne de daadaa wɔn a wogyee aboa no agyirae ne wɔn a wɔkotow ne honi no kaa ne ho: wɔtow wɔn baanu yi animono guu ogya tare a sufre dɛw mu no mu. Na wɔde nea ɔte pɔnkɔ no so no afoa a efi n’anom no kunkum wɔn a aka no, na nnomaa nyinaa dii wɔn nam mee.

25. Dɛn na wɔde yɛ Satan Ɔbonsam afei, na ebegye bere tenten bɛn?

²⁵ “Na mihuu ɔbɔfo bi a ofi soro resian a okura ebun no ano safe ne nkɔnsɔnkɔnsɔn kɛse bi. Na ɔkyeree ɔtweaseɛ, ɔwɔ dedaw a ɔne ɔbonsam no, kyekyeree no mfirihyia apem, na ɔtow no kyenee bun no mu, na ɔtoo mu na ɔsɔɔ ano, na wɔankɔdaadaa amanaman bio kosi sɛ mfirihyia apem, no bewie du ansa: nanso ɛno akyi no, etwa sɛ wogyaa no kakra.

26. Henanom na wɔtete nhengua a wohui wɔ ɔsoro no so, na dɛn na wɔyɛ?

²⁶ “Na mihuu nhengua bi, na wɔn a wɔtratraa so no, wɔde atemmu maa wɔn. Na mihuu wɔn a Yesu adanse ne Nyankopɔn asɛm nti wotwitwaa wɔn ti no akra ne wɔn a wɔankotow aboa no anaa ne honi na wɔannye agyirae no wɔ wɔn moma ne wɔn nsa so no. Na wonyaa nkwa bio, na wɔne Kristo dii ahene mfirihyia apem. Na awufo nkae no de, wɔannya nkwa bio kosi sɛ mfirihyia apem no bewie du ansa. Owusɔre a edi kan ne no. Nhyira ne kronkron ne nea onya afa ɔsɔre a edi kan no mu. Saafo no so na owuprenu no nni tumi, na mmom wɔbɛyɛ Onyankopɔn ne Kristo asɔfo, na wɔne no bedi ahene mfirihyia apem.

27. Asase so no, dɛn na edii Satan a wɔsan no no akyi bae, na dɛn na ɛbaa no so?

²⁷ “Na sɛ mfirihyia apem no wie du a wɔbɛsan Satan afi n’afiase, na obefi adi akɔdaadaa amanaman a wɔwɔ asase afanan mu, Gog ne Magog, akɔboaboa wɔn ano akɔ ɔsa, wɔn na wɔn ano dɔɔso sɛ mpoano anhwea. Na wɔforo kogyinaa asase tɛtrɛtɛ no so, na wotwaa ahotefo no ne kurow a wɔdɔ no no ho nsraban hyiae. Na ogya fi soro guu fam bɛhyew wɔn. Na ɔbonsam a ɔdaadaa wɔn no, wɔtow no kyenee ogya ne sufre tare no mu, nea aboa no ne atoro diyifo no wɔ, na wɔbɛyɛ wɔn ayayade awia ne anadwo daa daa.”​—Adi. 19:11 kosi 20:10.

28. (a) Enti nsɛm a esisi bɛn akyi na mfirihyia apem no fi ase? (b) Ɛnde, dɛn nti na ɛda adi sɛ afei na saa mfirihyia apem no befi ase?

²⁸ Yehu asɛntiaa “mfirihyia apem” a wɔde di dwuma mpɛn asia wɔ saa asɛm no mu. Afei nso yehu sɛ saa mfirihyia apem no fi ase bere a ahene mu Hene no ne “asase so ahene” a “aboa” no ne “atoro diyifo” no ka ho no dii ako, na afei wɔkyekyeree ɔbonsam tow no kyenee bun mu no akyi. Saa nsɛm a esisii no yɛ “nea etwa sɛ ɛba ntɛm” no fa. Ɛde besi nnɛ no wiase no nnyaa biribi a wɔde bɛtoto nsɛm a ɛtete saa fa esii no ho. Ɛda adi sɛ, afei na saa mfirihyia apem no befi ase. Ɛnkyerɛ bere tenten bi a ɛto ntwa da, bere bi a yentumi mmu no pɔtee. Ɛyɛ mfirihyia apem ankasa.

29. Saa mfirihyia apem no tenten bɛn na ɛne Onyankopɔn bere nhyehyɛe a ada adi no hyia?

²⁹ Asuafo a wogye akyinnye sɛ saa mfirihyia apem no gyina hɔ ma bere tenten bi a ɛto ntwa da ka sɛ efii ase wɔ Pentekoste afahyɛ da no, afe 33 Y.B., bere a Onyankopɔn hwiee ne honhom kronkron guu ne Kristofo asafo foforo a na ɔde asi hɔ no so no. Nanso saa akyinnyegye yi de nsɛm a emu yɛ den ba na ɛde nea ɛbaa Kristofo a na wɔde honhom awo wɔn no so nyinaa a ɛboro mfirihyia apem ahankron ne aduanan fi Pentekoste da no a wɔde Kristofo asafo no sii hɔ honhom mu besi mprempren ho nkyerɛkyerɛmu a ɛbɔ abira ma. Mfirihyia apem ankasa fata na ɛne Onyankopɔn bere a wɔahyehyɛ no hyia.

30. Dɛn nti na ɛnsɛ sɛ yegyae saa mfirihyia apem ho nkɔmhyɛ mfonini no mu a yɛbɛhwehwɛ?

³⁰ Nea saa mfirihyia apem no de ba yɛn asase so no yɛ biribi a ɛho hia yiye ma daa nkwa ne anigye wɔ adesamma wiase yi mu. Ɛnde, yɛbɛyɛ dɛn atumi agyae nhwehwɛmu a yefi ntease mu bɛyɛ wɔ mfirihyia apem nkɔmhyɛ mfonini a ɛyɛ nwonwa a ɔsomafo Yohane yɛ maa yɛn fɛfɛɛfɛ no ho ntɛm no mu?

[Ase hɔ asɛm]

Ɔfã 1: Onyankopɔn Mfirihyia Apem Ahenni Abɛn

Esiane nhyehyɛe a Asafo ayɛ sɛ yebesua nhoma God’s Kingdom of a Thousand Years Has Approached a ɛwɔ Engiresi mu no nti, yɛafi ase rekyerɛ ase aba Twi mu wɔ Ɔwɛn-Aban yi mu nnidiso nnidiso, efi Ɔwɛn-Aban yi so. Ebehia sɛ wode eyi ne nea ebedidi so aba no nyinaa sie yiye kosi sɛ yebewie nhoma no nyinaa ase kyerɛ na woanya nhoma no mu nsɛm nyinaa wɔ Twi mu.

“Mfirihyia Apem” No​—Ɛnyɛ Anidaso Hunu

 1. Dɛn na ɛsɛ sɛ wɔka wɔ sɛ ebia ahenni a onipa ahyehyɛ betumi atra hɔ daa no ho?

SƐNEA ɛbɛyɛ na atra hɔ mfirihyia apem no, ebehia sɛ ahenni yɛ nea eye​—nea ɛyɛ den. Nniso a ɛte saa nyɛ nea onipa anaasɛ nnipa ahorow betumi ayɛ ho nhyehyɛe, de asi hɔ na wɔakura mu. Onipa ahenni a ɛwɔ ahene a wɔwɔ abusua bi mu biara nni hɔ a atra hɔ mfirihyia apem.

 2. Dɛn nti na tumi a ɛte saa a onipa biako bedi ntumi nyɛ yiye?

² Ɛnde, ahenni a ɛbɛtra hɔ mfirihyia apem wɔ ɔhene biako nsam no nso ɛ? Ɛrentumi nyɛ yiye! Onipa biara ntraa ase bere tenten saa. Sɛnea abakɔsɛm kyerɛwtohɔ a akyɛ sen biara kyerɛ no, ɔbarima Metusela a ɔtraa Asia keseefam atɔe no traa ase kyɛ sen onipa biara wɔ asase so. Nanso ɔno mpo ɛkaa no mfe aduasa biako ansa na wanya mfe apem.a Wɔ yɛn bere so nnɛ no bere tenten a onipa de tra ase no aba fam koraa. Wɔ aman a anya nkɔanim kɛse nnɛ no mu no wɔama onipa nkwa nna aba abɛyɛ mfe aduɔson denam nnuruyɛ mu nyansahu so. Ɔbea tumi nya bɛyɛ mfe nsia sen ɔbarima. Enti mfirihyia apem ahenni a ɔbarima biako anaasɛ ɔbea biako bedi no yɛ nea ɛrentumi nyɛ yiye, a sɛnea ɔmanfo no susuw sɛ wɔn hene no ye no mfa ho.

 3. Dɛn na nnansa yi “Mfirihyia Apem Nhyehyɛe” no pɛe sɛ ɛyɛ ma adesamma?

³ Ɛnde, ntease mu no, ɛnyɛ onipa fam mfirihyia apem ahenni ho asɛm na yɛreka. Yɛn, ne nnipa afoforo ɔpepem bebree a wɔda so te ase, a wɔde wɔn ani hui, tumi kae mfirihyia apem nniso ho mmɔden a wɔbɔe nnansa yi. Saa “Mfirihyia Apem Nhyehyɛe” yi na Adolf Hitler, Nazi Germane katabaako sodifo a odii tumi 1933-1945 Y.B. no yɛe. Amerika de ne ho hyɛɛ Wiase Ko II mu akyi bere tiaa bi no, nsa kaa Nazifo nhyehyɛe yi ho nsɛm fii Nazi kyerɛwtohɔ ahorow a nsa kae mu ne Germane adwumayɛfo a na wɔakyere wɔn nkyɛn, ne mmeae afoforo nso. Saa tirimbɔ yi de Nazi wiase nhyehyɛe bi sii hɔ a sɛ Hitler, dii nkonim wɔ Wiase Ko II mu a, anka ɔnam atirimɔden so de bɛba adesamma wiase no so. Ɛyɛɛ dwumadi nhyehyɛe bi a ɛte sɛ nkoadwuma ankasa, a na wɔbɛfa adwumayɛfo no afi aman ‘a wɔnyɛ Germanfo mu. Ná wɔde mfirihyia apem na ebedi saa nhyehyɛe yi ho dwuma.

 4. Tete ahemman bɛn na ɛda adi sɛ na Hitler wɔ wɔ n’adwene mu, na ɔkwan bɛn so na ɔsɔfo bi dii ho adanse?

⁴ Ɛda adi sɛ na Nazi sodifo Hitler, a na ofi Hapsburg ahene abusua no asase so wɔ Austria, no, wɔ Germane Roma Ahemman Kronkron, a ɛtraa ho fi afe 962 kosi 1806 no wɔ n’adwenem. Nokwarem no, yɛwɔ Roma Katolek sɔfo bi nsɛm a ɛfa eyi ho. Ɔrekasa kyerɛ nnipa dɔm bi wɔ Memorial Continental Hall, Washington, D.C., wɔ February 16, 1940 no, Dr. Edmund A. Walsh, a ɔyɛ Amannɔne Som Sukuu a ɛwɔ Georgetown Sukuu Kunini no mu ɔpanyin, kaa Germane ɔko no botae ahorow ho asɛm sɛ “Roma Ahemman Kronkron no a wɔde besi hɔ bio.” “Dr. Walsh kae sɛ na wate sɛ Adolf Hitler reka sɛ ɛsɛ sɛ wɔsan de Roma Ahemman Kronkron, a na ɛyɛ Germane ahemman, no si hɔ bio.”​—New York Times, February 17, 1940.

 5. Hitler hoahoaa ne ho wɔ Nazi Ahemman no ho dɛn, nanso ne nhyehyɛe no yɛɛ dɛn?

⁵ Na Nazi Sodifo Hitler aka no ahohoahoa so sɛ: “Ɔman No Amammui Nhyehyɛe no bɛtra hɔ mfirihyia apem!” Nanso na ne polisifo panyin, Heinrich Himmler, wɔ anidaso kɛse mpo, na ɔkae sɛ: “Mpem du.” Bere a wafi ne pɛsɛmenkomenya nhyehyɛe yi ase no, na biribiara nni hɔ a ɛbɛma Hitler koma atɔ ne yam gye wiase-sodi anaasɛ wiase-sɛe. Wɔ nhoma The Last Days of Hitler mu no, ɔkyerɛwfo H. R. Trevor-Roper, se: “Wɔtee ase daa sɛ Hitler bɛkɔ so akura ne mfiase nhyehyɛe no mu​—wiase so tumidi anaasɛ ne sɛe​—no mu. Sɛ wiase tumi yɛ nea ɔrentumi nnya a, ɛnde (wɔn a na wonim no nyinaa gye toom sɛ) na ɔbɛma ɔsɛe no ayɛ kɛse sɛnea obetumi.” Eyi​—na, nea ɛfata no​—ɛbɛka ebinom ma wɔateɛm sɛ: “Hwɛ sɛnea ɔte sɛ Ɔbonsam!” Nanso ɔkwan biara so no, wɔansan amfa Roma Ahemman Kronkron no ansi hɔ bio, sɛnea na nnipa bebree a na wodi Hitler akyi no ahwɛ kwan no​—na Nazi “Mfirihyia Apem Nhyehyɛe” no dii huammɔ wɔ mfe dumien mu.

 6. Tete sodifo a na ɔnyɛ Germanni bɛn na osuaa nyansa a ebia na Hitler nnim, na hena na ɔkyerɛɛ sodifo yi dae ase pɛpɛɛpɛ?

⁶ Ebia na Hitler a ɔpɛe sɛ ɔyɛ wiase sodifo no nnim, nanso ohyiaa nokwasɛm a ɛnsakra a na ɛsɛ sɛ tete wiase sodifo bi hu wɔ ɔkwan a ɛyɛ den so no. Na ɔnyɛ Germanni, ɔbarima a na ɔnyɛ Aryanni a odii hene kyɛ sen Hitler, kyerɛ sɛ odii hene mfe aduanan-abiɛsa (624-581 A.Y.B.) . Na ɔyɛ Babilon hene, na ne din ware, Nebukadnesar. Ebia yɛbɛkae no sɛ Apuei fam wiase no so nkonimdifo a ɔsɛee Yudafo ahenkurow Yerusalem wɔ afe 607 A.Y.B. mu na otwaa nnipa nyinaa asu sɛnea Hitler yɛe, na ɔtwee Yudafo a wofii mu kae, no fã kɛse no ara kɔɔ nnomumfa mu wɔ Babilonia, akyirikyiri nsase so no. Obi a na ɔka wɔn a wotwaa wɔn asu yi ho ne Hebrini diyifo Daniel a ofi Yuda abusua mu no. Ɔhene Nebukadnesar soo dae bi a, ɛyɛ nwonwa, a na ɛho hia no kɛse, na akoa odiyifo Daniel, nkutoo na otumi kyerɛɛ ase. Daniel nkyerɛase no baa mu.

 7. Bere bɛn a ɔdae no fii ase baa mu, na dɛn na na ɛsɛ sɛ sodifo no sua fi n’animguase no mu?

⁷ Daeso no akyi afe biako no, Nebukadnesar, sɛ́ Babilonia Wiase Tumi no sodifo no, fii ase hoahoaa ne ho, yii ne ho ayɛ wɔ n’ahenkurow Babilon a ɛwɔ Eufrate Asubɔnten so no ho. Wanwie n’ahohoahoa no na ɔtee nne bi fii faako a aniwa nhu hɔ​—ɔsoro​—sɛ ɛreka nsɛm a na wate wɔ ne dae no mu no. Nea Nebukadnesar ankasa kae wo eyi ho, a odiyifo Daniel kyerɛw too hɔ ne sɛ: “Wo ɔhene Nebukadnesar, wɔka kyerɛ wo sɛ: Ahenni no atu afi wo nsam; na wɔbɛpam wo afi nnipa mu, na wo ne wuram mmoa akɔtra na wɔama woawe wura sɛ anantwi na mmere nson atwa wo ti so, de akosi sɛ wubehu sɛ ɔsorosoroni no na odi nnipa ahenni so tumi, na ɔde ma nea ɔpɛ no.”​—Dan. 4:29-32.

 8. Hena na ɔmaa ɔhene ɔhohoahoafo yi bɔɔ dam, na hena na ɔsaa no yare?

⁸ Dɛn na edii akyi bae amonom ho ara? Ntease wom sɛ wɔankora nea esii afei no so amma yɛn wɔ Babilonfo abakɔsɛm kyerɛwtohɔ ahorow mu, anaasɛ nea enti a woyii ɛho kyerɛwtohɔ biara a Babilon abakɔsɛm kyerɛwfo yɛe fii hɔ anaasɛ wɔsɛee no no. Nanso ɔnokwafo, odiyifo Daniel, a na ne ho wɔ asɛm no mu ankasa no, wɔde honhom kaa no ma wayɛ ho kyerɛwtohɔ, na yɛatumi ahwɛ mu bɛboro mfe mpem abien ne fã akyi. Ɔhene Nebukadnesar ɔhantanfo no bɔɔ dam ɛhɔ ara​—na ɛnyɛ ne nyame a na ɔde nidi kɛse ma no, Marduk (anaasɛ, Merodak) , na ɛyɛɛ no saa. Onyankopɔn, Ade Nyinaa So Tumfoɔ, no na ɔkaa adammɔ a ɛbaa ɔhene hohoahoafo yi so no siei, ɔhene a na wasɛe asɔrefi kronkron a ɛwɔ Yerusalem afe 607 A.Y.B. mu no. Na, sɛnea wɔka siei na wɔhyɛ too hɔ no, “mmere nson” twaa Ɔhene Nebukadnesar ti so na ɔnam adammɔ so wee wura te sɛ nantwi wɔ afuw bi a ɛbɛn hɔ mu. Ɔhene a wabɔ dam no ankum ne ho, sɛnea Adolf Hitler yɛe wɔ 1945 mu bere a na Rusia Komunist asraafo refa n’ahenkurow Berlin no. Nebukadnesar mfe ason adammɔ no awiei no, ɔsorosoroni a ɔma ɔbɔɔ dam no saa no yare na ɔmaa n’adwenem daa hɔ bio.

9, 10. Ɛdefa Onyankopɔn tumidi a ɛsen biara ho no, ɔkwan bɛn so na kyerɛwtohɔ a Daniel yɛe no (Da 4:34-37) kyerɛ sɛ ebia Babilon hene no faa mu asuade?

⁹ So Babilon hene no de eyi yɛɛ asuade? Yebetumi ahu eyi afi nea n’ankasa kae mu, sɛnea odiyifo Daniel koraa so maa yɛn no. Asɛm a ɔno ankasa kae no kenkan sɛ:

¹⁰ “Na nna no akyi no, me, Nebukadnesar, memaa m’ani so mehwɛɛ soro, na m’adwene san ba maa me, na mihyiraa ɔsorosoroni no, na mekamfoo nea ɔte ase daa no miyii no ayɛ, sɛ ne tumi yɛ daa tumi na n’ahenni wɔ awo ntoatoaso nyinaa so; na asase sotefo nyinaa, wommu wɔn hwee, na ɔde ɔsoro asafo ne asase sotefo yɛ sɛnea ɔpɛ, na obi nni hɔ a ɔbɛbɔ ne nsa akyene na waka akyerɛ no sɛ: Dɛn na woyɛ yi? . . . Afei me, Nebukadnesar, mekamfo ɔsoro hene mema no so miyi no ayɛ, sɛ ne nneyɛe nyinaa yɛ nokware, na n’akwan yɛ atɛntrenee na wɔn a wɔnam ahantan so no, otumi brɛ wɔn ase.”​—Dan. 4:34-37.

11. Ɛdefa “mmere nson” no a ɔdaa ne ho adi sɛ ɔmfata sɛ odi hene no ho no, dɛn na na Babilon hene no nnim?

¹¹ Nebukadnesar ankasa ka kyerɛ yɛn sɛ wɔde no traa Babilonia Wiase Tumi, Wiase Tumi a Ɛto so Abiɛsa wɔ wiase tumi horow ason a ɛba nnidiso nnidiso a Bible ka ho asɛm no ahengua so bio. (Dan. 4:36) Na onnim sɛ “mmere nson” a ɔdaa ne ho adi sɛ ɔmfata sɛ odi hene no yɛ mmere nson a ɛkyɛn so a ɛbɛtra hɔ akyɛ, “Amanaman mmere,” no ho nkɔmhyɛ. Na onnim sɛ “mmere nson” a ɛkyɛn so no mu no na wiase tumi horow anum bedi asase so tumi​—Babilonia, Medo-Persia, Hela, Roma ne nnɛyi Britania-Amerika de no. Na Nebukadnesar nnim sɛ saa “mmere nson,” a ne nyinaa yɛ mfe 2,520 no, fii ase wɔ afe a ɔsɛee Yerusalem ne n’asɔrefi no na na ɛbɛba awiei wɔ afe a na adesamma wiase no de ne ho ahyɛ wiase ko a edi kan​—1914 Y.B. mu no mu. (Luka 21:24; Dan. 4:16, 23, 25, 32) Yiw, na Nebukadnesar nnim sɛ “mmere nson” no a Amanaman no bedi tumi no awiei wɔ 1914 mu no, “ɔsoro Hene” no de “adesamma ahenni” no bɛma nea ɔpɛ​—Ne Mesia no!​—Dan. 9:25.

WƆNAM ONYANKOPƆN HONHOM SO DA NEA ƐBƐBA ADI

12. Ɛdefa adesamma ahenni ho no, dɛn na wiase amammuifo da so ara susuw, nanso hena na wontumi nsii no kwan wɔ nnipa nsɛm ho?

¹² Amanaman no amammuifo nyinaa da so ara susuw sɛ “adesamma ahenni” fa wɔn ho na ɛyɛ wɔn adwuma. Tete hɔ no Ɔhene Nebukadnesar a ofi Babilon susuwii saa. Ɛnkyɛe koraa, Adolf Hitler, a na mfirihyia apem amammui nhyehyɛe si n’ani so no susuwii saa. Nanso Onii a awiei koraa no wɔhyɛɛ Nebukadnesar ma ogye toom sɛ “Ne tumi yɛ daa tumi na n’ahenni wɔ awo ntoatoaso nyinaa so” no, Oyi ara kɔ so da adi sɛ “Sodifo wɔ adesamma ahenni mu.” Ahenni yi a ebedi adesamma nsɛm ho dwuma yɛ nea n’ani ku ho na odi ho dwuma. Wiase amammuifo, a Kristoman mu asɔfo gyina wɔn akyi, no ntumi “nsii no kwan,” na wonni tumi a wɔde bɛka akyerɛ no sɛ: “Dɛn na woyɛ yi?” (Dan. 4:34, 35) Ɛdefa nea ɛsɛ sɛ Ɔde adesamma ahenni ma no wɔ “Amanaman mmere” no awiei wɔ 1914 Y.B. mu ho no, Ɔne saa amammuifo ne wɔn nyamesom akyigyinafo no antu agyina. Amammuifo no ne wɔn nyamesomfo mu nnamfo no nyɛ wɔn a ehia sɛ obisa wɔn, bere a Ɔno ne ‘Ɔsorosoroni no, Nea ɔte ase daa no.’

13, 14. Hena asɛm so na wobetumi agyina aka mfirihyia apem a ɛbɛba ho asɛm asie ahotoso mu? Na dɛn ntia?

¹³ Ɛnde, ntease mu no, hena asɛm so na wobetumi agyina ahyɛ mfirihyia apem a ɛbɛba ho nkɔm? Onipa ntumi nka nea ɛbɛba ɔkyena mpo. Obi a ohu ade yiye kae bɛboro mfeha dunkron a atwam ni sɛ, “Munnim nea ɛbɛba ɔkyena.” (Yak. 4:14) Nanso, ‘Ɔsorosoroni no, Nea ɔte ase daa’ no fam de, eyi yɛ soronko. Bere yɛ dɛn ma No?

¹⁴ Wɔ Oyi ho no, ɔbarima bi a ɔtraa ase mfe ɔha no aduonu pɛ kaa no yiye sɛ: “Na mfirihyia apem yɛ w’ani so sɛ nnɛra da a etwaam ne anadwo mu dasu [tete, Yudafo bere nkyekyem a ɛyɛ nnɔnhwerew anan].” (Dwom 90:4) Ɛdenam anadwo adaeso ara kwa so ne nkyerɛase a odiyifo Daniel de maa Ɔhene Nebukadnesar akyiri yi so no, Otumi kaa nea na ebesi wɔ wiase abakɔsɛm mu mfe 2,520, a ɛbaa awiei 1914 Y.B. mu, akyi no siei. So na ɛrentumi nyɛ mmerɛw sɛ ɔbɛka nea ebesi mfirihyia apem mu, a efi ase bere pɔtee bi wɔ 1914 Y.B. akyi no nsie pɛpɛɛpɛ anaa? Ntease wom sɛ obetumi ayɛ saa! Na ɛdɛn, sɛ wadi kan de saa mfirihyia apem bere no ho nkyerɛkyerɛmu ama yɛn ɛ? Ɛnde, ɛdenam saa asɛm no so no, yebetumi afi ahotoso mu aka mfirihyia apem a ɛbɛba ho asɛm.

15. Wɔn a wɔde nsɛmfua a efi Latin ne Hela mu di dwuma no frɛ mfirihyia apem no dɛn, na wɔfrɛ wɔn a wɔwɔ mu gyidi no dɛn

¹⁵ Na wɔn a wɔde nsɛm a efi tete Latin kasa mu di dwuma no bɛfrɛ saa mfirihyia apem bere no sɛ millenium, efisɛ nsɛm abien a ɛwɔ saa asɛm no mu ne Latin asɛmfua mille, a ɛkyerɛ “apem,” ne annus, a ɛkyerɛ “afe.” Wɔ Hela-man mu no nkurɔfo bɛka ho asɛm sɛ chiliastic bere, efisɛ Hela asɛmfua chilia kyerɛ “apem.” Enti na wɔbɛfrɛ wɔn a wogye mfirihyia apem di no sɛ chiliasts ne millennialists anaasɛ millenarians. Nnipa a wɔwɔ Kristoman mu de din a ɛte saa di dwuma wɔ fɛwdi kwan so.

16, 17. (a) Ɛdefa afe 1000 Y.B ho no, nnipa suahu bɛn na ɛkyerɛ sɛ yɛn ani annye mfirihyia apem no ho esiane sɛ yɛrebɛn afe 2000 Y.B. nti? (b) Dɛn nti na eye sɛ mfirihyia apem a ɛto so ason a onipa de atra ase no fi ase mfe bebree ansa na af 2000 Y.B. aba?

¹⁶ Ɛmfa ho sɛ wɔn a wɔnte ase no de ahohorabɔ ba wɔn a wogye di no so, ɛsɛ sɛ yenya anigye ankasa wɔ mfirihyia apem yi a abɛn no ho. wɔayɛ nea ɛfa ho nyinaa ho kyerɛwtohɔ wɔ ‘Ɔsorosoroni no, Nea ɔte ase daa’ no asɛm a wɔakyerɛw mu. Ɛnyɛ afe 2000 Y.B., mfirihyia mpem abien wɔ Yɛn Bere so, awiei a yɛrebɛn nti na yenya ho anigye. Ɛnyɛ nea ehia nen. Yɛkae nea esii bere a adesamma bɛnee afe 1000 Y.B. mu, mfe apem a edi kan awiei wɔ Yɛn Bere So no. Ɛdefa eyi ho no New Catholic Encyclopedia ka wɔ asɛm “Millenarianism,” kratafa 853, ase sɛ: “Bere a, mfirihyia apem no rebɛn no, wɔn a wogye mfirihyia apem no tom no bɛyɛɛ pii efisɛ wɔn a wosua wiase awiei ho abakɔsɛm gye dii sɛ na wobehu adebɔ da a ɛto so ason no wɔ nnipa abakɔsɛm mu wɔ A.D. 1000 mu, no sɛ na Kristo mfirihyia apem anuonyam ahenni no bedi akyi aba.” Wɔyɛɛ no 1967.

¹⁷ Ade biako ne sɛ ebia na mfirihyia mpemnsia a nnipa de atra asase so ne adesamma mfirihyia apem a ɛto so ason no mfiase bɛba ntɛm koraa asen afe 2000 Y.B. Ɛyɛ ampa sɛ eyi te saa. Ɛnnɛ, bere a adesamma wɔ tebea horow a enye a ebetumi de ɔsɛe aba mu no, wɔn a wɔyɛ saa nneɛma yi ho nhwehwɛmu no adwenem yɛ wɔn nãa sɛ ebia adesamma betumi atra ase akosi 2000 Y.B. mu. Ɛnyɛ nhoma kronkron a agye din sen biara, Kyerɛw Kronkron, no mu mmerebu so na wogyina ka daakye a ɛyɛ hu yi ho asɛm. Wogyina nnɛyi nokwasɛm ahorow a emu yɛ den ne nneɛma a, ɛwɔ hɔ daa anaasɛ wotumi de ho to so a atwa yɛn ho ahyia no so. Saa nnipa yi a wɔkasa tumi so yi ma adesamma abusua no nea ennu mfirihyia apem a yɛde bɛtra ase daakye. Sɛ ɔkenkanfo no, ntease bɛn na wowɔ a enti wunnye ntom?

18, 19. Dɛn nti na ɛnyɛ kuw bi a wɔyɛ wɔn ade kokoam mufo nko na wobetumi ahu saa asɛm yi? (b) Wɔkyerɛw Nhoma a asɛm yi wɔ mu no wɔ hena din mu, na dɛn ntia?

¹⁸ Nea ɛne adiyifo a wonnim hwee a wɔkasa sɛ nnipa ara kwa no bɔ abira no, ‘Ɔsorosoroni no, Nea, ɔte ase daa no’ ka mfirihyia apem a ɛda adesamma anim ne afoforo, mfe a eye sen biara wɔ nnipa abakɔsɛm mu, no ho asɛm anigye so. Saa asɛm a ɛma anidaso yi nyɛ nea kuw bi a wɔyɛ wɔn ade kokoam a emufo nkutoo na “wonim” no dea. Saa asɛm a ɛsom bo yi yɛ nea nnipa ɔpepehaha a wɔka kasa horow 1,500 wiase nyinaa nsa betumi aka. Baabiara a obi wɔ Kyerɛw Kronkron no bi no, obetumi anya saa asɛm a ɛma anidaso yi.

¹⁹ Ɛwom sɛ nnipa a wɔnyɛ pɛ na wɔkyerɛw Bible no de, nanso saa nhoma kronkron no nka sɛ ɛyɛ onipa asɛm. Ɛyɛ Onyankopɔn honhom no dwumadi, enti wɔakyerɛw no ‘Ɔsorosoroni no, Nea ɔte ase daa’ no, din mu. Ɛde besi yɛn bere so nnɛ no, Ɔde nea ɛka fa nea atwam ne daakye a ɛda yɛn anim ho no to ne ho so. Ɛyɛ nhoma mu Nhoma!

20. Bible mu nhoma bɛn mu na yehu mfirihyia apem yi ho nsɛm, na hena na ɔkyerɛwee?

²⁰ Ɛnde, ɛhe na yehu saa nsɛm a ɛfa mfirihyia apem a ɛbɛba ne mmere a ɛwɔ hɔ daa a ebedi akyiri aba ho no? Yehu no nhoma a ɛfata na etwa to wɔ Kyerɛw Kronkron no mu no mu. Ɛte sɛnea ne din kyerɛ no ara pɛ, Adiyisɛm. Anaasɛ Nyikyerɛ, Apocalypse. O yiw, onipa na ɔkyerɛwee, ɔbarima a Roma Ahemman no buu no sɛ mmaratofo na wɔde no kɔtoo asotwe supɔw, Patmo, a ɛwɔ Aegea Po a ɛbɛn Asia Kumaa, nea ɛne nnɛyi Turkey no so no. Ɛyɛ baabi a ɛwɔ hɔ ankasa, ɛnyɛ anansesɛm. Sɛ́ aberante no na odeduani a wɔatwa no asu yi yɛ ɔpofoni wɔ Galilea Po no so wɔ Galilea a na ɛwɔ Roma Mansin no mu. Ná ɔne Sebedeo ba Yohane, na na ne nua pofoni ne Yakobo. Yohane ka kyerɛ yɛn mfiase pɛɛ sɛ ɔno na ɔkyerɛw Adiyisɛm no, nanso ɔyɛɛ saa wɔ honhom akwankyerɛ ase. Nanso na ɛbɛyɛ dɛn Adiyisɛm anaasɛ Nyikyerɛ? Bere a yɛkan mmuae a ɛsɛ sɛ ɛma yɛn a yɛwɔ hɔ nnɛ no ani gye no, momma yɛnhyɛ Onii a Yohane kyerɛ sɛ ɔno na ɔma wɔkyerɛw nhoma no nsow:

21. Wɔ ne mfiase no, hena na Yohane kyerɛ sɛ ɔma ɔkyerɛw Adiyisɛm no?

²¹ “Yesu Kristo adiyi a Onyankopɔn de maa no sɛ ɔnkyerɛ ne nkoa nea etwa sɛ ɛba ntɛm, na ɔnam ne bɔfo so somae de bɛkyerɛɛ n’akoa Yohane a wadi Nyankopɔn asɛm, ne Yesu Kristo adanse ne nea ohui nyinaa ho adanse. Nhyira ne nea ɔkan ne wotie adiyi nsɛm no, na wɔde nea wɔakyerɛw wɔ mu no sie; na ɛbere no abɛn.”​—Adi. 1:1-3.

22. Dɛn nti na asɛm “na ɛbere no abɛn” no ma yɛn a yɛwɔ hɔ nnɛ nya anigye?

²² Wɔ asɛm, “na ɛbere no abɛn,” a wɔkyerɛwee bɛyɛ mfeha dunkron a atwam ni no ho no, so biribi wom a ɛbɛma yɛn ani agye nnɛ wɔ afeha a ɛto so aduonu Y.B. yi mu? Yiw, sɛ yebu bere no a, bɛyɛ mfeha dunkron akyi no, ɛrenkyɛ na “nea ɛsɛ sɛ ɛba ntɛm,” titiriw wɔ saa mfirihyia apem no mfiase a wɔaka asie no aba. Yebetumi ahu bere no yiye bere a yɛkan nea Yohane ka fa mfirihyia apem no ho ne nea edi anim amonom hɔ ara no. Ma yɛnkan mfi Adiyisɛm 19:11 rekɔ.

23. Dɛn na ɛma nea ɔte ɔpɔnkɔ fitaa no so no da nsow?

²³ “Na mihui sɛ ɔsoro abue, na hwɛ, ɔpɔnkɔ fitaa bi ni, na nea ɔte no so no, wɔfrɛ no nea ɔsɛ gyidi ne ɔnokwafo, na obu atɛn na otu sa trenee mu. Na n’aniwa te sɛ ogyaframa, na ahemmotiri pii bobɔ ne ti; na wɔakyerɛw ne din bi a obiara nnim gye ɔno nko. Na ɔhyɛ atade bi a wɔde abɔ mogya mu, na ne din de: Onyankopɔn Asɛm. Na ɛdɔm a wɔwɔ soro no tete apɔnkɔ fitafitaa so di n’akyi hyehyɛ nwera pa fitaa a ɛho tow. Na afoa nnamnam bi fi n’anom a ɔde bɛbobɔ amanaman, na ɔde dade poma bɛyɛn wɔn. Na ɔno na otiatia Onyankopɔn, ade nyinaa so tumfoɔ no, abufuw a ɛyɛ den no nsa-kyĩ-amoa no so. Na ɔwɔ din bi a wɔakyerɛw n’atade ne n’asen so sɛ: Ahene mu hene ne awuranom mu Awurade.

24. (a) Wɔtoo nsa frɛɛ wim nnomaa sɛ wɔmmɛyɛ dɛn? (b) Dɛn na ɛbaa wɔn a wɔde wɔn ho hyɛɛ ɔko no mu no so?

²⁴ “Na mihuu ɔbɔfo bi a ogyina owia mu. Na ɔde nne kɛse teɛɛm ka kyerɛɛ nnomaa a wotu wim nyinaa sɛ: Mommra mmehyia Onyankopɔn adidi kɛse no ase mmedi ahene nam ne asafohene nam ne atumfoɔ nam, ne apɔnkɔ ne wɔn a wɔtete wɔn so nam, ne adehye ne nkoa, ne nketewa ne akɛse nyinaa nam. Na mihuu aboa no ne asase so ahene ne wɔn dɔm sɛ wɔaboaboa wɔn ho ano, na wɔne nea ɔte ɔpɔnkɔ fitaa no so no ne ne dɔm bedii ako. Na wɔkyeree aboa no ne atoro diyifo no nso a ɔyɛɛ n’anim nsɛnkyerɛnne de daadaa wɔn a wogyee aboa no agyirae ne wɔn a wɔkotow ne honi no kaa ne ho: wɔtow wɔn baanu yi animono guu ogya tare a sufre dɛw mu no mu. Na wɔde nea ɔte pɔnkɔ no so no afoa a efi n’anom no kunkum wɔn a aka no, na nnomaa nyinaa dii wɔn nam mee.

25. Dɛn na wɔde yɛ Satan Ɔbonsam afei, na ebegye bere tenten bɛn?

²⁵ “Na mihuu ɔbɔfo bi a ofi soro resian a okura ebun no ano safe ne nkɔnsɔnkɔnsɔn kɛse bi. Na ɔkyeree ɔtweaseɛ, ɔwɔ dedaw a ɔne ɔbonsam no, kyekyeree no mfirihyia apem, na ɔtow no kyenee bun no mu, na ɔtoo mu na ɔsɔɔ ano, na wɔankɔdaadaa amanaman bio kosi sɛ mfirihyia apem, no bewie du ansa: nanso ɛno akyi no, etwa sɛ wogyaa no kakra.

26. Henanom na wɔtete nhengua a wohui wɔ ɔsoro no so, na dɛn na wɔyɛ?

²⁶ “Na mihuu nhengua bi, na wɔn a wɔtratraa so no, wɔde atemmu maa wɔn. Na mihuu wɔn a Yesu adanse ne Nyankopɔn asɛm nti wotwitwaa wɔn ti no akra ne wɔn a wɔankotow aboa no anaa ne honi na wɔannye agyirae no wɔ wɔn moma ne wɔn nsa so no. Na wonyaa nkwa bio, na wɔne Kristo dii ahene mfirihyia apem. Na awufo nkae no de, wɔannya nkwa bio kosi sɛ mfirihyia apem no bewie du ansa. Owusɔre a edi kan ne no. Nhyira ne kronkron ne nea onya afa ɔsɔre a edi kan no mu. Saafo no so na owuprenu no nni tumi, na mmom wɔbɛyɛ Onyankopɔn ne Kristo asɔfo, na wɔne no bedi ahene mfirihyia apem.

27. Asase so no, dɛn na edii Satan a wɔsan no no akyi bae, na dɛn na ɛbaa no so?

²⁷ “Na sɛ mfirihyia apem no wie du a wɔbɛsan Satan afi n’afiase, na obefi adi akɔdaadaa amanaman a wɔwɔ asase afanan mu, Gog ne Magog, akɔboaboa wɔn ano akɔ ɔsa, wɔn na wɔn ano dɔɔso sɛ mpoano anhwea. Na wɔforo kogyinaa asase tɛtrɛtɛ no so, na wotwaa ahotefo no ne kurow a wɔdɔ no no ho nsraban hyiae. Na ogya fi soro guu fam bɛhyew wɔn. Na ɔbonsam a ɔdaadaa wɔn no, wɔtow no kyenee ogya ne sufre tare no mu, nea aboa no ne atoro diyifo no wɔ, na wɔbɛyɛ wɔn ayayade awia ne anadwo daa daa.”​—Adi. 19:11 kosi 20:10.

28. (a) Enti nsɛm a esisi bɛn akyi na mfirihyia apem no fi ase? (b) Ɛnde, dɛn nti na ɛda adi sɛ afei na saa mfirihyia apem no befi ase?

²⁸ Yehu asɛntiaa “mfirihyia apem” a wɔde di dwuma mpɛn asia wɔ saa asɛm no mu. Afei nso yehu sɛ saa mfirihyia apem no fi ase bere a ahene mu Hene no ne “asase so ahene” a “aboa” no ne “atoro diyifo” no ka ho no dii ako, na afei wɔkyekyeree ɔbonsam tow no kyenee bun mu no akyi. Saa nsɛm a esisii no yɛ “nea etwa sɛ ɛba ntɛm” no fa. Ɛde besi nnɛ no wiase no nnyaa biribi a wɔde bɛtoto nsɛm a ɛtete saa fa esii no ho. Ɛda adi sɛ, afei na saa mfirihyia apem no befi ase. Ɛnkyerɛ bere tenten bi a ɛto ntwa da, bere bi a yentumi mmu no pɔtee. Ɛyɛ mfirihyia apem ankasa.

29. Saa mfirihyia apem no tenten bɛn na ɛne Onyankopɔn bere nhyehyɛe a ada adi no hyia?

²⁹ Asuafo a wogye akyinnye sɛ saa mfirihyia apem no gyina hɔ ma bere tenten bi a ɛto ntwa da ka sɛ efii ase wɔ Pentekoste afahyɛ da no, afe 33 Y.B., bere a Onyankopɔn hwiee ne honhom kronkron guu ne Kristofo asafo foforo a na ɔde asi hɔ no so no. Nanso saa akyinnyegye yi de nsɛm a emu yɛ den ba na ɛde nea ɛbaa Kristofo a na wɔde honhom awo wɔn no so nyinaa a ɛboro mfirihyia apem ahankron ne aduanan fi Pentekoste da no a wɔde Kristofo asafo no sii hɔ honhom mu besi mprempren ho nkyerɛkyerɛmu a ɛbɔ abira ma. Mfirihyia apem ankasa fata na ɛne Onyankopɔn bere a wɔahyehyɛ no hyia.

30. Dɛn nti na ɛnsɛ sɛ yegyae saa mfirihyia apem ho nkɔmhyɛ mfonini no mu a yɛbɛhwehwɛ?

³⁰ Nea saa mfirihyia apem no de ba yɛn asase so no yɛ biribi a ɛho hia yiye ma daa nkwa ne anigye wɔ adesamma wiase yi mu. Ɛnde, yɛbɛyɛ dɛn atumi agyae nhwehwɛmu a yefi ntease mu bɛyɛ wɔ mfirihyia apem nkɔmhyɛ mfonini a ɛyɛ nwonwa a ɔsomafo Yohane yɛ maa yɛn fɛfɛɛfɛ no ho ntɛm no mu?

[Ase hɔ asɛm]