• Adansefo Baanu no a Wonyan Wɔn
    Adiyisɛm—N’awiei Koraa Abɛn!

    • 10. Dɛn na ɛsɛ sɛ Yehowa Adansefo anokwafo yɛ bere a wotiatia wɔn so no?

      10 Bere a wɔretiatia anokwafo yi so mpo no, wonnyae sɛ wɔbɛyɛ Yehowa Adansefo anokwafo. Enti, nkɔmhyɛ no toa so sɛ: “‘Na mɛma m’adansefo baanu afurafura atweaatam abɛhyɛ nkɔm nna apem ahanu aduosia.’ Eyinom ne ngodua abien ne akaneadua abien a egyinagyina asase wura anim no ho sɛnkyerɛnne.”—Adiyisɛm 11:3, 4, NW.

  • Adansefo Baanu no a Wonyan Wɔn
    Adiyisɛm—N’awiei Koraa Abɛn!

    • 13. (a) Dɛn na wɔde nokwasɛm a ɛyɛ sɛ wɔyɛɛ Kristofo a wɔasra wɔn no ho sɛnkyerɛnne sɛ adansefo baanu no kyerɛ? (b) Sakaria nkɔmhyɛ bɛn na adansefo baanu a Yohane frɛɛ wɔn “ngodua abien ne akaneadua abien” no twe yɛn adwene kɔ so?

      13 Nokwasɛm a ɛyɛ sɛ wɔde adansefo baanu yɛɛ ho mfonini no si so dua ma yɛn sɛ na wɔn nkrasɛm no yɛ nokware na na ɛwɔ nnyinaso pa. (Fa toto Deuteronomium 17:6; Yohane 8:17, 18 ho.) Yohane frɛ wɔn sɛ “ngodua abien ne akaneadua abien,” na ose ‘wogyinagyina asase wura anim.’ Eyi twe adwene si Sakaria a ohuu kaneadua a n’abaa yɛ ason ne ngodua abien no nkɔmhyɛ no so. Wɔkyerɛe sɛ na ngodua no yɛ “ngodua mma baanu” a wɔne Amrado Serubabel ne Ɔsɔfo Panyin Yosua “a wogyinagyina asase nyinaa wura nkyɛn” no ho mfonini.​—Sakaria 4:1-3, 14.

      14. (a) Dɛn na wɔde Sakaria anisoadehu a ɛfa ngodua abien no ho no ne akaneadua no kyerɛe? (b) Dɛn na na ɛbɛba Kristofo a wɔasra wɔn no so wɔ wiase ko a edi kan no mu?

      14 Sakaria traa ase wɔ bere a na wɔresan akyekye Yerusalem, na ngodua abien anisoade a ohui no kyerɛe sɛ wɔde Yehowa honhom behyira Serubabel ne Yosua na ahyɛ nkurɔfo no den ama wɔayɛ adwuma. Kaneadua no ho anisoadehu no kaee Sakaria sɛ ‘ommu nneɛma nketewa da no animtiaa’ efisɛ na Yehowa atirimpɔw ahorow no bɛba mu—“ɛnyɛ tumi so, na ɛnyɛ ahoɔden so, na me honhom so, asafo [Yehowa] na ose.” (Sakaria 4:6, 10; 8:9) Na wɔde Kristofo kuw ketewaa a wɔkɔ so ara sɛ wɔde nokware hann bɛma adesamma wɔ wiase ko a edi kan bere no mu no bedi dwuma wɔ adansi adwuma bi a ɛte saa ara mu. Wɔn nso wɔbɛyɛ nkuranhyɛ fibea na ɛwom sɛ wosua de, nanso wobesua sɛ wɔde wɔn ho bɛto Yehowa ahoɔden so na wɔremmu mfiase ketewa nna no animtiaa.