• “Moahu Kristo Dɔ” No”
    Bɛn Yehowa

    • “Agya Fa Kyɛ Wɔn”

      16. Bere a Yesu sɛn asɛndua no so mpo no, dɛn na ɔyɛe a na ɛkyerɛ sɛ ɔwɔ ɔpɛ sɛ ɔde bɔne kyɛ?

      16 Yesu yɛɛ biribi de kyerɛɛ sɛ osuasua ɔdɔ a n’Agya wɔ no pɛpɛɛpɛ. Ná ‘oyi ne yam de bɔne kyɛ.’ (Dwom 86:5) Bere a ɔsɛn dua no so mpo, na wayɛ krado sɛ ɔde bɔne bɛkyɛ. Ɛwom, na Yesu rebewu animguase wu. Afei nso, nnadewa a na wɔde abobɔ ne nsa ne ne nan mu nti na ɔte yaw ankasa. Nanso ɔka kyerɛɛ Yehowa sɛ ɔnyɛ biribi. Wɔn a na wɔayɛ no ayakayakade a wɔreku no no, wanka ankyerɛ Yehowa sɛ ɔntwe wɔn aso. Mmom nsɛm a Yesu ka twaa tow ne sɛ: “Agya fa kyɛ wɔn, efisɛ wonnim nea wɔreyɛ.”—Luka 23:34.b

  • “Moahu Kristo Dɔ” No”
    Bɛn Yehowa

    • b Sɛ wohwɛ tete nsaano nkyerɛwee bebree mu a, wubehu sɛ Luka 23:34 no fã a edi kan no, wɔayi afi mu. Nanso, tete nsaano nkyerɛwee afoforo a edi mu no, sɛ wohwɛ mu a, wubehu saa nsɛm yi wom. Ɛno nti Wiase Foforo Nkyerɛase no ne nkyerɛase afoforo de saa asɛm no hyɛɛ hɔ. Ɛbɛyɛ sɛ na Yesu reka Roma asraafo a wɔkum no no ho asɛm. Ná wɔnnim nea wɔreyɛ, efisɛ na wɔnnim onipa ko a Yesu yɛ. Yudafo a wɔkaa sɛ wɔmmɔ Yesu asɛndua mu a akyiri yi na wɔbɛba abenya Yesu mu gyidi no, ebetumi aba sɛ wɔn ho asɛm na na Yesu reka. (Asomafo Nnwuma 2:36-38) Nokwasɛm ne sɛ, nyamesom akannifo a wɔpiapiaa Romafo no sɛ wɔnkum Yesu no de, wɔdi fɔ efisɛ wɔn de, na wɔnim nea wɔreyɛ. Ná wɔnim sɛ Yesu yɛ Onyankopɔn Ba nanso na wɔpɛ sɛ wɔkum no. Enti saafo no bebree wɔ hɔ a, wɔrennya bɔnefakyɛ.—Yohane 11:45-53.