• Dɛn Na Ebetumi Aboa Wo Ma Woakɔ So Asua Bible?
    Wubetumi Anya Anigye Daa!—Nhoma a Yɛde Bɔ Bible Mu Nkɔmmɔ

    • 4. Ma Bible a woresua no ho nhia wo paa

      Ɛtɔ da na yɛsɔre a, nneɛma a egu yɛn so nti, yetumi te nka sɛ yenni adagyew a yɛde besua Bible. Dɛn na ebetumi aboa yɛn? Monkenkan Filipifo 1:10. Muwie a, munsusuw nsɛmmisa yi ho:

      • “Nneɛma a ehia paa” wɔ asetena mu no, wohwɛ a ebi ne dɛn?

      • Dɛn na woyɛ a ɛbɛkyerɛ sɛ Bible a woresua no ho hia wo paa?

      A. Mfoni ahorow: Wɔde anwea ne abo agu bokiti mu. 1. Abo ne anwea. 2. Wɔde anwea agu bokiti mu ama adu mfinimfini. 3. Wɔde abo akɛse no agu anwea no so, nanso ankɔ mu. B. Mfoni ahorow: 1. Abo ne anwea koro no ara. 2. Wɔde abo agu bokiti koro no ara mu ama ayɛ ma ara ne sa. 3. Wɔahwie anwea no agu abo no so ma bokiti no ayɛ ma. Anwea ketewa bi na aka.

      1. Sɛ wode abo ne anwea regu bokiti mu, na wudi kan de anwea no gu mu ansa na wode abo no agu mu a, abo no nyinaa renkɔ mu

      2. Sɛ wudi kan de abo no gu mu a, anwea no dodow no ara bɛkɔ mu. Saa ara na nneɛma a yɛyɛ wɔ yɛn asetena mu no nso te. Sɛ yɛde si yɛn ani so sɛ yebedi kan ayɛ “nneɛma a ehia paa no” a, yebetumi ayɛ awie asan anya bere mpo de ayɛ nneɛma foforo

      Yɛn nyinaa hia Onyankopɔn akwankyerɛ; sɛ yesua Bible a, etumi ma yenya saa akwankyerɛ no. Afei ɛma yehu no yiye, na yetumi som no nso. Monkenkan Mateo 5:3. Muwie a munsusuw asɛmmisa yi ho:

      • Sɛ yɛma Bible a yɛresua no ho hia yɛn paa a, ɛboa yɛn sɛn?