Hwɛ sɛnea ɛyɛ anigye sɛ wubenya abusua a ɔdɔ ne biakoyɛ wom! Ná stor·geʹ yɛ Hela asɛmfua a wɔtaa de di dwuma de kyerɛ tema a abusua bi mufo wɔ ma wɔn ho wɔn ho. Kristofo bɔ mmɔden sɛ wɔbɛda ɔdɔ adi akyerɛ wɔn abusuafo. Paulo hyɛɛ nkɔm sɛ wɔ nna a edi akyiri mu no nnipa dodow no ara bɛyɛ wɔn a “wonni tema.”b—2 Tim. 3:1, 3.

Awerɛhosɛm ne sɛ, ɔdɔ a ɛsɛ sɛ abusua mufo nya ma wɔn ho nni hɔ wɔ ɛnnɛ wiase mu. Dɛn nti na mmea pii tu wɔn nyinsɛn gu? Dɛn nti na mmusua mufo pii nhwɛ wɔn awofo a wɔn mfe akɔ anim? Dɛn nti na nnipa pii regyae aware? Mmuae no ankasa ne sɛ, Wonni tema.