Gyina mu Kodu Awiei

1. Nyankopɔn Asɛm ne bɔhyɛ,

Ɛhyɛ yɛn gyidi den.

Nea woasua afi ne hɔ no,

Ne nyinaa yɛ nokware.

Gyina pintinn wɔ gyidi mu,

Kae Onyankopɔn da no.

Si wo bo sɛ wobɛsom no;

Sɔhwɛ bɛma w’adi mũ.

2. Sɔ ɔdɔ a wowɔ no mu

Na amfi wo nsa da.

Wubehyia sɔhwɛ daa nyinaa,

Nanso mpa abaw da.

Sɔhwɛ biara ɛbɛto wo,

Gyina pintinn, mensuro.

Yehowa na obegye yɛn;

Ɔka yɛn ho daa nyinaa.

3. Wɔn a wɔbɛgyina mu no,

Wɔn nyinaa benya nkwa.

Wɔn din bɛba nkwa nhoma mu;

Nyankopɔn bɛkae wɔn daa.

Fa boasetɔ di nokware;

Kɔ so yɛ w’adwuma no.

Wubenya Yehowa nhyira;

W’ani begye daa nyinaa.