11 Tera râ, titau ihora Pharao i te feia paari e te feia tahutahu, e na reira atoa aˈera taua mau tahuˈa manamana ra no Aiphiti+ ma ta ratou mau peu.+ 12 Taue ihora ratou tataitahi i ta ratou raau i raro, e riro maira te reira ei ophi rahi. Horomii ihora râ ta Aarona raau i ta ratou mau raau.

20 I reira iho, rave aˈera Mose raua Aarona mai ta Iehova i faaue. Toro aˈera Aarona i te raau e tairi ihora i te pape i roto i te anavai Nile i mua i te mata o Pharao e o ta ˈna mau tavini, e taui ihora pauroa te pape i roto i te anavai ei toto.+

22 Tera râ, na reira atoa aˈera te mau tahuˈa manamana o Aiphiti ma ta ratou mau peu huna,+ a etaeta noa ˈtu ai to Pharao aau, e aita ˈtura oia i faaroo ia raua, mai ta Iehova iho â i parau.+

7 Tera râ, na reira atoa aˈera te mau tahuˈa manamana ma ta ratou mau peu huna, e faahaere atoa maira i te rana i rapae i nia i te fenua o Aiphiti.+

18 Tamata ˈtura te mau tahuˈa manamana i te na reira atoa a faatupu ai i te naonao ma ta ratou mau peu,+ aita râ i manuïa. Haere maira te mau naonao i nia iho i te taata e te animara.

8 Mai ia Iane e Iamebera i patoi ia Mose, te patoi noa atoa nei ratou i te parau mau. Ua ino roa te feruriraa o tera mau taata, tei ore i fariihia ia au i te faaroo.